Səudiyyə Ərəbistan ordusu

Yaxın Şərqdə dəngələr yerindən oynadı

892
(Yenilənib 23:15 06.06.2017)
Bölgədə yeni proseslər başlamaq üzrədir

BAKI, 6 iyun — Sputnik. "Qətər böhranı" Yaxın Şərqdəki dəngələri yerindən oynatdı. Qətər dünyanın ən böyük təbii qaz qaynaqlarına sahib olan ölkələrdən biridir. 2013-cü ildə başlayan İran-Qətər əməkdaşlığı isə bölgədəki siyasi tarazlığı dəyişdirə bilərdi.

Qətərlə İranın dünyanın ən böyük təbii qaz istehsalına başlamaq qərarı öz nəticəsini verməli idi. OPEC-in bir neçə ölkəsi ilə Qətər arasındakı böhran qısamüddətli perspektivdə təşkilatın neft bazarının balanslaşdırılması üzrə səylərinə xələl gətirə bilər.

Xatırladaq ki, Səudiyyə Ərəbistanı, Bəhreyn və BƏƏ, həmçinin Misir Qətəri terror təşkilatlarına və onların bu ərəb ölkələrində daxili vəziyyəti gərginləşdirmək üzrə fəaliyyətlərinə dəstək verməkdə ittiham edərək, rəsmi Doha ilə diplomatik əlaqələri kəsdiklərini bəyan edib. Daha sonra bu ölkələrin sırasına Yəmən, Liviya və Maldiv də qoşulub.

Böyük ambisiyaları olan kiçik ölkə — Qətər uzun illər boyunca ərəb dünyasındakı münaqişələrin həllində vasitəçi kimi çıxış edib. Qətər Qərbi Saxara, Yəmən, Efiopiya, Sudan, Livan və digər ölkələrdə münaqişələrin həllində vasitəçilik edib. Nəzərə alaq ki, 2014-cü ildə də Səudiyyə Ərəbistanı, BƏƏ və Bəhreyn Qətərlə diplomatik münasibətləri dayandırmışdı.

Amma indi vəziyyət bir qədər fərqlidir. Bu, Qətərin "Müsəlman qardaşları" təşkilatına göstərdiyi loyal münasibətlə bağlıdır. Qeyd edək ki, bu təşkilatın adı bir sıra ərəb ölkələrində terror təşkilatları sırasına daxil edilib. Səudiyyə Ərəbistanı bu təşkilatı daxili siyasətdə ciddi rəqib kimi görür. Bu ölkənin daxili siyasətində alternativ olmadığı üçün "Müsəlman qardaşları"nın siyası fəallığı ölkədə narahatlığa və ciddi siyasi proseslərə gətirib çıxara bilər. Bununla da ərəb ölkələri məhz bu təşkilata görə Qətərlə diplomatik münasibətləri dayandırdıqlarını bəyan edib.

Onu da vurğulayaq ki, "Qətər böhranı" OPEC üzvlərini iki fərqli cəbhəyə ayırıb. OPEC-in hasilatın azaldılması ilə bağlı öhdəliklərin yerinə yetirilməməsi riski dünya bazarına təsir göstərməkdədir. Bu isə tərəflərin neft hasilatının azaldılması ilə bağlı öhdəliklərə necə əməl etməsinin monitorinq imkanlarını xeyli məhdudlaşdırır.

Digər tərəfdən isə gələcəkdə hasilatın daha böyük həcmdə azaldılması ilə bağlı gözləntilərin də üstündən xətt çəkmiş olur. Körfəz ölkələrində müşahidə edilən son diplomatık gərginlik OPEC-in neft bazarına təsir imkanlarını xeyli məhdudlaşdırır.

Uzun illərdən bəri Fars körfəzi ölkələri, eləcə də bütün Yaxın Şərq Qətərin ərazisindən yayımlanan və ərəb elitasının fikrincə, onların rejiminə qarşı sərt mövqedə dayanan "Əl-Cəzirə" telekanalına qarşı acıqlıdır. Onlar "Əl-Cəzirə"-nin daimi tamaşaçıları olan ərəb kütlələrində radikal ideya toxumları səpdiyini iddia edirlər.

Kanalın Qətər rəhbərliyinin nəzarəti altında fəaliyyət göstərməsi heç kimə sirr deyil. "Əl-Cəzirə"-də çalışan jurnalistlərin Səudiyyə Ərəbistanı və digər Fars körfəzi ölkələrindəki hadisələri xüsusi kəskinliklə işıqlandırması narazılığa səbəb olur.

Ərəb-İslam-Amerika sammiti
© Official website of President of Azerbaijan Republic

Daha absurd görünən isə Qətər rejiminin xüsusi müdafiəsinin, Qətərlə Birləşmiş Ştatlar arasında qarşılıqlı anlaşmanın mövcud olmasından sonra orada cəmləşdirilən ABŞ Silahlı Qüvvələri tərəfindən təmin edilməsidir. Lakin, Amerika Birləşmiş Ştatlarının Yaxın Şərqdəki statusu daha əvvəl olduğu kimi möhkəm deyil. İnkişaf etmiş ölkə olmasına baxmayaraq, Qətər qonşu ölkələrdən asılıdır. Amma əgər ərəb dünyasının əsas dövlətləri Qətərlə diplomatik əlaqələri kəsirsə, bu, Qətərə iqtisadi, siyasi və geosiyasi baxımdan çox ciddi zərərlər vuracaq.

2022-ci ildə Qətərdə keçirilməsi nəzərdə tutulan futbol üzrə dünya çempionatı da böyük təhlükə altına düşüb. Məsələ ondadır ki, Səudiyyə Ərəbistanı Qətəri terrorçulara dəstək verməkdə ittiham edir. Avropa və Amerika bu məsələdə çox həssasdır. Onlar Ər-Riyadın bu açıqlamasına ciddi yanaşacaq. Bu, Qətərin mühasirəyə alınmasına da gətirib çıxara bilər. Ona görə də Qətər tərəfdaşlarını və müttəfiqlərini inandırmaq üçün yaxın günlərdə ciddi addım atmalı olacaq.

Bu məsələdə uduşlu tərəf olaraq Tehran görünür. İran Qətər kimi bir dövləti müttəfiqləri ilə qarşı-qarşıya qoyub. Əlbəttə, İran bu ittifaqı çoxdan dağıtmaq istəyirdi. Amma İranın istəyinə nail olacağını ehtimal etmək imkansızdır və Qətərin geri addım atacağı proqnozlaşdırılır.

Qətərin İranla yaxınlığı Dohaya heç bir siyasi, iqtisadi, hətta geosiyasi divident vəd etmir. Əksinə, Tehranın təcridinin güclənməsinə xidmət edir. Lakin siyasəti daha dərindən öyrənənlər anlayırlar ki, istər ərəb ölkələrində, istər İranda, istərsə də digər ölkələrdə baş verən bu miqyaslı qarşıdurmalar əvvəlcədən düşünülmüş ssenariyə bənzəyir.

Yaxın Şərqdə cərəyan edən proseslərin eyni zəncir həlqəsinin tərkib hissəsi olduğuna şübhə yeri qalmır. Bu proseslər kənardan hazırlanmış və idarə olunan texnologiyalardan xəbər verir. Hiss olunur ki, bölgədə yeni proseslər başlamaq üzrədir. Söhbət paradiqmaların dəyişməsindən gedir. Dəyişən paradiqmalar yalnız ərəb ölkələrinə aid deyil, eyni zamanda bütün bölgə ilə bağlıdır…

892
Teqlər:
"Müsəlman qardaşları" təşkilatı, "Qətər böhranı", ərəb, dünya, qaz, Tehran, İran, Səudiyyə Ərəbistanı, OPEC, Yaxın Şərq
Əlaqədar
Ərəb dünyası parçalandı
Daha iki ərəb ölkəsi Qətərlə diplomatik əlaqələri kəsdi
Bu müəssisə də ərəblərin əlinə keçdi
Turist ərəblər çöl quşu əvəzinə mikroavtobusu "vurdular"
İsrail və Səudiyyə Ərəbistanı vahid mövqedən çıxış etdi
Ərəb turistlər Azərbaycana nə gətirib, buradan nə aparırlar?
Tu-160 strateji raket daşıyıcısı, arxiv şəkli

Komandor adalarında desant Anadırdakı Tu-160 Rusiyanın "tərəfdaşlara cavabı"

10
(Yenilənib 15:39 14.08.2020)
Dünya tarixində ilk dəfə olaraq rusiyalı desantçılar 2020-ci il aprelin 26-da 10 min metr hündürlükdən qütb arxasına eniş ediblər

BAKI, 14 avqust — Sputnik, Aleksandr Xrolenko, hərbi şərhçi. Pentaqonun Şərqi Avropadakı hərəkətləri Rusiyanı məcbur edir ki, Birləşmiş Ştatlara planetdə mövqelərinin zəif olduğu barədə xatırlatsın. Rusiyanın Sakit okean donanmasının dəniz piyadaları avqustun 12-də tarixdə ilk dəfə olaraq ABŞ ərazisindən cəmi 350 kilometr aralıda yerləşən Komandor adalarına (Berinq dənizi) paraşütlə desant enişini həyata keçirib.

Bir gün əvvəl isə Tu-160 strateji raket daşıyıcılarının ekipajları Saratov vilayətindən Birləşmiş Ştatların ərazisindən 530 kilometr məsafədə yerləşən Anadır (Çukotka yarımadası) aerodromuna köçürülüb.

Dəniz piyadaları bölməsi planlı taktiki təlim zamanı Komandor adalarındakı meydançaya paraşütlə eniş ediblər. Qüvvələrin köçürülməsinin məqsədi adaların birində yerləşən hərbi obyektin müdafiəsinin gücləndirilməsi və şərti düşmənin kəşfiyyat-təxribat qruplarının hücumlarının qarşısının alınmasıdır.

"Arbalet" paraşüt sistemlərinin istifadəsi ilə eniş tam döyüş şəraitində, silahlarla və sıx vaxt çərçivəsində müdafiənin təşkilatı ilə həyata keçirilib. Təlimə 50-dən çox hərbçi, dəniz aviasiyası təyyarələri və Sakit okean donanmasının təminat gəmilərinin ekipajları cəlb olunub. Bu, təlim-döyüş əməliyyatları simvolik olub və Pentaqona xatırladıb ki, Rusiyanın təhdidlərin qarşısının almaq və onlara reaksiya vermək üçün əhəmiyyətli imkanlara malikdir.

Amerikalı "tərəfdaşlar" üçün daha bir siqnal Saratov vilayətindən Rusiyanın iki Tu-160 strateji raket daşıyıcılarının Anadır vilayətinə köçürülməsi olub. Aviasiya texnikasının operativ aerodromlara köçürülməsindən sonra ekipajlar aviasiya zərbə vasitələrinin döyüş tətbiqini məşq ediblər və digər vəzifələri yerinə yetiriblər. Əslində, raket daşıyıcılarının təyinatı ilə hər şey aydındır – bu, Rusiyanın strateji nüvə qüvvələrinin bir komponentidir.

Sakit okeanın (700-ə yaxın əhalisi olan) Komandor adalarına dəniz piyadalarının paraşütlə desantı Rusiya qoşunlarının daimi dislokasiya məntəqələrindən minlərlə kilometr aralıda səmərəli fəaliyyət göstərmək və planetin istənilən nöqtəsində hərbi obyektləri operativ nəzarətə götürmək qabiliyyətini bir daha nümayiş etdirdi.

Dünya tarixində ilk dəfə olaraq rusiyalı desantçılar 2020-ci il aprelin 26-da 10 min metr hündürlükdən qütb arxasına eniş ediblər və Frans-İosif Torpağı arxipelaqında uğurla fəaliyyət göstəriblər. Yüksək hündürlükdən eniş xüsusi qüvvələrin bölmələrinin gizliliyini və istənilən bölgədə düşmən obyektindən uzaqlıqda əməliyyatlarının effektivliyini təmin edir.

"Arbalet-2" ən yeni paraşüt sistemləri ən mürəkkəb şəraitdə xüsusi təyinatlı hərbi qulluqçulara 400-4000 metr yüksəklikdən silahları ilə təhlükəsiz şəkildə eniş etməyə imkan verir. Çantasız "Şturm" paraşütü 80 metr hündürlükdən atlamağa imkan verir. Yalnız Rusiyanın zirehli texnikası çoxgünbəzli sistemlərin vasitəsilə ekipajları ilə birlikdə 1500 metrə qədər yüksəklikdən eniş edə bilir. Hərçənd istənilən paraşüt sadəcə hərbi qulluqçunun və onun silahlarının döyüş meydanına çatdırılması vasitəsidir.

Hava desantları düşmən xətlərinin arxasında, lokal münaqişələrdə və irimiqyaslı müharibələrdə (müstəqil və ya hərbi qrupların tərkibində) əməliyyat-taktiki döyüş vəzifələrinin həlli üçün nəzərdə tutulub. Desantın eniş etməsinə yalnız effektiv hava hücumundan müdafiə sistemləri mane ola bilər, lakin uzaqdan aviasiya vasitələrinin ilkin zərbəsi bu problemi də aradan qaldırır.

Burada vurğulamaq lazımdır ki, Rusiya heç kimi müharibə ilə təhdid etmir, lakin öz imkanlarını da heç kimdən gizlətmir.

Avqustun 11-də Sakit okean sahillərində yerləşdirilmiş Rusiya aviasiyasının zərbə qrupu Rusiyanın hava məkanından çıxmadan 5500 km-ə qədər məsafədə düşmən obyektlərinə zərbə vura bilər. Sakit okean üzərindəki beynəlxalq hava məkanından yeni imkanlar açılır.

Məsələn, strateji Tu-160M təyyarəsi Suriyada sınaqdan keçirilmiş X-101 qanadlı raketlərdən istifadə edə bilər. Tu-160M-in revolver buraxılış qurğuları 12-dək qanadlı raketi daşımağa imkan verir. Xüsusi X-102 raketləri isə termonüvə döyüş başlığı ilə təchiz oluna bilər (250 kilotonndan bir meqatona qədər).

Uzaqmənzilli Tu-22M3M bombardmançı təyyarəsi effektiv şəkildə yerüstü və dəniz hədəflərini vurur. Onun dünyada analoqu yoxdur. Tu-22M3M-in maksimal sürəti saatda 2300 kilometrdir, döyüş yükü isə 24 tona qədərdir. Tu-22M3M təyyarəsi X-101 və ya X-102 qanadlı raketlərin buraxılması üçün nəzərdə tutulub. X-32 raketlərini və X-47M2 "Kinjal" hipersəs raketlərini daşıya bilir. X-32 hipersəs raketi 1000 kilometrədək məsafəyə 40 kilometrə qədər yüksəklikdə 5 Max sürəti ilə uçur.

Tu-22M3M bombardmançısı aviadaşıyıcı qrupun 700 kilometrlik hava hücumundan müdafiə zonasına daxil olmadan onu məhv etməyə qadirdir. Tu-95MS strateji bombardmançı‑raketdaşıyan təyyarəsi də düşmən xətlərinin arxasında mühüm obyektləri qanadlı raketlərlə vurmaq üçün nəzərdə tutulub.

Qeyd edək ki, yuxarıda qeyd olunan bütün təyyarələr modernləşdirilib və ən yeni silahları daşıyırlar.

Rusiya Silahlı Qüvvələrinin uzaqmənzilli aviasiyasının 70-ə yaxın Tu-160 və Tu-95 strateji bombardmançısı, 40-dan çox Tu-22M3M bombardmançısı var.

Pentaqon və NATO Şərqi Avropada Rusiyanın "qarşısının alınması", yəni ABŞ qoşunlarının Almaniyadan Polşa və Rumıniyaya köçürülməsi ilə məşğuldur, manevrlər aparırlar, onların döyüş və kəşfiyyat aviasiyası Baltik və Qara dənizlər üzərində, Rusiya sərhədləri yaxınlığında uçuşlar aparır.

Müttəfiqlər və tərəfdaşlar sanki öz təhlükəsizliyini unudaraq (sanki ehtiyatda başqa bir planet var), bloklama, hava hücumundan müdafiə və desant salma, düşmən mövqelərinə raket zərbələrinin imitasiyası ilə "böhranlı regionlarda tənzimlənmə" üsullarını işləyib hazırlayırlar.

Pentaqon kiçik gücü olan nüvə silahının "humanist" potensialını artırmağa çalışır. Əgər Rusiyanın "qarşısını almaq" (Amerikanın maraqlarına tabe etmək) mümkün olmayacaqsa, ona hücum etmək lazım gələcək. Bu xətt 2015-ci ildən məlumdur.

Müasir reallıq ondan ibarətdir ki, Rusiya iqtisadi cəhətdən təcrid edilə və ya hərbi üsullarla məğlub edilə bilməz. Çoxillik təzyiq cəhdləri puç olub. Bunu hətta "The American Conservative" jurnalı etiraf edir: "Rusiyanın bilavasitə yaxınlığında cızdığı sərhədlər var ki, ABŞ onları keçməyə cəhd göstərməməlidir".

10
Əlaqədar
Rusiya donanması Be-200 aldı: amfibiya-təyyarələr Azovda və Xəzərdə olacaqlar
Rusiya silahı: 155 km/saat sürət yığa bilən zirehli "Strela" avtomobili
Termonüvə “Tülpan”ı – dünyanın ən güclü minomyotu
Rusiya yeni donanma yaradır: bir anda altı gəminin tikintisi başlayır
Türkiyə S-400-ün ABŞ qırıcıları ilə ikinci sınağını keçirir: geriyə dönüş yoxdur
ABŞ hərbçiləri, arxiv şəkli

İraqda müharibəyə başlamaq Amerikanı itirmək: bu necə baş verdi

22
Hazırda Amerika cəmiyyətində, bütün idarəetmə sistemində ideoloji parçalanmanın olması ilə bağlı hələ də cavabı verilməmiş bir sual mövcuddur: İraq avantürası olmasaydı, bu fəlakət olacaqdımı?

BAKI, 13 avqust — Sputnik, Dmitri Kosırev. ABŞ-ın hazırkı milli fəlakəti, ilk növbədə, uğursuz İraq avantürası nəticəsində yaranıb: hazırda bu, açıq aydındır. Amerikada bu barədə yenicə nəşr olunmuş kitab 2003-cü ilin martında İraqa müdaxilənin başlanması qərarının necə və kim tərəfindən qəbul edildiyini ətraflı təhlil edir. Amma bu kitab təkcə buna görə yaxşı deyil. Kitab həm də məsələnin yalnız o zamankı hakim komandanın — Corc Buş və digərlərinin qeyri-adekvatlığı ilə bağlı olmamasına dair müzakirələrə səbəb olub. Daha dərin suallar var: məsələn, "qeyri-adekvatlıq haradan doğur?"

Söhbət Robert Dreyperin "Müharibəyə Başlamaq. Buş Administrasiyası Amerikanı İraqa Necə Cəlb Etdi" (To Start a War: How the Bush Administration Took America Into Iraq) adlı işi haqqında gedir. Müəllif Buş ailəsi ilə dostluq əlaqələri saxlayırdı – kitabı yazmağa başlayana qədər. Sonradan eks-prezident onunla danışmaqdan imtina edib. Lakin digərləri imtina etməyiblər. Dreyper o dövrün yüzlərlə rəsmisi ilə müsahibə aparıb: bu, mətni oxunaqlı etməsə də, kifayət qədər faydalı edir.

Gəlin məsələyə müasir dövrün insanının gözü ilə baxaq. İraqdakı müharibə Amerikanı və dünyanı nəyə gətirib çıxardı?

1. Ən aydın nəticə: dünyada yeganə fövqəldövlətin olması, onun dünyanı idarə etməsi barədə 90-cı illərin illüziyasına son qoyuldu. Çünki bu fövqəldövlət hamıya göstərdi ki, o, zəif rəqiblə müharibəni qazana bilir, amma belə qələbə həm də qalibi məhv edir.

2. Məlum oldu ki, həm yaxın müttəfiqlərin (Almaniya və Fransa), həm də xoşməramlı tərəfdaşların (Rusiya) belə bir vəziyyətdə öz nöqteyi-nəzəri ola bilər və onlar lazım gələrsə Amerikanı göz ardı edə bilərlər.

3. Elə alındı ki, Amerika İraqı işğal edərək bütün maliyyə gücü və qüdrəti ilə bu ölkəni xoşbəxt və çiçəklənən edə bilmədi. Deməli, ABŞ-ın (və Qərbin) siyasi və dəyərlər sistemi ixracata yaramır ki, bu da dünyanın onlarla müxtəlif ölkəsini düzgün fikirlərə və hərəkətlərə təhrik edir. Yəni, məlum oldu ki, Amerikasız yaşamaq nəinki mümkündür, hətta lazımdır.

4. Hazırda Amerika cəmiyyətində, bütün idarəetmə sistemində ideoloji parçalanmanın olması ilə bağlı hələ də cavabı verilməmiş bir sual mövcuddur: İraq avantürası olmasaydı, bu fəlakət olacaqdımı? İstənilən halda İraq buna mühüm töhfəsini verdi.

Dreyperin kitabı bizə, ilk növbədə, tamamilə təsadüfi görünən bir süjeti göstərir: Amerika kəşfiyyatının deqradasiyasını. Sən demə, 90-cı illərin sonunda Mərkəzi Kəşfiyyat İdarəsinin Bill Klinton administrasiyası ilə problemləri yaranıb. Məsələ hətta MKİ-nin bir neçə hissəyə bölünməsi perspektivinə qədər gedib çıxıb. Ancaq 2001-ci il sentyabrın 11-də terror aktı baş verdi və MKİ-nin o zamankı rəhbəri Corc Tenetdə idarənin təsirinin dirçəltməklə bağlı ümidlər yarandı.

Yeri gəlmişkən, 90-cı illərdə MKİ-nin uğursuzluqlarının öz səbəbləri var idi. Lakin bundan sonra gülməli bir vəziyyət yarandı – məhz Yaxın Şərqdə (bütün İraq süjetinin nəticələrindən məlum olduğu kim) ağıllı və bacarıqlı mütəxəssislərin çatışmazlığı yarandı. Bu məqamda Tenetə sübut edilməyəni – İraq lideri Səddam Hüseynin 11 sentyabr terror aktını törətmiş "Əl-Qaidə" ilə əlbir olduğunu və ABŞ-a qarşı kütləvi qırğın silahı hazırladığını sübut etmək lazım gəldi.

Bəs belə hallarda pis kəşfiyyat necə davranır? Saxtakarlıq edir və ona inanmağı xahiş edir. Yeri gəlmişkən, 2003-cü illə müqayisədə vəziyyət o qədər də dəyişməyib. "Amerika seçkilərinə Rusiyanın müdaxiləsi" hekayəsi də açıq-aşkar yararsız tezis üzərində qurulub. Ümumiyyətlə, ağıllı kəşfiyyat dövlətə pulunu saxlamağa kömək edir, axmaq kəşfiyyat isə onun üçün böyük problemlər yaradır.

Əgər şəxsən Corc Buş və onun əsas vəzifələrə təyin etdiyi adamlar MKİ-dən bu saxta məlumatı tələb etməsəydilər, heç İraq fəlakəti olmazdı. Bəli, Tenet öz idarəsini "Səddam ABŞ üçün təhlükədir" ideyasını "ictimaiyyətə satan" bir agentliyə çevirdi. Lakin o dövrün bütün əsas personajları — Müdafiə nazirinin müavini Pol Vulfovits və onun rəisi Donald Ramsfeld, Vitse-prezident Dik Çeyni və hamıdan əvvəl prezidentin özü onu tam olaraq buna təhrik edirdilər.

Niyə bunu etdilər? Çünki qlobalizmin, yəni bütün dünyada heç nə ilə məhdudlaşmayan Amerika liderliyinin ideoloqları idilər. Onlar hələ əvvəlki vəzifələrində, 90-cı illərin sonunda Konqresdə "İraqın Azad Edilməsi Aktı"nın qəbul edilməsinə nail olublar, komissiyalar yaradıblar ki MKİ-ni İraqdan (eləcə də İran və Şimali Koreyadan) gələn "təhlükələri" görməməkdə günahlandırsınlar. Terrorçular Nyu-Yorku vuranda isə ölkə idarə olunmayan bir təşvişə düşdü. Adı çəkilən şəxslər bu vəziyyətdən sadəcə faydalanmaya bilməzdilər.

Buşa gəldikdə isə, kitaba əsasən, Səddam onun üçün sadə bir bədheybət deyildi: onu ümumiyyətlə hakimiyyətdə saxlamaq olmazdı – elə digər "düzgün olmayan" xarici liderləri də. Nəhayət ki Amerika üçün özünü yeganə fövqəldövlət kimi göstərməyin vaxtı gəlib çatmışdı.

Nəticə: Dreyperin sözlərinə görə, administrasiyada İraq müharibəsini başlayıb-başlamamaq barədə heç bir müzakirə aparılmadı. Söhbət yalnız nə zaman və necə başlamaqdan gedirdi.

Yəni hakimiyyətə hansısa hazır ideyaları olan adamlar gəlir və onların tabeliyində olanlar isə sırf əvvəlcədən təyin edilmiş bu ideyalara uyğun gələn faktları tapılmalıdırlar (yeri gəlmişkən, bu gün ABŞ-da eyni vəziyyət baş verir, əsasən Çinlə münasibətdə.)

İdeyalar əvvəlcədən təyin ediləndə və faktlar onlara uyğun gəlməli olanda bu, fövqəldövlətin hakim sinfinin deqradasiyası və cahilliyi adlanır. Bu, həm də ümumilikdə onun təhsilli sinifinin deqradasiyasıdır.

Prezidentləri, baş nazirləri və ya kralları dəyişmək mümkündür, lakin bütün bir milləti dəyişmək çox çətindir. Bu fikir Dreyperin kitabına verilmiş rəylərdə də səslənir: "cəmiyyətimiz anti-intellektualdır"; "tarixi, sosiologiyanı, mədəniyyəti öyrətdiyi görünüşünü yaradan məktəblər" pul toplayır və təhsil illüziyasını yaradır...

ABŞ-da və ona müttəfiq ölkələrdə təhsilin deqradasiyası ilə bağlı 90-cı illərdə ciddi danışmağa başlayıblar. Görünür "İraq" və digər problemlərin kökü də elə buradadır.

22
Koronavirus testi, arxiv şəkli

Yenə yüksəlir: Azərbaycanda daha 103 nəfər koronavirusa yoluxub

9
(Yenilənib 17:32 14.08.2020)
İndiyədək ölkədə ümumilikdə 34 018 nəfərin koronavirus infeksiyasına yoluxması faktı müəyyən edilib, onlardan 31 490 nəfər müalicə olunaraq sağalıb, 504 nəfər vəfat edib

BAKI, 14 avqust — Sputnik. Azərbaycanda koronavirus (COVID-19) infeksiyasına 103 yeni yoluxma faktı qeydə alınıb, 221 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, analiz nümunələri müsbət çıxan 4 nəfər vəfat edib.

Qeyd edək ki, Azərbaycanda mayın 13-də ilk dəfə ikirəqəmli yoluxma halı (65 nəfər) qeydə alınmışdı. Bundan sonrakı dövrdə gün ərzində 500-dən də yuxarı qalxan yoluxma sayı uzun müddət sonra avqustun 9-da 87, 10-da isə 79 nəfərə düşmüşdü.

Посмотреть эту публикацию в Instagram

Публикация от Sputnik Azərbaycan (@sputnik.az)

İndiyədək ölkədə ümumilikdə 34 018 nəfərin koronavirus infeksiyasına yoluxması faktı müəyyən edilib, onlardan 31 490 nəfər müalicə olunaraq sağalıb, 504 nəfər vəfat edib, aktiv xəstə sayı 2 024 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 7 969, ötən müddət ərzində isə ümumilikdə 820 002 test aparılıb.

9
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Koronavirusa yoluxanların sayı 21 milyona yaxınlaşır
Həkim koronavirusun insanın beynini necə sıradan çıxarmasından danışıb
Hindistan koronavirus əleyhinə dərmanın satışına başladı - 64 manata
Rusiya dünyada koronavirus əleyhinə peyvəndi qeydiyyatdan keçirən ilk ölkə oldu
Koronavirusa qarşı peyvənddən xəstələnmək olarmı?