Rusiya və Türkiyə bayrağı

Rusiya ilə Türkiyə tarixi anlaşmanın astanasında

79
Ekspert: "Türkiyə Suriyanın şimalında tampon zona yaradılması qarşılığında Rusiyanın istəyini reallaşdıracaq və öz ərazisindən bu ölkəyə silahlı döyüşçülərin keçməsinə mane olacaq"

BAKI, 23 avq — Sputnik. "Suriya məsələsində qalib tərəf nə Bəşər Əsəd, nə müxaliflər, nə ABŞ, nə də Türkiyə oldu. Bu ixtilafdan qələbə ilə çıxan məhz Vladimir Putindir".

Türkiyəli politoloq Ömər Dinçər
© Photo : STR
Türkiyəli politoloq Ömər Dinçər

Bu sözləri Sputnik-ə açıqlamasında türkiyəli jurnalist-yazar Ömər Dinçər deyib. O, öz fikrini bu cümlələrlə əsaslandırıb: "Gəlin hadisələrin başlanğıcına və ortalarına baxaq. Sözdə müttəfiq kimi görünən ABŞ və Türkiyə, ötən beş il ərzində Suriyada konkret əməkdaşlıq sərgiləyə bilmədi. Rəsmi Ankaranın haqlı olaraq, Suriyanın şimalında tampon bölgə (uçuşa qadağan zona) yaratmaq istəyini Vaşinqton hər dəfə bir bəhanə ilə geri çevirirdi".

"Əlbəttə, Türkiyə təkbaşına bu riskə gedə bilməzdi. Çünki o zaman Rusiya buna qarşı çıxırdı. Bu anlaşılmazlıqlar, üstəlik Amerikanın PYD ilə yaxınlıq etməsi Türkiyənin üzünü Rusiyaya çevirməsinə səbəb oldu. Və nəticə etibarilə bu gün tampon zona üzərində Türkiyə ABŞ-la yox, Rusiya ilə əməkdaşlıq etməyə hazırlaşır", — araşdırmaçı bildirib.

Dinçərə görə, Moskvada Ankaranın təklifinə yox deyilməyib: "Qısası, Suriya məsələsində Kreml onunla hesablaşmağın vacib olduğunu həm Ankaraya, həm də Vaşinqtona öyrətmiş oldu".

Onun sözlərinə görə, Türkiyə baş naziri Binəli Yıldırımın "altı ay ərzində Suriya məsələsində ciddi dəyişiklik olacaq" bəyanatı da məhz Rusiya ilə razılığa işarədir: "Suriya məsələsində Türkiyənin Rusiya ilə maraqları bir-birinə daha yaxındır, nəinki ABŞ-la. Vaşinqtonun niyyəti Suriyanı parçalayıb, ölkənin şimalında kürd dövləti yaratmaqdır. Türkiyə isə buna qətiyyən razı olmur. Hətta belə bir şeyi "qırmızı xətt" elan edib. Həm Moskva, həm də Ankara Suriyanın ərazi bütövlüyünün qorunmasını istəyir. Bu məsələdə Rusiya ilə Türkiyənin maraqlarının üst-üstə düşməsi Suriya probleminin tezliklə həll oluna biləcəyinə işarədir. Necə ki, Binəli Yıldırım bir neçə gün əvvəl, qarşıdakı altı aya işarə etmişdi".

Zərdüşt Əlizadə, politoloq
© Photo : STR
Zərdüşt Əlizadə, politoloq

Mövzuya münasibət bildirən politoloq Zərdüşt Əlizadə, Rusiya və Türkiyənin Suriya məsələsində qarşılıqlı şərtlər əsasında razılaşdığını iddia edib: "Türkiyə Suriyanın şimalında tampon zona yaradılması qarşılığında Rusiyanın istəyini reallaşdıracaq və öz ərazisindən bu ölkəyə silahlı döyüşçülərin keçməsinə mane olacaq. Böyük ehtimalla, belə bir razılıq əldə olunub. Bu, hər iki tərəfi də qane edən razılaşmadır. Əgər plan baş tutsa, Türkiyəyə sığınan üç milyona yaxın qaçqın öz ölkələrinə qayıdıb təhlükəsiz şəraitdə yaşaya biləcək".

ABŞ-ın bu ittifaqa hansı reaksiyanı göstərəcəyinə münasibət bildirən politoloq, Vaşinqtonun özünün də bəzi hallarda Rusiya ilə məhdud əməkdaşlıq qurduğunu yada salıb: "Düşünürəm ki, Ankara ilə Moskvanın Suriya məsələsində razılığa gəlməsi böyüdülməməlidir. Çünki Amerika özü də bir çox hallarda Rusiya ilə əməkdaşlıq edir. Təbii ki, bu, məhdud ölçüdə qalır. Eynilə də, Türkiyənin Rusiya ilə əməkdaşlığı məhdud çərçivədədir və belə də qalacaq".

79
Teqlər:
Zərdüşt Əlizadə, Ömər Dinçər, Rusiya, Türkiyə, ABŞ, Bəşər Əsəd, Suriya
Əlaqədar
Rusiya-Türkiyə yaxınlaşması Suriyaya nə vəd edir?
Rusiyadan vacib Türkiyə açıqlaması
Türkiyə İncirliyi Rusiyaya verə bilər
Ekspert: İlham Əliyev Rusiya-Türkiyə əlaqələrinin bərpasında böyük rol oynayıb
Ərdoğan: FETÖ Rusiya-Türkiyə münasibətlərini pozmağa çalışıb
Ərdoğan Putinlə Türkiyə-Azərbaycan-Rusiya üçtərəfli formatının yaranmasını müzakirə edib
Neft platforması, arxiv şəkli

Niyə məhz indi? Bakı Aşqabadın razılaşması nədən xəbər verir

182
(Yenilənib 13:54 22.01.2021)
"Ola bilər ki, Dağlıq Qarabağ münaqişəsinin indiyə qədər həll olunmaması Türkmənistan tərəfində təhlükəsizliklə bağlı müəyyən narahatlıqlar yaradırdı"

Eldar Tanrıverdiyev, Sputnik Azərbaycan

BAKI, 22 yanvar — Sputnik. Mütəxəssislər Azərbaycan və Türkmənistan arasında ötən gün əldə olunan Xəzər dənizində "Dostluq" yatağının karbohidrogen resurslarının birgə kəşfiyyatı, işlənilməsi və mənimsənilməsi haqqında Anlaşma Memorandumunu tarixi hadisə adlandırırlar. Belə ki, bu anlaşma Xəzər dənizində uzun illərdir Kəpəz/Sərdar yatağı üzrə mübahisələrə son qoymaqla yanaşı, iki ölkə - Azərbaycan və Türkmənistan arasında olan əlaqələri daha üst mərhələyə çıxarmağa imkan verəcək.

Təsadüfi deyil ki, Azərbaycan Prezident İlham Əliyev Anlaşma Memorandumunu tarixi sənəd adlandırıb və qeyd edib ki, bu yataq, həmçinin yataqdakı iş ölkələrimiz və xalqlarımızı daha da yaxınlaşdıracaq, həm Türkmənistan, həm də Azərbaycan xalqlarına xeyir gətirəcək.

Sputnik Azərbaycan Anlaşma Memorandumu, onun əhəmiyyəti və bu memorandumun niyə məhz indi imzalanması ilə bağlı "Cənubi Qafqaz" siyasi klubunun rəhbəri, politoloq İlqar Vəlizadə ilə həmsöhbət olub.

Politoloq qeyd edib ki, bu memorandumun indi imzalanması ondan xəbər verir ki, Azərbaycan və Türkmənistan bununla bağlı artıq bir neçə ildir danışıqlar aparıblar. Onun sözlərinə görə, birdən-birə belə bir razılaşma ərsəyə gələ bilməz: "Niyə məhz indi? Yəqin ki, bununla bağlı bir sıra nüanslar var. Ehtimal edirəm ki, onlardan biri də təhlükəsizliklə bağlı məsələlər idi. Ola bilər ki, Dağlıq Qarabağ münaqişəsinin indiyə qədər həll olunmaması Türkmənistan tərəfində təhlükəsizliklə bağlı müəyyən narahatlıqlar yaradırdı. Çünki bu, Kəpəz/Sərdar – indiki adı ilə "Dostluq" yatağının işlənməsi və hasil ediləcək resursların ixracı üçün müəyyən risklər yaradırdı.

Aydındır ki, ixrac üçün ən optimal istiqamət Qərb – Avropadır. Həmçinin bu istiqamət üzrə Azərbaycan və digər ölkələr də daxil olmaqla hazır infrastruktur layihələri var. Yəni yeni bir infrastruktur layihəsinin qurulmasına ehtiyac yoxdur. Ona görə də hazır xammalın xarici bazarlara daşınması üçün yaxşı imkan var. Bu memorandumun Dağlıq Qarabağ münaqişəsinin nizamlanmasından qısa müddət sonra imzalanması artıq Türkmənistan rəhbərliyinin təhlükəsizliklə bağlı narahatlığının sona çatması kimi də dəyərləndirilə bilər".

"Cənubi Qafqaz" siyasi klubunun rəhbəri qeyd edib ki, rəsmi Bakı hələ on il əvvəl Aşqabada "Dostluq" yatağının birgə işlənməsini təklif edib: "Bu təklifdə yatağın bərabərhüquqlu şəkildə istismarı, hasilatın bərabər bölünməsi yer alır. Üç il bundan əvvəl – 2018-ci ilin martında İran Prezidenti Həsən Ruhaninin Azərbaycana səfəri zamanı bu memoranduma bənzər razılaşma - həmsərhəd zonada yerləşən yataqların birgə istismarına dair razılaşma İran tərəfi ilə də imzalanmışdı. Lakin İranla bağlı beynəlxalq proseslərə (ABŞ-ın nüvə razılaşmasından çıxması, İrana qarşı sanksiyaların tətbiqi – red.) görə yataqların işlənməsi istiqamətində heç bir praktiki addımlar atılmayıb. Amma "Dostluq" yatağının istismarı üçün belə maneələr yoxdur".

İlqar Vəlizadə vurğulayıb ki, Azərbaycan və Tükmənistanın əldə etdiyi razılaşmanın başqa bir əhəmiyyəti isə bundan ibarətdir ki, bu yataq Trans-Xəzər qaz layihəsinin həyata keçirilməsi üçün təkan verə bilər: ""Dostluq" yatağında 50-100 milyon ton neft, 30 milyard kub metr qaz ehtiyatları var. Bu, təbii sərvətlərlə kifayət qədər zəngin yataqdır. Bu yataqdan çıxarılan qazın Cənubi Qaz Dəhlizi layihəsi ilə Qərbə - Avropaya tədarükü də realdır. Bu isə Cənub Qaz Dəhlizi layihəsinin, ümumilikdə Avropanın enerji təhlükəsizliyi baxımından Qafqaz regionunun əhəmiyyətini artırır. Bundan əlavə, Azərbaycanı artıq neft-qaz ixracatçısından əlavə, bir enerji habına, tranzit ölkəsinə çevirəcək".

182
Teqlər:
təhlükəsizlik, ekspert, qaz, neft, yataq, qərar, Türkmənistan, Azərbaycan
Manat, arxiv şəkli

Siyasi partiyalar dövlət vəsaitini hara sərf edir? partiya rəsmiləri açıqlayır

32
(Yenilənib 00:33 22.01.2021)
“Siyasi Partiyalar haqqında” qanuna uyğun olaraq dövlət büdcəsindən vəsaitin ayrılması yolu ilə siyasi partiyalara maliyyə yardımı göstərilir.

Elvin Səlimov, Sputnik Azərbaycan

BAKI, 22 yanvar — Sputnik. Yeni Azərbaycan Partiyası (YAP) 2020-ci ilə dair gəlirləri və xərclərini açıqlayıb. Ötən il YAP-ın gəlirləri 12 288 708 manat olub. Qeyd edək ki, “Siyasi Partiyalar haqqında” qanuna uyğun olaraq dövlət büdcəsindən vəsaitin ayrılması yolu ilə siyasi partiyalara maliyyə yardımı göstərilir.

Bəs dövlət büdcəsindən maliyyələşən partiyalar hesabatlılığa nə qədər önəm verir və vəsaitlər nəyə xərclənir? Sputnik Azərbaycan mövzu ilə bağlı bir neçə partiya rəsmisinin fikirlərini öyrənib.

Yeni Azərbaycan Partiyası İcra Katibliyinin Siyasi təhlil və proqnozlaşdırma şöbəsinin müdiri, millət vəkili Aydın Mirzəzadə deyib ki, təmsil olunduğu partiya “Siyasi Partiyalar haqqında” qanunun tələblərinə uyğun olaraq hər ilin yekununda maliyyə hesabatını açıqlayır.

O bildirib ki, YAP-ın fəaliyyəti tamamilə şəffafdır:

“Yığılan üzvlük haqları və qəbul edilən vəsaitlər partiyanın saxlanmasına, müxtəlif tədbirlərin keçirilməsinə, eyni zamanda vaxtaşırı təşkil edilən humanitar fəaliyyətlərə sərf olunur. Partiyamızın rəhbəri ölkə başçısıdır və onun fəaliyyətindəki şəffaflıq rəhbərlik etdiyi partiyanın fəaliyyətində də özünü göstərir. YAP ölkəmiz üçün aktual olan bütün məsələlərlə bağlı prinsipial mövqeyini ortaya qoyur. Dövlət quruculuğu, seçkilər və cəmiyyətin maarifləndirilməsində öz üzərinə düşən vəzifələri yerinə yetirir”.

Hazırkı parlamentdə YAP-dan sonra ən çox millət vəkili ilə təmsil olunan Vətəndaş Həmrəyliyi Partiyasının sədri, millət vəkili Sabir Rüstəmxanlı isə deyib ki, rəhbərlik etdiyi partiya əsasən dövlət büdcəsi hesabına maliyyələşir və əlavə gəlir mənbəyi yoxdur. O bildirib ki, ayrılan vəsait partiyanın icra aparatının saxlanmasına sərf edilir. Sədr qeyd edib ki, partiya yarananda üzvlük haqqı toplamaq ənənəsi olmayıb və indi də yoxdur: “Partiyamızın böyük gəlirləri yoxdur. Bununla belə büdcədən ayrılan vəsaitin hesabına müəyyən humanitar aksiyalarda iştirak edirik. Ehtiyac olsa, partiyamız gəlirlər və xərclərlə bağlı hesabatı açıqlaya bilər”.

Böyük Quruluş Partiyasının sədri, millət vəkili Fazil Mustafa bildirib ki, sədrlik etdiyi partiyanın hesabatı yaxın müddətdə hazırlanıb, təqdim ediləcək: “Partiyaların hesabatlı olmasına müsbət yanaşırıq. Bizim partiyamız ilkin hesabat təqdim edən partiyalardandır və bununla bağlı hər hansı problem yoxdur”. Vəsaitin yetərliliyi haqqında sualımıza cavabında partiya sədri bildirib ki, dövlət tərəfindən ayrılan vəsait yetərincədir və onu da partiyanın inkişafı üçün sərf edirlər.

“Eyni zamanda partiyamızda üzvlük haqları toplanır ki, bu da partiyamız üçün kifayət edir”, – deyə partiya sədri qeyd edib.

32
Национальная Академия Наук Азербайджана. Архивное фото

AMEA-nın iki institutunun rəhbərləri işdən azad olundular

0
(Yenilənib 19:17 22.01.2021)
AMEA-nın A.Bakıxanov adına Tarix İnstitutunun, həmçinin Radiasiya Problemləri direktorları vəzifələrindən azad ediliblər.

BAKI, 22 yanvar - Sputnik. AMEA-nın Radiasiya Problemləri İnstitutunun direktoru Oqtay Səmədov vəzifəsindən azad edilib.

APA-nın məlumatına görə, bu barədə AMEA Rəyasət Heyətinin bu gün keçirilən iclasında qərar verilib. Onun yerinə hələlik təyinat yoxdur.

Həmçinin Yaqub Mahmudov AMEA-nın A.Bakıxanov adına Tarix İnstitutunun direktoru vəzifəsindən azad edilib.

Bu barədə məlumatı AMEA-dan təsdiqləyiblər.

0