Səudiyyə Ərəbistanı - neft

Yəmən-Səudiyyə gərginliyi neftin qiymətinə necə təsir göstərəcək?

48
(Yenilənib 15:02 25.05.2016)
İlham Şaban: "Biz görürük ki, münaqişələr neftin qiymətinə təsir edir. Kanadadakı meşə yanğınları, Nigeriya və Liviyadakı münaqişələr də neftin qiymətinə təsirsiz ötüşmədi"

Yəmən-Səudiyyə gərginliyi neftin qiymətinə necə təsir göstərəcək?
BAKI, 23 may — Sputnik. Yəməndə, Səudiyyə ilə sərhəddən altı kilometr aralıda Britaniya şirkəti tərəfindən istehsal olunan kasset bombalar aşkarlanıb. "Independent" qəzeti hüquq müdafiəçilərinə istinadən xəbər verir ki, bombaların Səudiyyə Ərəbistanının başçılıq etdiyi koalisiya tərəfindən istifadə olunduğu ehtimal olunur.

Belə sursatlar yüzdən artıq ölkədə qadağandır. Qəzetin məlumatına görə, Britaniya 1980-ci və 1990-cı illərdə onları böyük miqdarda koalisiya üzvləri olan Səudiyyə Ərəbistanı və Ərəb Əmirliklərinə satırdı.

"Hunting Engineering" şirkəti tərəfindən istehsal olunan kasset bombası 147 fraqmentdən ibarətdir. Partlayış zamanı onlar böyük bir əraziyə yayılırlar və təsadüfi insanlar tərəfindən aşkarlanarkən partlayırlar.

Qəzet yazır ki, əvvəl Səudiyyə Ərəbistanı bombaları atmaq üçün Britaniyadan "Tornado" təyyarəsini alıb. London isə qadağan olunan silahdan istifadə ittihamlarını artıq təkzib edib.

"Britaniya Səudiyyə Ərəbistanının başçılıq etdiyi koalisiyaya daxil deyil. Britaniya kadrlarının hava hücumları, Yəməndəki əməliyyatların koordinasiyası və həyata keçirilməsi, eləcə də koalisiya tərəfindən qərarların qəbul olunması ilə heç bir əlaqəsi yoxdur", — deyə Birləşmiş Krallığın XİN-in nümayəndəsi bildirib.

Neft Araşdırmaları Mərkəzinin rəhbəri İlham Şaban "Sputnik"ə açıqlamasında bildirib ki, dünyada baş verən münaqişələr neftin qiymətinə təsir edir: "Cari ildə biz onu müşahidə edirik ki, münaqişələr neftin qiymətinə təsir edir. Bundan başqa, Kanadadakı meşə yanğınları, Nigeriya və Liviyadakı münaqişələr də neftin qiymətinə təsirsiz ötüşmədi".

"Ancaq söhbət o münaqişələrdən gedir ki, onlar məhz neft magistrallarının sıradan çıxarılmasına, neftin yüklənməsinə, daşınmasına, hasilata bilavasitə təsir edir. Yəməndə olan münaqişə isə hələki, bu fəsadlara yol açmır", — ekspert bildirib.

Keçən ilin ilk rübündə Yəmən münaqişəsi neftin qiymətinin 4.5%-dək artmasına səbəb olmuşdu. Lakin özü-özlüyündə Yəmən neft bazarındakı əsas oyunçulara aid deyil. O, gündə 125-130 min barel neft istehsal edir ki, bu da ümumdünya neft istehsalının heç 0.2%-ni təşkil etmir.

Эксперт-экономист Ильхам Шабан в пресс-центре Sputnik Азербайджан
© Sputnik / Murad Orujov
Ильхам Шабан, глава Центра нефтяных исследований

Qiymət artımının səbəbi isə Səudiyyə Ərəbistanının bu münaqişədə iştirak etməsi oldu. Ümumdünya neft istehsalının 13%-ə yaxınını dünya bazarına çıxaran dövlətin bu addımı neftin qiymətinə təsir edə bilməzdi.

İlham Şabanın sözlərinə görə, münaqişə zonası genişlənərsə, bu, yenidən neftin qiymətinə təsir göstərə bilər: "Düzdür, Səudiyyənin neft yataqları, hasilat olan hissə Yəmənlə sərhədə yaxındır. Əgər münaqişə zonası genişlənərsə, o mədənlərə Yəmən tərəfindən atəş açılarsa, bir neçə buruq sıradan çıxarılarsa, bu, özünü büruzə verəcək".

"Ancaq indiki halda, əgər Yəmən ərazisi vurulursa, dağıdılırsa, orada terror aktı baş verirsə, Səudiyyə ərazisində olan hərbi birləşmələrə atəş açılırsa, bu, neftə hansısa təsir gücündə olmur", — mütəxəssis vurğulayıb.

Qeyd edək ki, Yəməndəki silahlı münaqişə 2014-cü ildən davam edir. Şiə əhalisinin dəstəklədiyi Husi silahlıları ilə hökumət qüvvələri arasında baş verən toqquşmaların 2015-ci ilin ilk ayında şiddətlənməsinin ardından hökümət istehfa vermək məcburiyyətində qalmış və ölkə paytaxtı olan Sana şəhəri Husi silahlıların nəzarəti altına keçmişdi.

48
Teqlər:
neft, Yəmən, Səudiyyə Ərəbistanı, İlham Şaban, Neft Araşdırmaları Mərkəzi
Əlaqədar
Təsəvvür edin, Neft Fondu olmasaydı, nə baş verərdi...
Büdcəyə yenidən baxılması risk daşıyır - neftin bahalaşması aldadıcıdır
Dövlət Neft Fondu hərracda 49 milyon dollar satıb
İran neft hasilatının həcmini sanksiya qədərki səviyyəyə çatdırıb
Post-neft dövrünün ilk nikbin proqnozu
Neftdən asılılığımız hələ uzun müddət davam edəcək
ABŞ idmançıları Tokiodakı XXXII Yay Olimpiya Oyunlarının açılış mərasimində Atletlər Paradı zamanı

Amerikalıları Olimpiadada düzgün oyundan kənarlaşdırıblar

3
(Yenilənib 20:13 03.08.2021)
Amerikalı idmançıların narkotiklərdən cəzasız şəkildə istifadə etməsi, ola bilər ki, onlara hansısa qələbələr gətirsin. Lakin uzaq gələcək üçün bu dəhşətli bir şeydir.

BAKI, 3 avqust — Sputnik. Rusiyalı olimpiyaçılar Tokioda əsl Bizans məkri nümayiş etdiriblər. Dəhşətli dərəcədə azaldılmış komanda ilə gəliblər: həmişəki yüz atletin əvəzinə on nəfər – bu necə ola bilər? Nifrət təbliğatına sinə gərdilər. Neytral formada bayraqsız və himnsiz çıxış edirlər. Praktiki olaraq gün boyu dopinq-analiz verirlər – Sofya Velikayanın ələ salınmasına baxmaq kifayətdir. Və bütün bunlara baxmayaraq, qalib gəlirlər.

"Dopinq lisenziyası"

Dayanın. Biz axı belə danışmamışdıq. Plana görə, Rusiya idmançıları gəlib uduzmalı idilər. Çünki qərbli tərəfdaşların fikrincə, onların hamısı dopinqdən istifadə edirlər. Bu necə ola bilər? Lakin Rusiya yığmasının uğuru göstərdi ki, bütün bu dopinq əhvalatı bitməyən "Noviçok" hekayələri kimi, növbəti absurd feykdir.

Bu gün kütləvi surətdə və tamamilə rəsmi olaraq minlərlə qərbli, ilk növbədə amerikalı idmançı iynənin təsirindədir. Onların çox sadə bəhanəsi var, adı da "terapevtik istisna"dır. Bəziləri onu "dopinq lisenziyası" adlandırırlar.

Onu əldə etmək elə də çətin deyil. İdmançı öz milli antidopinq komitəsinə həkimdən arayış təqdim edir və problemsiz qadağan olunmuş maddələrin istifadə etmək hüququ qazanır.

Çeşid isə çox genişdir. Buraya Norveç xizəkçilərinin istifadə etdikləri astmaya qarşı dərmanlar, tennisçi Uilyams bacılarının həmişə istifadədə ittiham olunduqları anaboliklər, həm də belə görünür ki, amerikalı gimnast Simona Baylzın problemlərinin səbəbkarı olan psixotrop maddələr daxildir.

Maraqlıdır ki, belə icazələrin verilməsi və onların məzmunu gizlidir. Bu, guya idmançıların tibbi məlumatlarıdır və şəxsi məsələdir. Milli antidopinq komitələrinin hesabatları elə təşkil olunur ki, heç kim nə başa düşməsin.

Sındırılan məlumatlar bazası və həqiqətlər

Həqiqi mənada dopinqlə mübarizə aparmaq istəyən avstraliyalı fəallar aşkar ediblər ki, məsələn, 2012-ci ildə ölkədə 37 güclü təsir edən dərman preparatına terapevtik istisna verilib. Lakin konkret nə qədər icazə verildiyi və bu icazələrin kimə verildiyi bilinmir.

WADA-nın (Ümumdünya antidopinq agentliyi) məlumatlar bazasının hakerlər tərəfindən bir neçə dəfə sındırılması aşkar məsələni təsdiq etdi: aparıcı Qərb idmançıları mütəmadi olaraq rəqiblərini keçmək üçün müxtəlif kimyəvi preparatlar qəbul ediblər.

Əfsanəvi britaniyalı qaçışçı Mo Farın analizlərində morfin, vikodin, triamsinolondan ibarət dəhşətli kokteyl tapılmışdı. Lakin heç kim onun Olimpiya qızılını şübhə altına almadı. Diskvalifikasiya barədə söhbət belə getmədi. Böyük Britaniya kraliçası ona cəngavər titulu verdi və Mo öz idman karyerasını davam etdirdi. O Tokioya da gedə bilərdi, əgər yığmanın heyətinə düşə bilsəydi.

Son bir neçə il ərzində Uilyams və Simona Bayls bacılarından götürülmüş dopinq nümunələrində qadağan olunmuş maddələr aşkar olunub.

Lakin hər üç idmançı yarışlara buraxılaraq mümkün olan bütün qələbələri qazanıblar.

Problemin miqyası hətta bir çox şeyə adətkərdə olmuş amerikalıları da qorxudub.

Bir neçə il əvvəl USA Today populyar məcmuəsi araşdırma aparmağa cəhd edərək WADA-ya məktub yazıb. Jurnal Uilyams bacılarının analizlərinin nəticəsinin həqiqətənmi bu qədər pis olduğunu öyrənməyə çalışıb. Məgər terapevtik istisnalarla bağlı məlumatları dərc etmək yaxşı olmazdımı? Bu halda ictimaiyyət əfsanəvi idmançıların hansı maddələri qəbul etdiklərini bilərdi.

Ümumdünya antidopinq təşkilatı həmin müraciəti cavabsız qoyub. Heç bir məlumat açıqlanmayıb. Jurnalistlər isə ABŞ antidopinq komitəsinin Uilyams bacıları və onlarla bərabər olan Baylsın heç bir günah sahibi olmadığı barədə rəsmi bəyanatla kifayətlənməli oldular.

Kasıblar üçün kokain

Həmin vaxt Bayls belə bir izahat verdi ki, uşaqlıqdan hiperaktivlikdən və özünə qarşı diqqət çatışmazlığından əziyyət çəkir, buna görə də WADA ona ritalin qəbul etməyə icazə verir. Bunun nə ilə nəticələndiyini isə bütün dünya Tokioda gördü.

Ritalin maddəsi güclü psixostimulyatordur və sadə xalq dilində ona "kasıblar üçün kokain" deyirlər. Həmin maddənin sərhəddən keçirilməsi qaydası çox mürəkkəbdir, pandemiya dövründə isə həmin qaydalar bir qədər də sərtləşdirilib. Vəziyyətdən xəbəri olan insanların dediyinə görə, Simona Baylsın məşqçisi ona lazım olan miqdarda ritalini Yaponiyaya gətirə bilməyib.

Beləliklə, adət etdiyi dərmansız qalan məşhur gimnast yarışlardan çıxıb və bütün komandanı taleyin ümidinə buraxıb. ABŞ KİV-ləri onu qəhrəman adlandıraraq, onun haqqında həyəcan dolu təsirli mətnlər yazıblar.

Lakin gəlin hər şeyi öz adı ilə çağıraq. Bütün dünyanın gözləri qarşısında amerikalı idmançı çox adi narkotik çatışmazlığı ağrısı çəkirdi.

Kütlənin diqqətini bu biabırçılıqdan yayındırmaq üçün ABŞ antidopinq agentliyinin rəhbəri Trevis Tayqart acığını rusiyalı idmançıların üzərinə tökdü: "Rusiya ciddi şəkildə cəzalandırılmağa layiqdir və dələduzluq etməkdə davam edir".

Bir baxın, bu həmin Tayqartdır ki, bir müddət əvvəl amerikalı atlet ŞaKarri Riçardsonu simvolik olaraq bir ay yarışlardan kənarlaşma ilə cəzalandırdı. Riçardson startdan əvvəl marixuana çəkərək bihal olmuşdu. Adətən bu cür hərəkətlərə görə WADA idmançıları dörd il müddətin cəzalandırır.

"Ah, idman, sən müharibəsən"

İndi isə Tayqart Rusiyanı "dopinqə dövlət dəstəyində" günahlandırır və olimpiyaçıların hamısının dopinq nümunələrini dərc etməyi təklif edir. Nə demək olar? Yaxşı edirlər. Rusiyalı idmançıların qorxmaq üçün səbəbi yoxdur. BOK elə bu gün onların analizlərinin nəticələrinin müsbət olmadığını bildirib. Amma amerikalı idmançıların analizlərinə baxmaq isə maraqlı olardı. Deyəsən orada artıq Mendeleyev cədvəlindəki maddələrin hamısı var.

Ruslar beynəlxalq yarışlarda pressinqə öyrəşiblər. Lakin Tokio Olimpiadası həddən artıq siyasiləşdirilib. Təmiz mübarizədə qələbə çalmaq gücündə olmayan Qərb tərəfdaşları öz məharətlərini təxribatlarda, yalanda, açıq-aşkar kobudluqda göstərirlər.

"Ah, idman, sən müharibəsən" — amerikalılar Olimpiya şüarını bu cür dəyişsəydilər, yaxşı olardı, indi bu dəbdədir.

Əlbəttə, adamın ancaq yazığı gəlir. ABŞ cəmiyyətini daxildən didib-dağıdan nifrəti bu bədbəxt idmançılar kənara da çıxarırlar. Onlar yorulmadan Olimpiya oyunlarını döyüş meydanına çevirməyə çalışırlar. Enlialın analitiklər baş verənləri "xaosun ixracı" adlandırır və burada strateji məqsədlər görürlər. Lakin getdikcə daha çox bunun sadəcə bir instinkt olması təəssüratı yaranır. Sadəcə olaraq, tərəfdaşlar artıq başqa cür bacarmırlar.

Amerikalı idmançıların narkotiklərdən və qadağan olunmuş maddələrdən cəzasız şəkildə istifadə etməsi, ola bilər ki, onlara hansısa qələbələr gətirsin. Lakin uzaq gələcək üçün bu, həqiqətən də dəhşətli bir şeydir. Artıq amerikalı uşaqların bir neçə nəsli əmindir ki, idmanda yalnız uşaq yaşlarından bədəninə müxtəlif zir-zibil yeritməklə ulduz olmaq olar. Bu qanunsuzluqları məşqçilər, həkimlər, Trevis Tayqart, ümumiyyətlə, prezidentə qədər hamı gizlədəcək. Bəs bu "dövlətin dopinqə dəstəyi" deyilsə, nədir? WADA böyük idmanın gələcəyi naminə amerikalılarla məşğul olsaydı, yaxşı olardı.

Eləcə də oxuyun:

  • Testlər, məhdudiyyətlər və nəzarət: Tokio Olimpiadasında idmançılarımızı nələr gözləyir

  • CAS ruslara "yox" dedi: "Katyuşa" olmaz

  • Milli Olimpiya Komitəsindən təkzib: "Belə "təşəkkür" məktubu yazmamışıq"

3
Teqlər:
ABŞ, Olimpiada, Tokio, Rusiya, dopinq, antidopinq, dopinq-test, Ümumdünya Antidopinq Agentliyi
Bakıda “Intercontinental” oteli

Türkiyədəki yanğınlar bizə dərs olmalıdır: Daxili turizmin sığorta problemi

2175
(Yenilənib 16:06 01.08.2021)
Daxili turizmdə sığorta sistemi işləmədiyindən, bu zaman turistlər çarəsiz durumda qalırlar. Hansısa hoteldə xəsarət alırlarsa, müalicə xərcini özləri ödəyirlər.

BAKI, 1 avqust — Sputnik. Türkiyə də bir neçə gün əvvəl başlanan meşə yanğınları ölkənin əsas turizm kurortlarını əhatə etdiyindən, turizm sektoruna ciddi problemlər yaratmağa başlayıb. Yanğın hadisəsi zamanı xarici turistlər həyəcan yaşayıblar.

Manavqatda başlayan yanğınlar əsas turizm kurortu olan Bodruma da yayılıb. Hotellərdəki turistlər təxliyə edilib. Meşə yanğını Bodrumdakı məşhur "Titanic Hotel"ə yaxınlaşıb. Hoteldə olan bütün qonaqlar dəniz yolu ilə təxliyə edilərək yaxınlıqdakı başqa hotellərə köçürülüb. Bu hadisə Azərbaycanda turizm sahəsində sığorta məsələsini yenidən gündəmə gətirib. Qeyd edək ki, koronavirus pandemiyası dövründə turizmin inkişaf etdiyi bir çox ölkələrə səyahət imkanı məhdudlaşdığından, daxili turizmə tələbat artıb. Amma bugünədək daxili turizmdə sığorta sistemi işə düşməyib.

Azərbaycan Turizm Assosiasiyası sədrinin müşaviri Müzəffər Ağakərimov Sputnik Azərbaycan-a açıqlamasında bildirib ki, daxili turizmdə sığorta sisteminin işə düşməsi günün tələbidir: "Pandemiya ilə əlaqədar gəlmə turizm demək olar ki, işləmir. İndi turizm sektoru daxili turizm hesabına ayaqda dayanıb. Amma daxili turizmdə hələ də sığorta sistemi işə salınmayıb. Ona görə də, turizmin inkişaf etdiyi bölgələrə üz tutan vətəndaşların qaldıqları hoteldə, istirahət mərkəzində başına hər hansı hadisə gəlsə, onlar köməksiz qalırlar. Turizm obyekti sahibi buna görə heç bir məsuliyyət daşımır".

M.Ağakərimovun sözlərinə görə, meşə yanğınları olmasa da, Azərbaycanda daxili turistlər arasında qaldıqları hoteldə zəhərlənən, hovuzlarda xəsarət alanlar olub: "Ötən il Nabrandakı "Atlant" istirahət mərkəzində 10 yaşlı uşaq hovuzda boğulub. 2013-cü ildə Nabran qəsəbəsinin ərazisindəki "Nabran" istirahət mərkəzində azyaşlı İmran Cəfərzadə hovuzda çimərkən su çəkən borunun pərlərinin arasına düşərək şikəst olmuşdu. Daxili turizmdə sığorta sistemi işləmədiyindən, bu zaman turistlər çarəsiz durumda qalırlar. Hansısa hoteldə xəsarət alırlarsa, müalicə xərcini özləri ödəyirlər", - deyə M.Ağakərimov bildirir.

Turizm eksperti deyir ki, turizm sığortası işləmədiyindən turizm mərkəzləri işə bəzən məsuliyyətsiz yanaşırlar. Onun sözlərinə görə, daxili turizmdə sığorta sisteminin işə düşməsi həmin obyektlərin məsuliyyətini də artıracaq: "Əgər daxili turizmdə sığorta sistemi işləsə, hər hansı hotelin müdiriyyəti, meneceri məsuliyyət hiss edər. Çünki belə halda müştəriyə dəymiş ziyanı ödəmək həmin turizm obyektinin üzərinə düşür. Belə olanda turizm obyekti yeməyin keyfiyyətindən tutmuş təhlükəsizliyə qədər hər bir məsələyə diqqətli yanaşır".

M.Ağakərimov bildirir ki, daxili turizmdə sığorta sisteminin işə düşməsi turizm sektorunda qiyməti cüzi artıra bilər. Çünki sığorta xərci avtomatik olaraq turist "putyovkası"nın üzərinə gəlir. Amma nəticədə turist sığortalandığından hər hansı hadisə baş verdikdə çıxılmaz vəziyyətə düşmür.

Azərbaycan Hotel Assosiasiyasının baş icraçı direktoru Günay Sağlam Sputnik Azərbaycan-a bildirib ki, daxili turizmdə sığortanın tətbiq edilməsi vacib məsələdir. Amma bunda sığorta şirkətləri də aktiv olmalıdırlar. G.Sağlamın sözlərinə görə, hazırda ölkəmizdəki sığorta şirkətləri xarici ölkələrə səyahət sığortası təqdim edirlər. Amma daxili turizmdə sığorta tətbiq edilmir: "Çox təəssüf ki, daxili turizmdə bu günə qədər yalnız Şahdağda qış turizm növündə turistlərlə sığorta müqaviləsi imzalanır. Turizmin digər sahələrində sığorta sistemi işləmir. Bu isə turistləri istirahət zamanı yarana biləcək problemlə baş-başa qoyur", - deyə G.Sağlam bildirir.

G.Sağlam daxili turizmdə sığortanın tətbiqinin xidmət səviyyəsinin yüksəlməsinə, təhlükəsizlik tədbirlərinin gücləndirilməsinə gətirib çıxartdığını bildirir. Onun sözlərinə görə, bu, turizm müəssisələrinin müştərilərə münasibətdə məsuliyyətini artırır.

Əlaqə saxladığımız sığorta şirkətlərindən də daxili turizmə sığorta məhsulu təklif etmədiklərini bildirdilər. "Xalq Sığorta" şirkətindən bildirdilər ki, xaricə səyahət sığortası olsa da, daxili turizmlə bağlı belə məhsulları yoxdur.

Sığorta eksperti İlkin İbrahimov Sputnik Azərbaycan-a açıqlamasında bildirib ki, Azərbaycanda daxili turizmdə sığortaya tələbat yoxdur. Ekspert bildirir ki, sığorta şirkətləri daxili turizmdə sığortanın tətbiq edilməsinin tərəfdarıdır. Onu sözlərinə görə, sığorta şirkətləri belə bir məhsul təklif etsələr də, Azərbaycanda turistlər buna maraq göstərmir: "Azərbaycanda daxili turizmdə sığortanın tətbiqi məcburi deyil. Buna görə də, turistlərin çoxu istirahət zamanı sığortaya müraciət etmirlər. Amma Avropa Birliyi ölkələrinə səyahət sığortası vacibdir. Hətta bəzi ölkələr səyahət zamanı sığorta olmadıqda viza vermir. Daxili turizmdə bu məsələ könüllüdür", - deyə ekspert bildirir.

İ.İbrahimov deyir ki, daxili turizmdə sığorta sistemi işləmədiyindən turistlər istirahət zamanı xəstələndikdə, yaxud hər hansı arzuolunmaz bədbəxt hadisə baş verdikdə problemlərini özləri həll etmək məcburiyyətində qalırlar.

Müstəqil sığorta eksperti Əli Bayramov Sputnik Azərbaycan-a açıqlamasında bildirib ki, sığorta şirkətləri daxili turizmdə sığorta məhsulu təklif etməkdə passivlik göstərir. Onun sözlərinə görə, sığorta şirkətləri yenilikdən çəkinir, yaxud bu perspektivi anlamırlar. Halbuki turizm sığortası bazarda kifayət qədər mənfəətlidir. Ə.Bayramov deyir ki, bu sığorta məhsulu çox ucuzdur.

Dövlət Turizm Agentliyindən isə bildirdilər ki, hazırda daxili turizmdə sığorta könüllüdür. Amma yaxın gələcəkdə daxili turizmdə sığortanın icbari olmasının qanunvericiliyə salınması nəzərdə tutulur. Daxili turizmdə sığorta sisteminin işə salınması üçün sığorta şirkətləri ilə də görüşlərin keçirilməsi planlaşdırılır.

Həmçinin oxuyun:

* Türkiyədəki 107 yanğından 98-i nəzarət altına alınıb

* Azərbaycan yanğınsöndürənləri qardaş ölkənin harayına getdilər

* Türkiyə alovlar içində: Yanğınlar lokallaşdırılsa da, mübarizə davam edir

* Antalya alov içində - dəhşət saçan fotolar

2175
Tibb işçisi Dövlət Gömrük Komitəsinin hospitalında, arxiv şəkli

Azərbaycanda COVID-19: bir sutkada yoluxanların sayı minə yaxınlaşır

2276
(Yenilənib 20:22 03.08.2021)
Nazirlər Kabineti yanında Operativ Qərargah son sutka ərzində Azərbaycanda COVID-19-a yoluxanlarla bu xəstəlikdən sağalanların, eləcə də peyvənd olunanların statistikasını açıqlayıb.

BAKI, 3 avqust - Sputnik. Azərbaycanda son sutkada koronavirus (COVID-19) infeksiyasına 931 yeni yoluxma faktı qeydə alınıb, 225 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, analiz nümunələri müsbət çıxan 4 nəfər vəfat edib.

İndiyədək ölkədə ümumilikdə 345 882 nəfərin koronavirus infeksiyasına yoluxması faktı müəyyən edilib, onlardan 333 492 nəfər müalicə olunaraq sağalıb, 5034 nəfər vəfat edib. 7356 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 10257, bu günə qədər isə ümumilikdə 4 060 235 test icra olunub.

Avqustun 2-nə Azərbaycanda COVID-lə bağlı durum

Azərbaycanda son sutkada koronavirus (COVID-19) infeksiyasına 431 yeni yoluxma faktı qeydə alınıb, 139 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, analiz nümunələri müsbət çıxan 3 nəfər vəfat edib.

İndiyədək ölkədə ümumilikdə 344 951 nəfərin koronavirus infeksiyasına yoluxması faktı müəyyən edilib, onlardan 333 267 nəfər müalicə olunaraq sağalıb, 5 030 nəfər vəfat edib. 6 654 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 6 238, bu günə qədər isə ümumilikdə 4 049 978 test icra olunub.

Azərbaycanda son sutkada koronavirus (COVID-19) əleyhinə 844 vaksin vurulub. Bir gündə birinci mərhələ üzrə vaksinasiya olunanların sayı 649, ikinci mərhələ üzrə vaksinasiya olunanların sayı 195 nəfərdir.

Ölkədə vurulan vaksinlərin ümumi sayı 5 041 622, birinci mərhələ üzrə vaksinasiya olunanların ümumi sayı 2 924 126, ikinci mərhələ üzrə vaksinasiya olunanların sayı isə 2 117 496 təşkil edir.

Avqustun 1-nə Azərbaycanda COVID-lə bağlı durum

Azərbaycanda koronavirus (COVID-19) infeksiyasına 671 yeni yoluxma faktı qeydə alınıb, 202 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, analiz nümunələri müsbət çıxan 4 nəfər vəfat edib.

İndiyədək ölkədə ümumilikdə 344 520 nəfərin koronavirus infeksiyasına yoluxması faktı müəyyən edilib, onlardan 333 128 nəfər müalicə olunaraq sağalıb, 5 027 nəfər vəfat edib. 6 365 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 9 400, bu günə qədər isə ümumilikdə 4 043 740 test icra olunub.

Azərbaycanda son sutkada koronavirus (COVID-19) əleyhinə 68 416 vaksin vurulub.

Bir gündə birinci mərhələ üzrə vaksinasiya olunanların sayı 43 346, ikinci mərhələ üzrə vaksinasiya olunanların sayı 25 070 nəfərdir.

Ölkədə vurulan vaksinlərin ümumi sayı 5 040 778, birinci mərhələ üzrə vaksinasiya olunanların ümumi sayı 2 923 477, ikinci mərhələ üzrə vaksinasiya olunanların sayı isə 2 117 301 təşkil edir.

Həmçinin oxuyun: 

* Azərbaycanda daha 633 nəfər koronavirusa yoluxub

Koronavirusla bağlı şok iddia: Bu virus 2013-cü ildən mövcuddur

2276
Teqlər:
COVID-19, epidemiya, Koronavirus, Azərbaycan, statistika, yoluxma, ölənlər
Mövzu:
Azərbaycanda koronavirus: son xəbərlər