Kommunal xidmətlərə görə çeklər, arxiv şəkli

Hava soyudu, gündəmi təzələdi: qaz işığa qoyulan limitlər qalxacaqmı?

193
Musa Quliyev bildirir ki, indiki vəziyyətdə həmin vəsaiti bir sıra önəmli istiqamətlərə, məsələn, elə koronaviruslu xəstələrin müalicəsinə, dərmanla təchizatın yaxşılaşdırılması, testlərin qiymətinin aşağı salınmasına yönəltmək olar.

Nigar İsgəndərova, Sputnik Azərbaycan

BAKI, 21 dekabr — Sputnik. Artıq on aydır ki, Azərbaycanda pandemiya şəraiti davam edir. Bu vəziyyət ölkə iqtisadiyyatı ilə yanaşı, insanların gəlir və qazanclarına da təsirsiz ötüşməyib. Havaların soyuması ilə karantin qaydaları ölkə üzrə daha da sərtləşdirilib. Bəzi sahələrin fəaliyyəti tamamilə dayandırılıb.

Bir sözlə, insanların gəlirləri xeyli aşağı düşüb, bəzi sahələrdə bu rəqəm 0-a bərabər olub. Havaların soyuması isə qaza, işığa tələbatı artırıb, gəliri sıfır olan ailələr bu gün belə ödənişləri etmək qabiliyyətində deyil. Belə olan halda bəzi kommunal ödənişlər üzrə limitin aradan qaldırılması məsələsi yenidən gündəmə gətirilir.

Maraqlıdır, qaz və işığa görə limit aradan qaldırıla bilərmi?

Millət vəkili Musa Quliyev Sputnik Azərbaycan-a açıqlamasında bu haqda danışıb: "Ötən ilin yazında cənab prezidentin göstərişi ilə bu məsələyə baxıldı, qaz və işığın limiti bir qədər artırıldı. Qeyd edim ki, "Azəriqaz" ASC və "Azərişıq" ASC özü-özünü maliyyələşdirən təşkilatlardır. Yəni belə olan halda, limit aradan götürülərsə, qaz və işığın pulunu dövlət büdcəsindən verməli olacağıq".

Millət vəkili deyir ki, məhz bu nüanslar nəzərə alınaraq bir qədər qənaət yolu seçilməlidir. O ehtimal edir ki, bu məsələdə ünvanlı yanaşma da ola bilər:

"Düşünürəm ki, sosial müdafiə təminatına daha çox ehtiyacı olan şəxslərə yönəlik bu addımı atmaq olar. Dağlıq yerlərdə yaşayanları və bu şəxslərin gəlirlərini nəzərə almaqla bu məsələyə differensial şəkildə nəzər yetirmək olar. Belə hesab edirəm ki, işləməyən kateqoriyadan olan şəxslər, daimi işi, rəsmi qaydada əmək müqaviləsi olmayan, işini davam etdirə bilməyən ailələrə sosial müavinətin verilməsi daha doğru yoldur".

"Lakin ümumilikdə bütün əhali üçün olan bu limitlərin aradan götürülməsi məsələsinin ölçülüb-biçilməsinə ehtiyac var. Yəni bu addım büdcəyə neçəyə başa gələcək, bundan başqa, bunun effektivliyi nə qədər olacaq kimi məsələlər nəzərdən keçirilməlidir", - deyə millət vəkili əlavə edib.

Millət vəkili bildirir ki, ümumi əhali qrupu üzrə limit götürülərsə, yaranmış fərqi dövlət büdcəsi ödəmiş olacaq. Musa Quliyev bildirir ki, indiki vəziyyətdə həmin vəsaiti bir sıra önəmli istiqamətlərə, məsələn, elə koronaviruslu xəstələrin müalicəsinə, dərmanla təchizatın yaxşılaşdırılması, testlərin qiymətinin aşağı salınmasına yönəltmək olar.

İqtisadçı ekspert Natiq Cəfərli Sputnik Azərbaycan-a açıqlamasında pandemiya dövründə bəzi ölkələrin, xüsusən də qonşularımızın təcrübəsindən danışıb: "Pandemiya dövründə bir sıra ölkələrdə, o cümlədən də qonşu Gürcüstanda kommunal xidmətlər bir neçə ay pulsuz oldu. Hökumətlər bilərəkdən bu güzəştləri etdilər. Çünki dövlətlər, hökumətlər yalnız qadağalar qoymaq üçün deyil".

"Azərbaycanda isə uzun zamandır ki, bu məsələ müzakirə olunur. Azərbaycan kimi öz enerji ehtiyatları olan bir ölkədə belə bir limitin qoyulması absurd yanaşmadır. Çünki biz elektrik enerjisinin istehsalını xeyli artıraraq ixracatçı ölkəyə çevrilmişik. Qaz ixracı da ildən-ilə artmaqdadır. Bu səbəbdən öz enerji qaynaqları olan ölkədə əhaliyə satılan enerji də ucuz olmalıdır, Yəqin ki, qiymətlərdə hansısa güzəşt olmayacaq, amma ümumilikdə qaz və işığa qoyulan limitlər tamamilə aradan qaldırılmalıdır", - deyə ekspert bildirib.

Xatırladaq ki, 2019-cu ilin 30 aprel tarixində Tarif Şurasının qərarı ilə əhali qrupu üzrə istehlak olunan təbii qazın illik həcminin 2 200 kubmetr olan hissəsinin dəyəri 10 qəpiklə, 2 200 kubmetrdən artıq istifadə olunan hər kubmetr qazın dəyəri isə 20 qəpiklə hesablanır. Ölkədə əhali qrupu üçün elektrik enerjisindən güzəştli istifadə limiti 100 kvts. həcmində müddətli artırılıb. Yəni hazırkı durumda ölkədə aylıq elektrik enerjisi istehlakı 300 kilovat-saatadək olan istehlakçılar üçün tarif 7 qəpik, aylıq istehlak həcminin 300 kilovat-saatdan çox olan hissəsi üçün isə 11 qəpik müəyyənləşdirilib.

193
Teqlər:
Natiq Cəfərli, Musa Quliyev, limit, Azərbaycan, enerji, elektrik, işıq, qaz
Bankada dollarlar, arxiv şəkli

Financial Times: "Dolları taxtdan salacaqlar"

13
(Yenilənib 22:13 16.01.2021)
"Trampın hakimiyyət illəri bizim zəif yerlərimizi üzə çıxardı və hətta o gedəndən sonra da biz bu zəiflikləri aradan qaldırmalıyıq" - Avrokomissiyadakı mənbə

BAKI, 16 yanvar - Sputnik. Avropa Şurası dünya bazarında "dolların ağalığının" həddi aşdığını bəyan edəcək. 

Sputnik Azərbaycan bildirir ki, bu barədə Financial Times Avropa Komissiyasındakı mənbələrinə istinadən yazıb. 

Qəzetin məlumatına görə, AŞ bu məsələni ABŞ-ın yeni prezidenti Co Baydenin yanvarın 20-də planlaşdırılan inauqurasiyasından əvvəl qaldırmaq istəyir. Avropa Komissiyasının layihəsinin yanvarın 19-da qəbul ediləcəyi gözlənilir, həmçinin ona əlavələrin ediləcəyi də istisna olunmur. 

FT əlavə edir ki, layihədə ABŞ Prezidenti Donald Trampın İrana qarşı tətbiq etdiyi məhdudlaşdırma tədbirlərindən sonra Avropa ölkələrinin müəyyən çətinlik çəkdiyi qeyd olunur. Sənəddə bazarların "qeyri-qanuni eksterritorial tətbiqin nəticələrindən" qorunmasının vacibliyi vurğulanır. 

"Trampın hakimiyyət illəri bizim zəif yerlərimizi üzə çıxardı və hətta o gedəndən sonra da biz bu zəiflikləri aradan qaldırmalıyıq. Söhbət AŞ-nın dünyadakı yerindən, ölçülərimizə müvafiq olan iqtisadi və maliyyə dövlətinin imkanlarından gedir", - mənbələrdən biri deyib.

13
Teqlər:
"The Financial Times", Avropa Komissiyası, Avropa Şurası, dollar
Manat, arxiv şəkli

Yardım dayandırılmayıb - Şahmar Mövsümov

12
(Yenilənib 20:07 16.01.2021)
"Bunun üçün vəsaitlər ayrılıb, proses gedir. Məsələ ilə İqtisadiyyat Nazirliyi məşğul olur" - Prezidentin köməkçisi

BAKI, 16 yanvar — Sputnik. Sahibkarlara dəymiş ziyanın ödənilməsi ilə bağlı tədbirlər planı üzrə proseslər davamlı olaraq həyata keçirilir. Sputnik Azərbaycan-ın məlumatına görə, bunu jurnalistlərə açıqlamasında Prezidentin köməkçisi, Prezident Administrasiyasının İqtisadi Məsələlər və innovativ inkişaf siyasəti şöbəsinin müdiri Şahmar Mövsümov bildirib.

Ş.Mövsümov deyib ki, müxtəlif sahələr və istiqamətlərdə sahibkarlara yardım nəzərdə tutulub:

"Bunun üçün vəsaitlər ayrılıb, proses gedir. Məsələ ilə İqtisadiyyat Nazirliyi məşğul olur. Ümumilikdə zərərçəkmiş sahələrdə çalışanlara yardım heç vaxt dayandırılmayıb".

12
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

22
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

22
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət