NATO ordusu

"Hədə-qorxuya baxmayın, NATO Rusiya ilə hərbi qarşıdurmaya getməz"

166
Ekspertlər Şimal Alyansı ilə Rusiya arasındakı gərginliyin genişmiqyaslı müharibəyə gətirib çıxaracağını istisna edirlər

BAKI, 7 noy — Sputnik. "Rusiya ilə münasibətlərimiz gərgindir. Bu səbəblə yüz minlərlə hərbçimizi döyüş hazırlığı vəziyyətinə gətirməyi planlaşdırırıq".

Politoloq Fikrət Sadıxov
© Sputnik / Murad Orujov
Politoloq Fikrət Sadıxov

Sputnik xəbər verir ki, bu barədə NATO-nun baş katibi Yens Stoltenberq açıqlama verib. Onun sözlərinə görə, NATO rəhbərliyi Rusiyadan gələ biləcək təhlükənin qarşısını almaq üçün, quru qoşunları üçün çoxlu sayda hərbçi hazırlamaq niyyətindədir. Baş katib, həmçinin deyib ki, NATO uzun illər Rusiyanın gücünü artırdığını, eləcə də müttəfiqləri arasında fəal təbliğat apardığını müşahidə edib.

Baş katibin təhlükəli bəyanatını Sputnik-ə dəyərləndirən politoloq Fikrət Sadıxov, NATO ilə Rusiya arasında genişmiqyaslı müharibə ehtimalını istisna edir: "Belə bir bəyanatların verilməsi Rusiya ilə Qərb arasındakı gərgin geosiyasi qarşıdurmanın nəticəsidir. Ancaq mən inanmıram ki, genişmiqyaslı müharibə başlaya bilər. Lakin ayrı-ayrı toqquşmalar istisna deyil".

F. Sadıxov aradakı təzyiqi azaltmaq üçün, həm Rusiyanın, həm də NATO-nun qarşılıqlı sülhməramlı addımlar atmasının vacibliyini vurğulayıb: "NATO-nun əsas oyunçusu Amerika Birləşmiş Ştatlarıdır. İndi hal-hazırda bu ölkədə seçkilər gedir. Hələ kimin seçiləcəyi məlum deyil. Seçilən prezident özünü necə aparacaq? Rusiya ilə münasibətləri necə quracaq? O da bəlli deyil. NATO mücərrəd bir anlayışdır. Təşkilatın güclü oyunçuları var. Və bütün planları NATO-ya daxil olan əsas oyunçular həll eləyir və həyata keçirir. Bu, məsələnin bir tərəfidir, digər tərəfi ondan ibarətdir ki, qarşıdurma hələ davam edəcək. Və bu qarşıdurmanın nəticələri acınacaqlı da ola bilər".

"Bu təzyiqi azaltmaq üçün qarşılıqlı sülhməramlı addımlar atılmalıdır. Çünki "soyuq müharibə" zamanında da gördük ki, bu qarşıdurmalar yaxşı nəticələrə gətirib çıxarmayıb. Nəticədə xalqlar və sıravi insanlar bundan əziyyət çəkiblər", — siyasi şərhçi bildirib.

Keçmiş dövlət müşaviri, politoloq Qabil Hüseynli isə hesab edir ki, bir çox NATO ölkələri Rusiya ilə gərginlikdə maraqlı deyil. "Baş katibin dedikləri uğurlu bir bəyanat deyil. Həm də güman etmirəm ki, bu, onun səlahiyyətinə daxil olan fikirdir", — o, Sputnik-ə açıqlamasında qeyd edib.

Qabil Hüseynli, politoloq
© Sputnik / STR
Qabil Hüseynli, politoloq

Q. Hüseynliyə görə, əksinə bir çox amerikalı və avropalı hərbçilər təşkilatı Rusiya ilə qarşıdurmadan çəkinməyə çağırırlar: "Hətta Rusiyanın özünü NATO-ya dəvət etməyi planlaşdırırlar. Bu şəxsin özü iki gün əvvəl Rusiyanın təşkilata dəvət edilməsi barədə fikir söyləmişdi. İndi birdən-birə Stoltenberqin belə açıqlama verməsi Rusiyanı qorxutmaqdan başqa heç bir xarakter daşımır".

"NATO ölkələrinin çoxu Rusiya ilə hərbi qarşıdurmaya getmək fikrində deyil. Çünki onlar Rusiya kimi nəhəng bir dövlətin onlara qarşı əzələ nümayiş etdirməsindən çəkinirlər. Dünya sülhə, barışa, tolerantlığa susayıb. İndiki anda müharibə bəşər sivilizasiyasının sonunu gətirə bilər. Bunu isə ağlı başında olan heç bir siyasətçi, nə də insan istəməz", — politoloq vurğulayıb.

166
Teqlər:
hərbi, Qabil Hüseynli, Fikrət Sadıxov, qarşıdurma, Yens Stoltenberq, NATO, Rusiya
Əlaqədar
Rusiya və NATO qırıcıları arasında gərginlik yaşanıb
NATO Rusiyadan narahatdır
Rusiyadan NATO-ya cavab: "Müharibənin acı fəsadlarını yaxşı xatırlayırlar"
NATO-nun yekun qərarı Rusiyanı qıcıqlandırmaq üçündür
NATO sammitinin əsas hədəfi Rusiyadır
NATO Rusiyanın "qulağının dibinə" yaxınlaşdı
Kompüter arxasında iş, arxiv şəkli

Feyk fabriki onun əsl sahibləri

10
(Yenilənib 20:01 03.03.2021)
Son vaxtlar "Bellingcat" informasiya agentliyi yenə gündəmdədir. KİV-də onun yaradıcısı kimi qələmə verilən "Eliot Higgins" kitab çıxarıb. Onun silahdaşı "Xristo Qrozev" və ya "Moris Rakuşitski" yeni ifşaedici xəbərlərin olacağını vəd edib.

BAKI, 3 mart — Sputnik, Viktoriya Nikiforova. Son vaxtlar Bellingcat informasiya agentliyi yenə gündəmdədir. KİV-də onun yaradıcısı kimi qələmə verilən "Eliot Higgins" kitab çıxarıb. Onun silahdaşı "Xristo Qrozev" və ya "Moris Rakuşitski" yeni ifşaedici xəbərlərin olacağını vəd edib.

Bütün bunlar barədə ciddi danışmaq mümkün deyil, onlar sadəcə olaraq, jurnalist araşıdırması janrını gözdən salmaqla məşğuldurlar. Bellingcat-ın özünün ortaya çıxma hekayəsi isə daha maraqlıdır. Bəs bu feyk xəbərlər fabriki necə yaranıb?

2010-cu ilin əvvəllərində Əfqanıstandakı Amerika hərbi kəşfiyyatının rəhbəri Maykl Flinn "Kəşfiyyat işini necə dirçəltməli?" ("Fixing Intel") adlı maraqlı bir hesabat dərc etdirmişdi. Flinn hesabatın həmmüəllifləri ilə birlikdə həmkarlarına bildirirdi ki, informasiyanı onu verməyə hazır olan hər kəsdən almaq lazımdır – yerli sakinlərdən, jurnalistlərdən, QHT və qadın təşkilatlarının nümayəndələrindən, BMT-nin əməkdaşlarından, vətəndaş fəallarından və s. Özü də yalnız hərbi məlumatları deyil, ölkədə baş verən hər şey haqqında informasiya toplamağı və sonra onları NATO müttəfiqləri, jurnalistlər, QHT-lərlə paylaşmağı məsləhət görürdülər. Düzgün biçimləndirilərək təqdim olunan məlumatlar silaha çevrilir: yerli sakinlərə işğalçıların onların qayğısına necə qaldığını göstərərək əhalini partizanlardan uzaqlaşdırır, Yaxın Şərqdə qayda-qanun yaradan Amerika demokratiyasının parlaq obrazını nümayiş etdirməyə imkan verir.

Məlumatların çeşidləndirilməsi ilə xüsusi seçilmiş analitiklər məşğul olurlar - Flinn bu zaman "ən istedadlılarını və məlumata ac olanlarını" seçməyi məsləhət görürdü. Onlar heç bir detalı gözdən qaçırmamalı, geolokasiyalarla və açıq mənbələrlə işləməyi bacarmalı idilər. Sonda hesabat müəllifləri Amerika kəşfiyyatının veteranı Samuel Vilsondan sitat gətirirdilər: "Məlumatların 90%-i" açıq mənbələrdən gəlir, kəşfiyyatın əsl qəhrəmanı Ceyms Bond deyil, Şerlok Holmsdur".

Elə təxminən həmin vaxt Böyük Britaniya ordusunun zabiti Bob Sili Əfqanıstanda xidmət etməyə yollanır. İngilis qəzetləri onu kəşfiyyatçı kimi qələmə versələr də, buna heç bir dəlil göstərmirlər. Bəlkə də, 2008-2017-ci illər arasında İraq, Əfqanıstan, Liviya və Suriyada Bob Sili, həqiqətən də, tamamilə başqa işlə məşğul olub.

Sili hazırda məşhur siyasətçi olmasına baxmayaraq, hələ də özünü Ştirlis kimi aparır. İndiyə kimi yaxınlarının, valideynlərinin və ya əsrarəngiz həyat yoldaşının təsvir olunduğu bir dənə fotosu belə yayımlanmayıb. O hər yerə tək gedir və yeri gəlmişkən, homoseksualların hüquqları uğrunda fəal şəkildə mübarizə aparır.

Bob Sili 1990-cı illərin əvvəllərində postsovet məkanında ştatdankənar müxbir kimi fəaliyyət göstərməyə başlamışdı, Kiyevdən, Tiraspoldan, Çeçenistandan reportajlar hazırlayırdı. Əsasən "The Times" qəzeti üçün yazırdı.

2012-ci ilin əvvəllərində internetdə "Brown Mozes" təxəllüslü bloger peyda oldu. Bu, Frenk Zappanın məşhur mahnısının adı idi. Məsələ burasındadır ki, Sili rok musiqisini çox sevir, həm də yaxşı gitara çalır. Çox keçmədən "Brown Mozes" əməlli başlı şöhrət qazanır. Əvvəl media maqnatı Rupert Merdokla bağlı qalmaqallı yazılar yazır, daha sonra Suriya məsələsinə yönəlir.

Naməlum bloger eynilə Flinnin hesabatında təsvir olunan "ən istedadlı və xəbərə ac" analitiklər kimi hərəkət edir. Suriyadan YouTube-a yüklənən videoları gözdən keçirərək onları yeni başlıqlarla yayımlayır. Məsələn: "Qəlpə yarası almış təxminən on körpə meyiti tapıldı" kimi.

Bununla belə, bloger məlumatları təhlil etmir, dərhal öz münasibətini ortaya qoyur. Məsələn, Hulə şəhərindəki faciədə Suriya hakimiyyətini günahlandırır, halbuki təhqiqat sonradan kütləvi ölüm hallarının silahlılar tərəfindən törədildiyini üzə çıxartdı. Bir sözlə, bu artıq Flinnin haqqında danışdığı kəşfiyyat deyil, əməlli-başlı təbliğatdır.

Günlərin bir günü "The New York Times"ın hərbi müxbiri Si Cey Divers onu tapır və ifşa edir. Məlum olur ki, "Brown Mozes" imzası ilə yazan blogerin əsl adı Eliot Higginsdir.

Bundan sonra Böyük Britaniya və Amerika KİV-ləri Eliot Higgins haqqında saysız-hesabsız məqalələr yazmağa başlayır. Ancaq Eliot Higginsin valideynləri haqqında indiyə kimi heç kimə heç nə məlum deyil. Belə ki, onun ad-familiyası tamamilə uydurulmuş da ola bilər.

2013-cü ildə "Nyu-Yorker"in müxbiri ondan öz bloqu üçün niyə belə bir ad seçdiyini soruşanda bloger "Təsadüfən" deyə cavab vermişdi.

Bellingcat xəbər agentliyi Higginsin adına qeydiyyata alınıb və Rusiya əleyhinə ən yeni "ifşaedici" xəbərlər bu agentlikdən yayılır. Ancaq həmin xəbərlərin heç birində dəlil-sübut yoxdur. Bununla belə, onların hər biri Rusiyaya qarşı informasiya hücumuna və növbəti sanksiyalara başlamaq üçün bahənə verir.

Bu müddət ərzində Bob Sili məşhur siyasətçi və nüfuzlu hərbi analitikə çevrilir və Rusiya ilə bağlı daha aqressiv yazılar yazmağa başlayır. 2018-ci ildə isə parlamentdə Skripallarla bağlı mətbuat konfransı təşkil edir. "Zəmanəmizin Şerlok Holmsları bunlardır," – deyə Higgins və Qrozevi həmkarlarına təqdim edir. Elə həmin vaxtdan millət vəkili Bellingcat-ı yemləməklə məşğuldur.

Beləliklə, Qərbin elit ailə klanları üçün Rusiya ətrafındakı limitrof heç kimin torpağı deyil, sadəcə ov oylağıdır. Yerli əhali (istər inkişaf etmiş olsun, istərsə də geridə qalmış olsun) onlar üçün yalnız flora və fauna müxtəlifliydir. Bellingcat kimi alətlər isə hibrid müharibələri üçün mükəmməl silahdır.

10
İtaliyada epidemioloji vəziyyət

Karantin strategiyası fiaskoya uğradı, amma Avropa günahkarı tapıb

10
(Yenilənib 18:46 03.03.2021)
Avropada müşahidə olunan mənzərə düz bir il bundan əvvəlki situasiyanı yada salır. Həmin vaxt  Avropa İttifaqı fövqəladə vəziyyətdə tam çarəsizlik nümayiş etdirdi, ittifaqın üzvləri isə kəskin böhranın öhdəsindən təkbaşına gəlmək məcburiyyətində qaldılar.

BAKI, 3 mart — Sputnik, İrina Alksnis. Avropa Parlamentinin Aİ-nin demokratik proseslərinə xarici müdaxilə üzrə xüsusi komitəsinin dinləmələrində çıxış edən Avropa diplomatiyasının rəhbəri Jozep Borrell Rusiyanı dezinformasiya kampaniyasında günahlandırdı. Onun sözlərinə görə, bu, Aİ demokratiyasını ləkələmək və beynəlxalq əməkdaşlığı zəiflətmək məqsədi daşıyır.

Borrell davam edən pandemiya şəraitində yalan və insanları çaşdırmağa yönəlmiş məlumatların xüsusi təhlükəsinə də işarə edib. "Biz Kremlə yaxın kanalların maska taxmağın və karantin qaydalarının faydasız olduğu barədə məlumatlar yaydıqlarını gördük”, – deyə o bəyan edib. Diplomatın sözlərinə görə, hazırda Moskvanın peyvənd diplomatiyası ön plana çıxıb. Kreml bu yolla Qərb preparatlarını və onların istehsalçılarını nüfuzdan salmağa çalışır, digər tərəfdən öz peyvəndini fəal şəkildə təbliğ edir.

Məmurun narahatlığı başadüşüləndir. Rusiyada insanların çoxu üçün həyatın öz axarına düşdüyü və pandemiya səbəbindən tətbiq olunan məhdudiyyətlərin tədricən ləğv olunduğu bir vaxtda Avropada karantin qaydalarının sərtləşdirməsinin yeni dalğası başlayır. Finlandiyada fövqəladə vəziyyət rejimi tətbiq olundu. Çexiyada bütün dünyada ən yüksək yoluxma halı qeydə alındığına görə, insanların yaşayış yerini tərk etməsi qadağan edildi, İtaliyada da məhdudiyyətlər sərtləşdirildi. Bütün bunlarla yanaşı, təxminən bir ildir ki, evlərinə məhkum olunmuş Avropa əhalisi artıq hakimiyyətin bu tədbirlərin onların xeyrinə olması ilə bağlı arqumentlərini qəbul etmək istəmir. Kütləvi etirazlar, demək olar ki, bütün qitəni bürüyüb.  Bir sözlə, vəziyyət xeyli qəlizdir. Çexiya “Sputnik V” peyvəndinin tədarükü ilə bağlı Rusiyaya müraciət edib. Bu, ölkə prezidenti ilə baş nazirinin birgə qərarıdır. Slovakiya bir az da uzağa gedərək Macarıstan və Serbiyanın ardınca, Avropa tənzimləyicisinin razılığını gözləmədən Rusiya preparatını qeydiyyatdan keçirtdi. Koronavirusla bağlı kifayət qədər ağır vəziyyətin müşahidə olunduğu Polşa isə Çindən COVID-19 peyvəndi alacaq.

Avropada müşahidə olunan mənzərə düz bir il bundan əvvəlki situasiyanı yada salır. Həmin vaxt  Avropa İttifaqı fövqəladə vəziyyətdə tam çarəsizlik nümayiş etdirdi, ittifaqın üzvləri isə kəskin böhranın öhdəsindən təkbaşına gəlmək məcburiyyətində qaldılar. Düzdür, arada fərq də var: onda bütün dünyada fors-major vəziyyət yaranmışdı. Və məlum oldu ki, Brüssel ekstern vəziyyətdə hadisələrə operativ reaksiya verməyə qadir deyil.  Əlbəttə ki, bu, Avropa üçün xoş yenilik olmadı, ancaq Aİ-nin həmin situasiyada acizliyini pandemiyanın gözlənilmədən başlaması və problemin qlobal xarakter daşıması ilə izah etmək olardı. İndi isə vəziyyət tamamilə fərqlidir. Pandemiyanın gözlənilməzlik effekti aradan qalxdıqca Avropa İttifaqı yenidən güclənməyə başladı: çünki bu qurumun ən yaxşı bacardığı strateji planlaşdırma, mürəkkəb proseslərin idarə olunması, vəsaitlərin yığılması və bölüşdürülməsi kimi məsələlər yenidən gündəmə gəlmişdi. Və Avropa hakimiyyəti bütün dünyaya bu tip təhlükələrlə necə mübarizə aparmaq lazım gəldiyini göstərəcəklərini bəyan etdi. Göstərdilər də... 

Bunun nəticəsi isə ən vacib fəaliyyət sahələrindəki uğursuzluqlardan ibarət oldu. Avropanın seçdiyi karantin strategiyası fiaskoya çevrildi, əhalinin vaksinasiyası ilə bağlı vəziyyəti isə yalnız bir kəlmə ilə ifadə etmək mümkündür – fəlakət. Avropanın dərs vermək istədiyi ölkələrdə vəziyyətin daha məqbul olmasının fonunda bu qitənin mənzərəsi bir az da acınacaqlı təsir bağışlayır. Bütün bunların mərkəzində isə Avropa hakimiyyətinin qəbul etdiyi səhv qərarlar dayanır. Bu Aİ-nin nüfuzuna bir il bundan əvvəlki pandemiya qarşısında acizlikdən daha çox zərbə vurur. Bu vəziyyətdə, Şərqi Avropa dövlətləri tərəfindən müstəqil hərəkət cəhdləri əhəmiyyət kəsb etməyə başlayır. Əlbəttə ki, onlar Aİ-nin ikinci dərəcəli üzvləri olduqlarının və koronavisrusa görə yardım ayrılan vaxt ən axırda yada düşəcəklərinin fərqindədirlər. Odur ki, oturub onları nə vaxt yada salacaqlarını gözləmək fikrində deyillər.

Brexit, eləcə də Polşa və Macarıstan səlahiyyətlilərinin getdikcə artan avroskeptizmi fonunda fors-major vəziyyət səbəbi ilə də olsa belə, bu cür ölkələrin siyahısının genişlənməsi Avropa İttifaqı üçün yaxşı heç nə vəd etmir.

Təxminən altı il bundan əvvəl Avropa böyük bir entuziazmla özünə əməlli-başlı miqrasiya problemi yaratdı ki, onun nəticəsi hələ də aradan qaldırılmayıb. Beləliklə, pandemiyaya qarşı mübarizə Avropa siyasətində daha bir uğursuzluq yaratdı. Kifayət qədər qısa müddətdə ağır nəticələrə gətirib çıxaran strateji səhvlərə yol verildiyi ortaya çıxdı.

10
Teqlər:
Rusiya, peyvənd, strategiya, karantin, Avropa
Mövzu:
Yeni tip koronavirus pandemiyası
Bakıda avtobus, arxiv şəkli

Daha bir avtobusda gediş haqqı "BakıKart" vasitəsilə ödəniləcək

0
(Yenilənib 17:30 04.03.2021)
Sərnişinlərin rahatlığı nəzərə alınaraq Yeni Günəşli qəsəbəsi üzrə zəruri ərazilərdə ümumilikdə 5 ədəd "BakıKart"ın balansını artırmaq üçün ödəmə pos-terminalları qoyulacaq.

BAKI, 4 mart — Sputnik. Martın 5-dən 64 nömrəli marşrut xətti ( "Neftçilər" m/s – Yeni Günəşli qəs. (D yaş.mas.) ) üzrə hərəkət edən avtobuslarda da gediş haqqı "BakıKart" vasitəsilə ödəniləcək. Sputnik Azərbaycan-a Bakı Nəqliyyat Agentliyindən verilən məlumata görə, bununla da gün ərzində orta hesabla 13.000 nəfərdən artıq sərnişinin rahat daşınması təmin olunacaq:

"Bütün digər xidmət sahələrində olduğu kimi sərnişindaşımalarda da nağdsız hesablaşmaların tətbiqi prioritet məsələlərdəndir. Dövlət başçısının tapşırığına uyğun olaraq son beş ildə bu istiqamətdə mühüm addımlar atılıb. Paytaxtın marşrut şəbəkəsində istismarda olan avtobusların 48 %-i nağdsız ödəniş sisteminə inteqrasiya edilib. Hazırda gündəlik olaraq 590 min nəfərə yaxın sərnişinin (ümumi sərnişinlərin 33%) nağdsız ödəmə sisteminin xidmətlərindən istifadə edir.

Nağdsız ödəniş sisteminin tətbiqi dövriyyənin şəffaflaşdırılması, vergi ödəmələrinin artırılması, əmək münasibətlərinin rəsmiləşdirilməsi, sürücülərin və digər çalışanların sosial rifahının yaxşılaşdırılması baxımından olduqca faydalıdır. Sərnişindaşımalarda təhlükəsizlik kimi vacib məsələlərin həlli baxımından əhəmiyyətli olan nağdsız ödəniş sistemi həmçinin bu sektorda sahibkarlığın inkişafında struktur və keyfiyyət dəyişikliyinə də müsbət təsir göstərməkdədir.

Sərnişinlərin rahatlığı nəzərə alınaraq Yeni Günəşli qəsəbəsi üzrə zəruri ərazilərdə ümumilikdə 5 ədəd "BakıKart"ın balansını artırmaq üçün ödəmə pos-terminalları qoyulacaq. İş prosesinə uyğun olaraq digər marşrut xətləri də mərhələli şəkildə nağdsız ödəniş sisteminə inteqrasiya olunacaq. Bununla bağlı əvvəlcədən məlumat veriləcək".

0
Teqlər:
Bakı Nəqliyyat Agentliyi