Mebel salonu, arxiv şəkli

Toy qadağasının altında əzilənlər - qala-qala qızıl əvəzinə antikvariata dönəcəklər

54
(Yenilənib 00:14 23.02.2021)
İl ərzində sifarişlərinin təxminən yetmiş faizini itirən fabriklər qiyməti artırdıqları üçün bəzi mebel salonları da məcburən qiyməti qaldırıblar

Nigar İsgəndərova, Sputnik Azərbaycan

BAKI, 23 fevral — Sputnik. On bir aydan çoxdur ki, Azərbaycanda toylar qadağan olunub. Özlüyündə böyük industriyanı cəmləşdirən toy biznesinin faktiki olaraq çökməsi bir sıra sahələrdə, yumşaq desək, fəlakətə səbəb olub. Tikinti materialları bazarı, daşınmaz əmlak bazarı, kirayə toy avtomobilləri, gəlinlik və kirayə geyimlər mağazalarının bazarı bir ilə yaxındır ki, donub, alıcılıq qabiliyyəti həddən artıq aşağı düşüb. Eyni vəziyyəti mebel dükanlarında da görmək mümkündür. Bir zamanlar Babək prospekti boyunca düzülən mebel mağazalarının yerini indi avtomobil salonları, avtomobillərin ehtiyat hissələrinin satıldığı dükanlar tutur.

Sputnik Azərbaycan mebel salonlarının durumunu elə onların özündən öyrənib.

"Saloğlu mebel"dən bildirilib ki, son bir ildə alıcılıq qabiliyyətində gözəçarpan həddə azalmalar olub: "Toyların keçirilməsinin dayandırılması ilə əlaqədar olaraq bu bir il ərzində təxminən 70 faizədək azalmalar olub. Endirimlərimiz olsa da, alıcılıq qabiliyyəti aşağı olaraq qalır".

"Room Mebel"in də alıcılıq qabiliyyəti aşağıdır: "Bizdə mebellərin qiyməti yüksəkdir, alıcılıq qabiliyyətində də azalmalar müşahidə olunur. Endirimimiz çox olmasa da, uzun müddət qalan məhsullara belə aksiyalar təşkil edirik".

"Yağmur" və "Alfemo" mebel mağazalarından isə bildirildi ki, onlarda alıcılıq qabiliyyəti sıfır həddinə düşüb. "Yağmur" mebel salonunun rəsmisi deyir ki, demək olar ki, yalnız evini təmir edənlər mağazaya üz tuturlar:

"Karantindən öncə sifariş verilən mebellərin əksəriyyəti buradadır, aparılmayıb. Lakin müəyyən qədər də olsa, nikaha daxil oan şəxslər də mebel sifariş verirlər".

Bakının ən böyük bazarı "bankrot" olur – Onlar hələ başlarına nə gələcəyini bilmirlər>>

"Həftəyə iki sifariş olur, öncələr isə həftəlik 5-6 satışımız olurdu, sifarişlərimiz isə daha çox olurdu", - deyə "Yağmur" mebel salonunun rəsmisi bildirib və qeyd edib ki, fabriklər qiyməti artırdıqları üçün onlar da mebellərin qiymətini qaldırıblar. Yəni "bu, onlardan asılı olmayan bir səbəbdir". 

Müəyyən modellərə endirimlər olsa da, bu da acınacaqlı vəziyyətdən çıxmağa kömək etmir. Sifarişlərin yox həddində olması isə mövcud modellərin uzun müddət mağazalarda qalmasına və bazanın yenilənməməsinə səbəb olur: "Öncələr bir fabrikdən bir TIR-la mebel çıxırdısa, indi 3-4 fabrikdən bir avtomobilimiz çıxır".

Mebel salonları vəziyyətdən yeganə çıxış yolunu toylara icazə verilməsində görürlər. Yoxsa toy qadağası davam etdiyi müddətcə "qızlarımız qalıb qızıla döndükcə" salonlardakı mebellər də həm dəb, həm də qiymət baxımından antikvariata çevrilmək üzrədir. 

54
Teqlər:
karantin, pandemiya, qadağa, toy, sifariş, qiymət artımı, mebel salonu, mebel
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar (448)
DGK-nın binası, arxiv şəkli

Dövlət büdcəsinə edilən gömrük ödənişlərinin həcmi açıqlanıb

10
(Yenilənib 22:13 03.03.2021)
Nəzərdə tutulan proqnozdan əlavə 77,74 mln. manat gömrük ödənişlərinin toplanaraq dövlət büdcəsinə köçürülməsi təmin olunub

BAKI, 3 mart — Sputnik. İlkin məlumata görə, Dövlət Gömrük Komitəsi cari ilin yanvar-fevral ayları üzrə nəzərdə tutulan büdcə öhdəliyinə 115,09 % əməl edib.

Sputnik Azərbaycan-ın xəbərinə görə, bu barədə Dövlət Gömrük Komitəsinin sədri Səfər Mehdiyev özünün "Twitter" hesabında yazıb.

O qeyd edib ki, nəzərdə tutulan proqnozdan əlavə 77,74 mln. manat gömrük ödənişlərinin toplanaraq dövlət büdcəsinə köçürülməsi təmin olunub.

10
Teqlər:
büdcə, gömrük
Məhəmməd Sanusi Barkindo, arxiv şəkli

OPEC-in Baş katibi: "Mənfi göstəricilərin yaşandığı günlər geridə qalıb"

8
(Yenilənib 19:43 03.03.2021)
"2021-ci ildə qlobal neft tələbatı 5,8 milyon barel artaraq sutkada 96 milyon barel civarında olacaq. Asiyada ümidverici qlobal iqtisadi inkişaflar və davamlı tələbat buna təsir edən amillərdir".

BAKI, 3 mart — Sputnik. "Cari ildə qlobal neft tələbatı gündəlik 96 milyon barel olacaq".

Sputnik Azərbaycan xəbər verir ki, bunu OPEC-in Baş katibi Məhəmməd Sanusi Barkindo deyib.

Baş katib qlobal neft bazarı və ümumiyyətlə dünya iqtisadiyyatının yaxşılaşdırılması perspektivini vurğulayıb, davamlı neft bazarı sabitliyini bərpa etmək kursunda qalmağın vacibliyini qeyd edib.

"Həm qlobal iqtisadi vəziyyət, həm də neft bazarının perspektivləri davamlı inkişaf əlamətləri göstərir. Pandemiyanın səbəb olduğu şoklar səbəbindən ÜDM və neft tələbatındakı mənfi göstəricilərin yaşandığı günlər geridə qalıb. 2021-ci ildə qlobal neft tələbatı 5,8 milyon barel artaraq sutkada 96 milyon barel civarında olacaq. Asiyada ümidverici qlobal iqtisadi inkişaflar və davamlı tələbat buna təsir edən amillərdir", - deyə M.Barkindo bildirib.

Qeyd edək ki, bu gün "OPEC+" Nazirlərinin Birgə Monitorinq Komitəsinin  27-ci iclası, martın 4-də isə "OPEC+" ölkələri nazirlərinin 14-cü toplantısı keçiriləcək.

Xatırladaq ki, yanvarda "OPEC+" ölkələri nazirlərinin 13-cü iclasında gündəlik xam neft hasilatı üzrə mövcud kvotaların fevral-mart aylarında da davam etdirilməsi barədə qərar qəbul edilib. Yeni razılaşmaya əsasən, "OPEC+" ölkələrinin gündəlik xam neft hasilatı üzrə ixtisarları fevralda 7 milyon 125 min barel, martda isə 7 milyon 50 min barel təşkil edəcək.

 

8
Teqlər:
tələbat, hasilat, artım, gəlir, neft, OPEC
Türkiyənin Cobra zirehli maşını, arxiv şəkli

Türkiyə minaya davamlı yeni zirehli maşınını göstərdi - VİDEO

0
Cobra zirehli maşınlarının əvvəlki versiyaları 15 ölkədə, o cümlədən Azərbaycanda, Gürcüstanda və Qazaxıstanda istifadə olunur. 

BAKI, 3 mart - Sputnik. Türkiyənin Otokar şirkəti Cobra sinfindən olan, mina əleyhinə müdafiə ilə təmin olunmuş təkərli zirehli Cobra II MRAP avtomobilini nümayiş etdirib. 

Sputnk Azərbaycan Anadolu agentliyinə istinadən bildirir ki, Cobra II MRAP ekipajı ballistik, mina və əldəqayırma partlayıcı təhlükəsindən qoruyur. 

​Zirehli maşının xüsusi konstruksiyası, təmir və xidmətin asanlığı hətta döyüş şəraitində belə onu tam və sürətli yığıb-sökməyə imkan verir. 

Zirehli maşında 11 sərnişin yerləşir, tələbə görə, üç və ya beş qapılı ola bilər.

Cobra zirehli maşınlarının əvvəlki versiyaları 15 ölkədə, o cümlədən Azərbaycanda, Gürcüstanda və Qazaxıstanda istifadə olunur. 

0