Fransanın paytaxtı Parisdə keçirilən Yaxın Şərqdə Sülh Konfransı

Paris konfransı yəhudiləri razı saldı, ərəbləri

41
Ekspertlərin fikrincə, bu cür toplantılar dünyanın ən mürəkkəb problemlərindən biri olan İsrail-Fələstin münaqişəsini həll etmək üçün yetərsizdir

BAKI, 16 yan — Sputnik. Fransanın paytaxtı Parisdə keçirilən "Yaxın Şərqdə Sülh" Konfransının birgə bəyannaməsi yayımlanıb. Sputnik xəbər verir ki, təxminən 70 ölkədən olan nümayəndənin iştirak etdiyi konfransdan sonra yekun bəyannamə açıqlanıb.

"İki dövlətli həll, sərhədlərin 1967-ci il işğalından öncəki kimi təyin olunması, İsrailin təhlükəsizlik ehtiyaclarının qarşılanması və iki tərəf arasındakı bütün problemlərin BMT Təhlükəsizlik Şurasının qərarları əsasında həll edilməsi vacibdir" — deyə bəyanatda bildirilir.

Yığıncaqdan sonra açıqlama verən Fələstinin xarici işlər naziri Riyad əl-Maliki və Fələstin Qurtuluş Hərəkatının baş katibi Saib Ureykat, Paris konfransının yekun qərarından məmnun olduqlarını deyiblər. Lakin İsrail hökuməti və Qəzza sektoruna nəzarət edən HƏMAS təşkilatından toplantı ilə bağlı müsbət rəy verilməyib.

İsrailin baş naziri Benyamin Netanyahu Parisdəki yığıncağı "axmaqlıq" adlandırıb: "İsrailə bəzi şərtləri zorla qəbul etdirmək məqsədi ilə Fransa və fələstinlilər arasında koordinasiya edilən axmaq konfrans bizim milli mənfəətlərimizə uyğun gəlmir. Bu konfrans sülhü bir az da uzaqlaşdırır. Çünki fələstinlilərin mövqeyini daha çox müdafiə edir".

Fransadakı yığıncağa HƏMAS təşkilatından da mənfi reaksiya gəlib. Fələstinin Qəzza sektoruna nəzarət edən təşkilatın sözçüsü Hazım Kasım deyib ki, Parisdəki toplantıdan Fələstin üçün heç bir ədalətli nəticə çıxmayacaq: "Parisdəki konfrans vaxt itkisidir və daha əvvəlki uğursuz sülh konfranslarının davamıdır. Bu yığıncaq qanunsuz yəhudi yaşayış məskənlərinin inşası və yəhudiləşdirmə siyasətinin davam etdiyi, fələstinlilərə qarşı hücumların artdığı bir vaxtda keçirilir. Paris konfransından Fələstin məsələsinin ədalətli həlli ilə bağlı heç bir nəticə çıxmayacaq. HƏMAS İsraillə siyasi danışıqları rədd edir. Tarixi Fələstin torpaqlarının azad edilməsi üçün silahlı müqavimətin aktivləşdirilməsini istəyir".

Parisdəki yığıncağı və sonda tərəflərin verdiyi açıqlamaları Sputnik-ə dəyərləndirən politoloq Cümşüd Nuriyevin fikrincə, 1948-ci ildə İsrail dövləti elan olunanda, Fələstin tərəfi çox böyük səhv buraxıb: "Daha doğrusu, İsrail kəşfiyyatının təkidi ilə Fələstini aldatdılar ki, bu qərarla razı olmasın. Həmin vaxt ərazi 67% Fələstində, 33% İsraildə idi. Və qərara əsasən, İsrail həmin o 33% torpaqda yerləşməli idi".

"Amma ərəblər o vaxt buna razılıq vermədilər. Guya ki, Qüdsü paytaxt elan elədilər. Məsələ həll olunmamış qaldı. Ərəblər hay-küy saldılar. 1967-ci ildə qısamüddətli, sadəcə 1 həftəlik müharibə oldu. Bunları aldadıb müharibəyə cəlb elədilər. Sonra Amerika müharibəni ərəblərə uduzdurdu. Uzun müddət İsrail kəşfiyyatı bu planı hazırladı, elə bir vəziyyət yaratdı ki, ərəb dünyası fakt qarşısında qaldı. Həm İordaniyanın ərazisi, həm də Sina yarımadası işğal olundu. Daha sonra İsrail Misirə məxsus Sina yarımadasından və İordaniyadan çəkildi. Ancaq işğal etdiyi Fələstin torpaqlarında qalmağa davam etdi. Yəni İsrail özünü dünyaya xoş göstərərək sübut etməyə çalışdı ki, o, işğal etdiyi böyük ərazilərdən çəkildi. Lakin əsas arzusunda olduğu Fələstindən çıxmadı. Hazırlanan plan uğurla yerinə yetirildi" — politoloq bildirib.

Onun sözlərinə görə, İsrailin İŞİD terror təşkilatı ilə bağlı tutduğu mövqe Avropa dövlətlərini razı salmır: "Çünki İŞİD-in əsas yaradıcısı İsrail kəşfiyyatıdır. Bu təşkilat yarandığı gündən İsrailə bir mərmi də atmayıb. Ancaq müsəlman ölkələrində terror aktları törədir. Bir neçə gün əvvəl İsraildə fələstinli bir nəfərin yük maşınını əsgərlərin üzərinə sürməsini də İŞİD-ə bağladılar ki, mövzu diqqətdən yayınsın".

Nuriyevə görə, indi Parisdəki toplantının yekununda İsraili fakt qarşısında qoymağa çalışırlar: "Ancaq bu, mümkün deyil. Çünki bu şeyləri İsrail özü ərəb dünyasına qarşı vaxtilə edib. Bu gün dünyanın maliyyə və media lobbisi yəhudilərin əlindədir".

Millət vəkili Rasim Musabəyov da Sputnik-ə açıqlamasında bildirib ki, İsrail-Fələstin münaqişəsini Paris və buna bənzər konfranslar həll etmir: "Bu məsələ ilə BMT məşğul olur. ABŞ bir vasitəçi kimi məşğul olur. Ona görə də, konfransda hansı bəyanatı istəsələr, səsləndirə bilərlər. Onsuz da İsrail dövləti öz siyasətini konfranslardan asılı olmayaraq aparır".

41
Teqlər:
HƏMAS, yəhudi, ərəb, münaqişə, Paris, Fələstin, İsrail, Fransa, Yaxın Şərq, sülh
Əlaqədar
İsrail Suriya paytaxtını bombaladı
Donald Trampdan İsrailə "güclü ol" çağırışı
“İsrailin BMT-yə qarşı davranışı etik qaydalara sığmır”
ABŞ-ın bu addımı İsraildə şok effekti yaradıb
ABŞ-dan gözlənilməz İsrail açıqlaması
Rüşvət

Korrupsiya ilə mübarizə ardıcıl davam etməsə, əlavə problemlər yarana bilər - Ekspert rəyi

12
(Yenilənib 09:43 16.01.2021)
Əliməmməd Nuriyev: "Əgər gəlir deklarasiyaları təqdim olunsa, o zaman vəzifəli şəxslərin hansı yollarla varlanmasını izləmək mümkün olacaq"

Elvin Səlimov, Sputnik Azərbaycan

BAKI, 16 yanvar — Sputnik. "Azərxalça" ASC-nin İdarə heyətinin keçmiş sədri Vidadi Muradovdan sonra ləğv edilmiş Kütləvi İnformasiya Vasitələrinin İnkişafına Dövlət Dəstəyi Fondunun keçmiş rəhbəri Vüqar Səfərli korrupsiya ittihamları ilə həbs edilib. Baş Prokurorluğun mətbuata verdiyi açıqlamada hər iki şəxsin səlahiyyət hədlərini aşaraq külli miqdarda dövlət vəsaitini mənimsədiyi bildirilir. "Şəffaflıq Azərbaycan" Korrupsiyaya Qarşı Mübarizə İctimai Birliyinin icraçı direktoru Əliməmməd Nuriyev Sputnik Azərbaycan-a müsahibəsində ölkədə korrupsiyaya qarşı mübarizənin hazırkı vəziyyətini şərh edib.

- Əliməmməd müəllim, il təzə başlayıb və artıq iki vəzifəli şəxs korrupsiya ittihamları ilə həbs olunublar. Dövlət şirkətlərində və onun nəzarətində olan digər strukturlarda korrupsiyaya şərait yaradan hansı amillərdir?

- Artıq korrupsiya ittihamları ilə həbslərin sayını itirmişəm. Bu məsələnin bir neçə tərəfi var ki, əvvəlcə onlara aydınlıq gətirilməlidir. Dövlət şirkətlərində idarəetmə prosesi tamam dəyişməlidir. Dövlət şirkətlərində və onun digər strukturlarında bütün səlahiyyətlərin bir şəxsin əlində cəmlənməsi effektiv nəzarətə imkan vermir. Ümumiyyətlə, gələcək dövrlərdə dövlət şirkətlərinin sayının azaldılması haqqında düşünmək lazımdır. Dövlət şirkətlərində aşkar edilən korrupsiya hallarının müxtəlif səbəbləri var. Korrupsiyaya şərait yaradan hallardan biri neopotizmin mövcudluğudur. Eyni zamanda, dövlət satınalmaları ilə bağlı proseslərin ciddi təftişinə ehtiyac duyulur. Belə satınalma prosesləri bir çox hallarda qanunpozuntuları ilə həyata keçirilir. Açıq tenderlərin keçirilməsinə imkan verilmir. Çox vaxt satınalmalarda həmin şəxslərin yaxın qohumlarına məxsus şirkətlər qalib olurlar.

- Həbs edilən şəxslər haqqında səsləndirilən ittihamlarda göstərilir ki, onlar bir neçə il ərzində rəhbərlik etdikləri strukturları korrupsiya mexanizmi ilə idarə ediblər. Korrupsiya hallarının baş verə bilməməsi üçün hansı tədbirlər görülməlidir?

- Əlbəttə, İqtisadiyyat Nazirliyi tərəfindən bu istiqamətdə tədbirlər görülür. Amma ümumilikdə bu proses ictimai nəzarət tələb edir. Dövlət şirkətlərinin idarəetmə sisteminə ayrı-ayrı qurumların rəhbər vəzifəli şəxsləri cəlb olunurlar ki, bu da şəffaflığa mane olan səbəblərdən biridir. Mən hesab edirəm ki, media nümayəndələri, vətəndaş cəmiyyətinin üzvləri həmin idarə heyətlərinin müşahidə şuralarına cəlb edilməlidirlər. Hesabatlılığın və müstəqil monitorinq nəzarət sisteminin olmaması korrupsiyaya şərait yaradır. Bununla belə, korrupsiya ilə mübarizədə mühüm siyasi iradənin ortada olmasını görürük.

- Ümumiyyətlə, korrupsiya ilə mübarizə necə təşkil edilməldir?

- Vəzifəli şəxslər tərəfindən gəlir deklarasiyası təqdim edilmir. Bununla bağlı məsələlər tamam sükunət halındadır. Əgər gəlir deklarasiyaları təqdim olunsa, o zaman vəzifəli şəxslərin hansı yollarla varlanmasını izləmək mümkün olacaq. Maliyyə və əmlak amnistiyaları ilə bağlı uzun müddətdir müzakirələr aparılır. Bu qərarın verilməsi maliyyə sektoruna əlavə vəsaitlərin daxil olmasına imkan yarada bilər. Dövlətimiz Vətən müharibəsindəki qələbədən sonra böyük quruculuq işlərinə başlayıb. Həmin işlərin həyata keçirilməsi üçün böyük maliyyə vəsaitlərinə ehtiyac var. Ona görə də korrupsiya ilə mübarizəni ardıcıl davam etdirməsək, bu əlavə problemlərə gətirib çıxara bilər.

12
Pyotr Velikiy ağır atom raket kreyseri, arxiv şəkli

Qərb onu əsas təhdid sayır: Rusiya donanmasının flaqmanı dəyişir

15
Modernləşdirməyə qədər “Admiral Naximov” kreyseri “Fort” S-300F uzun mənzilli hava müdafiə sistemi ilə təchiz olunmuşdu, indi isə gəmidə hərbi-dəniz müdafiəsinin daha təkmil variantı olan S-400 kompleksi qurulacaq.

BAKI, 15 yanvar — Sputnik, Andrey Kots. Yeni raketlər, müasir gövdə avadanlıqları, misilsiz döyüş imkanları – Rusiya Hərbi Dəniz Qüvvələrinin flaqmanı mövqeyində "Pyotr Velikiy" kreyserinin yerini 1144 "Orlan" layihəsinin "Admiral Naximov" ağır nüvə raket kreyseri tutacaq. Bunun 2022-ci ildə baş verəcəyi gözlənilir. Modernləşdirilmiş gəminin donanmanı necə gücləndirəcəyi haqqında - RİA Novosti-nin növbəti materialında.

Birinci dərəcəli gəmilər

1144 "Orlan" layihəsinin kreyserləri təyyarə gəmilərindən sonra dünyanın ən böyük hərbi gəmiləri hesab olunur. Tonnajı – 25,8 min ton, uzunluğu - 250 metr, eni - 28,5 metrdir, heyəti - 760 nəfərdən ibarətdir.

Rusiyanın bu tipli iki vımpeli var – onlardan ikincisi olan "Pyotr Velikiy" Şimal donanmasının tərkibində fəaliyyət göstərir, lakin "Naximov" işə başlayan kimi modernləşdirməyə göndəriləcək. Hər iki kreyser, necə deyərlər, təpədən dırnağa kimi silahlanmış və istənilən hədəfi məhv etməyə qadir ağır nüvə gəmiləridir.

Standart dəstə – "Qranit" 20 P-700 gəmi əleyhinə raketləri, "Osa-M" zenit raket kompleksləri, "Kinjal" və uzaq mənzilli "Fort" S-300F raketləri, "Metel" və "Vodopad" sualtı raket-torpedaları, reaktiv bomba atanlar və avtomatik cüt lüləli AK-130 topu daxildir.

Hərəkət məsafəsi praktik olaraq məhdudlaşmayıb. Kreyserlər Uzaq Şimal şəraitində işləməyə qadirdir və Rusiyanın Arktika bölgəsindəki hərbi mövcudluğunu təmin edə bilər; bir çox analitiklər bu ərazinin yaxın gələcəkdə təbii ehtiyatlar uğrinda potensial döyüş sahəsinə çevriləcəyini istisna etmir.

Bununla belə, gəmilər tədricən köhnəlməyə başlayır. Əgər ötən əsrin 80-ci illərinin sonu, 90-cı illərinin əvvəllərində "Orlan"lar istənilən düşmənə müqavimət göstərə bilirdisə, indi vəziyyət dəyişib. Rusiya Müdafiə Nazirliyi birinci dərəcəli iri hərbi gəmilərin inşası ilə bağlı çətinliklərin olduğunu nəzərə alaraq, mövcud kreyserlərin modernləşdirilməsini, xüsusən də, onların yeni silahlarla təchizatını daha məqsədəuyğun hesab edir.

Hava Hücumundan Müdafiə platforması

"Admiral Naximov" 1999-cu ildə təmirə göndərilib, ancaq faktiki olaraq, kreyser üzərində işə yalnız 2013-cü ildə, nəhayət, müdafiəyə sahəsinə ciddi şəkildə vəsait ayrılandan sonra başlanılıb. Modernləşdirmə işlərinin 2018-ci ilə kimi başa çatdırılması nəzərdə tutulsa da, bu tarix bir neçə dəfə irəli çəkilib. Hələ ötən ilin may ayında Rusiya müdafiə nazirinin müavini Aleksey Krivoruçko məlumat vermişdi ki, ağır kreyser "Zirkon" hipersəsli raketləri ilə təchiz olunacaq ilk hərbi gəmilərdən biridir. Həmin raketlər hədəfə doğru səs sürətindən doqquz dəfə daha böyük sürətlə uçur ki, bu da onları istənilən hava hücumundan müdafiə sistemi üçün toxunulmaz edir. Mənzili 1000 kilometrə yaxındır. Beləliklə, "Zirkon" Amerikanın "Harpun" səsə qədər sürətə malik (130 kilometr mənzilli) gəmi əleyhinə raketlərini praktiki olaraq üstələyir.

"Orlan"lar hər zaman güclü hava hücumundan müdafiə sisteminə görə fərqləniblər. Modernləşdirməyə qədər "Naximov" kreyseri "Fort" S-300F uzun mənzilli hava müdafiə sistemi ilə təchiz olunmuşdu, indi isə gəmidə hərbi-dəniz müdafiəsinin daha təkmil variantı olan S-400 kompleksi qurulacaq.

Müxtəlif növ zenit hərbi sursatları ilə atəşə açan bu kompleks gizli təyyarələri və digər hava hədəflərini, o cümlədən qanadlı və ballistik raketləri tutmağa qadirdir.

40N6 raketi 400 kilometrə qədər məsafədəki obyektləri vura bilir. "Admiral Naximov" gəmisinə 96 ədəd S-400 zenit raket kompleksi buraxılış şaxtasının yerləşdiriləcəyi güman edilir ki, bu da onun bütün dünyada hava hücumundan ən yaxşı qorunan gəmi olmasına gətirib çıxaracaq.

80 oyuq

Bundan başqa, "Kortik" yaxın zonalı hava hücumundan müdafiə sistemi daha müasir "Pantsir-ME", "Osa-M" zenit raketləri isə yeni "Redut" sistemləri ilə əvəz olunacaq.

Bununla belə, modernləşmə müəyyən qədər hücum komplekslərini də əhatə edəcək. "Admiral Naximov" "Zirkon"larla yanaşı, gəmi əleyhinə P-800 raketləri, "Oniks" və 2500 kilometrə qədər mənzilli "Kalibr" qanadlı raketlərlə silahlandırılıcaq. Onların hamısı 80 oyuqlu 3 S14 şaquli buraxılış qurğusundan atılacaq. Bu qurğunu gəmiyə montaj etmək üçün P-700 "Qranit" kompleksinin gəmidən çıxarılması lazım gəlir.

Kreyserin sualtı silahlardan müdafiə sistemi də yenilənəcək. "Admiral Naximov" qısa məsafələrdə torpedalar və sualtı qayıqlardan qoruyan "Paket-NK" kompleksi ilə də təchiz olunacaq. Bu sistemdə iki tip hərbi sursat var: MTT istilik torpedaları və M-15 reaktiv torpeda əleyhinə silahlar.

Birincisi, sualtı qayıqları 600 metrə qədər dərinlikdə 20 kilometrə qədər məsafədə vura bilir, ikincisi isə gəmiyə 1,4 kilometrə qədər və 800 metrədək dərinlikdə hücum edən torpedaları dəf etmək qabiliyyətinə malikdir.

"Paket-NK" kompleksi maksimum dərəcədə avtomatlaşdırılıb, hədəfi müstəqil olaraq aşkarlayır və təsnif edir, hərəkət parametrlərini müəyyənləşdirir, torpeda və ya torpeda əleyhinə hədəf təyinatını verir. Hər iki döyüş sursatı kifayət qədər sürətlidir – 50 dəniz mili (saatda 92 kilometr).

Aydın məsələdir ki, kreyserin elektron "içliyi" ən müasirləri ilə əvəz ediləcək və bu da gəmi heyətinin vəziyyət barədə məlumatlandırılmasını ciddi şəkildə artıracaq, eləcə də təyyarə silahlarından istifadə imkanlarını əhəmiyyətli dərəcədə genişləndirəcək.

Bununla yanaşı, kreyser inkişaf etmiş rabitə və naviqasiya, elektron döyüş sistemləri və üç təkmilləşdirilmiş "Ka-27M" göyərtə helikopterlərindən ibarət hava sistemi ilə təmin ediləcək. Bütün bu vasitələr ekipajın potensial düşmən sualtı qayıqlarını aşkar etməsini xeyli asanlaşdıracaq.

15
Gözəllik salonu, arxiv şəkli

Bu sahələrin fəaliyyətinə yanvarın 25-dən icazə veriləcək

0
Ancaq xəbərdarlıq da var: Fəaliyyətinə icazə verilən iş və xidmət sahələrində pandemiya dövrü ilə əlaqədar Azərbaycan Respublikası Nazirlər Kabinetinin müvafiq qərarları ilə müəyyən edilmiş məhdudiyyət və tələblərə ciddi riayət olunmalıdır

BAKI, 16 yanvar — Sputnik. Azərbaycanda sərtləşdirilmiş xüsusi karantin rejimi çərçivəsindəki məhdudiyyətlərin bir qisminin 2021-ci il 18 yanvar saat 00:00-dan yumşaldılması qərara alınıb. Sputnik Azərbaycan 2021-ci il 25 yanvar saat 00:00-dan etibarən ölkə ərazisində fəaliyyətinə icazə verilən iş və xidmətlərin siyahısını təqdim edir:

● ticarət obyektlərinin fəaliyyəti (ictimai iaşə obyektləri, kafe, çay evləri və bu kimi məkanlarda müştərilərə yerində xidmət və iri ticarət mərkəzlərinin, "Mall"ların fəaliyyəti istisna olmaqla);

● bərbərxanaların, gözəllik salonlarının fəaliyyəti və kosmetik xidmətlər (o cümlədən, bu sahələrdə müştərinin evində və ya digər məkanda xidmət);

● muzey və sərgi zallarının fəaliyyəti;

● şəhərlərarası və rayonlararası hərəkət.

Fəaliyyətinə icazə verilən iş və xidmət sahələrində pandemiya dövrü ilə əlaqədar Azərbaycan Respublikası Nazirlər Kabinetinin müvafiq qərarları ilə müəyyən edilmiş məhdudiyyət və tələblərə ciddi riayət olunmalıdır.

0
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar