Rusiya və türkiyə prezidentlərinin Sankt-Peterburq görüşü. 9 avqust 2016-cı il

Ömər Dinçər: Ərdoğanın addımlarına yeganə dəstək verən lider Vladimir Putindir

2560
Zərdüşt Əlizadə: "İkitərəfli əlaqələrin inkişafı bütün sahələrdə özünü göstərəcək. Türkiyə ilə Rusiya arasında dərin ziddiyyətlər yoxdur".

BAKI, 9 avq — Sputnik. "Baxmayaraq ki, Türkiyənin əsas müttəfiqləri Qərb ölkələri sayılır, amma Ərdoğanın atdığı hər addıma yeganə dəstək verən lider Rusiya prezidenti Vladimir Putindir". 

Bunu Sputnik-ə açıqlamasında Türkiyəli politoloq Ömər Dinçər deyib. Putinlə Ərdoğanın Sankt-Peterburqda bu gün gerçəkləşən görüşünü şərh edən Ö.Dinçər, Türkiyənin hələ də NATO dövləti olduğunu xatırladaraq, iki ölkə münasibətlərinin hələlik iqtisadi səviyyədə irəliləyə biləcəyini qeyd edib.

"Xoşagəlməz təyyarə böhranından sonra düşmənlikdən dostluğa keçid anidən reallaşa bilməz. Bu, iqtisadi sahədə mümkün ola bilər, ancaq hərbi və siyasi sahə tamam başqa mövzudur. Unutmaq olmaz ki, Türkiyə hələ də NATO dövlətidir", — deyə politoloq bildirib.

Ö.Dinçər daha sonra əlavə edib: "Ərdoğan Rusiyaya istədiyi üçün yox, məcbur qaldığı üçün gedib. Çünki ona dəstək verən yeganə dünya lideri Rusiya prezidentidir". 

Rusiya ilə münasibətlərdə yeni səhifə açıldığını deyən politoloq, bundan ən çox qazanc əldə edən təbəqənin turizm şirkətləri olacağını söyləyib:

"Sizə qısa bir müqayisə edim. Təyyarə böhranından öncə, 2015-ci ilin ilk 6 ayı ərzində Türkiyənin rus turistlərdən əldə etdiyi qazanc 3 milyard dollara yaxın idi. Münasibətlər korlanandan sonra isə bu rəqəm 250 min dollara qədər geriləyib. Artıq bu ildən keçib, ancaq qarşıdakı il turizmdə vəziyyətin yaxşılaşacağını düşünürəm".

Türkiyə və Rusiya prezidentlərinin Sankt-Peterburq görüşünü Sputnik-ə şərh edən politoloq Zərdüşt Əlizadə, hər iki dövlətin köklü maraqlarına cavab verən müsbət təmayülün davam edəcəyini bildirib:

"Əlaqələrin əvvəlki müsbət səviyyəyə qayıtması ani baş verməsə də, hər iki dövlətin köklü maraqlarına cavab verən müsbət təmayül davam edəcək. Nə vaxtsa ola bilsin, əlaqələr əvvəlki səviyyəyə çatsın, hətta ötsün də. Ancaq bütün hallarda Türkiyə ilə Rusiya arasında dərin ziddiyyətlər yoxdur".

Zərdüşt Əlizadə əlavə edib ki, ikitərəfli əlaqələrin inkişafı bütün sahələrdə özünü göstərəcək. 

Türkiyənin üzünü Qərbdən Şərqə çevirəcəyi iddialarını da cavablandıran politoloq bu fikirlə razı olmadığını deyib:

"Bu gün Avropa Birliyi və ABŞ-la Türkiyə arasında bəzi problemlər var. Amma Qərb sadəcə ABŞ və AB-dən ibarət deyil ki. Qərb blokuna NATO kimi nəhəng təşkilat daxildir. O cümlədən, bir neçə iri qurumlar. Türkiyə Qərb blokunun bir parçasıdır və elə də qalacaq".

Qeyd edək ki, bu gün Rusiya prezidenti Vladimir Putinlə Türkiyəli həmkarı Rəcəb Tayyib Ərdoğan Sankt-Peterburqda bir araya gəlib. Tərəflər ikitərəfli əlaqələrin bərpa olunmasından duyduqları məmnuniyyəti dilə gətiriblər.

2560
Teqlər:
Ömər Dinçər, təyyarə, Rusiya Federasiyasının Prezidenti Vladimir Putin, Avropa Birliyi, NATO, turizm, Zərdüşt Əlizadə, Sankt-Peterburq, Rusiya, Rəcəb Tayyib Ərdoğan, Türkiyə, ABŞ
Mövzu:
Türkiyə-Rusiya yaxınlaşması (14)
Əlaqədar
Mixail Qorbaçov Putin və Ərdoğanın görüşündən danışdı
Türkiyə prezidenti Sankt-Peterburqdadır
Tarixi görüşdə liderlər önəmli açıqlamalar verdi
Ekspert Aydın Quliyev

Siyasi ekspert korrupsiya ilə mübarizə çərçivəsində görülən işləri şərh edir

36
(Yenilənib 10:46 23.05.2020)
Siyasi ekspert Aydın Quliyev Sputnik Azərbaycan-a deyir ki, prezidentin atdığı addımlar ictimai rəyə uyğundur
Aydın Quliyev: “Korrupsiya ilə mübarizənin davam etdirilməsinə ehtiyac var”

“Ünvanlı sosial yardımın verilməsindənsə sahibkarlığı inkişaf etdirmək daha yaxşı olardı. 5 rayonda icra hakimiyyəti rəhbərlərinin həbsi sübut etdi ki, biz bu problemdən qurtulmaq üçün sahibkarlığı inkişaf etdirməliyik. İcra başçıları həbs olunmayan rayonlarda da bu problem qalmaqdadır”. Bunu Milli Məclisin bu gün keçirilən iclasında “Ünvanlı dövlət sosial yardımı haqqında” qanuna təklif edilən dəyişikliyin müzakirəsi zamanı millət vəkili Zahid Oruc deyib.

Siyasi ekspert Aydın Quliyev Sputnik Azərbaycan-a deyir ki, hazırkı şəraitdə ölkədə korrupsiya ilə bu formada mübarizənin aparılması ictimai rəyin tələbləridir:

“Formalaşmış şəraitə görə prezidentin atdığı addımlar ictimai rəyə uyğundur. Korrupsiya ilə mübarizə çərçivəsində atılacaq addımların ardıcıllığının təmin edilməsi iki şeydən asılıdır. O cümlədən, müşahidələr göstərir ki, həm yerli, həm də mərkəzi icra orqanlarında korrupsiya ilə mübarizənin davam etdirilməsinə ehtiyac var”.

Aydın Quliyevin geniş şərhinə audiofaylda qulaq asa bilərsiniz

36
Plesetsk kosmodromundan Sarmat raketinin buraxılması

“Sarmat” uçmağa hazırlaşır: yeni “Şeytan” Rusiyanın nəyinə lazımdır?

116
(Yenilənib 02:15 23.05.2020)
Döyüş gücünə görə “Voyevoda” ilə “Sarmat” tən gəlir, daha maraqlısı isə sürətlənmə hissəsi və yeni QBR-in Aegis, THAA və digər sistemləri aşa bilməsidir

Bakı, 23 may – Sputnik, Aleksandr Xrolenko, hərbi şərhçi. Rusiyanın strateji nüvə qüvvələri daha mükəmməl və effektiv olmağa başlayıb. Yeni ağır “Sarmat” qitələrarası ballistik raketi ordunun sərəncamına verilməzdən öncə son sınaqlardan keçirilir.

Rusiya hökumətinin vitse-naziri Yuri Borisov mayın 21-də bəyan edib ki, COVID-19 pandemiyası “Sarmat” qitələrarası ballistik raketinin (QBR) uçuş sınağının hazırlığına mane ola bilməyib, sınaqlar RF Müdafiə Nazirliyi və baş konstruktorun təyin etdiyi vaxtda keçiriləcək.

Dövlət silahlanma proqramı çərçivəsində Rusiya sənaye kooperasiyası yeni, şaxta bazalı, maye yanacaq əsaslı ağır RS28 “Sarmat” raketinin hazırlanmasını başa çatdırır. Yeni raketin atış sınaqları 2018-ci ildə bitib. Kompleks geniş spektrdə, o cümlədən yeni nəsil hipersəs döyüş blokları ilə təchiz olunacaq, 2021-ci ildə isə Strateji Təyinatlı Raket Qoşunlarının (STRQ) sərəncamına veriləcək. Qeyd edək ki, əsasən “Sarmat” üçün nəzərdə tutulan “Avanqard” hipersəs kompleksi artıq Dombarovsk raket diviziyasına verilib.  

 Yeni QBR dünyada ən güclü sayılan Р-36М2 “Voyevoda” raketini (NATO təsnifatı ilə - SS-18 Satana) əvəz edəcək. “Sarmat”ın imkanları elədir ki, o, raket əleyhinə müdafiə (RƏM) zonalarını təxmin olunmayan trayektoriya üzrə yan keçə bilər, bu isə mümkün rəqibin bütün mövcud və perspektivdə olan müdafiə sistemlərinin hipersəs bloklarını “tutmasını” istisna edir.

“Sarmat”ın “Voyevoda”dan prinsipial fərqi: “Ю-71” tipli hipersəs bloklarına malik yeni QBR qeyri-nüvə avadanlığında yüksək dəqiqlikli silah kimi istifadə oluna bilər. Atmosferdə 15 Max sürətində (7 km/san) blokun kinetik enerjisi nüvə zərbəsi üçün xarakterik dağıntıların olacağına zəmanət verir, sadəcə, məkanda radioaktiv çirklənmə olmur. Hipersəs manevrli döyüş başlıqlarının əsas üstünlüyü trayektoriyanı yüksək dəqiqliklə tarazlamaq bacarığı, QBR-in start götürdüyü nöqtədən minlərlə kilometr aralıda yerləşən obyektin “nəfəsliyindən” keçmək qabiliyyətidir.

Yeni raketin seriya  buraxılışı üçün sənaye istehsalının modernləşdirilməsi başa çatdırılıb. Raket Krasnoyarsk diyarı və Orenburq vilayətində yerləşdiriləcək. Rusiya bununla dəfetmə potensialını artırır.

Qütbdən-qütbə

Dünyanın texnoloji cəhətdən inkişaf etmiş bütün dövlətləri ağır qitələrarası raketlərin hazırlanma və istehsalında rəqiblərini keçməyə çalışır, ancaq Rusiya onların hamısından xeyli irəli gedib. Ağır, maye yanacaq əsaslı РС-28 «Sarmat» orbital qitələrarası ballistik raketinə malik yer üzərində şaxta bazalı kompleks bütün parametrlərinə görə üstünlük nümayiş etdirir.

Uzaq mənzilinə, sürətinə və məhvetmə gücünə görə dünyada onun analoqu yoxdur. Mənzilinə görə - 18000 km-dək – “Sarmat” xarici rəqiblər üçün əlçatmaz olan “Voyevoda”nı 1,5 dəfə geridə qoyur. Faydalı yükgötürmə qabiliyyəti 10 tonadək artırılıb. On fərdi tuşlama blokuna malik baş hissəsi ayrılır. Yeni raketin başlanğıc kütləsi 208 tondur (bunun 178 tonu yanacaqdır). Ümumi uzunluğu 35.5 m, diametri 3 metrdir.

Ballistik raketin buraxılması, arxiv şəkli
© Ministry of Defence of the Russian Federation

Döyüş gücünə görə “Voyevoda” ilə “Sarmat” tən gəlir, daha maraqlısı isə sürətlənmə hissəsi və yeni QBR-in Aegis, THAA və digər sistemləri aşa bilməsidir. Qitələrarası ballistik raket HHM-RƏM sistemlərini uğurla dəf edərək hədəfi vaxtında və dəqiq vurmalıdır. Hətta “Voyevoda”nın döyüş başlıqları da hədəfə doğru bir yığın yalançı elementin əhatəsində uçur (raketin baş hissəsi hər biri 800 kiloton olan 10 döyüş başlığı və RƏM dəfetmə vasitələrinin müasir kompleksindən ibarətdir). Məntiqi olaraq düşünə bilərik ki, “Sarmat” uçuş zamanı prinsipcə daha yeni müdafiə və maskalanma vasitələrindən yararlanacaq. Müxtəlif gücə və təyinata malik blokların sırasında, yəqin ki, düşmənin RLS-inə əks-təsir edən güclü vasitələr və digər innovasiya komponentləri var. Bəs bu necə işləyir?     

Ayrıldıqdan sonra manevrli blok 15 Max sürətilə (7 km/san) 100 km hündürlükdə hərəkət edir, atmosferin qatı laylarına girməzdən öncə isə (bilavasitə hədəfin üzərində) rəqibin raket əleyhinə müdafiəsini aşmaq üçün mürəkkəb manevr icra edir. Yuxarıda qeyd etdiyimiz kimi, bu cür döyüş blokları ilə dünyanın istənilən nöqtəsində lokal münaqişələr zamanı nöqtəvi qeyri-nüvə zərbələri endirmək olar.

Yeni “Sarmat” QBR-in yaradılmasında iki əsas oriyentir – RƏM-ə qarşı davamlılıq və minimal uçuş vaxtı – rekord həddə sürət, mənzil uzaqlığı, yükgötürmə qabiliyyəti əldə etməyə və 60 saniyə ərzində döyüş hazırlığına gətirilməyə imkan verdi (bu da rəqibin nüvə zərbəsi zamanı ildırım sürətli cavab reaksiyası deməkdir). Yeni QBR-in malik olduğu, mümkün rəqibin ərazisini Cənub Qütbündən suborbital trayektoriya üzrə (mövcud və perspektivdə olan RƏM sistemlərini aşmaqla) “orbital bombalamaq” texnologiyası mülki xarakterli kosmik aparatların fəzaya buraxılmasını da gerçəkləşdirməyə imkan verir (istismar müddətinin sonunda hər bir “Sarmat” ona yatırılmış pulların əhəmiyyətli hissəsinin qaytarılmasını təmin edə bilər).

Əsas parametrləri

Rusiya Strateji Təyinatlı Raket Qoşunları (STRQ) neçə yeni ağır raket alacaq? Bir müddət öncə Amerikanın CNBC kanalı ABŞ kəşfiyyatına istinadən 60 “Sarmat” barədə məlumat yaymışdı. Bu iki diviziyadakı (Krasnoyarsk diyarı və Orenburq vilayətindəki) “Voyevoda”ların sayına təxminən uyğun gəlir. Ancaq Rusiya MN-in başqa planları da ola bilər. Yalnız Rusiyanın Strateji Nüvə Qüvvələri (SNQ) və ABŞ-ın Strateji Hücum Silahları (SHS) qruplaşması üçün SHS Müqaviləsinin təyin etdiyi QBR və döyüş bloklarının maksimal say həddi barədə məlumat əlçatandır. RF üçün bu, 700 açıq start qurğusu və 1550 döyüş blokudur. Qeyd etmək lazımdır ki, STRQ SNQ-nin daşıyıcı və döyüş başlıqlarının 60%-nə malikdir və 2024-cü ildə sərəncamında yalnız müasir nümunələri saxlamağı planlaşdırıb. Nəzərə alsaq ki, cəbbəxanada “Topol-M” və “Yars” kompleksləri də var, o zaman çoxvariantlı perspektiv yaranır.

Rusiya STRQ-nin inkişaf perspektivini təyin edərkən ABŞ-ın raket-nüvə potensialının və xarici siyasətinin xüsusiyyətlərinin dəyişməsini, Vaşinqtonun Orta və Yaxın Mənzilli Raketlərin ləğvi üzrə Müqavilədən (OYMR) çıxmasını, Amerikanın orta mənzilli raketlərinin Avropada, RF-ə yaxın ərazilərdə mümkün yerləşdirilməsini nəzərə almaq lazım gəlir. Məsələn, Polşa və Rumıniyada Pentaqonun müxtəlif hazırlıq dərəcəli universal Mk-41 start qurğularına malik raket əleyhinə kompleksləri yerləşdirilib. Buradan raket əleyhinə “Standart-3” və orta mənzilli qanadlı “Tomahavk” raketlərini buraxmaq mümkündür. Bundan başqa, Amerikanın Polşa və Rumıniyada yerləşən pilotsuz zərbə aparatları nüvə başlıqları ilə təchiz oluna bilər. Təbii ki, Rusiyaya qarşı orta mənzilli zərbə komponentlərinin istifadəsi zamanı cavab zərbəsi zonasında həm Amerika Birləşmiş Ştatları, həm də həmin raketlərin buraxıldığı ölkələr olacaq. Bunu “Qırmızı ulduz”a müsahibəsində Rusiya STRQ-nin komandanı Sergey Karakayev açıq-aşkar şəkildə deyib.

2020-ci ildə STRQ müxtəlif səviyyəli 200 təlim keçirməyi və altı QBR buraxılmasını (bunların beşi – Plesetskdəki kosmodromdan olacaq) planlaşdırır. Ötən il hərbi təlimlərin sayı elə təxminən bu qədər olmuşdu, 5 dəfə də strateji raket buraxılmışdı ki, bu da öz növbəsində raket komplekslərinin yüksək etibarlılığını və qoşunların ümumi effektivliyini təsdiq etmişdi.

Müasir STRQ – üç raket qoşunu və 12 raket birləşməsini (o cümlədən şaxta start qurğulu stasionar bazalı dörd və hərəki qrunt raket komplekslərinə malik səkkiz mobil diviziya) ehtiva edir. Fikrimcə, bu raketlər bütün təcavüzkarları “görər”. Mümkün rəqibə preventiv (tərksilah edici) zərbəyə güvənməyə dəyməz. STRQ obyektləri hava hücumu vasitələrindən müasir S-300PM və S-400 zenit kompleksləri, “Mozır” aktiv müdafiə sistemi, müxtəlif fiziki təsir prinsiplərinə malik perspektivli HHM qurğuları ilə etibarlı şəkildə qorunur. Robotlaşdırılmış idarə sistemi tətbiq olunmağa başlayıb. Rusiyanın nüvə silahlarının üçdə ikisinə malik Strateji Təyinatlı Raket Qoşunları nüvə triadasında əsas rol oynayır. Yeni ağır “Sarmat” QBR STRQ-də və nüvə dəfetmə sistemində əsas mövqeni tutacaq.

116
Əlaqədar
100 milyon dollarlıq paradoks və ya F-35-in quyruğu niyə qopur
“Bumeranq”ın ixrac potensialı – $ 1 mlrd: Rusiya platforması nə ilə unikaldır
Rusiyanın Hərbi-Dəniz Donanması necə dəyişəcək - "Borey-A" və "Yasen-M" gəlir
Rusiya Qara dənizə tam nəzarət edir
Rusiyanın beşinci nəsil qırıcıları sınaqlardan üzüağ çıxıb
Gürcüstanda epdimioloji vəziyyət

Gürcüstanda koronavirusa yoluxanların sayı 733-ə çatıb

0
(Yenilənib 12:07 25.05.2020)
Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

BAKI, 25 may — Sputnik. Gürcüstanda koronavirus infeksiyasına yoluxan şəxslərin sayı 733-ə çatıb. Sputnik Gürcüstan xəbər verir ki, bu barədə məlumat stopcov.ge hökumət portalında yerləşdirilib.

Məlumata əsasən, son 24 saat ərzində daha 1 nəfərdə koronavirus aşkarlanıb. Virusa yoluxan şəxslərdən 526-ı sağalıb, 12-si ölüb. Hazırda bu ölkədə 3 076 nəfər karantində, 236 nəfər isə tibb işçilərinin nəzarəti altında saxlanılır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 5,4 milyonu keçib, 345 mindən çox adam isə virus səbəbi ilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

0