QARABAĞ
Azərbaycanın Qarabağ bölgəsinin necə bərpa olunması və inkişaf etməsi barədə aktual xəbərlər

Dünya ermənilərin qaragüruh bəyanatlarından, intriqalarından yorulub

© AFP 2023 / Jean-Christophe VerhaegenNATO
NATO - Sputnik Azərbaycan
Abunə olmaq
"Həm başqa bir dövlətin ərazisini işğal et, həm də özünü fağır, əzilən millət kimi apar, buna heç kəs inanmayacaq"

BAKI, 23 noy-Sputnik. NATO Parlament Assambleyasının 62-ci müdafiə və təhlükəsizlik toplantısı bır sıra tərəflərilə yadda qalıb. Regionda baş verən hərbi münaqişələrin əsas müzakirə mövzusu olduğu toplantı Türkiyənin bölgədə əsas güc mərkəzi olduğunu bir daha təsdiqləyib. 

Bunu Sputnik-ə verdiyi açıqlamada AR Prezidenti yanında Qeyri-Hökumət Təşkilatlarına Dövlət Dəstəyi Şurasının üzvü, BMAM sədri Rufiz Qonaqov deyib.

O qeyd edib ki, sözügedən tədbirin Azərbaycan üçün də bir sıra özəllikləri olub. Ən başlıcası strateji müttəfiqimiz olan Türkiyənin regiondakı siyasi və hərbi gücü etiraf edilib. İkincisi, ölkələrin ərazi bütövlüyünün dəstəklənməsinə dair sənəd qəbul olunub ki, bu da Azərbaycan üçün çox ciddi əhəmiyyət kəsb edir. Üçüncüsü, erməni deputatlar müzakirələr zamanı ifşa olunublar. Onların qeyri-peşəkar, səhvlərlə dolu sualları Türkiyə rəsmilərinə İrəvanı ifşa etmək və pis niyyətli olduqlarını sübut etmək üçün imkan yaradıb.

Dağlıq Qarabağın azərbaycanlı icması İctimai Birliyinin sədri, Şuşanın Rayon İcra Hakimiyyətinin başçısı Bayram Səfərov - Sputnik Azərbaycan
QARABAĞ
Ermənilər ürəklərində özlərini Azərbaycan vətəndaşı hesab edirlər
NATO Parlament Assambleyasının 62-ci müdafiə və təhlükəsizlik toplantısının əhəmiyyətini şərh edən Qonaqov hesab edir ki, regiondakı gərginlik fonunda Ankarada belə bir mötəbər tədbirin keçirilməsi qardaş Türkiyənin bölgənin aparıcı aktorlarından olduğunu sübut edir:

"Müzakirələrdən də göründü ki, Türkiyənin bölgədə baş verən proseslərlə bağlı mövqeyi aydındır. Rəsmi Ankara münaqişəli vəziyyətdə olan ölkələrin heç birinin ərazi bütövlüyünə şübhə ilə yanaşmır. Halbuki, orada bəzi şəhərlər tarixən Türkiyənin ərazisi olub. Həmin şəhərlərdə bu gün çoxlu sayda türklər yaşayır və Türkiyədən dəstək umurlar. Amma Ankara ərazi bütövlüyü məsələsində beynəlxalq hüququn prinsiplərinə hörmətlə yanaşır. Türkiyənin bu cür aydın və ədalətli mövqeyi onun bölgədəki nüfuzunu daha da artırır. Bütün dünya anlayır ki, Türkiyənin iştirakı və razılığı olmadan bölgədə heç bir problem həllini tapa bilməz".

© Photo : Facebook / rufiz.qonaqovBMAM sədri Rufiz Qonaqov
BMAM sədri Rufiz Qonaqov - Sputnik Azərbaycan
BMAM sədri Rufiz Qonaqov
Qonaqovun sözlərinə görə, sözügedən toplantıda onun diqqətini çəkən əsas məsələlərdən biri erməni deputatların təxribat xarakterli suallarının türkiyəli rəsmilər tərəfindən peşəkarcasına cavablandırılması olub: "Türkiyə Silahlı Qüvvələrinin Qərargah rəisi Hulusi Akar erməni deputatın "Əsgərləriniz Suriyadan nə vaxt çıxacaq" sualına cavab olaraq dedi ki, Türkiyə Suriyadakı proseslərdə iştirak etmədiyi üçün bu sual ya cahillikdir, ya da bəd niyyətdən xəbər verir. Qərargah rəisi erməni deputatın bu sualını haqlı olaraq "tərbiyəsizlikdir, iftiradır, yalandır, əxlaqsızlıqdır" kimi cavablandırdı. Təbii ki, deputat bu sualı verməzdən öncə özünü əziyyətə verib regionda baş verən prosesləri öyrənməli idi.Türkiyə xarici işlər naziri Mövlud Çavuşoğlu da erməni deputatın sualına arqumentlərlə cavab verdi. Bildirdi ki, erməni deputat Ankarada özünü sülh mələyi kimi aparır. Amma Dağlıq Qarabağın işğaldan azad olunmasını tələb edən BMT qətnamələri İrəvan tərəfindən qulaqardına vurulur. Qondarma erməni soyqırımı ilə bağlı da erməni deputatlar kəskin cavab alaraq, yerində otuzduruldular". 

ATƏT-in Minsk qrupunun amerikalı həmsədri Ceyms Uorlik - Sputnik Azərbaycan
QARABAĞ
"Azərbaycanlılarla ermənilər birgə yaşayacaqlar"
Azərbaycanın NATO Parlament Assambleyasındakı nümayəndə heyətinin üzvü, Milli Məclisin Təhlükəsizlik və müdafiə məsələləri daimi komissiyasının üzvü Siyavuş Novruzovun Ankaradakı çıxışına toxunan Rufiz Qonaqov bildirdi ki, cənab Novruzov NATO PA-nın prezidenti Maykl R.Turnerə ünvanlandığı sualla əslində Ermənistanın iç üzünü açıb göstərdi: "Doğrudan da, Ermənistan Ukrayna və Gürcüstanın ərazi bütövlüyünün əleyhinə səs verdiyi halda, İrəvan qonşuluq siyasətindən danışır. Ermənistan Azərbaycanın torpaqlarını işğal edib. İllərlə Türkiyəyə qarşı ərazi iddiasındadır. Gürcüstan torpaqlarına ərazi iddiası var. Belə olan halda Ermənistanın mötəbər tədbirlərə dəvət olunmasının özü absurd görünür".

Rufiz Qonaqova görə, ümumiyyətlə, dünya ermənilərin qaragüruh bəyanatlarından, intriqalarından yorulub: "Həm başqa bir dövlətin ərazisini işğal et, həm də özünü fağır, əzilən millət kimi apar, buna heç kəs inanmayacaq. Dünya Ermənistanın işğalçı, hiyləgər dövlət olduğunu artıq qəbul edir. Amma təəssüf ki, işğalçıya qarşı adekvat addımlar atılmır. Bütün hallarda mötəbər tədbirlərdə Azərbaycanın problemlərinin dilə gətirilməsi, işğalçı Ermənistanın ifşa olunması vacibdir və bu, münaqişənin bizim maraqlarımız çərçivəsində həllinə müsbət təsir göstərir".

Xəbər lenti
0