Tahir Kərimli

"İşdən çıxarılacaq məmurları istehsalata cəlb etmək lazımdır"

136
(Yenilənib 14:30 11.02.2016)
Millət vəkili: "Büdcədən qidalanan çoxlu skrukturlar və məmurlar var. Hətta Nazirlər Kabinetinin öz strukturlarında belə, paralellik var. Yəni elə funksiyalar var ki, bu, Prezident idarəçiliyi ilə paralel gedir"

Azərbaycanda işdən çıxarılacaq məmurlar üçün yeni fürsət
BAKI, 10 fev — Sputnik. Dünya bazarında neftin qiymətinin ucuzlaşması, iqtisadiyyatı neftdən aslılı olan Azərbaycana da mənfi təsir göstərdiyindən, büdcə xərclərinə qənaət etmək və idarəetməni optimallaşdırmaq üçün, dövlət orqanlarını əhatə edən struktur islahatlarının aparılması günün tələbinə çevrilib. Ölkə başçısı da yanvar ayında keçirdiyi müşavirələrdə bu məsələyə toxunaraq bildirib ki, fəaliyyəti təkrarlanan qurumlar ya birləşdiriləcəck, ya da ləğv ediləcək. Artıq maliyyə bazarını tənzimləmək üçün publik qurum yaradılıb, eyni zamanda bir sıra icra orqanlarında sahibkarların şikayətlərinə operativ baxmaq məqsədi ilə apellyasiya şuraları formalaşdırılıb.
Города мира. Баку
© Sputnik / Владимир Федоренко

Struktur islahatları daha hansı strukturları əhatə edə bilər? Sputnik-in bu istiqamətdə suallarıını Vəhdət Partiyasının sədri, millət vəkili Tahir Kərimli cavablandırır:

- Tahir müzəllim, ölkə Prezidenti ötən ay keçirilən müşavirələrdə dövlət orqanlarında struktur islahatlarının aparılmasından danışdı və bu istiqamətdə artıq bir sıra addımlar atılmaqdadır. Siz bu prosesi necə qiymətləndirirsiniz?

— Gözlənilirdi ki, postneft dövrü 20 il sonra başlanacaq və belə hesab olunurdu ki, indiki strukturlara ondan sonra keçilməlidir. Neftin qiymətinin kəskin düşməsi və Azərbaycan büdcəsinin və ümumiyyətlə dövlətin böyük dərəcədə neftdən asılığı məcbur elədi ki, bu islahatlar vaxtından əvvəl keçirilsin. Bu istiqamətdə addımlar atılır və bəyan olunub ki, hələ davam edəcək. Düşünürəm ki, indiki halda təşəbbüslər dövlət başçısından gəlir. Onun sərancamları ilə islahatlara dair proqramlar hərəkətə gətirilib. Hesab edirəm ki, başlanğıc üçün pis deyil. Arzu edərdim ki, Prezident yanında ictimai nəzarət palatası olsun. İndi hələlik sahibkarların hüquqlarının müdafiəsi ilə bağlı belə bir palata yaradılıb. Sahibkarlığın inkişafı bütün əhalinin, o cümlədən aztəminatlı ailələrin təminatı, iş yerlərinin açılması, əmək haqqı və digər məsələlərə ciddi şəkildə təsir edir.

- Apellyasiya şuralarının praktiki işləmək imkanları necə olacaq, onların icra strukturunun tərkibində yaradılması işin effektivliyinə təsir göstərməyəcək ki?

— Mən istərdim ki, tərkibdə ciddi dəyişikliklər olsun: siyasi partiyalar, qeyri-hökümət təşkilatları, ictimaiyyət nümayəndələri, yaradıcılıq ittifaqlarının üzvləri və digərləri də bu işə cəlb olsunlar. Bir amil də var ki, həmin yerli apellyasiya və hətta mərkəzi icra orqanı yanında yaradılmış apellyasiya şüralarının hərəkətlərindən şikayət etmək mümkün olacaq. Yəni ona görə, hər bir halda bu addımlar təkmilləşdirilməlidir, həm də tərkibində xeyli ciddi dəyişikliklər olmalıdır. Əslində bu məsələ təcrübə topladıqca həyatda özünü göstərəcək: nə dərəcədə effektivdir, nə dərəcədə korrupsiyaya qarşı mübarizə aparacaq, sahibkarlığa kömək olacaq, aztəminatlı ailələr necə təmin olunacaq. Bu məsələnin aradan qaldırılması üçün müəyyən dəyişikliklər həyata keçirilməlidir və keçiriləcək də. Mən Prezidentin iradəsinə inanıram.

- Rusiyada cari il başlayandan məmurların 10 faizə yaxını ixtisar edildi. Sizin fikrinizcə, Azərbaycanda vəziyyət necədir: bir-birilərinin fəaliyyətlərini təkrarlayan qurumların birləşdirilməsi və ya ləğvi gözlənilirmi?

— Ümumiyyətlə deyim ki, Baltikyanı ölkələri çıxmaqla, postsovet dövlətləri struktur cəhətdən biri-birinə çox bənzəyir. Ona görə də şübhəsiz ki, Rusiya analoqunun da tətbiqi yaxşı olar, çünki oxşar proseslər gedir. Həm strukturlar cəhətdən, həm də kadr islahatları və ixtisarlar cəhətdən böyük addımlar atıldı. Prezidentin çıxışında məsələ hətta yerli avtomobildən istifadəyə qədər dərinləşdirildi. Düşünürəm ki, paralel strukturlar, doğrrdan da aradan qalxmalıdır. Şübhəsiz, ixtisarlarla yanaşı işsizlər ordusu da artacaq. Ancaq, bu, zəruri addımdır. Necə deyərlər, itkisiz heç nə yoxdur. Daha böyük nailiyyət əldə eləməkdən ötrü işsiz qalanları istehsalat sferasına yönəltmək olar. Yəni ki, məmur sferasından istehsalat sferasına yönəldilsin. Bu addımı mütləq atmaq lazımdır. Çünki, büdcədən qidalanan çoxlu skrukturlar və məmurlar var. Mən düşünürəm ki, hətta Nazirlər Kabinetinin öz strukturlarında belə, paralellik var. Yəni elə funksiyalar var ki, bu, Prezident idarəçiliyi ilə paralel gedir. Yəni ən yüksək səviyyədən başlayıb, ən aşağıya qədər bu strukturların özlərinin ləğvi və ciddi məmur ixtisarlarına getməyin zərurəti yaranıb.

136
Teqlər:
Vəhdət Partiyasının sədri, millət vəkili Tahir Kərimli, struktur islahatları, Dünya bazarında neftin qiymətinin ucuzlaşması, Azərbaycan
Əlaqədar
Azərbaycanın məşhur universitetində kütləvi ixtisar
Dünya nəhəngi Azərbaycanda da ixtisarlara başlayır
"Dövlət Gömrük Komitəsində ixtisarlar olmayacaq"
Milli Məclisdə struktur dəyişiklikləri olacaq
Ekspert: dövlət strukturlarına ayrılan vəsait ciddi ixtisar olunacaq
Vergilər Nazirliyində ciddi kadr və struktur dəyişikliyi baş verib
Manat, arxiv şəkli

Siyasi partiyalar dövlət vəsaitini hara sərf edir? partiya rəsmiləri açıqlayır

19
(Yenilənib 00:33 22.01.2021)
“Siyasi Partiyalar haqqında” qanuna uyğun olaraq dövlət büdcəsindən vəsaitin ayrılması yolu ilə siyasi partiyalara maliyyə yardımı göstərilir.

Elvin Səlimov, Sputnik Azərbaycan

BAKI, 22 yanvar — Sputnik. Yeni Azərbaycan Partiyası (YAP) 2020-ci ilə dair gəlirləri və xərclərini açıqlayıb. Ötən il YAP-ın gəlirləri 12 288 708 manat olub. Qeyd edək ki, “Siyasi Partiyalar haqqında” qanuna uyğun olaraq dövlət büdcəsindən vəsaitin ayrılması yolu ilə siyasi partiyalara maliyyə yardımı göstərilir.

Bəs dövlət büdcəsindən maliyyələşən partiyalar hesabatlılığa nə qədər önəm verir və vəsaitlər nəyə xərclənir? Sputnik Azərbaycan mövzu ilə bağlı bir neçə partiya rəsmisinin fikirlərini öyrənib.

Yeni Azərbaycan Partiyası İcra Katibliyinin Siyasi təhlil və proqnozlaşdırma şöbəsinin müdiri, millət vəkili Aydın Mirzəzadə deyib ki, təmsil olunduğu partiya “Siyasi Partiyalar haqqında” qanunun tələblərinə uyğun olaraq hər ilin yekununda maliyyə hesabatını açıqlayır.

O bildirib ki, YAP-ın fəaliyyəti tamamilə şəffafdır:

“Yığılan üzvlük haqları və qəbul edilən vəsaitlər partiyanın saxlanmasına, müxtəlif tədbirlərin keçirilməsinə, eyni zamanda vaxtaşırı təşkil edilən humanitar fəaliyyətlərə sərf olunur. Partiyamızın rəhbəri ölkə başçısıdır və onun fəaliyyətindəki şəffaflıq rəhbərlik etdiyi partiyanın fəaliyyətində də özünü göstərir. YAP ölkəmiz üçün aktual olan bütün məsələlərlə bağlı prinsipial mövqeyini ortaya qoyur. Dövlət quruculuğu, seçkilər və cəmiyyətin maarifləndirilməsində öz üzərinə düşən vəzifələri yerinə yetirir”.

Hazırkı parlamentdə YAP-dan sonra ən çox millət vəkili ilə təmsil olunan Vətəndaş Həmrəyliyi Partiyasının sədri, millət vəkili Sabir Rüstəmxanlı isə deyib ki, rəhbərlik etdiyi partiya əsasən dövlət büdcəsi hesabına maliyyələşir və əlavə gəlir mənbəyi yoxdur. O bildirib ki, ayrılan vəsait partiyanın icra aparatının saxlanmasına sərf edilir. Sədr qeyd edib ki, partiya yarananda üzvlük haqqı toplamaq ənənəsi olmayıb və indi də yoxdur: “Partiyamızın böyük gəlirləri yoxdur. Bununla belə büdcədən ayrılan vəsaitin hesabına müəyyən humanitar aksiyalarda iştirak edirik. Ehtiyac olsa, partiyamız gəlirlər və xərclərlə bağlı hesabatı açıqlaya bilər”.

Böyük Quruluş Partiyasının sədri, millət vəkili Fazil Mustafa bildirib ki, sədrlik etdiyi partiyanın hesabatı yaxın müddətdə hazırlanıb, təqdim ediləcək: “Partiyaların hesabatlı olmasına müsbət yanaşırıq. Bizim partiyamız ilkin hesabat təqdim edən partiyalardandır və bununla bağlı hər hansı problem yoxdur”. Vəsaitin yetərliliyi haqqında sualımıza cavabında partiya sədri bildirib ki, dövlət tərəfindən ayrılan vəsait yetərincədir və onu da partiyanın inkişafı üçün sərf edirlər.

“Eyni zamanda partiyamızda üzvlük haqları toplanır ki, bu da partiyamız üçün kifayət edir”, – deyə partiya sədri qeyd edib.

19
Pult

MTRŞ-nın yeni cəzası effekt verir - Telekanallar artıq qanunları poza bilməyəcəklər

45
(Yenilənib 18:23 21.01.2021)
Qulu Məhərrəmli: "Mən televiziyaların çox cəzalandırılmasının tərəfində deyiləm. Amma televiziyalar da xəbərdarlıqlara, tövsiyələrə əməl etməlidir ki, yayım keyfiyyəti yüksəlsin".

Zülfiyyə Quluyeva, Sputnik Azərbaycan

BAKI, 21 yanvar — Sputnik. Bu günlərdə Milli Televiziya və Radio Şurası (MTRŞ) ümumrespublika teleradio yayımçıları ilə bağlı apardığı monitorinqin nəticələrini açıqlayıb. MTRŞ-nın yaydığı hesabata görə, ötən il ərzində ümumrespublika televiziya və radio kanalları tərəfindən teleradio yayımı haqqında qanunvericiliyin bir sıra tələblərinin pozulması hallarına yol verilib.

Hesabatda bildirilir ki, yayımçılar "Televiziya və radio yayımı haqqında", "Reklam haqqında", "Tütün məmulatlarının istifadəsinin məhdudlaşdırılması haqqında", eləcə də "Uşaqların zərərli informasiyadan qorunması haqqında" qəbul edilmiş qanunların bir sıra müddəlarını pozublar.

Qeyd edək ki, MTRŞ hər il öz hesabatında telekanalların yol verdiyi qanun pozuntularını açıqlayır. Buna baxmayaraq, bu hallar telekanallar tərəfindən təkrarlanır.

Sputnik Azərbaycan telekanalların qanunlara etinasızlığının səbəbini və bunun qarşısını almağın yollarını araşdırıb.

MTRŞ-dan Sputnik Azərbaycan-a bildiriblər ki, qurum öz üzərinə düşən vəzifəni icra edərək monitorinqləri davam etdirir:

"Qanunvericiliyin tələblərini pozan telekanallara müxtəlif məbləğdə cərimələr edilir. "Azərbaycan Televiziya və Radio Verilişləri" QSC-yə 5000 manat cərimə cəzası tətbiq edilib. Ötən ildən başlayaraq telekanallara efirin bir neçə saatlıq dayandırılması sanksiyası tətbiq edilir. Efirin bir neçə saatlıq dayandırılması cəza metodu olaraq effekt verir. Ümumilikdə, aparılmış monitorinqlər göstərib ki, Şura tərəfindən həyata keçirilmiş müvafiq tədbirlər nəticəsində 2020-ci ilin ikinci yarısında televiziya və radio yayımı haqqında qanunvericiliyin tələblərinə yayımçılar tərəfindən riayət olunması istiqamətində müsbət dinamika müşahidə edilib".

Azad Azərbaycan Telekanalının (ATV) icraçı direktoru İsmayıl Həsənov Sputnik Azərbaycan-a açıqlamasında bildirib ki, telekanallar qanunun tələblərini bilərəkdən pozmurlar. Onun sözlərinə görə, bu sırf texniki məsələlərdir:

"Telekanallarda qanunvericiliyin pozulması təkcə reklamlarla bağlı deyil. Bəzən filmlərdə gözdən qaçan kadrlar efirə gedir. Reklamla bağlı məsələlər isə bilərəkdən edilmir. Bu, işin texnologiyası ilə bağlıdır. Bəzən aparıcılar sponsordan danışdıqda limiti keçirlər. Heç bir telekanal efirin dayandırılmasını istəmir. Sadəcə olaraq bundan əvvəl telekanallara bu qanun pozuntularına görə güzəştlər edildiyindən sistem buna öyrəşmişdi. İndi qanunun tələbləri sərt şəkildə qarşımıza qoyulduqda bu problem aradan qalxacaq".

Teletənqidçi Qulu Məhərrəmli isə bildirib ki, MTRŞ-nın bu hesabatı telekanalları qanuna əməl etməyə sövq edir. Onun sözlərinə görə, bu, həm də sözügedən qurumun öz işini yenidən qurduğunu göstərir:

"Mən televiziyaların çox cəzalandırılmasının tərəfində deyiləm. Amma televiziyalar da xəbərdarlıqlara, tövsiyələrə əməl etməlidir ki, yayım keyfiyyəti yüksəlsin. Biz qanunlar əsasında işləməyi öyrənməliyik. Bunların hamısı ona xidmət edir ki, ölkədə yayım standartları formalaşsın. MTRŞ-nın yayımı bir neçə saat dayandırmasından televiziyalar ciddi nəticə çıxartmalıdır. Efirin dayandırılması arzuolunan hal deyil. Ona görə də monitorinqlərin nəticələrinə telekanallar ciddi baxmalıdırlar. Telekanalların işini yaxşılaşdırmaq məqsədilə daha sərt addım atılmaması üçün telekanallar elə davranmalıdır ki, bu cür cəzaya məruz qalmasınlar".

Q.Məhərrəmli deyir ki, pandemiya və müharibə şəraitinə, reklamın azalmasına baxmayaraq televiziyalar bu dövrdə auditoriyanı özlərinə qaytara biliblər: "Telekanallar 2021-ci ildə də bu uğuru davam etdirməyə, yeni layihələrlə auditoriyanı əldə saxlamağa çalışmalıdırlar".

45
Teqlər:
MTRŞ, Milli Televiziya və Radio Yayımları Şurası (MTRŞ), MTRŞ
Azərbaycan hərbçiləri, arxiv şəkli

Müharibədə şəhid olmuş yaralanmış mədəniyyət işçilərinin ailələrinə yardım göstərilib

0
(Yenilənib 11:25 22.01.2021)
Müharibədə 10 nəfər mədəniyyət işçisi yaralanıb, ümumilikdə 162 nəfər mədəniyyət işçisinin yaxın qohumu şəhid olub.

BAKI, 22 yanvar — Sputnik. Vətən müharibəsi zamanı mədəniyyət müəssisələrində çalışan insanlar da könüllü ordu sıralarına yazılıb və onlardan 65 nəfəri səfərbərliyə cəlb olunub.

Sputnik Azərbaycan xəbər verir ki, tarixi zəfərlə başa çatan müharibədə 8 nəfər mədəniyyət işçisi şəhidlik zirvəsinə ucalıb. Müharibədə 10 nəfər mədəniyyət işçisi yaralanıb, ümumilikdə 162 nəfər mədəniyyət işçisinin yaxın qohumu şəhid olub. Ölkəmizin ərazi bütövlüyü uğrunda gedən döyüşlərdə şəhidlik zirvəsinə yüksəlmiş və yaralanmış mədəniyyət işçilərinin ailələrinə Mədəniyyət Nazirliyi və nazirliyin Həmkarlar İttifaqı tərəfindən maddi yardım göstərilib.

Şəhid ailələri və qazilərə qayğı bundan sonra da diqqətdə saxlanılacaq, bu istiqamətdə nazirlik tərəfindən layihə və tədbirlər həyata keçiriləcək.

0
Teqlər:
mədəniyyət xadimləri, müharibə, Qarabağ