Neft buruğu, arxiv şəkli

Neft bazarında baş verir qiymət necə olacaq?

332
(Yenilənib 09:51 08.07.2021)
OPEC+ nazirlərinin 18-ci iclası yenidən təxirə salınıb. Həmin iclasda OPEC+ ölkələri avqust ayında istehsalın hansı həcmdə artırılmasını müzakirə etməli idi. Ekspert neft bazarında baş verənlərə münasibət bildirib.

BAKI, 8 iyul — Sputnik. OPEC və OPEC-ə üzv olmayan bəzi ölkələrin (OPEC+) nazirlərinin 18-ci iclası yenidən təxirə salınıb. Həmin iclasda OPEC+ ölkələri avqust ayında istehsalın hansı həcmdə artırılmasını müzakirə etməli idi. İyulun 1-də OPEC+ nazirlərinin toplantısı olub, lakin fikir ayrılıqları səbəbindən neft hasilatına dair qərar qəbul edilməyib və iclas təxirə salınıb. İclasda Birləşmiş Ərəb Əmirlikləri özü üçün daha yaxşı şərtlər istəyib. Bu da digər ölkələr tərəfindən müsbət qarşılanmayıb.

Qeyd edək ki, ötən ay keçirilən OPEC+ nazirlərinin 17-ci görüşündə iyul ayı üçün hasilatın artırılması qərarının qüvvədə qalmasına dair razılıq əldə edilib. Toplantıda Azərbaycan da "Əməkdaşlıq Bəyannaməsi" iştirakçıları üzrə hasilatın azaldılması öhdəliyinin iyulda gündəlik 5,76 milyon barel həcmində saxlanılmasına dair planın qüvvədə qalmasına razılıq verib.

Razılaşma olmasa belə, keçmiş anlaşma qüvvədə qalacaq

İqtisadçı-ekspert Natiq Cəfərli Sputnik Azərbaycan-a deyib ki, hazırda OPEC-də məsələyə fərqli yanaşmalar var: "Bir yanaşma ondan ibarətdir ki, köhnə plana uyğun olaraq hər ay ilin sonunadək hasilat 400 min barel artırılsın. Bu, o deməkdir ki, ilin sonunadək gündəlik hasilat indiki səviyyədən 2 milyon barel çox olacaq. Amma burada hasilatın 700 min barel artırılması ilə bağlı Birləşmiş Ərəb Əmirliklərinin təklifi də var. Əgər hasilat 700 min barel artırılarsa, ilin sonunadək gündəlik hasilatın 3,1-3,2 milyon barel artması nəzərdə tutulacaq. Fərqli yanaşmalara görə, razılıq əldə edilməyib. Yəqin, bu həftənin 5-ci və ya 6-cı günləri razılığın əldə edilməsi gözlənilir. Ola bilər, hasilat nəzərdə tutulandan daha çox artırılsın və bu da bazarlarda qiymətlərə təsir edəcək. Hələlik gözlənti ondan ibarətdir ki, razılaşma olmasa belə, keçmiş anlaşma qüvvədə qalacaq. Yəni hər ay ilin sonunadək cəmi 400 min barel hasilatın artırılması baş verəcək".

OPEC ölkələri də anlayırlar ki, uzun müddət süni şəkildə qiyməti yüksək saxlamaq mümkün olmayacaq

Ekspert bildirib ki, bazarda neft qiymətlərinin artımını müşahidə edirik: "Neftin qiyməti 2018-ci ildən bəri yenidən 78 dollar səviyyəsini test edib. Amma OPEC ölkələri də anlayırlar ki, uzun müddət süni şəkildə qiyməti yüksək saxlamaq mümkün olmayacaq. Əgər bu həftənin sonunda hasilatın daha çox artırılması qərarı verilsə, neft qiymətləri yenidən 60-70 dollara enə bilər. Başqa sözlə, 10 dollara yaxın ucuzlaşma gözlənilir. Yox, əgər razılaşma indiki səviyyədə qalsa, yəni, Birləşmiş Ərəb Əmirliklərinin təklif qəbul edilməsə, o zaman qiymət 80 dollardan yuxarı qalxa bilər. Amma sonradan növbəti ucuzlaşma dalğasının gəlməsi ehtimalı da yüksəkdir. Burada ABŞ amili də var. Belə kİ, ABŞ dünyada ən böyük neft istehsalçılarından biridir, həmçinin böyük neft ehtiyatlarına malikdir. Əgər ABŞ bazara əlavə 80-100 milyon barel neft çıxarsa, qiymətlər kəskin ucuzlaşa bilər. Neftin 60-70 dollar olması həm istehsalçı, həm də istehlakçı üçün kifayət qədər normaldır".

Azərbaycanın valyuta gəlirlərinin 90 faizə yaxını xam neftdən gəlir

"Azərbaycanın valyuta gəlirlərinin 90 faizə yaxını xam neftdən gəlir. Qiymət nə qədər yüksək olacaqsa, Azərbaycana bir o qədər xeyirdir. İlin sonunadək Azərbaycanda hasilatın artması gözlənilir. Nəticədə həm qiymətlərin yüksək olması, həm də hasilatın artması Azərbaycanın valyuta gəlirlərinə ciddi şəkildə müsbət təsir göstərəcək", - deyə iqtisadiyyatçı əlavə edib.

Azərbaycan nefti 78 dolları keçib

Qeyd edək ki, Azərbaycan neftinin qiyməti 2019-cu ilin aprelindən bəri ilk dəfə 78 dolları keçib. "Azeri Light" nefti keçən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

London birjasında "Brent" markalı neftin bir barelinin qiyməti 0,27 dollar artaraq 77,43 dollar, Nyu-York birjasında "Light" markalı neftin bir barelinin qiyməti isə 1,53 dollar bahalaşaraq 76,68 dollar olub. Beləliklə, "Brent" neftinin qiyməti 2018-ci ildən bəri ən yüksək həddə çatıb.

Eləcə də oxuyun:

332
Teqlər:
kvota, hasilat, OPEC, qiymət, neft
Mövzu:
Neft qiymətləri ətrafındakı ajiotaj (93)
İqtisadçı-ekspert Rəşad Həsənov

Manatın dövretmə sürətinə hansı amillər təsir edib? ekspert şərh edir

15
(Yenilənib 16:28 26.07.2021)
İqtisadçı ekspert Rəşad Həsənov deyir ki, biz bu sürət artımını əvvəlki illərlə müqayisə etsək, o qədər də çox böyük artımdan söhbət getmir
Rəşad Həsənov: “Qeyri-neft iqtisadiyyatında nisbətən daha sürətli artım qeydə alınır”

Bu il iyulun 1-nə Azərbaycanın milli valyutası - manatın dövretmə sürəti 3,72 bənd təşkil edib. Bu, iyunun 1-i ilə müqayisədə 0,22 bənd çox, yanvarın 1-nə nisbətən 0,15 bənd çox, ötən il iyulun 1-i ilə müqayisədə isə 0,22 bənd azdır.

İqtisadçı ekspert Rəşad Həsənov Sputnik Azərbaycan-a deyir ki, manatın dövretmə sürətinin artması müəyyən qədər pandemiyanın təsirlərinin aradan qalxması ilə bağlıdır: “Bura həm də şəffaflaşma ilə bağlı görülən tədbirlərin təsirini də aid etmək olar. Bu baxımdan müəyyən qədər artım müşahidə edilməkdədir. Amma biz bu sürət artımını əvvəlki illərlə müqayisə etsək, o qədər də çox böyük artımdan söhbət getmir. Son illərdə qeyri-neft iqtisadiyyatında nisbətən daha sürətli artım qeydə alınır. Burada manatın dövretmə sürəti neft sektoru ilə müqayisədə daha yüksəkdir. Amma düşünürəm ki, maliyyə, bank sektorunun tam inkişaf mərhələsinə daxil ola bilməməsi, iqtisadiyyatın müəyyən qədər risklər qarşısında olması manatın dövretmə sürətini orta göstəriciyə yaxınlaşdırmasının qarşısını alan məsələlərdir”.

Rəşad Həsənovun fikirlərinə audiofaylda qulaq asa bilərsiniz

15
Azərbaycan Respublikası İqtisadi İslahatların Təhlili və Kommunikasiya Mərkəzinin (İİTKM) icraçı direktoru Vüsal Qasımlı

Vüsal Qasımlı: “Azərbaycanda iqtisadi artımın əsas drayveri qeyri-neft sənayesidir”

30
(Yenilənib 16:04 23.07.2021)
İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı deyir ki, bu dövrdə manatın məzənnəsi sabit qalmış, inflyasiya isə 4,3 %-ə çatmaqla Mərkəzi Bankın müəyyənləşdirdiyi koridorda olub
Vüsal Qasımlı: “Azərbaycan iqtisadiyyatı miqyas və keyfiyyət dəyişikliyi ərəfəsindədir”

“Bu ilin ilk yarısında Azərbaycanda iqtisadi artım bərpa olunaraq 2,1 %-ə çatıb”. Sputnik Azərbaycan xəbər verir ki, bunu İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı bildirib.

Onun sözlərinə görə, Azərbaycanda iqtisadi artımın əsas drayveri qeyri-neft sənayesidir: “Ümumiyyətlə, qeyri-neft sektorunda 5,1 %-lik artım qeydə alınıb. Bu dövrdə manatın məzənnəsi sabit qalmış, inflyasiya isə 4,3 %-ə çatmaqla Mərkəzi Bankın müəyyənləşdirdiyi koridorda olub. Baxmayaraq ki, dünya bazar qiymətlərinin yüksəlməsilə idxal inflyasiyası təzyiqi yaranıb, mәzәnnә, pul tәklifi vә faiz dәrәcәlәrindən istifadə etməklə qiymətlərin sabitliyi qorunur. Fiskal vә monetar siyasәtin səmərəli koordinasiyası makroiqtisadi sabitliyi təmin edir. Azərbaycan iqtisadiyyatı Qarabağın reinteqrasiyası və regional kommunikasiyaların açılması perspektivi, habelə ölkənin müdafiə və rəqabət qabiliyyətinə qarşı yeni tələblərin müəyyənləşməsilə yeni miqyas və keyfiyyət dəyişikliyi ərəfəsindədir”.

Vüsal Qasımlının fikirlərinə audiofaylda qulaq asa bilərsiniz

30
Ənvər Əliyev -- AMEA-nın Coğrafiya instutunun Ekocoğrafiya şöbəsinin müdiri

Quraqlığın qarşısını almaq üçün hansı işlər görülməlidir - Ənvər Əliyev açıqlayır

0
(Yenilənib 19:04 26.07.2021)
AMEA-nın Coğrafiya instutunun Ekocoğrafiya şöbəsinin müdiri Ənvər Əliyev deyib ki, Azərbaycanda bu istiqamətdə müəyyən problemlər var, lakin bu sahənin inkişafına xüsusi diqqət yetirilməlidir