Dəmir yolu

Ermənistan üçün qaçılmaz variant: Paşinyanın imza atdığını yerinə yetirməyə borcludur

128
(Yenilənib 21:38 18.08.2021)
,
Politoloq və iqtisadçı deputat hesab edirlər ki, kommunikasiyaların bərpa edilməsi həm də regionun inkişafı baxımından vacibdir. Bu, eləcə də Zəngəzur dəhlizinin daha tez reallaşması baxımından vacib hesab edilir.

BAKI, 18 avqust — Sputnik. Çərşənbə axşamı, avqustun 17-də Moskvada Azərbaycan, Ermənistan və Rusiya baş nazirlərinin müavinlərinin sədrliyi ilə üçtərəfli işçi qrupun iclası keçirilib. Tərəflər Cənubi Qafqaz regionunda nəqliyyat kommunikasiyalarının bərpası perspektivlərini nəzərdən keçirib, Azərbaycan Prezidenti, Ermənistan baş naziri və Rusiya Prezidentinin 11 yanvar 2021-ci il tarixli bəyanatı çərçivəsində görülən işlərin gedişatını müzakirə ediblər.

Məsələyə münasibət bildirən Milli Məclisin deputatı Vüqar Bayramov Sputnik Azərbaycan-a bildirib ki, kifayət qədər həssas bölgə olan Cənubi Qafqazda kommunikasiyaların bərpası davamlı sülh və iqtisadi əməkdaşlıq baxımından vacibdir. Ermənistanın Azərbaycan torpaqlarını işğal etməsi nəticəsində kommunikasiya əlaqələri dayanmışdı. Kommunikasiyaların bərpa edilməsi həm də regionun inkişafı baxımından vacibdir. Bu, eləcə də Zəngəzur dəhlizinin daha tez reallaşması baxımından vacib hesab edilir.

Millət vəkili bildirib ki, kommunikasiyaların bərpası yalnız Cənubi Qafqaz ölkələri üçün deyil, eyni zamanda digər dövlətlər, o cümlədən iqtisadi və strateji baxımdan Rusiya, Türkiyə və İran üçün də vacibdir. Bu addım regionun inkişafına və eyni zamanda qonşu dövlətlərlə əməkdaşlığın gücləndirilməsinə imkan verəcək. Çünki həmin kommunikasiyalardan yalnız region ölkələrinin deyil, eyni zamanda Rusiya, Türkiyə və İranın da istifadə imkanları olacaq. Bu kontekstdən kommunikasiyaların bərpa edilməsi vacib prosesdir.

"Gözlənilir ki, bu mərhələdə kommunikasiyaların bərpası həm regionun, həm də daha geniş coğrafiyada bölgənin inkişafını stimullaşdıracaq", - deyən deputat bildirib ki, bu, qeyri-neft məhsullarının istehsalının gücləndirilməsinə, ölkələr arasında ticari və iqtisadi münasibətlərin dərinləşməsinə, eyni zamanda ölkənin ticari və iqtisadi potensialından daha geniş istifadə edilməsinə imkan verəcək.

"Bu kontekstdən də indiki mərhələdə davamlı sülh və geniş iqtisadi inkişaf üçün kommunikasiyaların bərpası əsas prioritetlərdən biri kimi xarakterizə olunur", - deyə o əlavə edib.

Əsas resurs zamandır

Politoloq Tofiq Abbasovun fikrincə, hazırda ən vacib və dəyərli resurs zamandır.

“Faktiki olaraq indi əsas resurs zamandır – hərbi əməliyyatlar bitib, qalib müəyyən olub, uduzan var, bu, Ermənistandır, üstəlik, o, sülhü də istəmir, onu qazanmağı da”, - Abbasov Sputnik Azərbaycan-la söhbətində deyib.

Onun sözlərinə görə, Azərbaycan-Rusiya-Ermənistan formatında işlərin bərpası nəhayət ki, üç ölkənin liderlərinin üçtərəfli bəyanatında yer alan proseslərin tətbiq fazasına keçdiyinə və qeyd olunmuş fəaliyyətlər üzrə konkret işlərin başlanacağına əminliyi artırır.

“Bu, erməni tərəfin marağındadır, çünki o, baş nazir Nikol Paşinyanın imza atdığı öhdəlikləri yerinə yetirməyə borcludur. Digər tərəfdən, bu, Ermənistan üçün çox çətin şəraitdən çıxaraq müəyyənliyə doğru istiqamət götürməkdə yeganə imkandır. Bu baxımdan onu unikal hadisə hesab etmək olar: çünki qalib tərəf məğluba lağ etmir, əksinə, yardım əli uzadır, dəstək göstərmək barədə niyyətini bildirir. Azərbayanla yanaşı, bunu Türkiyə və Rusiya da edirlər”, - Abbasov deyib.

Politoloqun sözlərinə görə, erməni tərəfi artıq başa düşməlidir ki, onun mövqeyi dəqiq və anlaqlı olmalıdır, çünki əgər hərbi əməliyyatlar yoxdursa, o zaman sırf dinc proseslərin reallaşdırılmasına da heç bir maneə yoxdur. 

“Otuz illik işğal ərzində erməni tərəf bir çox təşəbbüslərin tam reallaşdırılmasına mane olub. İndi, müharibə bitdikdən sonra, eskalasiyanın bundan belə də artırılmasının faktiki olaraq mənası qalmır. İndi əksinə, birgə iş başlamalıdır. Ermənistan normal ölkə ola, regional layihələrin bir hissəsi ola bilər və bununla göstərər ki, qisasçılıq siyasəti və təcriddən əl çəkib qarşılıqlı təsir siyasətinə keçməyi bacarır. Ola bilər ki, bu, psixoloji cəhətdən onlara çətindir, ancaq eyni zamanda qaçılmaz variantdır. Bu, ilk növbədə məhz ağır sosial-iqtisadi şəraitdə olan Ermənistan üçün sərfəlidir”, - Sputnik Azərbaycan-ın həmsöhbəti deyib.

Üçtərəfli işçi qrupun fəaliyyəti

Dünən Moskvada keçirilən növbəti görüşdə Azərbaycan Baş nazirinin müavini Şahin Mustafayev, onun ermənistanlı həmkarı Mqer Qriqoryan və Rusiya Federasiyası Baş nazirinin müavini Aleksey Overçuk iştirak ediblər.

Xatırladaq ki, bu il yanvarın 11-də Moskvada Azərbaycan Prezidenti İlham Əliyev, Rusiya Prezidenti Vladimir Putin və Ermənistanın baş naziri Nikol Paşinyan regionda nəqliyyat və iqtisadi əlaqələrin nizama salınması üçün işçi qrupunun yaradılması barədə razılığa gəliblər.

Yanvar ayında Moskvada Azərbaycan, Rusiya və Ermənistan baş nazirləri müavinlərinin sədrliyi ilə üçtərəfli işçi qrupun ilk iclası keçirilib.

Azərbaycan baş nazirinin müavini Şahin Mustafayev, Rusiya hökuməti sədrinin müavini Aleksey Overçuk və Ermənistan baş nazirinin müavini Mger Qriqoryanın sədrliyi ilə keçən üçtərəfli işçi qrupunun iclasında Azərbaycan Prezidenti, Ermənistan baş naziri və Rusiya Prezidentinin 2021-ci il yanvarın 11-də imzaladıqları bəyanatın yerinə yetirilməsi məsələləri müzakirə olunub.

İclasda 2020-ci il noyabrın 10-da imzalanmış bəyanatın 9-cu bəndindən, eləcə də 2021-ci il yanvarın 11-də imzalanmış bəyanatın 2-ci, 3-cü və 4-cü bəndlərindən irəli gələn vəzifələrin icrası məsələləri nəzərdən keçirilib.

Eləcə də oxuyun:

128
Teqlər:
Cənubi Qafqaz, iqtisadi, iqtisadiyyat, əməkdaşlıq, Zəngəzur, dəhliz, Ermənistan, Rusiya, Azərbaycan, kommunikasiyaların açılması, Üçtərəfli bəyanat, işçi qrupu
Azad İstehlakçılar Birliyinin (AİB) sədri Eyyub Hüseynov

Ekspert halala haram qatanlardan danışdı: böyük hərc-mərclik var

23
(Yenilənib 10:20 27.09.2021)
Azad İstehlakçılar Birliyinin sədri, ekspert Eyyub Hüseynov deyib ki, bu gün yenə də pul xatirinə qeyri-halal mallara da halal sertifikatı verilir.
Eyyub Hüseynov: “Bu sertifikatların kollegial verilməsinə nail olduq”

“Təsadüfi deyil ki, Azərbaycanda 6 il öncə halal standartlar qəbul edildi. O vaxta kimi ölkədə halal sertifikatının verilməsi böyük pullar hesabına mümkün olurdu”.

Bunu Sputnik Azərbaycan-a açıqlamasında Azad İstehlakçılar Birliyinin sədri, ekspert Eyyub Hüseynov deyib.

Onun sözlərinə görə, burada dini idarələr və müxtəlif ölkələrin təşkilatları iştirak edib: “Biz 6 il bundan öncə bu istiqamətdə iş apardıq və bu sertifikatların kollegial verilməsinə nail olduq. Bundan sonra 3 müəssisəyə halal sertifikatı verildi. Ancaq bu gün yenə də pul xatirinə qeyri-halal mallara da halal sertifikatı verilir. Bir çox xarici ölkələrdən Azərbaycana halal nişanı ilə məhsullar daxil olur. Biz AQTA-ya təklif vermişik ki, sertifikatların verilməsi məsələsini agentlik öz üzərinə götürsün. Bu sahədə böyük hərc-mərclik var”.

Eyyub Hüseynovun fikirlərinə audiofaylda qulaq asa bilərsiniz

23
Ramil Osmanlı, Əmlak Ekspert Mərkəzinin direktoru

Ekspert əmlak bazarındakı son vəziyyətdən danışdı

21
(Yenilənib 15:21 24.09.2021)
Əmlak məsələləri üzrə ekspert Ramil Osmanlı bildirib ki, İpoteka və Kredit Zəmanət Fondunun mövcud aktivlərinin həcminin artımı ipoteka kreditləşməsinə də təsir edib.
Ramil Osmanlı: “Mənzil bazarında tələb və təklif dəyişib”

Bu ilin yanvar-avqust aylarında İpoteka və Kredit Zəmanət Fondunun (İKZF) xətti ilə 256,2 milyon manat kredit verilib. Bu, ötən ilin eyni dövrü ilə müqayisədə 62,3% çoxdur.

Əmlak məsələləri üzrə ekspert Ramil Osmanlı Sputnik Azərbaycan-a artımın səbəblərini açıqlayıb. Ekspert bildirib ki, burada bir sıra önəmli səbəblər var: “Artımı ilbəil ipoteka proqamında keçirilən islahatlarla əlaqələndirmək olar. Eyni zamanda mənzil bazarında tələb və təklif dəyişib. İpoteka və Kredit Zəmanət Fondunun mövcud aktivlərinin həcminin artımı da öz təsirini göstərib. Həmçinin ipoteka kreditləri üzrə məbləğlər də artırılır. Mənzil bazarındakı vəziyyətə gəldikdə isə deyə bilərəm ki, hazırda dinamik aktivlik müşahidə edilmir. Mənzil alıcılarının sayında nisbətən azalmalar var. Həm bazara daxil olan pulun həcmində, həm də alğı-satqı əməliyyatlarının sayında artımı müşahidə etmək olar”.

Ramil Osmanlının geniş şərhinə audiofaylda qulaq asa bilərsiniz

21
Xüsusi Təyinatlı Qüvvələrin komandanı general-mayor Hikmət Mirzəyev, arxiv şəkli

Xüsusi Təyinatlı Qüvvələrin komandanı Anım Günü müharibə qəhrəmanları ilə bir arada