Adobe Photoshop redaktoru

Möcüzələr yaradan redaktorun ad günü

136
(Yenilənib 10:41 19.02.2017)
Bu gün peşakar fotoqraf, poliqrafçı və dizaynerlərini işini Photoshop-suz təsəvvür etmək mümkün deyil

BAKI, 19 fev — Sputnik. 1990-cı il fevralın 19-u populyar qarfik redaktor Adobe Photoshop-un ad günü sayılır. 

Hazırda çoxlarımızın sosial şəbəkələrdə heyranlıqla baxdığımız "gözəllər", "çirkinlər", "dünyanın füsunkar yerləri", "möcüzəli tapıntılar" və s. məhz Photoshop-un məhsuludur. 

Hər şey 1980-ci illərdə ABŞ-da başlayıb. 1987-ci ilə proqramçı Tomas Noll qrafik görüntülər üçün proqram hazırlayır. Tomas öz proqramını qardaşı Cona (sonradan "Ulduz müharibələri" və "Karib dənizinin quldurları" filmlərində xüsusi effektlərin qurucusu olan Con Noll — red.) göstərir. Con qardaşının ideyasına böyük maraqla yanaşaraq proqramı inkişaf etdirməyə başlayır. 

Qardaşlar ilk birgə proqramlarını "Display" adlandırsalar da, sonradan bu adı "ImagePro"ya dəyişirlər. Artıq o dövrdə bu proqram bir çox parametrlərə görə mövcud analoqlarından üstün idi. 

1989-cu ildə Adobe Systems şirkəti bu proqramı almaq qərarına gəlir və həmin ildən onun adı indiki kimi səslənməyə başlayır — Photoshop. Bu adı kimin fikirləşdiyi məlum deyil. Qardaşlar isə proqram üzərində işlərini davam etdirirlər.

1990-cı il fevralın 19-da Photoshop 1.0 proqramının ilk rəsmi versiyası ortaya çıxır. Məhz bu tarix Photoshop-un ad günü sayılır. Qarşıda isə qrafik redaktoru böyük inkişaf gözləyirdi. 

136
Teqlər:
"Display", "ImagePro", Adobe Photoshop, "Karib dənizinin quldurları", "Ulduz müharibələri", Adobe Systems şirkəti, Con Noll, Tomas Noll, ABŞ
Əlaqədar
Möcüzələr ölkəsinə dəniz yolunun kəşfi
Kibrit çöpləri ilə möcüzələr yaradan gənc