Putin və Ərdoğan

"Ankara Ukrayna məsələsində Moskvanın mövqeyini müdafiə edə bilər"

568
(Yenilənib 21:33 17.11.2016)
Türkiyəli ekspertlərin fikrincə, Jirinovskinin son bəyanatı Rusiya ilə Türkiyə arasında gizli razılığın əldə olunduğuna işarədir

BAKI, 17 noy — Sputnik. Rusiyanın Liberal Demokrat Partiyasının sədri Vladimir Jirinovski, Yaxın Şərq bölgəsinin vaxtilə Osmanlı torpağı olduğunu deyib və əlavə edib ki, Türkiyənin İraqın və Suriyanın şimalında tarixi haqqı var. Jirinovski bu barədə Rossiya 1 telekanalında yayımlanan "Veçer" proqramında danışıb.

"Türklər İraqın və Suriyanın şimalını birləşdirmək istəyir. Onların buna haqqı çatır. Daha əvvəl bu torpaqlar Osmanlı İmperatorluğuna aid idi. Lozanna müqaviləsindən sonra sərhədlər dəyişdi. Bu da türklərin işinə gəlmir", — deyə partiya rəhbəri bildirib.

Vladimir Jirinovski sözlərinin davamında deyib: "Türkiyə üçün İraqın və Suriyanın şimalı, bizim Kırım və Donbass kimidir. Türkiyə orada etmək istədiyini etsin, biz isə buna gözlərimizi bağlayaq. Burda söhbət İraqın və Suriyanın şimalından gedir. Bu bölgələr Moskvadan idarə edilə bilməz ki. Bu barədə Rusiya olaraq düşünməyimiz lazımdır. Rusiya üçün Krım və Donbass nə anlama gəlirsə, Türkiyə üçün də İraqın və Suriyanın şimalı elədir. Krım və Donbass Rus dünyasının bir parçasıdır. Orada hər zaman ruslar yaşadı. Şimali İraq və Şimali Suriya da türk torpaqları idi. Ona görə düşünürəm ki, Rusiya və Türkiyə o bölgələr barədə razılaşmalıdır".

Orxan Qafarlı
© Photo : Orxan Qafarlının şəxsi arxivindən
Orxan Qafarlı

Sözügedən açıqlamanı Sputnik-ə şərh edən, Türkiyədə yaşayan azərbaycanlı politoloq Orxan Qafarlının sözlərinə görə, V. Jirinovski Rusiyanın xarici siyasətini yaxşı bildiyi üçün belə açıqlama verib: "Türkiyə və Rusiya böyük ehtimal ki, Suriya və İraqla bağlı bir çox məsələlərdə anlaşıb. Vladimir Jirinovskinin bəyanatları da buna hesablanıb. Jirinovski Rusiyada millət vəkilidir, həm də partiya sədridir. Rusiya siyasətini yaxından izləyən birisidir. Və əlbəttə ki, onun əlaqələri və böyük təcrübəsi var".

"Dolayısı ilə Jirinovski, Rusiya və Türkiyənin İraq və Suriya məsələlərində razılıq əldə etdiyini sezib. Və bunu sezdiyinə görədir ki, o, bu şəkildə açıqlamalar verir", — siyasi şərhçi qeyd edib.

Bununla belə, O. Qafarlı Türkiyə-Rusiya razılığının, hələ hər şey demək olmadığını əlavə edib: "Moskva ilə Ankaranın hər hansı məsələdə razılaşması dünya siyasətində hər şeyin bitdiyi anlamına gəlmir. Amerikanı, Çini, İranı və bölgədəki digər gücləri də hesaba almaq lazımdır".

Türkiyəli jurnalist-yazar, politoloq Yılmaz Altınsoy da, Sputnik-ə iki ölkə arasında son zamanlar sıxlaşan əlaqələrə toxunub: "Moskva və Ankara arasında son vaxtlar rəsmi görüşlərin sayı çoxalıb. Bu görüşlər zamanı İraq, Suriya və Ukrayna böhranlarının gündəmə gəlməməsi mümkün deyil".

"Türkiyə və Rusiya prezidentləri qısa zaman aralıqları ilə, iki dəfə bir araya gəldilər. Daha sonra iki ölkənin ordu rəhbərləri Ankarada və Moskvada görüşdülər. Böyük ehtimalla, təkbətək danışıqlar zamanı Suriya, İraq, o cümlədən də Ukrayna məsələləri müzakirə edilib. Yəqin ki, tərəflər qarşılıqlı güzəştlər barədə söz açıblar", — Altınsoy qeyd edib.

Politoloq Yılmaz Altınsoy
© Photo : Yılmaz Altınsoyun şəxsi arxivindən
Politoloq Yılmaz Altınsoy

Onun fikrincə, Türkiyənın, yaxın gələcəkdə Ukraynanın şərqi ilə bağlı Rusiyanın mövqeyini dəstəkləməsi istisna edilə bilməz: "Öz növbəsində Rusiya İraq və Suriya məsələlərində Ankaranın maraqlarını mütləq nəzərə alacaq".

Araşdırmaçı, rus siyasətçi Vladimir Jirinovskinin bəyanatını olduqca müsbət dəyərləndirib: "Bu açıqlamaları şəxsən izləməmişəm. Ancaq deyilənlər doğrudursa, bu, tamamilə tarixi faktlara söykənir. Bəli, Donetsk və Luqansk Rusiya üçün nə anlam verirsə, Suriya və İraq da Türkiyə üçün o mənanı verir".

568
Teqlər:
Liberal Demokrat Partiyası, Orxan Qafarlı, Vladimir Jirinovski, Yılmaz Altınsoy, İraq, Osmanlı, Suriya, Rusiya, Yaxın Şərq, Türkiyə
Əlaqədar
Rusiya və Türkiyə Baş Qərargah rəisləri arasında danışıqlar olub
"Rusiya-Türkiyə barışığı bizim qələbəmizi təmin etdi"
Rusiya ilə Türkiyə pasportsuz gediş-gəliş rejiminə keçə bilər
Türkiyə-Rusiya yaxınlaşması doğru seçim kimi qiymətləndirilir
Rusiya Prezidenti Türkiyəyə gedir
Rusiya ilə Türkiyə tarixi anlaşmanın astanasında
Rusiya-Türkiyə yaxınlaşması Suriyaya nə vəd edir?

Ekspert: “Bu səbəblərə görə gənclərimiz Türkiyədə təhsilə üstünlük verir”

24
(Yenilənib 22:53 26.02.2021)
Təhsil eksperti İlqar Orucov deyir ki, gənclərimiz iqtisadiyyat, tibb, turizm və İT ixtisaslarında təhsil almaq üçün Türkiyə universitetlərini seçirlər
İlqar Orucov: “Distant təhsil alanların diplomlarının tanınması ilə bağlı qanuna bənd əlavə edilib”

Azərbaycanın təhsil naziri Emin Əmrullayev Türkiyədə 23 min civarında azərbaycanlı tələbənin təhsil aldığını bildirib. Nazirin sözlərinə görə, azərbaycanlı tələbələrin təhsil aldığı xarici ölkələr arasında Türkiyə ilk yerdədir.

Bəs azərbaycanlı tələbələr nə üçün Türkiyədə oxumağa üstünlük verir?

Mövzu ilə bağlı Sputnik Azərbaycan-a danışan təhsil eksperti İlqar Orucov deyir ki, azərbaycanlı tələbələrin Türkiyədə təhsil almağa üstünlük verməsinin bir neçə səbəbi var:

“İlk olaraq qeyd edim ki, Türkiyə ilə qonşuluq, mədəni yaxınlıq təhsil üçün bu ölkəni seçmək üçün əsas səbəblərdir. Türkiyədə təhsilin səviyyəsi xeyli yüksəlib. Gənclərimiz iqtisadiyyat, tibb, turizm və İT ixtisaslarında təhsil almaq üçün Türkiyə universitetlərini seçirlər. Bildirmək istərdim ki, Türkiyə universitetlərinin diplomalarının ölkəmizdə tanınmasında hər hansı problem yoxdur. Sadəcə son illər distant təhsil diplomlarının tanınması məsələsində bəzi problemlər ortaya çıxıb. Distant təhsil alanların diplomlarının tanınması ilə bağlı qanuna bənd əlavə edilib. Ümid edirəm ki, həmin qanun qəbul edildikdən sonra tək Türkiyədə deyil, digər ölkələrdə təhsil alanların problemləri aradan qalxacaq”. 

İlqar Orucovungeniş şərhinə audiofaylda qulaq asa bilərsiniz

24
Nikol Paşinyan, arxiv şəkli

Paşinyanın istefa verməsi istisna edilmir: Tərəflər son savaşa hazırlaşırlar

90
(Yenilənib 17:15 26.02.2021)
Görünən odur ki, hakimiyyətə gəlmək istəyən hansısa siyasi qüvvələr generallardan istifadə edərək mövcud hökuməti devirmək istəyir

Elvin Səlimov, Sputnik Azərbaycan

BAKI, 26 fevral - Sputnik. Fevralın 25-də Ermənistan Silahlı Qüvvələrinin Baş Qərargahı ölkənin baş naziri Nikol Paşinyanın istefasını tələb edən bəyanat verib. Sənədi Silahlı Qüvvələrinin Baş Qərargah rəisi Onik Qasparyan və 40-dan çox yüksək rütbəli hərbçi imzalayıb. Bunun ardınca Paşinyan da öz tərəfdarlarını Respublika meydanına toplayaraq hərbi çevriliş təhlükəsindən danışıb.

Sputnik Azərbaycan Ermənistanda baş verənlərlə bağlı politoloqlar Fikrət Sadıxov və İlqar Vəlizadənin fikirlərini öyrənib.

Politoloq Fikrət Sadıxov deyir ki, general ya çevriliş edir, ya da ümumiyyətlə siyasətə qarışmır: "Bunun üçüncü variantını başa düşmək mümkün deyil. Görünən odur ki, hakimiyyətə gəlmək istəyən hansısa siyasi qüvvələr generallardan istifadə edərək mövcud hökuməti devirmək niyyətindədir".

Politoloq deyib ki, artıq Ermənistanda siyasi elitanın parçalanmasını görürük:

"Bu ölkədə mitinqlər, yürüşlər davam edir. Amma küçələrə çıxanların sayına baxdıqda görürük ki, hələ kütləvilik yoxdur. Hakimiyyətin qorxub istefa verməsi üçün bu məsələdə kütləvilik olmalıdır. Təbii ki, Paşinyan bundan istifadə edərək tərəfdarlarını toplayır, gurultulu ifadələrlə dolu çıxışlar edir və hələlik vəziyyətə nəzarət edə bilir. Ola bilsin ki, bu vəziyyət elə bu şəkildə davam edəcək. Amma etiraz aksiyaları genişlənsə və davamlı xarakter alarsa, Paşinyanın istefaya getməsi istisna edilmir".

Politoloq İlqar Vəlizadə bildirir ki, bu, Ermənistanda birinci çevrilişə cəhd deyil: "Bundan öncə də bir neçə dəfə çevrilişə cəhd edilib. Ermənistan müxalifət liderləri bundan əvvəl verdikləri açıqlamalarda dolayısı ilə çevrilişə hazırlıqlarla bağlı mesajlar verirdi. Müharibədən sonrakı vəziyyət göstərdi ki, Ermənistanın hərbi elitası arasında Paşinyana münasibətdə yekdil mövqe yoxdur. Paşinyana qarşı olan və müxalifətlə təmaslarını davam etdirən hərbi elita məqam gözləyirdi. Paşinyanın da açıqlamaları buna münbit şərait yaratdı".

Politoloqun fikrincə, indiki vəziyyət Paşinyan üçün üstünlüklər yaratdığı kimi risklər də formalaşdırır: "Bu çevrilişə cəhdlə o, özünə loyal olan şəxsləri tanımış oldu. Ona qarşı çıxan şəxsləri vəzifələrindən uzaqlaşdırdı. Mövcud şərait qarşıdurmanın hərbi iğtişaşlara çevrilməsini istisna etmir. Paşinyana qarşı olan hərbi generalitet Qarabağdan qaytarılmış hərbi texnikanı silahlı iğtişaşlar üçün istifadə edə bilər. Bu gün Ermənistanda köhnə elitanın dayaqları zəifləyir və bu da onları getdikcə aqressivləşdirir. Tərəflər son savaşa hazırlaşırlar”.

90
Azərbaycan Dövlət İqtisad Universitetinin (UNEC) dosenti Elşən Bağırzadə

Məcburi köçkünlər 5 sorğuda iştirak edəcəklər Elşən Bağırzadə danışır

0
(Yenilənib 22:54 26.02.2021)
İqtisad üzrə fəlsəfə doktoru Elşən Bağırzadə Sputnik-Azərbaycana bildirir ki, sorğular bir-biri ilə əlaqəli olacaq
Elşən Bağırzadə: “Tədqiqatı sonunda hökumətə hesabat təqdim ediləcək”

ADA Universitetində “Azərbaycanın post-konflikt ərazilərinə repatriasiyanın proqnozlaşdırılması və effektiv təşkili üzrə təkliflərin hazırlanması” adlı tədqiqat işi aparılır. Sputnik Azərbaycan məlumat verir ki, bu tədqiqat çərçivəsində bir neçə sosioloji sorğu keçiriləcək.

İqtisad üzrə fəlsəfə doktoru Elşən Bağırzadənin sözlərinə görə, tədqiqat çərçivəsində məcburi köçkünlər arasında beş sorğu keçiriləcək:

“Bu sorğular bir-biri ilə əlaqəlidir. Sorğuların nəticəsinə uyğun olaraq sonda tədqiqat qrupu tərəfindən Azərbaycan hökumətinə hesabat təqdim ediləcək”.

Elşən Bağırzadənin fikirlərinə audiofaylda qulaq asa bilərsiniz

0