Təcili yardım briqadası, arxiv şəkli

Tibb işçilərinə 612 milyon manat ödənildi

11
(Yenilənib 17:11 24.05.2021)
Dünya bazarlarında baş verən kəskin dalğalanmaların iqtisadiyyata, makroiqtisadi sabitliyə, ölkədə məşğulluq məslələrinə, sahibkarlıq subyektlərinə mənfi təsirlərinin azaldılması ilə bağlı tədbirlərin maliyyələşdirilməsi üçün 1 334,1 milyon manat vəsait sərf olunub.

BAKI, 24 may — Sputnik. Ötən il Azərbaycanda koronavirus (COVID-19) pandemiyası ilə mübarizə tədbirlərinə dövlət büdcəsindən 1985,9 milyon manat vəsait istifadə olunub.

Sputnik Azərbaycan xəbər verir ki, bu barədə "2020-ci il üzrə dövlət büdcəsinin icrası haqqında" qanun layihəsində bildirilir.

Sənəddə həmçinin deyilir ki, həmin vəsaitdən 612,5 milyon manatı koronavirusla mübarizə tədbirlərində iştirak edən tibb işçilərinə əlavənin ödənilməsinə, zəruri tibbi ləvazimatların və avadanlıqların, dərman vəsaitlərinin alınmasına, çarpayı fondunun artırılması və ixtisaslaşdırılmış xəstəxanaların fəaliyyətinin təmin edilməsinə, karantin nəzarətinə götürülmüş şəxslərə karantin müəssisəslərində göstərilən xidmətlərlə bağlı xərclərin ödənilməsinə yönəldilib. Bununla yanaşı, qlobal pandemiya ilə bağlı dünya enerji və səhm bazarlarında baş verən kəskin dalğalanmaların iqtisadiyyata, makroiqtisadi sabitliyə, ölkədə məşğulluq məslələrinə, sahibkarlıq subyektlərinə mənfi təsirlərinin azaldılması ilə bağlı tədbirlərin maliyyələşdirilməsi üçün 1 334,1 milyon manat vəsait sərf olunub.

Belə ki:

- Pandemiyadan zərər çəkmiş sahələrdə fəaliyyət göstərən sahibkarlıq subyektlərinə dəstək məqsədi ilə özəl sektorda çalışan 243 min nəfərdən çox işçilərin əməkhaqqlarının müəyyən hissəsinin ödənilməsinə 269,1 milyon manat;

- 107 mindən çox fərdi (mikro) sahibkara maliyyə dəstəyinin göstərilməsinə 116,7 milyon manat;

- sahibkarlıq subyektlərinə bank kreditləri üzrə dövlət zəmanətinin verilməsi və kredit faizlərinin subsidiyalaşdırılması, sahibkarlığın inkişafına əlavə dövlət dəstəyinin göstərilməsinə 70 milyon manat;

- xüsusi karantin rejiminin tətbiq olunması ilə əlaqədar işsiz kimi qeydiyyatda olan şəxslərə birdəfəlik ödəmənin verilməsi şərtləri və qaydasına uyğun olaraq 190 manat məbləğində birdəfəlik ödəmənin verilməsinə 447,9 milyon manat:

- əhalinin məşğulluq imkanlarının artırılması məqsədilə əlavə ödənişli ictimai iş yerlərinin yaradılmasına 21 milyon manat;

- həyati vacib sərnişindaşıma və digər sərnişindaşıma fəaliyyəti göstərən hüquqi şəxslərə maliyyə dəstəyinin verilməsinə 267,3 milyon manat;

- güzəştli ipoteka kreditləri üzrə ayrılan vəsaitin artırlmasına 90 milyon manat;

- təhsil müəssisələrində normativ təhsil müddətində ödənişli əsaslarla əyani təhsil alan və sosial baxımdan həssas əhali qrupuna aid edilən ailələrin üzvü olan tələbələrin 2020-ci ildə tədris semestrləri (yarımillikləri) üçün təhsil haqqı xərclərinin ödənilməsinə 26,1 milyon manat;

- əhaliyə güzəştli işıq limitinin 2020-ci ilin aprel-may aylarında 100 kvts. artırılmasına 10 milyon manat;

- digər zəruri tədbirlərin icrasına 16 milyon manat vəsait yönəldilib.

11
 S7 Airlines aviaşirkətinin sərnişin təyyarəsi, arxiv şəkli

Mahaçqaladan Bakıya birbaşa aviareys olacaq

49
S7 Airlines aviaşirkəti Dağıstan Respublikasından Azərbaycana ilk uçuşunu iyulun 4-də həyata keçirəcək.

 

BAKI, 19 iyun — Sputnik. İyulun 4-dən etibarən Mahaçqala ilə Bakını birbaşa aviareys bağlayacaq. Mahaçqala hava limanının mətbuat xidmətindən bildirildiyinə görə, biletlər artıq satışdadır.

Mahaçqaladan Bakıya ilk uçuş iyulun 4-ü Bakı vaxtı ilə 02:05-ə S7 Airlines aviaşirkətinin təyyarəsi ilə həyata keçirilməlidir.

Boeing 737-800 176 sərnişin tutur. Azərbaycan paytaxtına reyslər hər həftə şənbədən bazara keçən gecə həyata keçiriləcək.

Azərbaycana gələn bütün 1 yaşdan 18 yaşadək olan sərnişinlərin uçuşdan əvvəl 72 saat ərzində verilmiş COVID-19-a dair PCR testinin neqativ nəticəsini təsdiq edən rəsmi sənəd təqdim etməlidirlər.

Yaşı 18-dən yuxarı olan sərnişinlərin tam vaksinasiya olunması və ya COVID-19 xəstəliyindən sağalması barədə müvafiq ölkənin verdiyi rəsmi sənədin (COVID Pasport) və uçuşdan əvvəl 72 saat ərzində verilmiş COVID-19-a dair PCR testinin neqativ nəticəsini təsdiq edən rəsmi sənəd təqdim etməlidirlər.

S7 aviaşirkəti iyunun 15-dən Samaradan Bakıya aviareyslər həyata keçirir.

Həmçinin aviaşirkət iyunun 23-dən Krasnoyarsk-Bakı-Krasnoyarsk marşrutu üzrə uçuşlar həyata keçirəcəklər.

Azərbaycanda fvqustun 1-dək xüsusi karantin rejimi qüvvədədir. Quru yolla beynəlxalq sərnişin daşımaları praktiki olaraq kəsilib, avianəqliyyat isə yalnız xüsusi uçuşlar həyata keçirir.

49
İlyas Hüseynov

Politoloq: “Bu səbəbdən Azərbaycan-NATO münasibətləri yüksək qiymətləndirilir”

7
(Yenilənib 17:31 18.06.2021)
Politoloq İlyas Hüseynov deyir ki, Azərbaycan NATO modelində kiçik və mobil, qarşısına qoyulan hədəfləri yerinə yetirməyə qadir ordu quruculuğunda maraqlıdır
İlyas Hüseynov: ““Şuşa Bəyannaməsi”ndə bunun ilkin təzahürləri var”

İndi Azərbaycanla NATO arasındakı münasibətlər heç vaxt olmadığı qədər vacibdir. Bunu Təhlükəsizlik Siyasəti və İnkişaf İnstitutunun həmtəsisçisi və direktoru Svante Kornell "Azərbaycanın Avro-atlantik sülh və təhlükəsizliyə töhfəsi" adlı beynəlxalq konfransda deyib.

Politoloq İlyas Hüseynov Sputnik Azərbaycan-a deyir ki, son dövrlər Azərbaycanda NATO modelinə uyğun olaraq Türkiyə nümunəsində ordu quruculuğu istiqamətində addımların atıldığını müşahidə edirik: “Bu səbəbdəndir ki, Azərbaycan-NATO münasibətləri yüksək qiymətləndirilir. Azərbaycan NATO modelində kiçik və mobil, qarşısına qoyulan hədəfləri yerinə yetirməyə qadir ordu quruculuğunda maraqlıdır. Bu anti-terror əməliyyatların keçirilməsi zamanı bizə yararlı ola bilər. Ölkəmizlə təşkilat arasında əməkdaşlığın dərinləşdirilməsi nəzərdən keçirilir. “Şuşa Bəyannaməsi”ndə də bunun ilkin təzahürləri vardır”.

İlyas Hüseynovun geniş şərhinə audiofaylda qulaq asa bilərsiniz

7