Orxan Səfərov braziliyalı Felipe Kitadaiyə qarşı. 60 kq çəki dərəcəsində cüdo üzrə yarımfinal görüşməsi. Rio-de-Janeyro, Olimpiya oyunları stadionu. 6 avqust 2016-cı il

1 qızıl, 7 gümüş, 10 bürünc: bəsimizdir?

114
(Yenilənib 12:01 23.08.2016)
Azərbaycan komandasının Rio Olimpiadasında əldə etdiyi nəticəni uğurlu sayanlar da var, uğursuz sayanlar da

BAKI, 23 avq — Sputnik. Azərbaycan bu il Rio-de Janeyroda keçirilən Yay Olimpiya Oyunlarına 56 idmançı ilə qatıldı. Ümumi medal sayında rekordu təzələsək də, yarışda cəmi bir qızıl medal qazana bildik. İdmançılarımız ümumilikdə 1 qızıl, 7 gümüş, 10 bürünc medal əldə ediblər ki, bu da ümumi hesabda komandamızı 39-cu yerdə qərarlaşdırıb.

Rəşad Ergün
© Photo : PUBLIC DOMAIN
Rəşad Ergün

Bu göstərici qaneedicidirmi? Yaxud Rio-2016 ilə bağlı uğur və uğursuzluqlarımız nədən ibarətdir? Sputnik-in əməkdaşı bu suallarla idman jurnalistlərinə müraciət edib.

Rəşad Ergün — Komanda.az saytının baş redaktoru: "Mən olimpiadanın nəticələrini elə də uğurlu saymıram. Kim nə deyir desin, bizim bu olimpiadada cəmi bir çempionumuz — bir qızıl medalımız oldu. Medalların çoxunu da milliləşdirilmiş idmançılar qazandı. Belə çıxır ki, Azərbaycanda idmanın inkişafı üçün xərclənən külli miqdarda vəsait hədər gedib. Medalları, uğurları bizə başqaları qazandıracaqsa, onda daha idmana milyardlarla vəsait xərcləmək nəyə lazımdı? Başqaları bu olimpiadanı uğurlu saya bilər. Amma mənə görə, Rio olimpiadası bizim üçün fiasko oldu".

Mehman Süleymanov
© Photo : Mehman Suleymanov/facebook
Mehman Süleymanov

Mehman Süleymanlı — Sportnet.az saytının redaktoru: "Ümumi medal sayına görə müsbət hesab edirəm. Hər halda bu, bizim üçün rekorddur. Müsəlman ölkələri arasında birinci, postsovet məkanında Rusiyadan sonra ikinci olmağımızı böyük nailiyyət sayıram. Ancaq cəmi bir qızılın olması, onu da legionerin qazanmasını da nəzərə almaq lazımdır. Medal sıralamasında medalın əyarına üstünlük verildiyindən cəmi bir qızılla razı qalmaqla olmur. Özü də 4-5 qızıl qazanmağımız real olduğu vaxtda. Olimpiya yığmamızın heyətində legionerlər çox olduğundan medalçıların çoxunun onlar olacağı gözlənilən idi. Hər halda onlar ölkəmizin şərəfini qoruyaraq bayrağımızı ucaltdılar. Lazımsız, nəticə verməyən legionerləri isə saxlamağa dəyməz".

Aygün İlqarqızı
Aygün İlqarqızı

Aygün İlqarqızı — Aznews.az saytının idman müxbiri: "Sözün düzü, 18 medal olması sevindirici haldır. Azərbaycan tarixində ilk dəfə olmpiya oyunlarından bu qədər medal qazanılır. Amma 1 dənə qızılın olması heç də ürək açan olmadı. Ötən olimpiadada 2 qızılımız var idi. Onu da güləşçilərimiz qazanmışdı. Düzdür, 2016-cı il Rio Olimpiadasında da güləşçilərimiz hər görüşdən medal götürdülər, bu, bizi sevindirir. Amma qızılsız olması, Toğrulun finalda özünə yaraşmayan güləş nümayiş etdirməsi bizi növbəti qızıl medaldan məhrum etdi. Ümumilikdə yaxşı nəticədir. Bu olimpiadada sevindirici haldır ki, taekvonda, cüdo inkişaf etdiyini göstərdi. O ki qaldı legionerlərə, komandamızın tərkibində legioner olması məncə, çox da mənfi qarşılanmamalıdır. Onlar da bizim bayrağımızı qaldırırlar. Əgər milliləşdirilən idmançı bizim bayrağımızı qaldırıb, himnimizi səsləndirməyə həqiqətən can yandırırsa, ona verilən pulu halal etməyə dəyər. Amma yenə də özümüzünkünə üstünlük verilməsinin tərəfdarıyam. Ancaq vurğulayım ki, bizdə inkişaf etməyən, inkişafı mümkün olmayan idman növləri var. Bilirlər ki, həmin idman növündə 350-400 min manat xərcləyib gətirilən legionerlər heç nə etməyəcək, yenə də pul xərcləyirlər. Məsələn, olimpiya oyunlarına 1 ay qalmış 300 min verib bir qaradərili idmançı gətirdilər. Adı da Kipliqatdır. Marafonda ən axrıncı sırada qaçdı. Olimpiya Oyunlarında ən axrıncı sırada üzən üzgüçümüz də buna misaldır. Bunlar bizə lazım idi?! Yenə də hər bir idmançıya uğurlar arzu edirəm".

Anar Əhmədov
© Photo : Anar Ahmedov/facebook
Anar Əhmədov

Anar Əhmədov — Axar.az saytının redaktoru: "Rioda keçirilən Yay Olimpiadasında iştirak edən idmançılarımızın nəticələrindən razı qalmamaq mümkün deyil. Azərbaycan indiyə qədər heç bir olimpiadada bu qədər medal qazanmamışdı. İdmançılarımızı təbrik edirəm. Yaxşı olardı ki, yığmamızın tam tərkibi milli idmançılarımız olsun. Çünki Azərbaycanın əksər idman növlərini inkişaf etdirmək üçün xeyli imkanları var. Əcnəbi idmançılara verilən pullarla ölkədə populyar olmayan idman növlərini, o cümlədən su idmanını inkişaf etdirmək olardı".

Sahib Əsədbəyli
© Photo : Sahib Əsədbəyli/facebook
Sahib Əsədbəyli

Sahib Əsədbəyli — "Ədalət" qəzetinin idman müxbiri: "Boksçuların tam heyətlə təmsil olunması və onlardan dördünün dünya çempionu tituluna sahib olması nəhayət ki, bu növdə ikidən çox medal qazanacağımıza ümid yaradırdı. Deyərdim ki, minimum biri qızıl olmaqla, boksçulardan 4-5 medal gözlənilirdi. Amma komandanın təlim-məşq toplanışı proqramı ilk baxışdan nə qədər gözəgəlimli təsir bağışlasa da, məşqçi işininin düzgün aparılmadığı nəticələrdə əksini tapdı. Boks yığmasının nəticəsini uğurlu hesab edilməməlidir Çıxışını başa vuran növlər arasında cüdo və avarçəkmənin nəticələrini qənaətbəxş sayıram. Təbii, bunların hər hansı birində çempionluq sevinci yaşasaydıq, daha yaxşı olardı. Və buna potensial da vardı. Taekvandoda şansları ən aşağı dəyərləndirilən Patimatın mükafatçılar sırasına düşməsi bu və sabahkı günə ümidlə baxmağa imkan verir. Güləşə gəldikdə, Mariyanın üçüncü dəfə qızıl medaldan olması və Rövşən Bayramovun uğursuz çıxışı xariс, gözlənilməz uğursuzluq qeydə alınmayıb. Əsas ümid sərbəst güləşçilərə idi ki, onlar da qızıl medal götürə bilmədilər. Yerdə qalan atletika, velosiped idmanı, üzgüçülük, triatlon kimi növlərdə isə onsuz da prinsip "əsas iştirakdır" idi. İdman gimnastı Oleq Stepkonun aşağı nəticə göstərməsi də məni təəccübləndirmir. Ümumən nəticələri nə gözlənilən səviyyədə uğurlu, nə də çox uğursuz hesab edirəm. 18 medal əldə edilib. Bu, özlüyündə yüksək göstəricidir".

114
Teqlər:
Rio-de Janeyro, Yay Olimpiya Oyunları, medal, idman, Azərbaycan
Əlaqədar
Bu gün Rio-da 6 idmançımız mübarizə aparacaq
Rio-da liderlik uğrunda mübarizə davam edir
Rio-2016-dan növbəti məğlubiyyət
"Rio-2016"da çalışan xilasedicilər nə qədər qazanırlar?
Sabah Şəriəti Rio-2016-nın bürüncünü qazandı
Rio-2016-dan növbəti məğlubiyyət
Kamran Şahsuvarlı Rio-2016-nın yarımfinalına çıxıb
Elvin Məmişzadə Rio-2016-da 1/4 finalda
Şimali Dakotada qitələrarası ballistik raketlərin idarəetmə obyekti, arxiv şəkli

Co Bayden gəlsə, Strateji Hücum Silahları Haqqında Müqaviləni uzadacaqlar

103
(Yenilənib 23:19 20.10.2020)
Kremldən ABŞ-ın SHS-3 müqaviləsi ilə əlaqədar bəyanatını şərh edərkən bildiriblər ki, Moskva Vaşinqtonla strateji sabitliklə bağlı təmaslarını davam etdirir. Amerikaşünas Konstantin Bloxin Sputnik radiosunun efirindən bu məsələ barədə öz fikirlərini səsləndirib.

BAKI, 20 oktyabr — Sputnik. Rusiya Prezidentinin mətbuat katibi Dmitri Peskov bəyan edib ki, Vaşinqton Vladimir Putinin SHS-3-ün (Strateji Hücum Silahları Haqqında Müqavilənin) daha bir il uzadılması təklifindən imtina etsə də, Moskva hər bir halda Amerika tərəfi ilə təmasların davam edəcəyinə ümid bağlayır.

Qeyd edək ki, bir qədər bundan əvvəl Ağ Ev Putinin mövcud müqavilənin yeni şərt irəli sürülmədən daha bir il uzadılması təklifini rədd edib.

"Biz ümid edirik ki, istənilən halda Amerika tərəfi ilə təmaslar davam edəcək. Ümumilikdə, əlbəttə ki, Prezidentin də qeyd etdiyi kimi, müqavilənin uzadılması bizə vaxt qazandıra bilərdi. Qazanacağımız bu əlavə 12 ay ərzində silahlanmaya nəzarət məsələsi ilə bağlı substantiv və ciddi danışıqlar aparmaq mümkün idi", – deyə Peskov bildirib.

O, bütün dünyanı qlobal sabitlik və təhlükəsizliyin bu "məhək daşı"ndan məhrum etməyin çox fəlakətli nəticələrə gətirib çıxaracağını da vurğulayıb.

"Buna görə də biz hər bir halda Amerika tərəfinin bu sənədin müddətini uzatmağa hazır olduğunu eşitmək istərdik ", – deyə Prezidentin mətbuat katibi qeyd edib.

Onun sözlərinə görə, hələlik bu sahədə gözlənilən inkişaf müşahidə olunmur, ancaq bu heç də o demək deyil ki, "təmasları tamamilə dayandırmaq lazımdır".

Rusiya Elmlər Akademiyası Təhlükəsizlik Araşdırmaları Mərkəzinin aparıcı tədqiqatçısı, amerikaşünas, politoloq Konstantin Bloxin Sputnik radiosu-nun efirində bildirib ki, müqavilənin taleyi daha çox ABŞ-da bu yaxınlarda keçiriləcək prezident seçkisində kimin qalib gələcəyindən asılıdır.

"Əvvəla, Respublikaçılar Partiyasının namizədi Donald Tramp Çinə nifrət edir və SHS-3-ü birbaşa Çinlə əlaqələndirir. İkincisi, ənənəvi olaraq Respublikaçılar Partiyası silahlanma üzərində nəzarəti dağıtmaq istəyir. Xatırladıram ki, Corc Buş (oğul) administrasiyası dövründə amerikalılar Anti-Ballistik Raket Sistemi (ABM) Müqaviləsindən, Tramp özü isə Orta və Qısa Mənzilli Raketlər və Açıq Səma müqavilələrindən imtina edib. Odur ki, Tramp seçkilərdə qalib gəlsə, ABŞ-ın SHS-3-dən çəkilmə ehtimalı olduqca yüksəkdir", – deyə Konstantin Bloxin bildirib.

Əgər Demokrat Partiyasının namizədi Cozef Bayden qalib gələrsə, o halda ekspertin fikrincə, müqavilənin uzadılması ehtimalı var.

"Ənənəvi olaraq, Demokrat Partiyası ruslarla strateji sabitlik mövzusunda danışıqlar aparmağın tərəfdarıdır. Xatırladım ki, mövcud müqavilənin müddətini Medvedev administrasiyası ilə Obama administrasiyası uzatmışdı. Ancaq kim qalib gəlirsə-gəlsin, bir neçə ayda yeni bir müqavilə bağlamaq, demək olar ki, mümkün deyil. Buna görə də mövcud müqavilənin müddətini ən azı bir il uzatmaq lazımdır ki, həmin dövrdə yenisi qəbul olunsun", – deyə ekspert bildirib.

Qeyd edək ki, SHS-3 silahlanmanın məhdudlaşdırılması ilə bağlı Rusiya və ABŞ arasında qüvvədə olan yeganə müqavilədir. 5 fevral 2011-ci ildə qüvvəyə minmiş müqavilənin müddəti 5 fevral 2021-ci il tarixində başa çatacaq. Əgər müqavilə yenilənməsə, artıq dünyada bu iki böyük nüvə gücünün silah arsenallarını məhdudlaşdıran heç bir sənəd mövcud olmayacaq.

103
Yerevan mənzərəsi, arxiv şəkli

Ermənistanda demoqrafik çöküş: Müharibədən sonra daha da azalacaqlar

399
(Yenilənib 21:39 20.10.2020)
Torpaqlarımız uğrunda Azərbayanla müharibəni davam etdirən Ermənistanda gənclər arasında işsizlik də yüksək səviyyədədir. Əhalinin artım tempi isə azalmaqdadır.

Nigar İsgəndərova, Sputnik Azərbaycan

BAKI, 20 oktyabr - Sputnik. 1990-cı ildən etibarən Ermənistanda demoqrafik çöküş davam edir. Hazırda ölkə əhalisi rəsmi rəqəmlərə görə, 2 milyon 964 min 633-dür. Hansı ki, 1990-cı ildə bu rəqəm 3 milyon 538 min 171 olub. 1950-1990-cı illərdə ölkədə demoqrafik vəziyyət qismən yüksələn xətlə davam etsə də, 1990-cı ildən sonra doğumların aşağı olması ilə əhali sayında azalmalar qeydə alınıb. 2004-cü ildən etibarən əhalinin sayı 3 milyondan da aşağı düşüb.

Bu gedişlə Ermənistanı nə gözləyir?

Politoloq İlqar Vəlizadənin Sputnik Azərbaycan-a dediyinə görə, Ermənistanın rəsmi statistikası və ekspertlər də qeyd edir ki, son illərdə bu ölkədə demoqrafik balans kəskin pisləşib:

"Bəzi regionlarda, xüsusi ilə də Ermənistanın Luri regionunda ötən il tarixdə ilk dəfə olaraq depopulyasiya qeydə alınıb. Yəni, əhali sayı kəskin şəkildə azalıb. Ölkədə sosial-iqtisadi vəziyyət də mürəkkəbləşir və bütün bunların fonunda ölkədən böyük köç davam edir. İllik olaraq 35-40 min insan Ermənistanı tərk edir. Bəzi illərdə isə bu rəqəm daha da yüksək olur. Bu şəxslər Ermənistanı daimi əsaslarla tərk edənlərdir. Real olaraq Ermənistanda yaşayanlar isə 2 milyon və hətta bundan bir qədər də azdır".

"Bu şəxslər daimi olaraq xaricdə qalırlar. Sadəcə olaraq erməni vətəndaşlığını da saxlayırlar. Yəni, bu şəxslərin sayı bu gün rəsmi olaraq Ermənistan əhalisinin sayına daxil edilir", - deyə politoloq bildirib.

Dənizkənarı bulvar
© Sputnik / Murad Orujov

İ.Vəlizadə deyir ki, hərbi hissədə qeydiyyatda dayanan şəxslərin də real sayı azdır: "Səfərbərlik qəflətən elan olundu. Bu səbəbdən ölkənin kənarında olan şəxsləri hərbiyə cəlb etmək elə də asan deyil. Düşünmürəm ki, xaricdən könüllü olaraq gəlmək istəyənlərin sayı çox olsun".

Ekspertin sözlərinə görə, getdikcə əhalisinin sayı azalmaqda olan Ermənistanı bununla daha böyük faciə gözləyir:

"Müharibə üçün uyğun yaşda olan, reproduktiv hesab edilən insanların cəbhədə ölmə ehtimalı nəzərə alınsa, deyə bilərik ki, qarşıdakı illərdə Ermənistanın artım tempi daha da aşağı düşəcək. Təcrübə göstərir ki, 80-cı illərdə Ermənistanda əhali artımı ilə 90-cı illərdə qeydə alınan artımı müqayisə etdikdə, rəqəmlər 90-larda 40 faiz azalıb. Bilavasitə olaraq Qarabağ münaqişəsi də bu rəqəmlərə təsir göstərib. Bu isə o deməkdir ki, Qarabağ münaqişəsinin yenidən alovlanması növbəti onilliklərdə əhali sayının 2010-cu illə müqayisədə kəskin şəkildə azalacağını gözləyə bilərik".

Ermənistanda əhalinin illik artım sürətinə nəzər salaq: 1958-ci ildə illik olaraq bu rəqəm 3.72 faiz olubsa, sonrakı illərdə rəqəmlərdə enmə qeydə alınıb. Belə ki, 1966-cı ildə bu rəqəm 2.93, 1983-cü ildə 1.41 faiz olub. 1987-ci ildən isə əhali artımında daha kəskin azalmalar qeydə alınıb. Belə ki, 1987-ci ildən bu rəqəmlər 1.76-dan daha da aşağı enərək 1993-cü ildə 2.32 faizə çatıb. 1994-cü ildən əhali artımında cüzi dinamika qeydə alınsa da, 2014-cü ildən yenidən azalmalar olub. Belə ki, 2014-cü ildən bu yana 2020-ci il ən az əhali artımı olan il kimi qeydə alınıb. Cari ildə əhali artımı 0.19 faiz olub.

Beləliklə, Ermənistan bütün dünya əhalisinin 0.4 faizini təşkil edib. Bununla da Ermənistan əhali sayına görə dünya ölkələri sırasında 137-ci yerdə qərarlaşıb. 1975-ci ildə isə Ermənistan bu siyahıda 118-ci yerdə idi. Gələcək illərdə əhalinin sayı ilə bağlı proqnozlar isə heç də bu ölkə üçün ürəkaçan deyil. Qarşıdakı onilliklərdə Ermənistanda əhali sayının daha da azalacağı, 2050-ci ildə 2 milyon 816 min 112 olacağı proqnozlaşdırılır.

2020-ci ildə Ermənistanda kişilər arasında gözlənilən ömür yaşı 71.8, qadınlar arasında isə 78.9 olub.

Qeyd edək ki, bu rəqəmlər https://www.worldometers.info-da yerləşdirilib və mənbə olaraq BMT, Ümumdünya Səhiyyə Təşkilatı və digər beynəlxalq təşkilatlar göstərilib.

Dünya Bankının məlumatına görə, Ermənistanda bəzi sahələrdə qadınların aktivliyi kişilərlə müqayisədə daha yüksəkdir. Məsələn, ötən il kənd təsərrüfatında çalışanların 32.8 faizini qadınlar, 26.9 faizini isə kişilər təşkil edib. Xidmət sahələrində çalışanların 58.2 faizini qadınlar, 48.9 faizini isə kişilər təşkil edib.

Bu ölkədə qadınların sayı kişilərlə müqayisədə daha yüksəkdir. Belə ki, 2015-ci ilə aid olan rəqəmlərə görə, Ermənistanda qadınların sayı 1 566 461, kişilərin sayı isə 1 391 270 olub.

2018-ci ildə Ermənistanda 0-14 yaşlılar əhalinin 20.63 faizini, 15-64 yaşlılar 68.11 faizini, 65 yaş və daha yuxarı olanlar isə ümumi əhalinin 11.25 faizini təşkil edib. 2012-ci ildə isə Ermənistanda 15-64 yaşlı əhali ümumi əhalinin 69.68 faizini təşkil edib. Doğulanlar arasında kişilərin sayı isə 75 min 160 olub. Həmin ildə qadınlar arasında təbii artım 40 min 29, doöulanların sayı isə 66 min 19 olub.

Torpaqlarımız uğrunda Azərbayanla müharibəni davam etdirən Ermənistanda gənclər arasında işsizlik də yüksək səviyyədədir. Belə ki, 2007-ci ildə gənclər arasında işsizlik 11.62 faiz təşkil edibsə, həmin ildən sonra bu rəqəm durmadan artıb. Gənclər arasında işsizlik həddi 2009-cu ildən 39.87 faizi keçib. Hazırda gənclər arasında işsizlik 35.49 faiz olub.

Ümumilikdə, öncəki illərlə müqayisədə Ermənistanda ölüm statistikası da artıb.

Azərbaycana gəldikdə isə rəqəmlərdə sadəcə olaraq onu qeyd etmək olar ki, 2019-cu ildə ölkəmizdə təbii artım 85 min 263 olub. Doğumların sayı isə 141 min 179 olub. Beləliklə qeyd olunan ildə əhalinin hər min nəfərinə düşən təbii artım 8.7, hər min nəfərə düşən doğum sayı isə 14.3 olub. 2019-cu ildə doğulan kişilər arasında təbii artım 45 min 234 olub.

Azərbaycan əhalisinin 2,4 milyon nəfərini və ya 24,5 faizini gənclər təşkil edir. Bu isə elə Ermənistanın demək olar ki, bütün yaş kateqoriyaları üzrə əhalisinin sayına bərabərdir. 2018-ci ildə ölkədə nikaha daxil olanların 77,0 faizini gənclər təşkil etməsi də müsbət tendensiyalardan biridir.

399
(1:13 / 9.91Mb / просмотров видео: 122)

İşğalçıların döyüş meydanında atıb-qaçdığı növbəti hərbi texnikalar - VİDEO

29
(Yenilənib 15:04 21.10.2020)
Azərbaycan ordusunun hərbçiləri yenə Ermənistan silahlı qüvvələrinin hərbi texnikasını qənimət olaraq götürüblər.

Müdafiə Nazirliyi Ermənistan silahlı qüvvələrinin döyüş meydanında atıb-qaçdığı, həmçinin bölmələrimiz tərəfindən məhv edilən növbəti hərbi texnikaları nümayış etdirib. 

Sputnik Azərbaycan həmin görüntüləri təqdim edir.

Qeyd edək ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin məlumatına görə, Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı və Nüzgar kəndləri işğaldan azad edilib.

Oktyabrın 3-də isə Azərbaycan Silahlı Qüvvələri strateji cəhətdən əhəmiyyətli daha bir yaşayış məntəqəsini - dövlət başçısının həmin gün Sugovuşan tarixi adını qaytardığı Madagiz kəndini azad edib. Həmin gün Tərtər rayonunun Talış kəndinin, Cəbrayıl rayonunun Mehdili, Çaxırlı, Aşağı Maralyan, Şəybəy və Quycaq kəndlərinin və Füzuli rayonunun Aşağı Əbdürrəhmanlı kəndinin azad edildiyi məlum oldu.

Oktyabrın 4-də Azərbaycan ordusu Cəbrayıl şəhərini və Cəbrayıl rayonunun doqquz kəndini - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəcəl, Mahmudlu, Cəfərabadı azad edib.

Oktyabrın 5-də Azərbaycan ordusu Cəbrayıl rayonunun Şıxalıağalı, Məzrə və Sarıcalı kəndlərini azad edib.

Oktyabrın 9-da Hadrut qəsəbəsi, Çaylı, Yuxarı Güzlək, Gorazıllı, Qışlaq, Qaracallı, Əfəndilər, Süleymanlı, Sur kəndləri işğaldan azad edilib.

Oktyabrın 14-də Füzuli rayonunun Qaradağlı, Xatunbulaq, Qarakollu, Xocavənd rayonunun Bulutan, Məlikcanlı, Kəmərtük, Təkə, Tağaser kəndləri işğaldan azad edilib.

Oktyabrın 15-də Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad olunub.

Oktyabrın 16-da Xocavənd rayonunun Xırmancıq, Ağbulaq, Axullu kəndləri işğaldan azad edilib.

Oktyabrın 17-də Füzuli rayonunun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri işğaldan azad olunub.

Oktyabrın 18-də Azərbaycan Silahlı Qüvvələri Xudafərin körpüsünün üzərində Azərbaycan bayrağını qaldırıblar.

Oktyabrın 19-da Cəbrayıl rayonunun Soltanlı, Əmirvarlı, Maşanlı, Hasanlı, Alıkeyxalı, Qumlaq, Hacılı, Göyərçin Veysəlli, Niyazqulular, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.

Oktyabrın 20-də Füzuli rayonunun Dördçinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Aybasanlı, Cəbrayıl rayonunun Səfərşa, Həsənqaydı, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

29
Mövzu:
Azərbaycan və Ermənistan arasında müharibə