Pomidor satışı, arxiv şəkli

Rusiyanın pomidor qadağası - məsələnin görünməyən tərəfləri var

398
(Yenilənib 00:18 15.12.2020)
Ekspert: "Pomidor və alma üzrə ixracatın faktiki olaraq kəskin şəkildə azalması ölkəyə valyuta daxilolması baxımından ciddi problemlərə səbəb ola bilər".

Xalid Məmmədov, Sputnik Azərbaycan

BAKI, 15 dekabr — Sputnik. Rusiya dekabrın 10-dan etibarən Azərbaycandan pomidor və alma idxalına qadağa qoyub. Sputnik Azərbaycan xəbər verir ki, bu barədə qərarı Rusiyanın Baytarlıq və Fitosanitar Nəzarət üzrə Federal Xidməti (Rosselxoznadzor) qəbul edib. Xidmətin məlumatına görə, idxal olunan məhsullarda dəfələrlə zərərli orqanizmlər aşkarlanıb və bu barədə Azərbaycan Qida Təhlükəsizliyi Agentliyinə məlumat veriblər: "Fitosanitar rifahı qorumaq, bu zərərvericilərin Rusiya ərazisinə gətirilməsinin və yayılmasının qarşısını almaq üçün Rosselxoznadzor 2020-ci il dekabrın 10-dan etibarən Rusiyaya Azərbaycan mənşəli pomidor və alma idxalını qadağan etmək məcburiyyətində qalıb".

Qadağa ilə bağlı Azərbaycan Dövlət İqtisad Universitetinin professoru Elşad Məmmədov Sputnik Azərbaycan-a deyib ki, Azərbaycan iqtisadiyyatının dayanıqlığı baxımından Rusiya ilə iqtisadi əməkdaşlığın inkişaf etdirilməsi olduqca mühüm və zəruridir:

"Azərbaycan üçün qeyri-neft və qeyri-xammal sektorunun inkişafı prioritetdir. Qeyri-neft ixracatımız baxımından Rusiya alternativsiz prioritet ölkədir. Rusiyanın Azərbaycandan tomat və almanın idxalına qadağa qoyması ölkəmiz üçün olduqca ciddi iqtisadi zərərə səbəb ola bilər. Ona görə də Azərbaycanın aidiyyəti qurumları təxirəsalınmaz şəkildə Rusiyanın müvafiq qurumları ilə danışıqlara getməli və problemin həlli üçün səylər göstərməlidir".

Professor deyib ki, pomidor və alma Azərbaycanın kənd təsərrüfatı ixracı üzrə prioritet məhsullardır. Bu məhsullar üzrə ixracatın faktiki olaraq kəskin şəkildə azalması ölkəyə valyuta daxilolması baxımından ciddi problemlərə səbəb ola bilər. Bu, eyni zamanda bir çox iş yerlərinin bağlanmasına, bir çox iqtisadi fəaliyyət növlərinin iflic vəziyyətinə düşməsinə, regional tarazlı iqtisadi inkişaf baxımından ölkə iqtisadiyyatına güclü mənfi təsirin reallaşmasına səbəb ola bilər.

Ekspertin fikrincə, bu məsələlərlə bağlı lazım olanda önləyici tədbirlər görülməlidir ki, proseslər qadağaya qədər gəlib çatmasın:

"Bu problemlər yaranarkən təxirəsalınmaz reaksiya olmalıdır ki, zərərlərin maksimum şəkildə azaldılmasına nail ola bilək. Tomat və alma ixracında problemlər yaxın günlər və həftələrdə öz həllini tapmalıdır. Çünki bizim üçün reallıq ondan ibarətdir ki, qeyri-neft və gələcəkdə qeyri-xammal ixracatı baxımından Rusiya alternativi olmayan bazardır".

Elşad Məmmədov onu da qeyd edib ki, bu məsələ bir daha regional iqtisadi inteqrasiyanın zəruriliyini ortaya qoyur. Bu gün dünya iqtisadiyyatı və siyasətindəki trendlər də onu deməyə əsas verir ki, regional iqtisadi əməkdaşlığın dərinləşməsinə ehtiyac var. Regional iqtisadi inteqrasiya və kooperasiya prosesləri dərinləşərsə, bu tip problemlərin aradan qaldırılması xeyli dərəcədə asanlaşacaq.

İqtisadçı, Azərbaycan Dövlət İqtisad Universitetinin İnnovativ Biznes-İnkubatorunun direktoru Mircavid Həsənov isə Sputnik Azərbaycan-a deyib ki, əvvəllər də belə qadağa və ya məhdudiyyət olub, lakin sonradan aradan qaldırılıb. Əgər bu qadağa davam etsə, bizə böyük ziyanı olacaq. Hazırda digər xarici bazarlara çıxmaq üçün işlər aparılır. Lakin ən böyük bazarımız Rusiyadır. Qadağa davam edəndə, bazara çıxmayanda rəqabət üstünlüyümüz zəifləyir.

"Bu istiqamətdə alternativ bazarımız azdır. Xarici bazarları genişləndirmək, Rusiya bazarından asılılığı aradan qaldırmaq lazımdır. Ən azından yaxın Avropa ölkələrinə məhsullarımızı çıxarda bilərik", -deyə o qeyd edib.

Qeyd edək ki, Azərbaycanın Qida Təhlükəsizliyi Agentliyinin (AQTA) İctimaiyyətlə əlaqələr sektorunun müdiri Aysel Fərziyeva mətbuata açıqlamasında deyib ki, Qida Təhlükəsizliyi Agentliyi Rusiyanın Azərbaycandan pomidor və alma idxalına qoyulmuş qadağa ilə bağlı araşdırmalar aparır və araşdırmanın nəticəsi ilə bağlı ətraflı məlumat veriləcək.

Xatırladaq ki, Azərbaycan Rusiyaya kifayət qədər böyük bitki məhsulları tədarükçüsüdür. Rusiya Federal Gömrük Xidmətinin məlumatına görə, 2019-cu ildə Azərbaycandan bu ölkəyə təzə və soyudulmuş pomidor idxalı 172 min tondan çox olub. Rusiyaya pomidor tədarükünün həcminə görə Azərbaycan birinci yerdədir.

398
Teqlər:
alma, pomidor, Rusiya
Vergi Məcəlləsi, arxiv şəkli

Vergi Xidmətinin büdcəyə ödədiyi vəsaitin məbləği açıqlanıb

14
(Yenilənib 14:17 18.01.2021)
Nazir qeyd edib ki, dövlət büdcəsinə ödənilən vəsait ölkənin qüdrəti və vətəndaşların sosial rifahıdır

BAKI, 18 yanvar — Sputnik. Azərbaycan Dövlət Vergi Xidməti tərəfindən ötən il dövlət büdcəsinə 7,4 mlrd. manata yaxın vəsait daxil olub.

Sputnik Azərbaycan xəbər verir ki, bunu Azərbaycanın iqtisadiyyat naziri Mikayıl Cabbarov açıqlayıb.

Nazir qeyd edib ki, dövlət büdcəsinə ödənilən vəsait ölkənin qüdrəti və vətəndaşların sosial rifahıdır: "Vergiləri vaxtında və tam ödəyən hər vergi ödəyicisinin dövlətin tərəqqisində payı var".

14

Professor: “Artıq ölkədə bölgədə yeni proseslərin şahidi olacağıq”

21
(Yenilənib 09:39 18.01.2021)
Azərbaycan Dövlət İqtisad Universitetinin (UNEC) professoru Elşad Məmmədov deyir ki, son razılaşma ötən yüz ilin ən strateji, sistemli və ən əsası kompleks bir razışlaşma kimi dəyərləndirilməlidir
Elşad Məmmədov: “Bu, regional inkişafın dayanıqlı şəkildə formalaşmasına şərait yaradacaq”

“Bu gün imzalanan bəyanat bizim məqsədlərimizdən xəbər verir. Çünki hərbi əməliyyatların bitirilməsinə dair bəyannamənin maddələrindən biri nəqliyyat kommunikasiyalarının blokdan çıxarılması idi. Bu, regionun inkişafına böyük dinamizm gətirə biləcək sahədir, o, həmçinin təhlükəsizliyi də möhkəmlədəcək. Çünki nəqliyyat kommunikasiyalarının açılması Azərbaycan, Ermənistan, Rusiya və bizim digər qonşularımızın xalqlarının maraqlarına cavab verir”. Bu barədə Azərbaycan Prezidenti İlham Əliyev Moskvada keçirilən üçtərəfli görüşdə deyib.

Azərbaycan Dövlət İqtisad Universitetinin (UNEC) professoru Elşad Məmmədov Sputnik Azərbaycan-a deyir ki, son otuz il ərzində Azərbaycan vahid təssrüfat sistemi baxımından ciddi problemlərlə üzləşirdi:

“Faktiki olaraq Naxçıvan Azərbaycanın iqtisadi inkişafından təcrid olunmuşdu. Düzdür, müxtəlif ölkələr vasitəsilə əlaqələr mövcud idi, amma bu bir sıra problemlər yaradırdı. Ona görə də hesab edirəm ki, Naxçıvanla əlaqələrin dəhlizlə vasitəsilə reallaşdırılması olduqca mühim məsələdir. Bu regional inkişafın daha dayanıqlı şəkildə formalaşmasına şərait yaradacaq. Artıq ölkədə və bölgədə yeni proseslərin şahidi olacağıq. Son razılaşma ötən yüz il ərzində ən strateji, sistemli və ən  əsası kompleks bir razışlaşma kimi dəyərləndirilməlidir”.

Qeyd edək ki, Rusiya, Azərbaycan və Ermənistanın Dağlıq Qarabağın inkişafına dair işçi qrupu yanvarın 30-dək ilk iclasını keçirəcək. Bu barədə üç ölkə liderinin Kremldə aparılan birgə danışıqlarının yekununa həsr olunmuş bəyanatında deyilir.

Elşad Məmmədovun geniş şərhinə audiofaylda qulaq asa bilərsiniz

21
Avtomat və güllələlər, arxiv şəkli

Qazax sakinində silah aşkarlanıb

0
(Yenilənib 00:11 19.01.2021)
Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

BAKI, 18 yanvar — Sputnik. Nəqliyyatda Baş Polis İdarəsinin Narkotiklərlə Mübarizə Şöbəsinin və Dəmir Yolu Nəqliyyatında Polis İdarəsinin Gəncə st. Xətt Polis Şöbəsinin (XPŞ) əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində qanunsuz olaraq narkotik vasitə saxlamaqda və gəzdirməkdə şübhəli bilinən, Qazax şəhər sakini, Afiq Məmmədov XPŞ-yə gətirilib.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupundan verilən məlumata istinadla xəbər verir ki, onun üzərində şəxsi axtarış keçirilən zaman əlində olan, göy rəngli politelen torbanın içərisindən 455 qram narkotik vasitə olan qurudulmuş "marixuana" aşkar edilərək götürülüb.

Afiq Məmmədovun ətrafında keçirilən istintaq-əməliyyat tədbirləri nəticəsində onun Qazax şəhər ərazisindəki qəbirstanlıqda odlu silah gizlətməsi də məlum olub. Polis əməkdaşlarının həmin əraziyə keçirdiyi baxış zaman oradan bir ədəd istifadəyə yararlı "AKM-72" tipli avtomat və həmin avtomata aid 4 ədəd patron aşkar edilərək götürülüb.

Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

0