İşğal olunmuş Şuşa şəhəri

Şuşanın işğalından 25 il keçir

847
(Yenilənib 10:11 08.05.2017)
Erməni silahlı bölmələrinin Azərbaycanın Şuşa şəhərini işğal etməsindən 25 il ötür

BAKI, 8 may — Sputnik. Bu gün Azərbaycanın Şuşa şəhərinin ermənilər tərəfindən işğal olunmasından 25 il ötür.

Sputnik Azərbaycan-ın məlumatına görə, Azərbaycanın bu qədim, zəngin tarixə və mədəniyyətə malik şəhərinin Ermənistan Silahlı Qüvvələri tərəfindən ələ keçirilməsi ilə Dağlıq Qarabağın işğalı başa çatdırılıb.

Bununla, ermənilər bölgənin Azərbaycandan faktiki qoparılmasına nail olublar. Şuşanın işğalı nəticəsində 480 günahsız vətəndaş qətlə yetirilib, 600 nəfər yaralanıb, 22 min nəfər öz yurdundan didərgin düşüb. Əsir götürülmüş 68 soydaşımızın taleyi barədə bu günə qədər məlumat yoxdur. İşğal nəticəsində Şuşadakı bir sıra tarixi-mədəniyyət abidələri düşmən tərəfindən talan edilib. Bu siyahıya Xan mağarası, Qaxal mağarası, Şuşa qalası da daxil olmaqla bütövlükdə 279 dini, tarixi və mədəni abidə daxildir.

Ermənilər Azərbaycana məxsus olan bir çox abidənin məhv edilməsinə və ya erməniləşdirilməsinə nail olublar. Onlar Şuşada 7 məktəbəqədər uşaq müəssisəsini, 22 ümumtəhsil məktəbini, mədəni-maarif, kənd təsərrüfatı texnikumlarını, 8 mədəniyyət evini, 14 klubu, 20 kitabxananı, 2 kinoteatrı, 3 muzeyi, Şərq musiqi alətləri fabrikini dağıdıblar.

Ümumilikdə, 1992-ci il mayın 8-də Ermənistan Silahlı Qüvvələrinin Şuşanı işğal etməsi nəticəsində Azərbaycanın 289 kvadrat kilometr ərazisi ermənilərin nəzarətinə keçib.

847
Teqlər:
Şuşa şəhərinin işğalı, Ermənistan Silahlı Qüvvələri, Şuşa şəhəri, Dağlıq Qarabağ, Azərbaycan
Əlaqədar
Azərbaycanlı gənc Şuşa məscidində azan çəkdirdi
"Bu tamaşanı Şuşada oynayacağıq"
Şuşanın azad olunduğu gün
Şuşa şəhərinin işğal edilməsindən 24 il ötür
İran və erməni kinematoqrafçılarının Şuşada iş birliyinə inanmıram
Niyə "Şuşa günü" yox, "Qüds günü"?!