Mamuka Kikaleyşvili

Yaramaz

33
(Yenilənib 11:38 10.08.2015)
Məşhur gürcü aktyoru Mamuka Kikaleyşvili 1960-cı il avqustun 10-da Tiflisdə anadan olub.

BAKI, 10 avq — Sputnik. Məşhur gürcü aktyoru Mamuka Kikaleyşvili 1960-cı il avqustun 10-da Tiflisdə anadan olub.

O, Rustaveli adına Dram Teatrının aktrisası, Gürcüstanın əməkdar artisti Leyla Dziqraşvili və həmin teatrın direktor müavini Andrey Kikaleyşvilinin ailəsində doğulub. 1981-ci ildə Şota Rustaveli adına Tiflis Dövlət Teatr və İncəsənət İnstitutunu bitirən Mamuka aktyorluq təhsili alıb. O, 1984-cü ilədək Marcanaşvili adına teatrda çalışıb. Həmin ildən “Gürcüstanfilm” kinostudiyasında çəkilməyə başlayıb. 

40-a yaxın filmdə rol alan Mamuka 1988-ci ildə Vaqif Mustafayevin "Yaramaz" filminə dəvət alır. Bu ekran əsərindəki Hətəm rolu onu daha da məşhurlaşdırır. Elə bu filmdəki aktyor oyununa görə Mamuka 1988-ci ildə Bolqarıstanın Qabrovo şəhərində keçirilmiş festivalda “Ən yaxşı komediya aktyoru” nominasiyasının qalibi olub. 

Mamuka 1994-cü "Məğlub mələk" filmində özünü rejissor kimi də sınayır.

Qeyd edək ki, Mamuka Kikaleyşvili Azərbaycan rejissorlarının daha iki filmində rol alıb. O, 1990-cı ildə rejissor Cahangir Mehdiyevin çəkdiyi “Girişmə öldürər!” adlı filmində sərnişin və elə həmin Vaqif Mustafayevin 1995-ci ildə ekranlaşdırdığı məşhur “Fransız” filmində müğənni rolunu oynayıb.

90-cı illərin sonunda Gürcüstanı tərk etməli olan M. Kikaleyşvili Moskvaya köçməyə məcbur olub. Mamuka Gürcüstanın eks-prezidenti Zviad Qamsaxurdiyanın dəstəkçilərindən idi. Məhz buna görə, onu həbs də etmişdilər.

Moskvaya köçəndən sonra Mamuka bir sıra filmlərdə rollar alıb. Təzyiqlərə baxmayaraq, sonradan onu bağışlayıblar və Gürcüstanın Rusiyadakı səfirliyində iş veriblər. Mamuka Kikaleyşvili səfriliyin mədəniyyət üzrə attaşesi vəzifəsində çalışıb.

2000-ci il aprelin 26-da Mamukanın həyat yoldaşı Tatyana onu çarpayıda huşsuz vəziyyətdə tapıb. Mamuka yuxu dərmanını həddindən artıq qəbul edibmiş. Həkimlər gürcü aktyoru xilas edə bilməyiblər. Moskvada vəfat etmiş Mamuka Kikaleyşvilini Tiflisdə dəfn ediblər. 

33
Teqlər:
Fransız filmi, Girişmə öldürər, Məğlub mələk filmi, Yaramaz kinosu, Yaramaz filmi, Yaramaz, Rustaveli adına Dram Teatrının aktrisası, Gürcüstanfilm kinostudiyası, Marcanaşvili adına teatr, Zviad Qamsaxurdiya, Andrey Kikaleyşvili, Leyla Dziqraşvili, gürcü aktyoru Mamuka Kikaleyşvili, Mamuka Kikaleyşvili, Tiflis
Leyli və Məcnun operasının afişası

Yüz on üç yaşlı sevgi hekayəsi

18
Bu yazılar 1908-ci il yanvar 12-də "Nicat" Maarif Cəmiyyəti tərəfindən həvəskar aktyorların Hüseyn Ərəblinskinin rejissorluğu və müəllifin nəzarəti ilə müsəlman səhnəsində ilk dəfə olaraq Üzeyir Hacıbəylinin

BAKI, 13 yanvar — Sputnik. Muzey Sərvətləri və Xatirə Əşyalarının Elmi Bərpa Mərkəzində bərpa edilən qurama texnikalı tikmənin üzərində aşkarlanan yazılar Üzeyir bəy Hacıbəylinin "Leyli və Məcnun" operasının ilk tamaşasının proqram-afişasını əks etdirir.

© Sputnik
Qurama texnikalı tikmə

Sputik Azərbaycan xəbər verir ki, müsəlman Şərqinin ilk operası olan "Leyli və Məcnun"un premyerasından 113 il ötür. Şərqin ilk operası olan "Leyli və Məcnun"u Üzeyir Hacıbəyli 1907-ci ildə yazıb. 1908-ci il yanvarın 12-də əsərin Tağıyev teatrında ilk tamaşası olub. "Leyli və Məcnun"la Azərbaycan musiqi mədəniyyəti tarixində yeni bir dövr açılıb, eyni zamanda müsəlman Şərqində opera janrının əsası qoyulub.

2011-ci ildə Milli Azərbaycan Tarixi Muzeyindən Elmi Bərpa Mərkəzinə daxil olan qurama texnikalı tikmənin bərpası zamanı onun demontaj edilmiş bir hissəsində ipək parçanın üzərində həm əski əlifba, həm də köhnə kiril əlifbası ilə olan yazılar aşkarlanıb. Bu yazılar 1908-ci il yanvarın 12-də "Nicat" Maarif Cəmiyyəti tərəfindən həvəskar aktyorların Hüseyn Ərəblinskinin rejissorluğu və müəllifin nəzarəti ilə müsəlman səhnəsində ilk dəfə olaraq Üzeyir Hacıbəylinin "Leyli və Məcnun" operasının ilk tamaşasının proqram-afişasını əks etdirirdi. Proqram-afişanın üzərində ilk tamaşada rolları ifa edən aktyorların adı, rejissorun adı və s. ilə yanaşı, yanvarın 14-də oynanılacaq növbəti tamaşanın anonsunu əks etdirən yazılar da var idi.

18

Ölümü ilə hər kəsi ayağa qaldırmış general

67
(Yenilənib 10:24 02.01.2021)
Polad Həşimovun ölümü ölkədə geniş əks-səda doğurub. Yüz mindən artıq insan Şəhidlər Xiyabanına yürüş edərək generalın qisasının alınmasını tələb edib. 

BAKI, 2 yanvar - Sputnik. Azərbaycanın Milli Qəhrəmanı, şəhid general-mayor Polad Həşimovun doğum günüdür, yaşasa idi bu gün onun 46 yaşı tamam olacaqdı.

Sputnik Azərbaycan  xəbər verir ki, P.Həşimov 1975-ci ilin yanvarın 2-də Qəbələ rayonunun Vəndam kəndində anadan olub, sonradan ailəsi ilə birlikdə Sumqayıt şəhərinə köçüb. Orta təhsilini Sumqayıt şəhərində əvvəlcə 28 nömrəli, sonra isə 34 nömrəli məktəbdə alıb. O, Heydər Əliyev adına Ali Hərbi Məktəbi bitirərək hərbçi olub.

General-mayor P.Həşimov 2020-ci il iyulun 14-də Tovuz istiqamətində baş verən şiddətli döyüşlər gedən dövrdə şəhid olub. İyulun 14-də general-mayor Polad Həşimovun nəşi əvvəlcə doğulduğu Qəbələ rayonunun Vəndam qəsəbəsinə, sonra isə yaşadığı Sumqayıt şəhərinə gətirilib. General iyulun 15-də II Fəxri Xiyabanda dəfn olunub.

Polad Həşimovun ölümü ölkədə geniş əks-səda doğurub. Yüz mindən artıq insan Şəhidlər Xiyabanına yürüş edərək generalın qisasının alınmasını tələb edib. 

Polad Həşimovun ölümü barədə cəmiyyətdə birmənalı fikir mövcud deyil. Belə ki, şəhid polkovnik, Azərbaycanın Milli Qəhrəmanı Şükür Həmidovun atası Nəriman Həmidov noyabrın 8-də telekanallardan birinə verdiyi açıqlamada Polad Həşimovun xəyanət nəticəsində döyüş bölgəsindən kənarda öldürüldüyünü deyib. 

P.Həşimov 2016-cı ilin 2-4 aprelində cəbhə boyu baş verən döyüşlər zamanı Talış qəsəbəsi uğrunda gedən döyüşləri aparan 1-ci Ordu Korpusunun Qərargah rəisi olub və döyüş vaxtı yaralanıb. 2019-cu il iyunun 25-də Polad Həşimova general-mayor ali hərbi rütbəsi verilib. O, daha sonra Azərbaycan Silahlı Qüvvələrinin 3-cü Ordu Korpusunun Qərargah rəisi təyin olunub.

Polad Həşimovun iki oğul və bir qız övladı yadigar qalıb.

67

"Lotu Quli"nin məzarı üstündə atışma olub, 1 nəfər ölüb

0
Silahlı insident nəticəsində bir azərbaycanlı başından güllələnib. O, aldığı güllə yarasından hadisə yerində ölüb.

BAKI, 19 yanvar - Sputnik. İstanbulun Esenyurt rayonunda "Lotu Quli" ləqəbli kriminal avtoritet Nadir Səlifovun məzarı üstündə silahlı insident olub.

APA-nın verdiyi xəbərə görə, silahlı insident nəticəsində bir azərbaycanlı başından güllələnib. Güllələnən şəxsin Əli Həşimov olduğu bildirilir. O, aldığı güllə yarasından hadisə yerində ölüb.

Onu vuran digər azərbaycanlı Kənan adlı şəxs isə xəstəxanaya çatdırılıb.

Məlumata görə, hadisə borc üstündə baş verib.

Hadisədə şübhəli bilinən 3 nəfər saxlanılıb.

0