Neftlə dolu çəlləklər, arxiv şəkli

BEA: Neftin bahalaşması dünyada iqtisadiyyatın dirçəlməsini ləngidə bilər

18
(Yenilənib 23:49 13.07.2021)
Sənəddə qeyd olunur ki, OPEC+ formatı çərçivəsində Birləşmiş Ərəb Əmirliklərinin əlavə tələblər irəli sürməsi, bu ilin avqust ayından etibarən hasilatı artırmaqla bağlı razılaşma əldə edilməməsi nəticəsində "Brent" markalı neftin 1 bareli təxminən 75 dollara satılır.

BAKI, 13 iyul — Sputnik. Dünya bazarında neft qiymətlərinin yüksəlməsi enerjidəki əvəzlənməni tezləşdirə, eyni zamanda inkişaf etməkdə olan ölkələrdə iqtisadiyyatın dirçəlməsini ləngidə bilər. Sputnik Azərbaycan xəbər verir ki, bu barədə Beynəlxalq Enerji Agentliyinin növbəti aylıq hesabatında bildirilir.

Sənəddə qeyd olunur ki, OPEC+ formatı çərçivəsində Birləşmiş Ərəb Əmirliklərinin əlavə tələblər irəli sürməsi, bu ilin avqust ayından etibarən hasilatı artırmaqla bağlı razılaşma əldə edilməməsi nəticəsində "Brent" markalı neftin 1 bareli təxminən 75 dollara satılır.

Hesabat müəlliflərinə görə, koronavirusun (COVID-19) "Delta" ştammının qarşıdakı dövrlərdə yayılması nəticəsində neft bazarında qiymətlərin necə dəyişəcəyi müəmmalıdır. OPEC+ çərçivəsində razılaşmalarla bağlı vəziyyət isə mürəkkəb olacaq, çünki bazarda tələbat ötən il azaldıqdan sonra yenidən artmağa doğru gedir:

"Neftə tələbatı ödəmək üçün emal müəssisələri fəaliyyətini artırır. Odur ki, 2021-ci ilin III rübündə neft ehtiyatlarının azı son 10 il üzrə ən çox tükənməsinin şahidi ola bilərik. Üstəlik, gediş-gəlişlə bağlı məhdudiyyətlərin ləğv olunması sürücülərin kütləvi şəkildə yollara çıxmasına gətirib çıxarıb. Belə ki, ABŞ-da son həftələrin səyahət halları pandemiyadan əvvəlkinə nisbətən xeyli çoxdur".

Sənəddə həmçinin deyilir ki, OPEC+ çərçivəsində hasilat siyasətinə dair aydınlıq yaranana qədər bazarda dalğalanmalar davam edəcək ki, nəticədə enerjidəki əvəzlənmənin nizamlı və təhlükəsiz olacağı ağlabatan görünmür. Çünki bu, nə istehsalçılara, nə də istehlakçılara sərf edir.

OPEC-in aprel razılaşması

Xatırladaq ki, bu ilin aprel ayında OPEC+ formatının iştirakçısı olan 23 ölkə gündəlik hasilatı tədricən 1,15 milyon barel artırmaq barədə razılaşıb. O cümlədən may – iyun aylarında hasilat 350 min barel, iyul ayında da 450 min barel artırılmalıdır.

Qeyri-müəyyən gələcək

İyulun 1-də OPEC Konfransının 18-ci toplantısı videokonfrans formatında keçirilib. Vyanada OPEC + nazirlərin monitorinq komitəsindəki müzakirələrdə isə iclas iştirakçıları yaxın aylarda neft hasilatında artım həcmində razılığa gələ bilməyiblər.

Məlumatlara görə, neft hasilatının dondurulması barədə beynəlxalq razılaşma tərəflərindən bəziləri neft hasilatını artırmaq üçün kvotaların bölüşdürülməsinə dair yekdil fikrə gəlməyiblər. BƏƏ və Qazaxıstan təklif olunan tövsiyəyə etiraz ediblər.

Eləcə də oxuyun:

18
İqtisadçı-ekspert Rəşad Həsənov

Manatın dövretmə sürətinə hansı amillər təsir edib? ekspert şərh edir

12
(Yenilənib 16:28 26.07.2021)
İqtisadçı ekspert Rəşad Həsənov deyir ki, biz bu sürət artımını əvvəlki illərlə müqayisə etsək, o qədər də çox böyük artımdan söhbət getmir
Rəşad Həsənov: “Qeyri-neft iqtisadiyyatında nisbətən daha sürətli artım qeydə alınır”

Bu il iyulun 1-nə Azərbaycanın milli valyutası - manatın dövretmə sürəti 3,72 bənd təşkil edib. Bu, iyunun 1-i ilə müqayisədə 0,22 bənd çox, yanvarın 1-nə nisbətən 0,15 bənd çox, ötən il iyulun 1-i ilə müqayisədə isə 0,22 bənd azdır.

İqtisadçı ekspert Rəşad Həsənov Sputnik Azərbaycan-a deyir ki, manatın dövretmə sürətinin artması müəyyən qədər pandemiyanın təsirlərinin aradan qalxması ilə bağlıdır: “Bura həm də şəffaflaşma ilə bağlı görülən tədbirlərin təsirini də aid etmək olar. Bu baxımdan müəyyən qədər artım müşahidə edilməkdədir. Amma biz bu sürət artımını əvvəlki illərlə müqayisə etsək, o qədər də çox böyük artımdan söhbət getmir. Son illərdə qeyri-neft iqtisadiyyatında nisbətən daha sürətli artım qeydə alınır. Burada manatın dövretmə sürəti neft sektoru ilə müqayisədə daha yüksəkdir. Amma düşünürəm ki, maliyyə, bank sektorunun tam inkişaf mərhələsinə daxil ola bilməməsi, iqtisadiyyatın müəyyən qədər risklər qarşısında olması manatın dövretmə sürətini orta göstəriciyə yaxınlaşdırmasının qarşısını alan məsələlərdir”.

Rəşad Həsənovun fikirlərinə audiofaylda qulaq asa bilərsiniz

12
Azərbaycan Respublikası İqtisadi İslahatların Təhlili və Kommunikasiya Mərkəzinin (İİTKM) icraçı direktoru Vüsal Qasımlı

Vüsal Qasımlı: “Azərbaycanda iqtisadi artımın əsas drayveri qeyri-neft sənayesidir”

26
(Yenilənib 16:04 23.07.2021)
İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı deyir ki, bu dövrdə manatın məzənnəsi sabit qalmış, inflyasiya isə 4,3 %-ə çatmaqla Mərkəzi Bankın müəyyənləşdirdiyi koridorda olub
Vüsal Qasımlı: “Azərbaycan iqtisadiyyatı miqyas və keyfiyyət dəyişikliyi ərəfəsindədir”

“Bu ilin ilk yarısında Azərbaycanda iqtisadi artım bərpa olunaraq 2,1 %-ə çatıb”. Sputnik Azərbaycan xəbər verir ki, bunu İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı bildirib.

Onun sözlərinə görə, Azərbaycanda iqtisadi artımın əsas drayveri qeyri-neft sənayesidir: “Ümumiyyətlə, qeyri-neft sektorunda 5,1 %-lik artım qeydə alınıb. Bu dövrdə manatın məzənnəsi sabit qalmış, inflyasiya isə 4,3 %-ə çatmaqla Mərkəzi Bankın müəyyənləşdirdiyi koridorda olub. Baxmayaraq ki, dünya bazar qiymətlərinin yüksəlməsilə idxal inflyasiyası təzyiqi yaranıb, mәzәnnә, pul tәklifi vә faiz dәrәcәlәrindən istifadə etməklə qiymətlərin sabitliyi qorunur. Fiskal vә monetar siyasәtin səmərəli koordinasiyası makroiqtisadi sabitliyi təmin edir. Azərbaycan iqtisadiyyatı Qarabağın reinteqrasiyası və regional kommunikasiyaların açılması perspektivi, habelə ölkənin müdafiə və rəqabət qabiliyyətinə qarşı yeni tələblərin müəyyənləşməsilə yeni miqyas və keyfiyyət dəyişikliyi ərəfəsindədir”.

Vüsal Qasımlının fikirlərinə audiofaylda qulaq asa bilərsiniz

26

Londonun su batmış küçələri