Парламентская ассамблея Совета Европы

19 il əvvəl Azərbaycan AŞ-a tamhüquqlu üzv olmaq niyyətini bildirib

19
(Yenilənib 10:45 13.07.2015)
13 iyul 1996-cı ildə prezident Heydər Əliyev nümayəndə heyəti ilə görüşündə Azərbaycanın Avropa Şurasına tamhüquqlu üzv olmaq niyyətini bildirilən məktubu Daniel Tarşisə təqdim edib.

13 iyul – Sputnik. 1996-cı ilin iyununda Azərbaycana Avropa Şurası Parlament Assambleyasında xüsusi dəvət olunmuş qonaq statusu verilib. Bu hadisədən az sonra, 12-14 iyul 1996-cı ildə Avropa Şurasının İsveçdən olan baş katibi Daniel Tarşis və Avropa Şurası Nazirlər Komitəsinin sədri, Estoniyanın xarici işlər naziri Syum Kallasın başçılıq etdikləri nümayəndə heyəti Azərbaycana səfərə gəlib. Səfərdə məqsəd Azərbaycanda demokratiya və insan hüquqları sahəsində vəziyyəti öyrənmək olub. 13 iyul 1996-cı ildə prezident Heydər Əliyev nümayəndə heyəti ilə görüşündə Azərbaycanın Avropa Şurasına tamhüquqlu üzv olmaq niyyətini bildirilən məktubu Daniel Tarşisə təqdim edib.

Azərbaycanın dövlət başçısı Daniel Tarşisə ölkənin Avropa Şurası ilə tam əməkdaşlıq etmək istədiyini söyləyib. O, Ermənistan-Azərbaycan Dağlıq Qarabağ münaqişəsindən danışaraq ATƏT-in Minsk qrupunun o zaman təqdim edilmiş mərhələli sülh təklifinin ümidverici olduğunu bildirib.

Daniel Tarşisin Azərbaycana daha bir səfəri 1998-ci ilin avqustunda olub. Avropa Şurası Nazirlər Komitəsinin sədri, Yunanıstanın xarici işlər nazirinin müavini İannos Kranidiotislə təşkilatın nümayəndə heyətinə rəhbərlik edən baş katibin bu səfərində də məqsəd Azərbaycanda demokratik proseslərin həyata keçirilməsi vəziyyətini öyrənmək idi. Heydər Əliyevlə görüşü zamanı Daniel Tarşis Azərbaycanın Avropa Şurasında iştirak etmədiyi sonuncu orqan — Yerli Seçki Dairələri Şurasında da təmsil olunmasını arzuladığını bildirib.

Təşkilatın müxtəlif qurumlarında müzakirələrdən sonra, 25 yanvar 2001-ci ildə Azərbaycan Avropa Şurasının tamhüquqlu üzvü olub.


19
Teqlər:
ATƏT, Avropa Şurası Parlament Assambleyası, Avropa Şurası, Heydər Əliyev, Daniel Tarşis, Azərbaycan
Azərbaycanın ümummilli lideri Heydər Əliyev

Ümummilli Lider Heydər Əliyevin anadan olmasından 98 il ötür

53
(Yenilənib 07:17 10.05.2021)
Heydər Əliyev dörd dəfə Lenin ordeni, Qırmızı Ulduz ordeni və çoxlu medallarla təltif edilib, iki dəfə Sosialist Əməyi Qəhrəmanı adını alıb, bir çox xarici dövlətlərin orden və medalları ilə təltif olunub

BAKI, 10 may — Sputnik. Bu gün Azərbaycanın ümummilli lideri Heydər Əliyevin doğum günüdür.

Sputnik Azərbaycan xəbər verir ki, Heydər Əliyevin anadan olmasının 98-ci ildönümüdür.

Heydər Əlirza oğlu Əliyev 1923-cü il mayın 10-da Azərbaycanın Naxçıvan şəhərində anadan olub. O, 1939-cu ildə Naxçıvan Pedaqoji Texnikumunu bitirdikdən sonra Azərbaycan Sənaye İnstitutunun (indiki Azərbaycan Dövlət Neft Akademiyası) memarlıq fakültəsində təhsil alıb. Başlanan müharibə ona təhsilini başa çatdırmağa imkan verməyib.

1941-ci ildən Heydər Əliyev Naxçıvan MSSR Xalq Daxili İşlər Komissarlığında və Naxçıvan MSSR Xalq Komissarları Sovetində şöbə müdiri vəzifəsində işləyib və 1944-cü ildə dövlət təhlükəsizliyi orqanlarında işə göndərilib. Bu dövrdən təhlükəsizlik orqanları sistemində çalışan Heydər Əliyev 1964-cü ildən Azərbaycan SSR Nazirlər Soveti yanında Dövlət Təhlükəsizliyi Komitəsi sədrinin müavini, 1967-ci ildən isə sədri vəzifəsində işləyib, general-mayor rütbəsinə qədər yüksəlib. Həmin illərdə o, Leninqrad şəhərində (indiki Sankt-Peterburq) xüsusi ali təhsil alıb. 1957-ci ildə isə Azərbaycan Dövlət Universitetinin tarix fakültəsini bitirib.

Azərbaycan Kommunist Partiyası Mərkəzi Komitəsinin 1969-cu il iyul plenumunda Heydər Əliyev Azərbaycan Kommunist Partiyası Mərkəzi Komitəsinin birinci katibi seçilərək respublikanın rəhbəri olub. 1982-ci ilin dekabrında Sovet İttifaqı Kommunist Partiyası Mərkəzi Komitəsi Siyasi Bürosunun üzvü seçilən Heydər Əliyev SSRİ Nazirlər Soveti sədrinin birinci müavini vəzifəsinə təyin edilib və SSRİ-nin rəhbərlərindən biri olub. Heydər Əliyev iyirmi il ərzində SSRİ və Azərbaycan SSR Ali Sovetlərinin deputatı olub və beş il SSRİ Nazirlər Soveti sədrinin birinci müavini vəzifəsində çalışıb, 1987-ci ilin oktyabrında tutduğu vəzifələrdən istefa verib.

Heydər Əliyev 1990-cı ilin 20 yanvarında sovet qoşunlarının Bakıda törətdiyi qanlı faciə ilə əlaqədar ertəsi gün Azərbaycanın Moskvadakı nümayəndəliyində bəyanatla çıxış edərək, Azərbaycan xalqına qarşı törədilən cinayətin təşkilatçıları və icraçılarının cəzalandırılmasını tələb edib. O, Dağlıq Qarabağda yaranan kəskin münaqişəli vəziyyətlə bağlı SSRİ rəhbərliyinin ikiüzlü siyasətinə etiraz əlaməti olaraq, 1991-ci ilin iyulunda Sovet İttifaqı Kommunist Partiyasının sıralarını tərk edib.

1990-cı ilin iyulunda Azərbaycana qayıdan Heydər Əliyev ilk əvvəl Bakıda, sonra isə Naxçıvanda yaşayıb, həmin ildə də Azərbaycan Ali Sovetinə deputat seçilib. O, 1991-1993-cü illərdə Naxçıvan Muxtar Respublikası Ali Məclisinin sədri, Azərbaycan Respublikası Ali Soveti sədrinin müavini olub. Heydər Əliyev 1992-ci ildə Yeni Azərbaycan Partiyasının Naxçıvan şəhərində keçirilən təsis qurultayında partiyanın sədri seçilib.

1993-cü ilin may-iyununda hökumət böhranının son dərəcə kəskinləşməsi ilə ölkədə vətəndaş müharibəsinin baş verməsi və müstəqilliyin itirilməsi təhlükəsi yarandıqda Azərbaycan xalqı Heydər Əliyevin hakimiyyətə gətirilməsi tələbi ilə ayağa qalxdı. Azərbaycanın o zamankı rəhbərləri Heydər Əliyevi rəsmən Bakıya dəvət etməyə məcbur oldular. Heydər Əliyev 1993-cü il iyunun 15-də Azərbaycan Ali Sovetinin sədri seçildi, iyulun 24-də isə Milli Məclisin qərarı ilə Azərbaycan Respublikası Prezidentinin səlahiyyətlərini həyata keçirməyə başladı.

1993-cü il oktyabrın 3-də ümumxalq səsverməsi nəticəsində Heydər Əliyev Azərbaycan Respublikasının Prezidenti seçildi. O, 1998-ci il oktyabrın 11-də xalqın yüksək fəallığı şəraitində keçirilən seçkilərdə səslərin 76,1 faizini toplayaraq, yenidən Azərbaycan Respublikasının Prezidenti seçilib. 2003-cü il oktyabrın 15-də keçirilən prezident seçkilərində namizədliyinin irəli sürülməsinə razılıq verən Heydər Əliyev səhhətində yaranmış problemlərlə əlaqədar seçkilərdə iştirak etməkdən imtina edib.

Azərbaycanın ümummilli lideri, Prezident Heydər Əliyev 2003-cü il dekabrın 12-də müalicə olunduğu Klivlend klinikasında (ABŞ) vəfat edib, dekabrın 15-də Bakıda Fəxri xiyabanda dəfn olunub.

Heydər Əliyev bir çox dövlət orden və medallara, beynəlxalq mükafatlara layiq görülüb, müxtəlif ölkələrin universitetlərinin fəxri doktoru seçilib.

Heydər Əliyev dörd dəfə Lenin ordeni, Qırmızı Ulduz ordeni və çoxlu medallarla təltif edilib, iki dəfə Sosialist Əməyi Qəhrəmanı adını alıb, bir çox xarici dövlətlərin orden və medalları ilə təltif olunub.

53
İsfəndiyar İgidovun fotosu

Qələbə Gününü özünə ad günü kimi seçən qəhrəman

609
İsfəndiyar İgidovun doğum ili 1921-ci olsa da, ay və gün rəsmi sənədlərdə təxmini göstərilib. Lakin İsfəndiyar İgidov sağlığında hər may ayının 9-nu özünün ad günü kimi qeyd edib.

İlham Mustafa, Sputnik Azərbaycan

BAKI, 8 may — Sputnik. Faşizm üzərində Qələbədə böyük pay sahiblərindən biri də Qazax rayon Hüseynbəyli kənd sakini İsfəndiyar İgidov olub. 1939-cu ildə hərbi xidmətə yollanan İ.İgidov ilk döyüş təcrübəsini Sovet-Fin müharibəsində qazanıb. Sonra isə Moskvadan Berlinədək uzanan şərəfli döyüş yolu keçib. Bu dövr ərzində 3 dəfə ağır yaralanıb, hətta bir dəfə evinə “qara kağız” - ölüm xəbəri də göndərilib. Lakin hər dəfə yaralarını sağaltdıqdan sonra cəbhəyə yollanıb. İlk olaraq kəşfiyyatçı, sonralar tankçı və topçu kimi qələbəyə öz payını qatıb. Cəbhədə göstərdiyi şücaətlərə görə “Birinci dərəcəli vətən müharibəsi”, “Qırmızı ulduz”, Moskvanın, Leninqradın, Stalinqradın müdafiəsinə görə, Keniqsberqin, Ukraynanın alınması və Almaniya üzərində qələbəyə görə 25 orden və medallarla təltif edilib.

© Sputnik / Ilham Mustafa
İsfəndiyar İgidovun məzarı

İ.İgidovun keçdiyi döyüş yolu haqda Sputnik Azərbaycan-ın bölgə müxbirinə onun oğlu Ayaz İgidov danışıb. O, atasının faşizm üzərində Qələbə münasibətilə 1945-ci il iyunun 24-də Moskvada keçirilən ilk qələbə paradında iştirak edən 9 azərbaycanlıdan biri olduğunu söyləyib:

“Atamın qəhrəmanlıqları haqda hələ müharibə vaxtı onlarla qəzet və jurnalda materiallar dərc edilib. Müharibədən gələndən sonra isə haqqında kitab yazılıb, bir neçə kitabda ondan bəhs olunub. Özü haqda yazılan qəzetlərin, kitabların hamısını saxlayırdı. Bütün bu xidmətlərinə görə Leninqrad (Sankt-Peterburq) şəhərinin fəxri vətəndaşı titulunu alıb. Bundan başqa, ona SSRİ-nin istənilən yerinə pulsuz uça bilməsi üçün 205 nömrəli vəsiqə verilmişdi. Qələbənin 40, 45, 50, 55 illiklərində paradlarda iştirak etmişdi. Lakin çox istəsə də səhhətinə görə 2000-ci ildəki paradda iştirak edə bilmədi. Moskvadan ona hərbi forma göndərmişdilər. Bütün medallarının hamısını özü öz əlləri ilə düzmüşdü. Bu gün də o formanı olduğu kimi saxlayırıq”, - deyə o məlumat verib.

  • İsfəndiyar İgidovun ailə üzvləri
    © Sputnik / Ilham Mustafa
  • İsfəndiyar İgidovun fotosu
    © Sputnik / Ilham Mustafa
  • İsfəndiyar İgidovun fotosu
    © Sputnik / Ilham Mustafa
  • İsfəndiyar İgidovun fotoları
    © Sputnik / Ilham Mustafa
  • İsfəndiyar İgidovun hərbi forması
    © Sputnik / Ilham Mustafa
  • İsfəndiyar İgidovun məzarı
    © Sputnik / Ilham Mustafa
1 / 6
© Sputnik / Ilham Mustafa
İsfəndiyar İgidovun ailə üzvləri

A.İgidov atasının müharibədən qayıtdıqdan sonra da fəal həyat tərzi keçirdiyini, ölənə kimi müxtəlif işlərdə çalışıdığını deyib: “Mən hərbi xidməti Leninqradda keçmişəm. Orada atama görə hərbi hissənin ən seçilən əsgərlərindən biri olmuşam. Xidmətdə olduğum müddətdə atam 13 dəfə Leninqrada gəlmişdi. Hər gəlişində şəhərin qarnizon komandiri çıxıb onu aeroportda qarşılayırdı. Baxmayaraq ki, o, 1-ci dərəcəli Vətən müharibəsi əliliydi, dünyanın hər yerinə eləcə gedirdi. 60 ildən çox ağciyərində, bədənin müxtəlif yerlərində qəlpələrlə yaşamışdı. Buna baxmayaraq, həmişə müxtəlif işlərdə çalışmışdı”, - deyə o bildirib.

İsfəndiyar İgidov 2004-cü ildə 83 yaşında vəfat edib. Onun doğum ili 1921-ci olsa da, ay və gün rəsmi sənədlərdə təxmini göstərilib. Lakin İsfəndiyar İgidov sağlığında hər may ayının 9-nu özünün ad günü kimi qeyd edib. Dünyasını dəyişərkən isə övladlarına bu ənənəni pozmayaraq hər mayın 9-u ona sağlığındakı kimi ad günü keçirmələrini vəsiyyət edib. Bu gün də ailə onun vəsiyyətinə əməl edərək 9 mayı həm atalarının doğum günü, həm böyük Qələbə Günü kimi qeyd edirlər.

609
Şimal-qərb bölgəsində küləyin fəsadları

Güclü külək şimal-qərb bölgəsində fəsadlar törədib - FOTO

0
(Yenilənib 11:55 10.05.2021)
Elektrik enerjisinin verilməsində yaranan fasilələr qismən aradan qaldırılıb. Hazırda bölgədə yağışlı hava davam edir.

İbrahim Həşimov, Sputnik Azərbaycan

BAKI, 10 may — Sputnik. Dünən axşamdan başlayaraq ölkənin şimal-qərb bölgəsində qeyri-sabit hava şəraiti hökm sürüb. Bölgənin Balakən və Zaqatala rayonlarında güclü küləklə müşahidə edilən yağışlı hava şətaiti olub. Sputnik Azərbaycan-ın məlumatına görə, güclü külək Balakən rayonunun Qazbinə kəndi və Zaqatala rayonunun Makov kəndi ərazisində irigövdəli ağacları aşırıb. Elektrik naqillərinin qırılması səbəbindən hər iki rayonun bir sıra yaşayış məntəqələrinə elektrik enerjisinin verilməsində fasilələlər yaranıb.

  • Şimal-qərb bölgəsində küləyin fəsadları
    © Sputnik / Ibrahim Hashimov
  • Şimal-qərb bölgəsində küləyin fəsadları
    © Sputnik / Ibrahim Hashimov
  • Şimal-qərb bölgəsində küləyin fəsadları
    © Sputnik / Ibrahim Hashimov
  • Şimal-qərb bölgəsində küləyin fəsadları
    © Sputnik / Ibrahim Hashimov
1 / 4
© Sputnik / Ibrahim Hashimov
Şimal-qərb bölgəsində küləyin fəsadları

Zaqatalanın Makov kəndində isə ağacın yolu bağlaması səbəbindən ərtaf kəndlərə nəqliyyatın hərəkəti müvəqqəti dayanıb. Aidiyyəti qurumlar və kənd sakinlərinin köməyi ilə qısa müddətdə ağaclar doğranaraq yol təmizlənib və avtomobillərin hərəkəti yenidən bərpa edilib. Elektrik enerjisinin verilməsində yaranan fasilələr də qismən aradan qaldırılıb. Hazırda bölgədə yağışlı hava davam edir.

Eləcə də oxuyun: 

Külək Goranboy sakinlərini müharibə dövrünə qaytardı - FOTO

"Nur şəhəri" gecə boyu işıqsız qaldı - FOTO

Meteohəssasları sevindirəcək proqnoz

 

0
Teqlər:
yol, ağac, fəsad, külək, Balakən, Zaqatala