Qaz anbarı, arxiv şəkli

"Schneider Electric” Abşeron qaz yatağını elektrik enerjisi ilə təmin edəcək

736
(Yenilənib 10:27 07.09.2021)
"Schneider Electric" Azərbaycanın ən yeni qaz yatağı olan Abşerondakı dəniz qurğularını enerji ilə təmin edən geniş çeşidli texnologiyalar təqdim edir.

BAKI, 7 sentyabr — Sputnik. "Schneider Electric" ölkənin ən böyük və yeni neft-qaz yatağına təhlükəsiz və etibarlı elektrik enerjisi ilə təchiz edən kompakt "E-House" elektrik enerjisi avadanlığını təhvil verib.

Sputnik Azərbaycan xəbər verir ki, "Schneider Electric" Azərbaycanın ən yeni qaz yatağı olan Abşerondakı dəniz qurğularını enerji ilə təmin edən geniş çeşidli texnologiyalar təqdim edir. "E-House" adlanan avadanlıq təhlükəsiz və etibarlı elektrik enerjisinin təmin olunması üçün enerji və nəzarət cihazlarını kompakt tərtibat şəklində bir araya gətirərək 2021-ci ilin avqustunda təhvil verilib.

Bakı şəhərindən təxminən 100 kilometr məsafədə, Xəzər dənizində yerləşən Abşeron qaz yatağı 350 milyard kubmetr qaz ehtiyatına malikdir. Bu yataq "TotalEnergies" və Azərbaycan Respublikası Dövlət Neft Şirkəti (ARDNŞ) tərəfindən birgə işlənir. "TotalEnergies" şirkəti yatağı bir neçə mərhələdə işləyir. Hazırda həyata keçirilən ilk mərhələdə il ərzində təxminən 1,5 milyard kubmetr qazın hasil edilməsi planlaşdırılır. İkinci mərhələdə, hasil edilməsi planlaşdırılan qazın həcmi il ərzində 5 milyard kubmetrə çatdırılacaq.

"TotalEnergies" və ARDNŞ şirkətləri ilə əməkdaşlıq edən "Schneider Electric" şirkəti layihənin qrafikinə uyğun və dəniz qurğularının elektrik enerjisinə olan tələbatını ödəyəcək metod təqdim edib. "E-House" avadanlığına aşağı və orta gərginlikli cihaz, transformatorlar və fasiləsiz elektrik enerjisi qurğusu daxildir. Bu çoxəhatəli avadanlıq iqlim nəzarəti (istilik, ventilyasiya və havalandırma), işıqlandırma və köməkçi enerji, təhlükəsizlik, yanğın və qaz idarəçiliyi ilə əlaqədar köməkçi enerji sərfiyatına çəkilən xərclərə qənaət etməyə imkan yaradır.

"Schneider Electric" şirkətinin Mərkəzi Asiya üzrə baş meneceri Den Vlaskianu bildirib ki, Azərbaycanın iqtisadi inkişafında mühüm yer tutan Abşeron qaz yatağı qeyri-adi əməliyyat mühitində ən yüksək keyfiyyət standartlarına cavab verən və layihənin icrasının davam etdiyi müddətdə hər zaman quraşdırılmağa hazır olan elektrik enerjisi və nəzarət həlləri tələb edir. "Schneider Electric" şirkəti hər iki tələbi yerinə yetirməyə qadirdir və bizim avadanlığımız müştərimizin yataqda qaz hasilatının artırılmasına yönəlmiş əməliyyatları elektrik enerjisi ilə təmin edir.

"Schneider Electric" şirkətinin layihə meneceri Osman Avcılar əlavə edib ki, bizim sistem əlverişli və yığcam olduğundan, hətta dənizdəki qazma qurğuları kimi mühitdə də elektrik enerjisinin təmin olunmasına şərait yaradır. Bu layihə bizim elektrik enerjisinin hər yerə təchiz edilməsinə malik olduğumuz təcrübəni əks etdirir və Azərbaycan iqtisadiyyatı üçün vacib layihədə mühüm rol oynamaqdan qürur duyuruq. Bizim texnologiyalar Abşeron yatağındakı əməliyyatları daim təhlükəsiz və etibarlı elektrik enerjisi ilə təmin edəcək.

Qeyd edək ki, "Schneider Electric" şirkəti evlərdə, binalarda, məlumat mərkəzlərində, infrastruktur və sənaye sahələrində enerjinin idarə olunmasının və avtomatlaşdırılmasının rəqəmsal transformasiyası üzrə liderdir. Dünyanın 100-dən artıq ölkəsində fəaliyyət göstərən "Schneider Enerji" idarəçiliyi – orta gərginlik, aşağı gərginlik, təhlükəsiz gərginlik və avtomatlaşdırma sistemləri üzrə mübahisəsiz liderdir.

Bizim qlobal ekoloji sistemdə real vaxtda nəzarətin və əməliyyatın effektivliyinin təmin edilməsi üçün Açıq Platformamız çərçivəsində ən böyük tərəfdaş, inteqrator və layihəçi icması ilə əməkdaşlıq edirik. Biz inanırıq ki, möhtəşəm insanlar və tərəfdaşlar "Schneider" şirkətini böyük bir şirkət edir və bizim İnnovasiya, müxtəliflik və davamlılığa yönümlü fəaliyyətimiz hər yerdə, hər kəs üçün və hər zaman həyatın davam etməsini təmin edir. 

736
Minsk şəhərinə mənzərə, arxiv şəkli

Azərbaycan ilə Belarus arasında ticarət dövriyyəsi 200 milyon dolları ötüb

7
(Yenilənib 22:18 19.09.2021)
Azərbaycan Respublikasından Belarusa ixracın dəyəri 130 milyon dollar, bu ölkədən idxalın dəyəri isə 79,5 milyon dollar təşkil edib.

BAKI, 19 sentyabr - Sputnik. Cari ilin yanvar-avqust aylarında Azərbaycan ilə Belarus arasında ticarət dövriyyəsi 209,5 milyon ABŞ dolları təşkil edib.

Bu barədə AZƏRTAC-a Belarus Dövlət Statistika Komitəsindən məlumat verilib.

Səkkiz ayda Azərbaycandan Belarusa ixracın dəyəri 130 milyon dollar, bu ölkədən ölkəmizə idxalın dəyəri isə 79,5 milyon dollar təşkil edib.

Həmçinin oxuyun:

Azərbaycan Prezidenti Belarusla müdafiə sahəsində müqaviləni təsdiqlədi

7
Teqlər:
Belarus, ixrac, idxal
Toyota Prius

Ekspert: hibrid elektromobillərə görə rüsum ləğv olunsa, avtomobil parkı yenilənər

19
(Yenilənib 21:02 19.09.2021)
Avtosalon sahibi: benzinin qiyməti qalxanda alıcılıq qabiliyyəti aşağı düşür, bu səbəbdən də qiymətləri qaldırmırıq.

BAKI, 19 sentyabr — Sputnik. Sentyabrın 15-dən etibarən Azərbaycanda "A-98 SUPER" və "A-95 PREMİUM" markalı benzin növlərinin qiymətində artım baş verib. Maraqlıdır, bu artımın avtomobil bazarına təsiri necə olacaq?

İqtisadçı-eskpert Natiq Cəfərli Sputnik Azərbaycan-a açıqlamasında bildirib ki, belə olan halda dizel və "Aİ-92" marka yanacağı ilə işləyən avtomobillərə maraq daha çox artacaq:

"Benzinin qiymətinin qalxması ilə köhnə avtomobillərin qiymətində artım və onlara olan tələbatın yüksəlməsi gözləniləndir. Lakin dizelin də qiymətində artımının olub-olmayacağına zəmanət vermək olmaz".

Ekspert deyir ki, hər dəfə "A-98 SUPER" və "A-95 PREMİUM" markalı yanacağın qiyməti qalxanda müasir avtomobillərə maraq azalır.

Ekspert ümumiyyətlə, son zamanlar "hibrid" avtomobillərə marağın artdığını deyir və təşviqedici təkliflərdən söz açır:

"Düşünürəm ki, hibrid avtomobillərlə bağlı təşviqedici addımlar atılmalıdır. Bu avtomobillərə görə 15 faizlik ƏDV və müxtəlif rüsumlar nəzərdə tutulur ki, bu da çoxdur. Belə avtomobillər daxiliyanma mühərriki olan avtomobillərlə eyni şərtlər altında ölkəyə gətirilir. Onlarla bağlı nə vergi, nə də ki, gömrük rüsumunda hansısa güzəşt yoxdur. Bir təşviqat olmalıdır ki, vətəndaşlar həmin avtomobilləri almağa üstünlük versinlər. Belə olan halda avtomobil parkının yenilənməsi isitiqamətində də müsbət addım atılmış olar".

N.Cəfərli deyir ki, "Aİ-92" markalı benzinlə işləyən avtomobillərin daha köhnə olması, bahalaşma ilə əlaqədar onlara tələbatın artacağının proqnozlaşdırılması isə o deməkdir ki, yollarda təhlükəsizlik və ekologiya ilə bağlı problemlər qaçılmaz olacaq.

Ekspertin sözlərinə görə, elekriklə işləyən avtomobillər daha yeni və müasir olduğundan onların qiymətləri aşağı deyil və bunun da üzərinə 15 faizin əlavə edilməsi doğru deyil:

"Hətta bu 15 faizin sıfırlanması da mümkündür ki, belə avtomobillərin ölkəyə idxalı artsın. Heç olmasa bir müddətlik hibrid və elektrik avtomobilləri ilə bağlı 0 rüsum, 0 vergi tətbiq olunarsa, bu həm ekoloji vəziyyətə, həm də avtomobil bazarının yenilənməsinə müsbət təsir edə bilər".

Avtomobil bazarına baxdıqda isə hələlik ki, qiymətlərdə gözəçarpan fərq yoxdur. Gəlin, bazara birlikdə nəzər salaq:

2006-cı il istehsalı olan 1.4 L mühərrikli "Opel Astra" orta hesabla 11 min 500 manata satılır. Paytaxtın avtomobil salonlarından birinin sahibi deyir ki, benzinin qiyməti artsa da, onlar avtomobillərin qiymətlərini qaldırmağı düşünmürlər:

"Benzinin qiyməti qalxanda alıcılıq qabiliyyəti aşağı düşür və bu səbəbdən də qiymətləri qaldırmırıq".

2002-ci il istehsalı olan 5.5 L mühərrikli "Mercedes ML 55 AMG" 13 000 manatadır. 1.6 L mühərrikli "Hyundai Accent"in qiyməti isə 14 min 700 AZN-dir.

Alıcılıq qabiliyyətinin aşağı düşəcəyi proqnozlaşdırılsa da, bazarda kifayət qədər bahalı avtomobillərə də rast gəlinir. Məsələn, 2016-cı il istehsalı olan və 4.0 L mühərrikli "Mercedes G 63 AMG" 242 min dollara satılır.

Həmçinin oxuyun:

Benzin bir qədər də bahalaşır

19
Teqlər:
benzin, avtomobil, qiymət
Rusiya Dövlət Dumasına seçkilər (2021)

Rusiyada keçirilən seçkilərdə kim irəlidədir - Exit-poll nəticələri

9
(Yenilənib 00:13 20.09.2021)
Sorğunun nəticələrinə görə, 5%-lik həddi dörd siyasi təşkilat keçə bilib, onların arasında “Yedinaya Rossiya” liderdir.

BAKI, 19 sentyabr - Sputnik. Rusiyada Dövlət Dumasına keçirilən seçkilərdə “Yedinaya Rossiya” partiyası hamıdan çox səs toplayıb (45,2%). Belə bir nəticə Sosial marketinq institutunun (İNSOMAR) keçirdiyi exit-poll-dan sonra hasil olub.

Kommunist partiyası səslrin 21%-ni, RLDP - 8,7%-ni, “eserlər” isə - 7,9%-ni toplayıblar.

Sorğunun nəticələrinə görə, seçkilərə qatılmış digər siyasi təşkilatlar 5%-lik səs həddini keçə bilməyiblər.

Respondentlərə belə bir sualla müraciət olunub: “Dövlət Dumasına seçkilərdə hansı partiyaya səs vermisiniz?”.

Sorğu planşetlər vasitəsilə, elektron anketlərin köməyi ilə keçirilib. Məlumatlar real vaxt rejimində işlənib. Ümumilikdə sentyabrın 17-dən 19-a qədər sorğuda 438218 seçici iştirak edib.

Exit-poll üçün 825 yaşayış mntəqəsində 1455 seçki məntəqəsi seçilib.

Qeyd edək ki, yerli vaxtla saat 20.00-da Moskva və ölkənin mərkəzi regionlarında səsvermə məntəqələri bağlanıb. Yerli vaxtla saat 18.00-a olan məlumata görə, seçkilərdə seçicilərin 45,15%-i iştirak ediblər.

Bütün ölkə üzrə seçicilərin ən çox fəallığı Çeçenistan, Kabardin-Balkar və Tuva vilayətlərində qeydə alınıb. Ən az fəallığı isə “şimal paytaxtı”nın sakinləri göstəriblər.

9
Teqlər:
'exit-poll', Rusiya