Dəsmal götürüb ağlamağa tələsməyin, bəlkə, almanlar kimi düşünək?

101
(Yenilənib 17:44 23.12.2020)
"Düşünürəm ki, iqtisadi vəziyyətə uyğun olaraq bəzi sahələr daha çox inkişaf edəcək. Yəni bir sıra biznes sahələrinin transferi mümkündür, proqnozlaşdırılandır. Artıq bu gün də biz bunun şahidi oluruq" - Samir Dübəndi

Nigar İsgəndərova, Sputnik Azərbaycan

BAKI, 23 dekabr — Sputnik. Tarixin müxtəlif dövrlərində baş verən pandemiyalar sahibkarlıq subyektlərini uzun müddət zərbə altında saxlayıb. İş adamları gələcək illərdə bazarda varlıqlarını qorumaq üçün həmin müddətdə fəaliyyət sferalarını müvəqqəti də olsa dəyişə biliblər. Buna misal olaraq dünyaca məşhur marka olan "BMW"ni göstərmək olar. II Dünya müharibəsindən sonra zavodlarının çoxu dağıdılan şirkət xırda məişət avadanlıqları və velosipedlərin istehsalına keçərək müflis olmaqdan xilas olub.

Hazırda da koronavirus pandemiyasından əziyyət çəkirik. Maraqlıdır, Azərbaycanda "BMW"nin yolunu gedənlər varmı?

Pandemiyanın çökdürdüyü sahələrdən ən nəhəngləri toy biznesi və turizmdir. Martın 15-dən etibarən toylara qadağanın bu günədək olan müddətdə aradan qaldırılmaması, yumşaldılmaması bu sahənin ayaqda durmasını daha da çətinləşdirib. Artıq bir çox şadlıq evi sahibləri fəaliyyətlərini tamamilə dondurublar. Əksər şadlıq evlərinin stasionar telefon xətləri, demək olar ki, işləmir, yaxud da zənglərə cavab vermir. Biznesmenlər arasında bir neçəsi var ki, ümidlərini yaya bağlayaraq hələlik heç bir fəaliyyətlə məşğul olmur.

Lakin bəzi sahibkarlar çıxış yolunu karqo və bu kimi digər işlərlə məşğul olmaqda tapıb.

Turizm sahəsində vəziyyətdən çıxış yolları barədə sualı DAİR Hotellər və Restoranlar Assosiasiyası İdarə Heyətinin sədri Samir Dübəndi Sputnik Azərbaycan-a açıqlamasında cavablandırıb: "Hər bir dövrün özünəməxsus xüsusiyyətləri olur. Zamanlar bir-birindən fərqlidir. İri bizneslər sırasında özünə müəyyən qədər yer tapa bilənlər istiqamətini dəyişir. Bu gün böhranla üzləşən sektorlardan biri də hotellər, ictimai iaşə sektorları və qonaqlama xidmətləridir.

Həm restoranlar, həm də hotellərin əksəri iri holdinqlərin bir hissəsidir. Yəni onların bir istiqaməti çalışmırsa, digər istiqamətləri çalışır. Buna misal olaraq logistika, bankçılığı da göstərmək olar. Yəni bu gün restoratorluq, hotelçilik dayanıbsa, bu kimi digər sahələr əksinə, daha da inkişaf edir".

"Bəs kiçik və orta biznesdə, daha konkret desək, kiçik restoran və hotellərdə nələr baş verir sualına cavab olaraq sa onu deyə bilərəm ki, onlara digərləri kimi fəaliyyət növlərini dəyişdirmək bir o qədər də asan deyil. Düzdür, onlar arasında çatdırırlma xidmtələri edənlər də var.

Düşünürəm ki, iqtisadi vəziyyətə uyğun olaraq bəzi sahələr daha çox inkişaf edəcək. Yəni bir sıra biznes sahələrinin transferi mümkündür, proqnozlaşdırılandır. Artıq bu gün də biz bunun şahidi oluruq", - deyə ekspert əlavə edib.

S.Dübəndi bildirib ki, vəziyyət belə olarsa, restorançılıq və hotelçilik sahəsində işçi qüvvəsi, eyni zamanda da dövriyyə də azalacaq.

Hələlik isə proqnozlar bir o qədər də nikbin deyil, xüsusən də hotelçilik və restorançılıq sahəsində bu müddətdə heç bir irəliləyişin olmaması ürəkaçmayan bir mənzərə yaradıb. Bu sahələr də gələcəkdə tarixə qovuşacaqmı sualına isə hələlik cavab vermək bir qədər tezdir...

101
Teqlər:
bankçılıq, logistika, toy, pandemiya, biznes, otel, turizm
Pul qabı, arxiv şəkli

Beş yüz manatlıq əsginasın sirri çözüldü

23
(Yenilənib 18:36 22.01.2021)
Milli pul nişanlarının dizaynının hazırlanması və tədavülə buraxılması yalnız Azərbaycan Respublikasının Mərkəzi Bankı tərəfindən həyata keçirilir

BAKI, 22 yanvar — Sputnik. Sosial şəbəkələrdə üzərində Xarı Bülbül, Şuşa qalası, at və s. əks olunan 500 manatlıq "kağız pul nişanı"nın təsvirləri yayılıb.

Mərkəzi Bankdan Sputnik Azərbaycan-a məlumat verilib ki, Azərbaycan Respublikasının Konstitusiyasının və "Mərkəzi Bank Haqqında" Qanunun tələblərinə uyğun olaraq milli pul nişanlarının dizaynının hazırlanması və tədavülə buraxılması yalnız Azərbaycan Respublikasının Mərkəzi Bankı tərəfindən həyata keçirilir.

Bildiririk ki, Azərbaycan Respublikasının Mərkəzi Bankı tərəfindən 500 manatlıq pul nişanı tədavülə buraxılmamış və sosial şəbəkələrdə yayılan məlumatlar həqiqətə uyğun deyil.

Vətəndaşlarımızı bu məsələlərdə ehtiyatlı olmağa və milli pul nişanlarımıza dair məlumatları Azərbaycan Respublikasının Mərkəzi Bankından və onun rəsmi internet səhifəsindən əldə etməyə çağırırıq.

23
Pomidor məhsulunun yüklənməsi

Xaric qadağa qoyur, sahibkarlar isə dövlət qurumundan narazılıq edirlər

60
(Yenilənib 16:09 22.01.2021)
Sahibkarlar uzun illərdir istixanada məhsul becərsələr də, builki kimi çətinliklə üzləşmədiklərini deyirlər.

İlham Mustafayev, Sputnik Azərbaycan

BAKI, 22 yanvar — Sputnik. Ötən ilin sonlarında Rusiya ölkəmizdən pomidor idxalına qadağa qoydu. Hazırda qadağanın bir hissəsi götürülsə də, məhsulun ixracı ilə məşğul olan sahibkarlar maliyyə itkisi ilə üzləşdilər. Bu günlərdə isə Qazaxıstan Azərbaycandan pomidor idxalını dayandırdığını bildirdi. Sputnik Azərbaycan-ın bölgə müxbiri pomidorun əsas istehsalçısı sayılan qərb bölgəsinin sahibkarları ilə görüşərək qadağaların onlara təsiri barədə söhbətləşib.

Söhbət zamanı məlum olub ki, nəinki Qazaxıstanın qadağası, Rusiya Azərbaycan pomidoruna yaşıl işıq yandırandan sonra belə, Şəmkirdən Rusiyaya tərəvəz vurulmayıb. Bu haqda danışan Tovuz rayon Düz Qırıqlı kəndindən olan sahibkar Rasim Hümbətov dekabrın 5-də yola saldıqları məhsulun geri qaytarılmasından sonra Rusiya bazarlarına tərəvəz aparılmadığını söyləyib.

© Sputnik / Ilham Mustafa
Şəmkirdə yeşikdə pomidor məhsulu

“10 ildir istixanada məhsul becəririk, builki qədər ziyanımız olmamışdı. Dekabrın 5-dən bu günə xaricə malımız çıxmayıb. Məhsulumuzda da heç bir xəstəlik, problem yoxdur. 60 ton mal üstümüzə qaytarıldı. Yerli bazarlarda da tələbat olmadığından xarab oldu”, - deyə məlumat verib.

Sahibkarlar məhsullarında heç bir xəstəliyin olmadığını bildiriblər. Ədalət Zeynalovun sözlərinə görə, Tuta qurdu deyilən xəstəlik qış mövsümündə Şəmkir istixanalarının heç birində olmur. İndiyədək yerli bazarlara verilən mallarda da bu qurda rast gəlinməyib. Lakin yerli bazarlarda qiymətin maya dəyərindən 2-3 dəfə ucuz olması onları müflisləşməklə üz-üzə qoyub:

“Rusiya qadağanı götürdü ki, xəstəlik olmayan pomidor getsin. Buna görə AQTA (Azərbaycan Respublikasının Qida Təhlükəsizliyi Agentliyi) istixanalarda monitorinq aparıb rəy verməlidir ki, malımız bazara çıxsın. Yanvarın 6-dan AQTA tərəfindən istixanada baxış keçirilərək nümunələr götürülüb. Lakin aradan yarım aydan çox vaxt keçməsinə baxmayaraq heç bir cavab verilməyib. Proses ləng getdiyindən məhsul yetişib xarab olur”.

Fermerlərin sözlərinə görə, yetişmiş məhsul 10 gün ərzində xarab olur. Bu səbəbdən pomidorlar soyuduculara vurularaq saxlanılır ki, bunun özü də əlavə xərc tələb edir. Onlar bildirirlər ki, hər kiloqram üçün pomidorun maya dəyəri 1 manat civarında hesablanır. Yerli bazarlara isə pomidorun cüzi bir hissəsi çıxarılaraq 20-30 qəpiyə satılır.

  • Şəmkirdə yeşiklərdə pomidorlar
    © Sputnik / Ilham Mustafa
  • Sahibkar Ədalət Zeynalov
    © Sputnik / Ilham Mustafa
  • Sahibkar Rasim Hümbətov
    © Sputnik / Ilham Mustafa
  • Sahibkar Sadəddin Rzayev
    © Sputnik / Ilham Mustafa
  • Şəmkirdə sahibkarlar dövlət qurumundan narazılıq edir
    © Sputnik / Ilham Mustafa
  • Şəmkirdə pomidor əkin sahəsində şitil
    © Sputnik / Ilham Mustafa
  • Şəmkirdə pomidor əkin sahəsi
    © Sputnik / Ilham Mustafa
1 / 7
© Sputnik / Ilham Mustafa
Şəmkirdə yeşiklərdə pomidorlar

12 ildir təsərrüfatla məşğul olan Səlahəddin Rzayev isə bir başqa məqama toxunub. Onun fikrincə, Qida Təhlükəsizliyi Agentliyi yalnız iri sahibkarların məhsularına rəy verərək ayrı-seçkiliyə yol verir. Fermer 3 hektardan aşağı torpaq sahəsi olan sahibkarlara agentliyin sertifikat vermək istəmədiyini söyləyib: “Təəssüf ki, tovuzlu və şəmkirli fermerlərin heç birinə icazə verilmir. Yalnız Samux və Abşeron yarımadasında olan böyük istixanalar icazə ala bilirlər. Belə başa düşürük ki, onlar daha böyük sahibkarlardır. AQTA bəyan edir ki, 3 hektardan aşağı torpaq sahəsi olan təsərrüfat sahibləri xaricə mal ixrac edə bilməzlər. Bu hansı məntiqə uyğundur - biz dərk edə bilmirik”.

Şəmkirli sahibkarlar üzləşdikləri problemlərlə əlaqədar aidiyyəti qurumlardan kömək istəyirlər.

60
Teqlər:
Şəmkir, Tovuz, sahibkar, qadağa, ixrac, pomidor

Yanvarın 25-nə qədər ölkədə ictimai nəqliyyat işləməyəcək

0
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.

Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.

Qeyd edək ki, Bakı metropolitenində də sərnişindaşıma dayandırılıb.

0