Azərbaycan prezidenti İlham Əliyev və Türkiyə prezidenti Rəcəb Tayyib Ərdoğan

"Türkiyə - İsrail yaxınlaşması Azərbaycan üçün çox vacibdir"

173
(Yenilənib 10:24 13.04.2016)
Siyasi müşahidəçilər regionun iki mühüm dövlətinin münasibətlərinin bərpa olunmasını müsbət proses hesab edirlər. Ankara ilə Təl-Əvivin yaxınlaşmasında ABŞ-ın da maraqlı olduğu bildirilir.

BAKI, 12 apr — Sputnik. "Türkiyə və İsraili yaxınlaşdıran ortaq maraqlar var". Bunu Sputnik-ə açıqlamasında türk politoloq, siyasi icmalçı Ahmet Şimşek deyib. 

Ahmet Şimşek, Türkiyəli politoloq
© Photo : A.Şimşekin şəxsi arxivi
Ahmet Şimşek, Türkiyəli politoloq

İsrail-Türkiyə yaxınlaşmasını zamanın tələbi kimi dəyərləndirən politoloq, Amerikanın da bu yaxınlaşma prosesini sürətləndirdiyini qeyd edib: "Yaxın Şərq regionu artıq qarmaqarışıq vəziyyət alıb. Bu gün — sabah nə olacağı bəlli deyil. Suriyada yaşanan proseslər Türkiyəni ciddi narahat edir. Mövcud vəziyyət İsrailin də xoşuna gəlmir. Çünki bölgədə nüfuzunu artırmağa çalışan Rusiya, Təl-Əviv rəhbərliyi üçün də təhlükə hesab olunur".

A. Şimşek, İsrail tərəfinin öz yanlışını anladığını, qəbahətli olduğu üçün Türkiyə ilə əlaqələri bərpa etməyə çalışdığını deyib: "Bütün beynəlxalq konvensiyalar Təl-Əviv rəhbərliyinin günahkar olduğunu göstərdi. Necə ki, İsrailin baş naziri Binyamin Netanyahu ABŞ prezidenti Barak Obamanın bu ölkəyə səfəri zamanı telefonla birbaşa Ərdoğana zəng edib üzr istədi".

"Bu özü bir daha göstərir ki, İsrail Yaxın Şərqdə Türkiyəsiz olduqca çətin vəziyyətə düşə bilər. Eynilə Türkiyə də regionda İsraillə əməkdaşlıq etmədən güc rolunu oynaya bilməyəcəyini yaxşı anlayır", —deyə təhlilçi bildirib.

Qabil Huseynli
youtube
Qabil Huseynli

Politoloq Qabil Hüseynli də, İsrail-Türkiyə yaxınlaşmasını regiondakı vəziyyətlə əlaqələndirib. Hüseynlinin sözlərinə görə, Rusiya ilə münasibətlər kəskinləşəndən sonra Türkiyə özünə müttəfiq tapmaq üçün İsrail ilə "buzları əritməyə" başladı: "Ankara-Təl-Əviv arasındakı danışıqlar sürətlə davam edir. Yaxın 1 ay ərzində İsrail-Türkiyə münasibətlərinin əvvəlki vəziyyətinə qayıdacağı barədə fikirlər səslənir. Buna təəccüblənməmək lazımdır. Çünki bu münasibətlərin qaydaya düşməsi türk tərəfinə daha çox lazımdır".

Politoloq İsrailin özünün də Türkiyə ilə əlaqələrin normallaşmasını arzuladığını deyib: "İsrail müsəlman dünyasında ona qarşı yaranmış əks-təsirləri zəiflətmək üçün Rusiya faktorundan yararlanmağa çalışır. Rəsmi Təl-Əviv müsəlmanlar arasında İsrailə olan nifrəti anti-Rusiya əhval ruhiyyəsi yaratmağa çalışmaqla dəf etməyi hədəfləyir".

Hüseynlinin sözlərinə görə, ABŞ İsrail-Türkiyə yaxınlaşmasını daha geniş tərkibdə nəzərdə tutur: "Birləşmiş Ştatlar bu ittifaqa Misirin də qoşulmasını istəyir. Hələ Bill Klintonun vaxtında bu ideya mövcud idi ki, regionda ABŞ-ın yaxınlıq edə biləcəyi, Yaxın Şərqdə söz sahibi olacaq üçlü ittifaq olsun. Bu birliyə məhz Misir, İsrail və Türkiyə daxil idi. Proyektin gerçəkləşməsi çox yaxın idi. Lakin sonra Fələstində baş verən müharibə, Ərdoğanın İsrailə qarşı sərt tutumu ideyanın gerçəkləşməsinə imkan vermədi".

İsrail-Türkiyə yaxınlaşmasının Azərbaycan üçün də çox vacib olduğunu deyən politoloq əlavə edib ki, İsrail-Türkiyə yaxınlaşmasına Azərbaycanın ciddi töhfəsi var: "Azərbaycanla İsrail münasibətlərinin tarixi 10 ildən artıqdır ki, strateji xarakter daşıyır. İsrail, müsəlman dünyasında ən etibarlı tərəfdaş olaraq Azərbaycanı görür. Ölkəmizdə olan yəhudi lobbisi də bu işə ciddi maraq göstərir və yardım edir. Eynilə də rəsmi Bakı, ABŞ-dakı yəhudi lobbisinin dəstəyindən geniş şəkildə istifadə edir, maraqlarını müdafiə edir. Ona görə düşünürəm ki, Ankara-Təl-Əviv yaxınlaşmasında rəsmi Bakının da vasitəçiliyi və rolu var".

Rusiya prezidenti Vladimir Putin Kremldə türkiyəli həmkarı Rəcəb Tayyib Ərdoğanı qarşılayarkən. Arxiv şəkli
© AFP 2020 / POOL / IVAN SEKRETAREV

İsrail ilə Türkiyə arasında münasibətlərin normallaşması üçün hazırlanan razılaşmada müəyyən irəliləyiş əldə olunub. Sputnik xəbər verir ki, bu haqda aprelin 8-də keçirilən görüşün nəticələri ilə bağlı yayılan açıqlamada vurğulanıb.

Məlumata görə, Türkiyə tərəfdən Xarici İşlər Nazirliyinin müşaviri Firidun Sinirlioğlunın başçılıq etdiyi nümayəndə heyəti ilə İsrail baş nazirinin xüsusi nümayəndəsi Cozef Siçanover və İsrail Milli Təhlükəsizlik Şurası başçısının müavini Yakov Nagelin rəhbərlik etdiyi heyət arasında Londonda görüş keçirilib.

Xatırladaq ki, 2010-cu il mayın 31-də Fələstinin Qəzza zolağına humanitar yardım aparan Türkiyənin "Mavi mərmərə" gəmisinə İsrail hərbçilərinin basqını nəticəsində 9 türk vətəndaşı həlak olmuşdu. Altı ilə yaxındır iki ölkə arasında əlaqələr dondurulub.

173
Teqlər:
Ahmet Şimşek, İsrail, Suriya, Amerika, Rusiya, Qabil Hüseynli, Türkiyə
Əlaqədar
Fələstindən İsrailə tarixi çağırış
İsraildən şok İran bəyanatı
Türkiyə İsraildən qaz alaraq Rusiyadan asılılığını azaltmaq istəyir
İsrail yeni raketin sınağını keçirdi
Avropadan İsrailə tarixi zərbə

Politoloq XİN rəhbərlərinin Ankara görüşü haqqında: Böyük perspektiv mövcuddur

5
(Yenilənib 00:32 26.02.2021)
“Atlas” Araşdırmalar Mərkəzinin rəhbəri, politoloq Elxan Şahinoğlu deyir ki, SSRİ dağıldıqdan sonra Azərbaycan-Türkmənistan münasibətlərində soyuqluq mövcud idi
Elxan Şahinoğlu: “Türkiyə də münasibətlərin inkişafında maraqlıdır”

Ankarada keçirilən Azərbaycan, Türkiyə, Türkmənistan Xarici İşlər Nazirlərinin toplantısında bundan əvvəlki görüşlərdə qəbul edilmiş bəyanatlar təsdiqlənib.

“Atlas” Araşdırmalar Mərkəzinin rəhbəri, politoloq Elxan Şahinoğlu Sputnik Azərbaycan-a deyir ki, bu üç ölkənin əməkdaşlığının böyük perspektivi mövcuddur:

“SSRİ dağıldıqdan sonra Azərbaycan-Türkmənistan münasibətlərində soyuqluq mövcud idi. Xəzərin statusu, mübahisəli yataq kimi məsələlər münasibətlərə təsir edirdi. Ancaq nəhayət ki, iki ölkə arasında soyuqluq yaradan bu məsələlər həllini tapdı. Türkiyə də münasibətlərin inkişafında maraqlıdır. Hətta Xəzərin dibi ilə boru xəttinin çəkilməsi hər kəsin xeyrinədir”.

Politoloqun geniş şərhinə audiofaylda qulaq asa bilərsiniz

5
Teqlər:
ekspert, görüş, XİN rəhbərləri, Ankara, Xəzər dənizi, yataq, Azərbaycan, Türkmənistan, Türkiyә
Kronştadt sualtı qayığı

Rusiya yeni sualtı raket daşıyıcıları inşa edir

8
(Yenilənib 21:05 25.02.2021)
Əsas üstünlükləri -  yüksək avtomatlaşdırma sistemi, az səsli olması, mobilliyi, manevr qabiliyyətidir ki, bu da "Lada"lardan diversiya və kəşfiyyat əməliyyatlarında səmərəli istifadə etməyə imkan verir.

BAKI, 25 fevral — Sputnik, Nikolay Protopopov. Perspektivli silah sistemləri, səssizlik və yüksək gizlilik – hərbi dəniz donanması "677" layihəsinin  ilk "Lada" dizel-elektrikli sualtı qayıq seriyasını 2022-ci ildə təhvil alacaq. Bu qayıqların işlənib-hazırlanmasına 20 il vaxt gedib. Onlar yüksək dəqiqlikli silahlar daşımağa qadirdir və keçdikləri yolu izləmək son dərəcə çətindir. Layihənin xüsusiyyətləri haqqında - RİA Novosti-nin materialında.

“Çətin uşaq”

"Kronştadt" və "Velikiye Luki" sualtı gəmilərinin 2021-ci ildə dənizçilərə təhvil verilməsi planlaşdırılırdı, ancaq "Admiralteyskie verfi” gəmiqayırma müəssisəsinin baş direktoru Aleksandr Buzakovun sözlərinə görə, tərəflər arasındakı problemlər üzündən həmin tarixi bir qədər irəli çəkməli olublar. Ötən ilin sentyabr ayında Birləşmiş Gəmiqayırma Korporasiyasının rəhbəri Aleksey Raxmanov bildirmişdi ki, avadanlıq tədarükçülərindən biri qrafikdən kənara çıxdığına görə, iki gəmi seriyası üzrə işi vaxtında başa çatdırmaq mümkün olmayıb.

Gecikmələr layihənin əvvəlindən bu günə kimi qeydə alınır. İşə 1990-cı illərin sonlarında start verilib - əsas “Sankt-Peterburq” gəmisi həmin vaxt inşa olunub. Gəmi 2004-cü ildə suya buraxılıb və 2006-cı ildə Hərbi Dəniz Donanmasına göndərilməli idi. Bununla belə, Şimal Donanması sualtı qayığı yalnız 2010-cu ildə sınaq istismarına qəbul etdi.

“877” layihəsinin dizel mühərrikli “Paltus”larını “Lada”larla əvəzləməyə hazırlaşırdılar. Yeni sualtı qayıqların ölçüləri daha kiçikdir və hidrolokatorlar üçün bir o qədər də nəzərəaçarpan deyil. Bundan başqa, “Lada” Rusiyanın havadan asılı olmayan (anaerobik) elektrik stansiyasına malik ilk sualtı qayığıdır.

Bəlkə də, gecikmələr yeni dizayn həllərinin çoxluğu və onların tətbiq edilməsinin çətinliyi səbəbindən baş verirdi. Beləliklə, əsas gəminin sınaqları zamanı hidroakustik komplekslə bağlı ciddi problemlər aşkarlandı və elektrik mühərrikinin qeyri-kafi gücü suyun altında lazımı sürəti yığmağa imkan vermədi.

Təhlükəli “körpələr”

Burevestnik raketi, arxiv şəkli
© Photo : Ministry of Defence of the Russian Federation

Mütəxəssislərin fikrincə, “Lada”lar ən müasir və perspektivli yerli qeyri-nüvə sualtı qayıqlarıdır. Ölçüləri böyük olmasa da, çoxfunksiyalıdır. Sualtı və suüstü gəmilərə müqavimət göstərə, sahil hədəflərinə zərbə endirə, mina maneələri qura, sahilləri desant qoşunlarından qoruya, alt bölmələri və ya xüsusi yükləri daşıya bilir.

Əsas üstünlükləri - yüksək avtomatlaşdırma sistemi, az səsli olması, mobilliyi, manevr qabiliyyətidir ki, bu da qayıqlardan diversiya və kəşfiyyat əməliyyatlarında səmərəli istifadə etməyə imkan verir. Güclü hidroakustik sistemlə və üç həssas antenlə (biri burun hissədə, ikisi yanlarda) təchiz olunub. Sürəti 20 dəniz milinə çatır. Dərinliyi 350 metrə qədərdir, heyət üzvlərinin sayı isə cəmi 30 nəfərdir.

Silahlanmaya gəlincə, standart təchizatda "Lada" göyərtəsində 533 mm çaplı 18 torpeda və təxminən 20 mina daşıyır. Torpeda aparatları saatda 300 kilometrə qədər sürətə malik "Şkval" yüksək sürətli sualtı torpeda əleyhinə raketlərin atəş zərbəsinə uyğunlaşdırılıb. Və əlbəttə ki, digər müasir Rusiya gəmiləri kimi “Lada” da “Kalibr” qanadlı raketləri ilə təchiz olunub.

İlk iki sualtı qayıq seriyası havadan asılı olmayan enerji qurğusuz inşa edilir. Buzakovun sözlərinə görə, hələ indiyə kimi Rusiyada belə bir gəmi yaradılmayıb. Ancaq digər gəmilər enerji qurğusu ilə təchiz olunacaq.

Gözəgörünməz mühafizə dəstəsi

"Lada" əvvəlki layihələr əsasında yaradılmış, amma tamamilə yeni sualtı qayıq sinfidir”, - deyə Ümumrusiya Donanmasına Dəstək Hərəkatının sədri, birinci dərəcəli kapitan Mixail Nenaşev RİA Novosti-yə müsahibəsində bildirib.

“Son 15-20 ildə “Lada”da təxminən 150 eksperimental konstruksiya işlərindən istifadə olunub. Bu, heç bir layihədə qeydə alınmayıb. “Lada” sualtı qayıqları, mahiyyət etibarı ilə böyük sualtı laboratoriyalar hesab oluna bilər", - deyə o vurğulayır.

Ekspertin sözlərinə görə, əvvəlki layihələrlə müqayisədə "Lada" öz göyərtəsinə daha çox torpeda götürə bilir. Bənzərsiz taktiki-texniki xüsusiyyətləri bütün taktiki-strateji istiqamətlərdə problemləri həll etməyə imkan verir. Bundan başqa, gəminin konstruksiyası raket sistemlərinin yerləşdirilməsinə də uyğundur.

“Bu dizel-elektrikli sualtı qayıqların səsi dənizin səsinə bənzəyir və yeni hidroakustika digər gəmilərə nisbətən daha çox yeri əhatə edir. Bu isə çox vacibdir, “Lada”lar Arktikada yerləşdiriləcəklər. Digər bir müsbət cəhət də kiçik ölçüləri sayəsində bu sualtı qayıqlardan həm dayaz sularda, həm də dərinliklərdə istifadə oluna bilməsidir. “Lada” kimi sualtı qayıqlarla ərazini potensial düşməndən uğurlu şəkildə müdafiə etmək mümkündür”, - deyə Nenaşev bildirir.

Rusiyanın dizellə işləyən sualtı qayıqları uzun müddət öz sinfinin ən yaxşıları kimi tanınıb. “636.3” layihəsinin altı dizel-elektrik sualtı qayığı Qara dəniz Donanmasında xidmət edir, daha altı ədəd qayıq isə yaxın illərdə Sakit okeana köçürüləcək. Səssizliyinə və gözəgörünməz olmalarına görə NATO-da onları "qara dəliklər" adlandırırlar.

Ancaq “Lada”lar daha səssizdir. "Sankt-Peterburq" əsas gəmisinin sınaqları göstərdi ki, 677-ci layihə məxfilik baxımından əvvəlki "dizel mühərrikli" seriyalarını geridə qoyur.

8
Teqlər:
Rusiya, sualtı qayıq, raket
Prezident İlham Əliyev Xocalı soyqırımı qurbanlarının xatirəsini anım mərasimində, arxiv şəkli

Ruhlar ölməz, ədalət itməz - İlham Əliyevdən Xocalı paylaşımı

0
(Yenilənib 10:21 26.02.2021)
Prezident İlham Əliyev Xocalı soyqırımının 29-cu ildönümü ilə bağlı rəsmi "Facebook" hesabında paylaşım edib.

BAKI, 26 fevral — Sputnik. Prezident İlham Əliyev Xocalı soyqırımının 29-cu ildönümü ilə bağlı paylaşım edib. Sputnik Azərbaycan-ın məlumatına görə, dövlət başçısının paylaşımı rəsmi "Facebook" hesabında yayımlanıb.

Qeyd edək ki, erməni silahlı birləşmələri SSRİ dövründən Xankəndi şəhərində dislokasiya olunmuş 366-cı motoatıcı alayının zirehli texnikası və hərbi heyətinin köməkliyi ilə 1992-ci il fevralın 25-dən 26-na keçən gecə Xocalı şəhərinə hücuma keçiblər.

Mühasirəyə alınan şəhərin 2500 sakini xilas olmaq üçün Ağdam istiqamətində hərəkət edib. Lakin pusquda dayanan ermənilər dinc sakinləri gülləbaran ediblər. Xocalı soyqırımı nəticəsində 63-ü uşaq, 106-sı qadın, 70-i qoca və qarı olmaqla, 613 Xocalı sakini qətlə yetirilib, 8 ailə tamamilə məhv edilib, 25 uşaq hər iki valideynini, 130 uşaq valideynlərindən birini itirib. Düşmən gülləsindən 76-sı uşaq olmaqla, 487 nəfər yaralanıb. 1275 nəfər əsir götürülüb. Girov götürülənlərdən 150 nəfərinin, o cümlədən 68 qadın və 26 uşağın taleyi bu günədək məlum deyil.

0