Bakıda neft buruqları, arxiv şəkli

Neftin qiymətlərində sıçrayış baş verib

596
(Yenilənib 22:16 12.02.2021)
Cümə axşamı neft dəyərini itirməyə başlayıb, cümə günü azalma davam edib, lakin axşam saatlarında qiymətlər yenə də müsbətə doğru yüksəlib.

BAKI, 12 fevral - Sputnik. “Brent” markalı neftin qiyməti 24 yanvar 2020-ci ildən bəri ilk dəfə bir barel üçün 62 ABŞ dollarını ötüb.

Sputnik Azərbaycan RİA Novosti-yə istinadla xəbər verir ki, ticarət sövdələşmələrinin nəticələrinə görə, Moskva vaxtı ilə saat 19:42-yə (Bakı vaxtı ilə saat 20:42) olan məlumata görə, Şimal dənizindən hasil olunan “Brent” neft qarışığının aprel fyuçerslərinin qiyməti 1,85 % artaraq bir barel üçün 62,27 ABŞ dollarına çatıb. WTI markalı neftin mart fyuçersləri isə 1,75% dəyər qazanaraq 59,26 dollar/barelə yüksəlib.

Fevral ayının əvvəlindən etibarən neft qiymətləri 10 fevral, çərşənbə gününə qədər demək olar ki, fasiləsiz artıb. Cümə axşamı neft dəyərini itirməyə başlayıb, cümə günü azalma davam edib, lakin axşam saatlarında qiymətlər yenə də müsbətə doğru yüksəlib.

Analitiklərin fikrincə, nikbinlik bazardakı ümumi əhval-ruhiyyə ilə əlaqəli ola bilər. Bloomberg agentliyindən sitat gətirən ABN Amro-nun baş iqtisadçısı Hans van Cleef deyib:

"Fundamental təhlillərə əsaslanaraq, daha çox qiymət artımının lehinə dəlillər gətirmək çətindir, baxmayaraq ki, ümumiyyətlə maliyyə bazarlarında nikbinlik görürük".

Cari aydakı əsas artım faktorları OPEC + -in hərəkətləri və xammala olan tələbin artacağına ümidlərdir. Yanvar ayında bəzi OPEC + ölkələri fevral-mart aylarında hasilatı gündə ümumilikdə 1,425 milyon barel azaltmağı qəbul etdi, bunun 1 milyonu Səudiyyə Ərəbistanının payına düşür. Öz növbəsində, iqtisadiyyatın bərpası və peyvəndlə bağlı gözləntilər neft tələbi ilə bağlı proqnozları dəstəkləyib.

596
Vüqar Hüseynov

Vüqar Hüseynov: “Vahid massivlərdə vahid bitkinin əkilməsi daha çox xeyir verə bilər”

10
(Yenilənib 10:05 07.03.2021)
Kənd Təsərrüfatı Nazirliyinin şöbə müdiri Vüqar Hüseynov deyir ki, belə olan halda fermerin texnika, suvarma, işçi qüvvəsi problemi həll olunur
Vüqar Hüseynov: “Bu səbəbdən fermerlər lazım olan qədər gəlir əldə edə bilmirlər”

Kənd Təsərrüfatı Nazirliyi bölgələrdə “Vahid sahədə vahid əkin” layihəsini həyata keçirməyə başlayıb. Layihənin məqsədi vahid massivdə yerləşən torpaq sahələrində vahid bitkinin becərilməsini təşviq etməkdir.

Sputnik Azərbaycan-ın məlumatına görə, Kənd Təsərrüfatı Nazirliyinin şöbə müdiri Vüqar Hüseynov AZƏRTAC-ın bölgə müxbirinə bildirib ki, ötən illərin də təcrübəsi bölgü aparılmış vahid massivlərdə fermerlərin fərqli bitkilər əkdiyini göstərir:

“Fərqli bitkilər fərqli aqrotexniki qulluq qaydaları, fərqli dərmanlar tələb edir, istər əkin, istər səpin, istərsə məhsul yığımı vaxtı fərqli texnika tələb olunur. Bu səbəbdən fermerlər kənd təsərrüfatı fəaliyyətindən lazım olan qədər gəlir əldə edə bilmirlər. Apardığımız təhlillər göstərir ki, vahid massivlərdə vahid bitkinin əkilməsi fermerə daha çox xeyir verə bilər. Belə olan halda fermerin texnika, suvarma, işçi qüvvəsi problemi həll olunur”.

Vüqar Hüseynovun fikirlərinə audiofaylda qulaq asa bilərsiniz

10
Supermarket, arxiv şəkli

Türkiyədə qida məhsulları kəskin bahalaşıb - SİYAHI

16
(Yenilənib 20:36 06.03.2021)
Məsələn, keçən ilin fevral ayında bir litri 10 lirə 90 quruşa satılan günəbaxan yağının qiyməti bu ilin fevral ayında 55,4 faiz artaraq 16 lirə 97 quruşa qalxıb.

BAKI, 6 mart — Sputnik. Türkiydədə qida məhsullarının qiyməti bahalaşıb.

Sputnik Azərbaycan "Sözcü"yə istinadla xəbər verir ki, Türkiyənin Statistika Komitəsi son bir ildə qida məhsullarının qiyməti ilə bağlı statistikanı açıqlayıb.

Keçən ilin fevralından bu ilin fevralına qədər 50-dən çox əsas qida məhsulu üzrə qiymətlər artıb. Yalnız son bir ildə qiymətləri olduqca yüksək olan kartof və soğan kimi məhsullarda bir qədər ucuzlaşma olub.

Məsələn, keçən ilin fevral ayında bir litri 10 lirə 90 quruşa satılan günəbaxan yağının qiyməti bu ilin fevral ayında 55,4 faiz artaraq 16 lirə 97 quruşa qalxıb.

1 ədədi keçən il 54 quruşa satılan yumurta bu ilin fevral ayında 52 faiz artaraq 82 quruşa çatıb. Mərciməyin kilosu təxminən 7 lirədən 11 lirəyə, portağalın kilosu isə 3 lirədən 5 lirəyə çatıb.

Ən çox bahalaşan məhsullardan - günəbaxan yağını, portağalı, yumurtanı, mərcini, kəvəri, toyuq ətini, margarini, qırmızı turpu, düyünü, unu, südü, çörəyi və s. göstərmək olar.

16
Qonaqlıq, arxiv şəkli

Masallıda toy: Polis şadyanalıq üçün qonşunun evinə toplaşanları cəzalandırdı

0
(Yenilənib 00:27 08.03.2021)
Toyda iştirak edən 13 nəfər barəsində İnzibati Xətalar Məcəlləsinin müvafiq maddəsinə əsasən, qanunamüvafiq tədbirlər görülüb.

BAKI, 7 mart - Sputnik. Masallı Rayon Polis Şöbəsinin əməkdaşları tərəfindən xüsusi karantin rejimi qaydalarının təmin olunmasına nəzarət edilməsi istiqamətində keçirilən növbəti tədbirlər zamanı şəhər sakini İ.Vəliyevin qonşusuna məxsus yaşayış evində oğluna toy məclisi təşkil etdiyi müəyyən edilib.

Sputnik Azərbaycan AZƏRTAC-a istinadla xəbər verir ki, Rayon Polis Şöbəsinin əməkdaşları həmin məclisdə iştirak edənlərə bir daha xüsusi karantin rejiminin qaydalarını izah ediblər.

Toyda iştirak edən 13 nəfər barəsində İnzibati Xətalar Məcəlləsinin müvafiq maddəsinə əsasən, qanunamüvafiq tədbirlər görülüb.

0