BAKI, 4 iyul — Sputnik. 4 İyul Müstəqillik Günü bayramı 1776-cı ildə ABŞ-ın 13 koloniyasının Böyük Britaniyadan müstəqilliyini elan etməsi münasibətilə qeyd edilir.
1776-cı il iyulun 4-də 2-ci Kontinental Konqres tərəfindən ABŞ İstiqlaliyyət Bəyannaməsi qəbul edilib. Bəyannamə müstəmləkələrin metropoliyadan ayrılmasını və yeni müstəqil dövlətin — Amerika Birləşmiş Ştatlarının yaranmasını, xalqın suverenliyi ideyasını, bütün insanların qanun qarşısında bərabərliyini və "yaşamaq, azadlıq və xoşbəxtlik arzusunda olmaq" hüququnu elan edib.
Bəyannamə o dövr ABŞ federasiyasına daxil olan 13 ştat tərəfindən yekdilliklə qəbul edilib.
