Bakıda neft buruqları, arxiv şəkli

"Neft tanrısı" Azərbaycanın yanındadır

2540
(Yenilənib 21:58 09.02.2021)
Hazırda dünyada neftin qiymətinin 60 dolları keçməsi Səudiyyə Ərəbistanının 1 milyon barel neft hasilatını öz təşəbbüsü ilə azaltması, ABŞ Prezidenti Co Baydenin 1,9 trilyon dollarlıq iqtisadi tədbirlər paketini irəli sürməsi və digər səbəblərlə bağlıdır.

Xalid Məmmədov, Sputnik Azərbaycan

BAKI, 10 fevral — Sputnik. Bu il neftə olan tələbatın artım templəri gözləniləndən daha sürətli ola bilər. Xüsusilə də bu tendensiyanın ilin ikinci yarısında müşahidə edilməsi mümkündür. Bu barədə OPEC+ nazirlərinin monitorinq komitəsinin iclasının nəticələrinə dair hesabatda qeyd edilib. Sənəddə bildirilib ki, COVID-19 peyvəndlərinin dünyada geniş yayılması xüsusilə 2021-ci ilin ikinci yarısında daha sürətli iqtisadi inkişafa gətirib çıxara və bu da neft istehlakının artımına səbəb ola bilər.

Neft Araşdırmaları Mərkəzinin rəhbəri İlham Şaban Sputnik Azərbaycan-a deyib ki, post-pandemiya dövründə neftə tələb kifayət qədər yüksələcək:

"Hazırda dünyada neftin qiymətinin 60 dolları keçməsinin bir neçə səbəbi var. Bu, fevralın 1-dən Səudiyyə Ərəbistanının 1 milyon barel neft hasilatını öz təşəbbüsü ilə azaltması, ABŞ Prezidenti Co Baydenin 1,9 trilyon dollarlıq iqtisadi tədbirlər paketini irəli sürməsi və digər səbəblərlə bağlıdır. Yəni iqtisadiyyata vəsait daxil olursa, canlanma baş verir və bu zaman enerjiyə tələbat artır. Fevral ayı başlayandan neft bazarında müsbət əhval-ruhiyyə hökm sürür. Buna görə də neftin qiymətləri artır".

"Bazar iştirakçıları vaksinasiyanı müsbət qiymətləndirirlər. Onlar düşünürlər ki, vaksinasiya nəticəsində məhdudiyyət tədbirləri tezliklə aradan qaldırılacaq, hərəkət artacaq. Bu da enerjiyə tələbatı artıracaq. Qısa müddətli dövr üçün neftin qiymətində artım ola bilər. ABŞ-da, Böyük Britaniyada, Yaponiyada, Çində vaksinasiya ilə bağlı müsbət xəbərlər yayılır. Bu, neftin qiymətini 5 dollar da artırdı", - deyə ekspert qeyd edib.

Onun fikrincə, amma burada neftin qiymətinə mənfi təsir edən amillər də var:

"Məsələn, neftin qiymətinin 60 dollara çatması ABŞ-da şist neft hasilatçılarını ruhlandırır və onlar istehsalı artırmağı düşünürlər. Digər tərəfdən OPEC aprel ayından hasilatı artırmağı planlaşdırır. Bu, qiyməti aşağı salan və yaxud tormozlayan faktordur. Burada iqlim və digər amillər də var".

Millət vəkili Vüqar Bayramov isə bildirib ki, gündəlik neft ixracatı 688,8 min barel təşkil edən Azərbaycan üçün neftin qiymətinin yüksəlməsi ölkəyə daxil olan valyutanın artması baxımından arzuolunandır:

"Bu ilin dövlət büdcəsində 1 barel neftin qiymətinin 40 dollar müəyyən edildiyini nəzərə alsaq, neftin illik orta qiyməti yüksək olarsa, Dövlət Neft Fonduna daxil olmalar artacaq və valyuta ehtiyatlarımız çoxalacaq. Bu baxımdan neft bazarındakı son tendensiya bütövlükdə neft ölkələri üçün arzuolunan dəyişiklikdir. Bununla yanaşı, OPEC+ anlaşmasına rəğmən neftin qiymətinin 2021-ci ildə necə dəyişməsi birbaşa pandemiyanın miqyasından asılı olacaq".

2540
Teqlər:
Vüqar Bayramov, OCCRP Vüqar Bayramov, iqtisadçı Vüqar Bayramov, iqtisadçı alim Vüqar Bayramov, Neft Araşdırmaları Mərkəzinin rəhbəri İlham Şaban, Səudiyyə Ərəbistanı, ABŞ, Co Bayden, Neft
Supermarket, arxiv şəkli

Türkiyədə qida məhsulları kəskin bahalaşıb - SİYAHI

10
(Yenilənib 20:36 06.03.2021)
Məsələn, keçən ilin fevral ayında bir litri 10 lirə 90 quruşa satılan günəbaxan yağının qiyməti bu ilin fevral ayında 55,4 faiz artaraq 16 lirə 97 quruşa qalxıb.

BAKI, 6 mart — Sputnik. Türkiydədə qida məhsullarının qiyməti bahalaşıb.

Sputnik Azərbaycan "Sözcü"yə istinadla xəbər verir ki, Türkiyənin Statistika Komitəsi son bir ildə qida məhsullarının qiyməti ilə bağlı statistikanı açıqlayıb.

Keçən ilin fevralından bu ilin fevralına qədər 50-dən çox əsas qida məhsulu üzrə qiymətlər artıb. Yalnız son bir ildə qiymətləri olduqca yüksək olan kartof və soğan kimi məhsullarda bir qədər ucuzlaşma olub.

Məsələn, keçən ilin fevral ayında bir litri 10 lirə 90 quruşa satılan günəbaxan yağının qiyməti bu ilin fevral ayında 55,4 faiz artaraq 16 lirə 97 quruşa qalxıb.

1 ədədi keçən il 54 quruşa satılan yumurta bu ilin fevral ayında 52 faiz artaraq 82 quruşa çatıb. Mərciməyin kilosu təxminən 7 lirədən 11 lirəyə, portağalın kilosu isə 3 lirədən 5 lirəyə çatıb.

Ən çox bahalaşan məhsullardan - günəbaxan yağını, portağalı, yumurtanı, mərcini, kəvəri, toyuq ətini, margarini, qırmızı turpu, düyünü, unu, südü, çörəyi və s. göstərmək olar.

10
Fındıq satışı, arxiv şəkli

Zaqatalada yeni fındıq emalı fabriki yaradılır

11
Müəssisənin yaxın vaxtlarda istifadəyə verilməsi nəzərdə tutulur. İldə 7 min ton fındıq ləpəsi emal etmək gücündə olan fabrikdə 150 iş yeri açılacaq.

BAKI, 6 mart — Sputnik. Azərbaycanda ixrac potensialı böyük olan və ölkəyə valyuta axınına töhfə verən kənd təsərrüfatı sahələrindən biri də fındıqçılıqdır. Bu baxımdan yeni texnologiyalardan istifadə etməklə fındıq istehsalının artırılması, fındıq məhsullarının yeni bazarlara çıxarılması məqsədilə müxtəlif tədbirlər həyata keçirilir.

Bu istiqamətdə görülən işlərdən biri də müasir texnologiyalara əsaslanan fındıq emalı müəssisələrinin yaradılmasıdır. Belə müəssisələrdən biri də "Agrarco" MMC-nin Zaqatala rayonunda tikilən fındıq emalı fabrikidir. Hazırda müəssisədə son tamamlama işləri aparılır. Bu barədə İqtisadiyyat Nazirliyindən Sputnik Azərbaycan-a məlumat verilib.

İldə 7 min ton fındıq ləpəsi emal etmək gücündə olan fabrikdə 150 iş yeri açılacaq.

Ümumi investisiya dəyəri 34,3 mln. manat olan layihəyə İqtisadiyyat Nazirliyi tərəfindən investisiya təşviqi sənədi verilib.

Müəssisənin yaxın vaxtlarda istifadəyə verilməsi nəzərdə tutulur.

11

Azad edilmiş daha bir kəndimizin hazırkı mənzərəsi belədir - VİDEO

0
Cəbrayıl rayonunun Papı kəndi 2020-ci ilin oktyabrın 21-də əks-hücum əməliyyatı nəticəsində işğaldan azad olunub.

Müdafiə Nazirliyi Cəbrayıl rayonunun Papı kəndindən videogörüntülər paylaşıb. Sputnik Azərbaycan həmin görüntüləri təqdim edir.

0