Ahmet Şimşek, Türkiyəli politoloq

"Avropa Birliyi kürd amilini bəhanə edərək viza müqaviləsini təxirə sala bilər"

88
(Yenilənib 13:28 04.05.2016)
Ahmet Şimşek: "Bəzilərinin düşündüyü kimi, Türkiyədən Avropa qitəsinə ciddi axın olacağını gözləmirəm. Çünki bu gün türk insanının rifah səviyyəsi avropalınınkından aşağı deyil"

BAKI, 4 may — Sputnik. Avropa mətbuatı, Türkiyə və Avropa İttifaqı ölkələri arasında viza razılaşmasının mümkün olub-olmayacağını müzakirəyə çıxarıb. Mövzuya geniş məqalə həsr edən İngiltərənin "The Daily Telegraph" qəzeti yazıb ki, "əgər Ankara ilə Brüssel arasında viza müqaviləsi imzalanarsa, çoxlu sayda türk vətəndaşı, müddətlərini aşaraq Şengen bölgəsində qalacaq. Bu da razılaşmanın təxirə salınmasına səbəb ola bilər".

Sputnik xəbər verir ki, AB ilə tərəfdaş ölkələr arasında tətbiq edilən viza razılığına əsasən, Şengen bölgəsində icazəsiz qalma müddəti 90 gündür. 26 Avropa ölkəsinin təmsil olunduğu Şengen zonasında ən çox qanunu pozan elə avropalılar özləridir.

"Məlumata görə, ildə təxminən 250 min insan vizasız oturma icazəsi olan 90 gün müddətini aşaraq Şengen bölgəsində qalır. Avropalı rəsmilər isə, qeyblərə qarışan bu insanların siyahısını hazırlamağın mümkünsüz olduğunu bildirir", — deyə məqalədə bildirilir.

"The Daily Telegraph" bildirir ki, Avropa Komissiyası 3 ildən uzun müddətdir, bu problemin qarşısını almaq üçün yeni kompüter sistemi yaratmağı təklif edir.

Mövzunu Sputnik-ə şərh edən türkiyəli politoloq Ahmet Şimşek, Türkiyədən Avropaya ciddi axın olacağına inanmadığını deyib: "Türk dilində bir söz var — "kerhe". Bunun mənası "zorla" deməkdir. Avropa Birliyi sırf suriyalı qaçqınlar onlara gəlməsin deyə, Türkiyə ilə razılığa gəldi. Ona görə də düşünürəm ki, bir müddət keçəndən sonra AB bir bəhanə tapıb, bu razılığı təxirə salacaq".

"Bəzilərinin düşündüyü kimi, Türkiyədən qitəyə ciddi axın olacağını gözləmirəm. Bəlkə ilk mərhələdə turist səfərləri ola bilər, amma "gedim orda iş qurum, gələcək qurum" kimi köçlər olmaz, olmayacaq", — siyasi şərhçi bildirib.

Onun sözlərinə görə, bu gün türk insanının rifah səviyyəsi avropalınınkından aşağı deyil: "Mənim orda yaşayan qohumlarım, dostlarım var. Xüsusilə səhiyyə baxımından bizim ölkəmiz Avropadan çox irəlidədir. Dolayısı ilə, bizim vətəndaşlarımız 10-15 il əvvəl olduğu kimi, Avropada qalma, yaşama həvəsində deyillər".

Şimşek hesab edir ki, Avropaya daha çox cənub şərqi Anadolu bölgəsində PKK terrorundan əziyyət çəkən vətəndaşlar üz tuta bilərlər: "Sadəcə olaraq cənub-şərqi Anadolu bölgəsində, terrordan əziyyət çəkən kürd vətəndaşlarımız ola bilər ki, PKK-nın təsirindən xilas olmaq üçün qitəyə axın etsinlər. Elə buna görə də, mən AB-yə güvənmirəm. Məhz bunu bəhanə edərək viza müqaviləsini ortadan qaldıra, təxirə sala bilərlər".

88
Teqlər:
"The Daily Telegraph", Ahmet Şimşek, viza, Avropa İttifaqı, Avropa, Türkiyə
Əlaqədar
Avropa Birliyi Türkiyənin şərtlərini yerinə yetirməyə məcbur oldu
Avropa "islam inqilabı"na doğru
"Əmin olun, artıq Avropa Birliyi genişlənməyəcək"
Böyük Britaniya Avropa Birliyindən ayrılarsa...
Levan Mosiaşvili: Avropa evim, Gürcüstan isə vətənimdir
Obamanın Avropa mesajları, yaxud "pis müəllimə" qarşı üsyan
Azərbaycan Avropanı Rusiyanın əlindən alır

Ekspert: “Bu səbəblərə görə gənclərimiz Türkiyədə təhsilə üstünlük verir”

24
(Yenilənib 22:53 26.02.2021)
Təhsil eksperti İlqar Orucov deyir ki, gənclərimiz iqtisadiyyat, tibb, turizm və İT ixtisaslarında təhsil almaq üçün Türkiyə universitetlərini seçirlər
İlqar Orucov: “Distant təhsil alanların diplomlarının tanınması ilə bağlı qanuna bənd əlavə edilib”

Azərbaycanın təhsil naziri Emin Əmrullayev Türkiyədə 23 min civarında azərbaycanlı tələbənin təhsil aldığını bildirib. Nazirin sözlərinə görə, azərbaycanlı tələbələrin təhsil aldığı xarici ölkələr arasında Türkiyə ilk yerdədir.

Bəs azərbaycanlı tələbələr nə üçün Türkiyədə oxumağa üstünlük verir?

Mövzu ilə bağlı Sputnik Azərbaycan-a danışan təhsil eksperti İlqar Orucov deyir ki, azərbaycanlı tələbələrin Türkiyədə təhsil almağa üstünlük verməsinin bir neçə səbəbi var:

“İlk olaraq qeyd edim ki, Türkiyə ilə qonşuluq, mədəni yaxınlıq təhsil üçün bu ölkəni seçmək üçün əsas səbəblərdir. Türkiyədə təhsilin səviyyəsi xeyli yüksəlib. Gənclərimiz iqtisadiyyat, tibb, turizm və İT ixtisaslarında təhsil almaq üçün Türkiyə universitetlərini seçirlər. Bildirmək istərdim ki, Türkiyə universitetlərinin diplomalarının ölkəmizdə tanınmasında hər hansı problem yoxdur. Sadəcə son illər distant təhsil diplomlarının tanınması məsələsində bəzi problemlər ortaya çıxıb. Distant təhsil alanların diplomlarının tanınması ilə bağlı qanuna bənd əlavə edilib. Ümid edirəm ki, həmin qanun qəbul edildikdən sonra tək Türkiyədə deyil, digər ölkələrdə təhsil alanların problemləri aradan qalxacaq”. 

İlqar Orucovungeniş şərhinə audiofaylda qulaq asa bilərsiniz

24
Nikol Paşinyan, arxiv şəkli

Paşinyanın istefa verməsi istisna edilmir: Tərəflər son savaşa hazırlaşırlar

90
(Yenilənib 17:15 26.02.2021)
Görünən odur ki, hakimiyyətə gəlmək istəyən hansısa siyasi qüvvələr generallardan istifadə edərək mövcud hökuməti devirmək istəyir

Elvin Səlimov, Sputnik Azərbaycan

BAKI, 26 fevral - Sputnik. Fevralın 25-də Ermənistan Silahlı Qüvvələrinin Baş Qərargahı ölkənin baş naziri Nikol Paşinyanın istefasını tələb edən bəyanat verib. Sənədi Silahlı Qüvvələrinin Baş Qərargah rəisi Onik Qasparyan və 40-dan çox yüksək rütbəli hərbçi imzalayıb. Bunun ardınca Paşinyan da öz tərəfdarlarını Respublika meydanına toplayaraq hərbi çevriliş təhlükəsindən danışıb.

Sputnik Azərbaycan Ermənistanda baş verənlərlə bağlı politoloqlar Fikrət Sadıxov və İlqar Vəlizadənin fikirlərini öyrənib.

Politoloq Fikrət Sadıxov deyir ki, general ya çevriliş edir, ya da ümumiyyətlə siyasətə qarışmır: "Bunun üçüncü variantını başa düşmək mümkün deyil. Görünən odur ki, hakimiyyətə gəlmək istəyən hansısa siyasi qüvvələr generallardan istifadə edərək mövcud hökuməti devirmək niyyətindədir".

Politoloq deyib ki, artıq Ermənistanda siyasi elitanın parçalanmasını görürük:

"Bu ölkədə mitinqlər, yürüşlər davam edir. Amma küçələrə çıxanların sayına baxdıqda görürük ki, hələ kütləvilik yoxdur. Hakimiyyətin qorxub istefa verməsi üçün bu məsələdə kütləvilik olmalıdır. Təbii ki, Paşinyan bundan istifadə edərək tərəfdarlarını toplayır, gurultulu ifadələrlə dolu çıxışlar edir və hələlik vəziyyətə nəzarət edə bilir. Ola bilsin ki, bu vəziyyət elə bu şəkildə davam edəcək. Amma etiraz aksiyaları genişlənsə və davamlı xarakter alarsa, Paşinyanın istefaya getməsi istisna edilmir".

Politoloq İlqar Vəlizadə bildirir ki, bu, Ermənistanda birinci çevrilişə cəhd deyil: "Bundan öncə də bir neçə dəfə çevrilişə cəhd edilib. Ermənistan müxalifət liderləri bundan əvvəl verdikləri açıqlamalarda dolayısı ilə çevrilişə hazırlıqlarla bağlı mesajlar verirdi. Müharibədən sonrakı vəziyyət göstərdi ki, Ermənistanın hərbi elitası arasında Paşinyana münasibətdə yekdil mövqe yoxdur. Paşinyana qarşı olan və müxalifətlə təmaslarını davam etdirən hərbi elita məqam gözləyirdi. Paşinyanın da açıqlamaları buna münbit şərait yaratdı".

Politoloqun fikrincə, indiki vəziyyət Paşinyan üçün üstünlüklər yaratdığı kimi risklər də formalaşdırır: "Bu çevrilişə cəhdlə o, özünə loyal olan şəxsləri tanımış oldu. Ona qarşı çıxan şəxsləri vəzifələrindən uzaqlaşdırdı. Mövcud şərait qarşıdurmanın hərbi iğtişaşlara çevrilməsini istisna etmir. Paşinyana qarşı olan hərbi generalitet Qarabağdan qaytarılmış hərbi texnikanı silahlı iğtişaşlar üçün istifadə edə bilər. Bu gün Ermənistanda köhnə elitanın dayaqları zəifləyir və bu da onları getdikcə aqressivləşdirir. Tərəflər son savaşa hazırlaşırlar”.

90
Azərbaycan Dövlət İqtisad Universitetinin (UNEC) dosenti Elşən Bağırzadə

Məcburi köçkünlər 5 sorğuda iştirak edəcəklər Elşən Bağırzadə danışır

0
(Yenilənib 22:54 26.02.2021)
İqtisad üzrə fəlsəfə doktoru Elşən Bağırzadə Sputnik-Azərbaycana bildirir ki, sorğular bir-biri ilə əlaqəli olacaq
Elşən Bağırzadə: “Tədqiqatı sonunda hökumətə hesabat təqdim ediləcək”

ADA Universitetində “Azərbaycanın post-konflikt ərazilərinə repatriasiyanın proqnozlaşdırılması və effektiv təşkili üzrə təkliflərin hazırlanması” adlı tədqiqat işi aparılır. Sputnik Azərbaycan məlumat verir ki, bu tədqiqat çərçivəsində bir neçə sosioloji sorğu keçiriləcək.

İqtisad üzrə fəlsəfə doktoru Elşən Bağırzadənin sözlərinə görə, tədqiqat çərçivəsində məcburi köçkünlər arasında beş sorğu keçiriləcək:

“Bu sorğular bir-biri ilə əlaqəlidir. Sorğuların nəticəsinə uyğun olaraq sonda tədqiqat qrupu tərəfindən Azərbaycan hökumətinə hesabat təqdim ediləcək”.

Elşən Bağırzadənin fikirlərinə audiofaylda qulaq asa bilərsiniz

0