Təzə Bazar, arxiv şəkli

Bakının "Təzə bazar"ı təzələnir

336
"Bazarda yeraltı dayanacaqlar da nəzərdə tutulub. Bilirsiniz ki, Bakıda dayanacaq problemi var. Bu problemlər hamısı düşünülüb. Bu səbəbdən də tikintinin müddəti müəyyən dövr çəkəcək"

İradə Cəlilova, Sputnik Azərbaycan

BAKI, 24 noyabr — Sputnik. "Nəsimi rayonu ərazisində olan "Təzə bazar" köçürülüb. Hazırda bazarda olan bir neçə icarədar mağazalarını boşaldır".

Bu barədə Sputnik Azərbaycan-a "Təzə bazar"ın baş nəzarətçisi Fuad İbrahimov məlumat verib.

O bildirib ki, bazarın yerində yenidən "Təzə bazar" brendi adı altında yeni bazar tikiləcək.

F.İbrahimovun sözlərinə görə, bazarın köçürülməsinə səbəb köhnəlməsi olub: "Bazar köhnəldiyi üçün, həm texniki, həm də mənəvi baxımdan təhlükə yaradırdı. Eyni zamanda Qida Təhlükəsizliyi Agentliyinin tələblərinə cavab vermirdi. Antisanitariya var idi. Kanalizasiya və digər kommunikasiya xətləri köhnəlmişdi".

Baş nəzarətçi əlavə edib ki, bazarda olan icarədarlara 2 ay əvvəl köçürülmə ilə bağlı bildiriş verilib və onlar 3 istiqamətə köçürülüblər.

Belə ki, icarədarlara öncədən bazarın fəaliyyətini dayandıracağı barədə məlumat verilib.

"İcarədarların bir hissəsi Nəsimi rayonu ərazisində "Eurohome" ticarət mərkəzinə köçürülüb. Həmin ticarət mərkəzi keçmiş "Qarabağ" mehmanxanasının yerindədir. Bura təxminən 70-80-ə yaxın icarədar köçülüb. "Təzə bazar"da fəaliyyət göstərən "Zoobazar"ın icarədarları da 2-3 günə köçürüləcəklər. Hazırda onların yeri hazırlanır. İcarədarların bir qrupu "Təzə bazar"la üzbəüz fəaliyyət göstərən "Af Center"ə köçürülüb. Üçüncü ünvan isə "AfcomPlaza" adlanır. Bu mərkəz Ceyhun Hacıbəyli küçəsi ilə Mirəli Qaşqay küçəsinin kəsişməsində, Plotnikov küçəsi 21-də yerləşir. Bütün icarədarlar yerləşiblər və artıq yerlər də var", - deyən nəzarətçi əlavə edib ki, "Təzə bazar"da 750 ticarət nöqtəsi olub.

Onun sözlərinə görə, bazarda əksər obyektlərin ərazisi 3-4 kvadratmetr olub. Yəni burada kiçik ticarət nöqtələri olub.

F.İbrahimov əlavə edib ki, "Təzə bazar"ın yerində tikiləcək yeni bazar 2022-ci ildə təhvil veriləcək.

"Bəzən "Yaşıl bazarı" misal gətirərək, yeni bazarın yüngül konstruksiya ilə tikiləcəyini dilə gətirən insanlar var. Bu, elə tikinti olmayacaq. Bu, müasir dövrün tələblərinə uyğun tikili olacaq. Bazarın yerləşdiyi - yuxarıda Səməd Vurğun küçəsi və aşağıda Mərdanov qardaşları küçəsində yer səthinin hündürlüyündə müəyyən fərqlər var. Bu fərqlərə görə mürəkkəb mühəndislik işləri tələb olunur. Eyni zamanda bazarda yeraltı dayanacaqlar nəzərdə tutulub. Bilirsiniz ki, Bakıda dayanacaq problemi var. Bu problemlər hamısı düşünülüb. Bu səbəbdən də tikintinin müddəti müəyyən dövr çəkəcək", - deyən F.İbrahimov qeyd edib ki, bazar 2022-ci il ərzində təhvil veriləcək.

336
Teqlər:
icarədar, tikinti, söküntü, "Təzə bazar", Bakı
Vergi Məcəlləsi, arxiv şəkli

Vergi Xidmətinin büdcəyə ödədiyi vəsaitin məbləği açıqlanıb

11
(Yenilənib 14:17 18.01.2021)
Nazir qeyd edib ki, dövlət büdcəsinə ödənilən vəsait ölkənin qüdrəti və vətəndaşların sosial rifahıdır

BAKI, 18 yanvar — Sputnik. Azərbaycan Dövlət Vergi Xidməti tərəfindən ötən il dövlət büdcəsinə 7,4 mlrd. manata yaxın vəsait daxil olub.

Sputnik Azərbaycan xəbər verir ki, bunu Azərbaycanın iqtisadiyyat naziri Mikayıl Cabbarov açıqlayıb.

Nazir qeyd edib ki, dövlət büdcəsinə ödənilən vəsait ölkənin qüdrəti və vətəndaşların sosial rifahıdır: "Vergiləri vaxtında və tam ödəyən hər vergi ödəyicisinin dövlətin tərəqqisində payı var".

11

Professor: “Artıq ölkədə bölgədə yeni proseslərin şahidi olacağıq”

18
(Yenilənib 09:39 18.01.2021)
Azərbaycan Dövlət İqtisad Universitetinin (UNEC) professoru Elşad Məmmədov deyir ki, son razılaşma ötən yüz ilin ən strateji, sistemli və ən əsası kompleks bir razışlaşma kimi dəyərləndirilməlidir
Elşad Məmmədov: “Bu, regional inkişafın dayanıqlı şəkildə formalaşmasına şərait yaradacaq”

“Bu gün imzalanan bəyanat bizim məqsədlərimizdən xəbər verir. Çünki hərbi əməliyyatların bitirilməsinə dair bəyannamənin maddələrindən biri nəqliyyat kommunikasiyalarının blokdan çıxarılması idi. Bu, regionun inkişafına böyük dinamizm gətirə biləcək sahədir, o, həmçinin təhlükəsizliyi də möhkəmlədəcək. Çünki nəqliyyat kommunikasiyalarının açılması Azərbaycan, Ermənistan, Rusiya və bizim digər qonşularımızın xalqlarının maraqlarına cavab verir”. Bu barədə Azərbaycan Prezidenti İlham Əliyev Moskvada keçirilən üçtərəfli görüşdə deyib.

Azərbaycan Dövlət İqtisad Universitetinin (UNEC) professoru Elşad Məmmədov Sputnik Azərbaycan-a deyir ki, son otuz il ərzində Azərbaycan vahid təssrüfat sistemi baxımından ciddi problemlərlə üzləşirdi:

“Faktiki olaraq Naxçıvan Azərbaycanın iqtisadi inkişafından təcrid olunmuşdu. Düzdür, müxtəlif ölkələr vasitəsilə əlaqələr mövcud idi, amma bu bir sıra problemlər yaradırdı. Ona görə də hesab edirəm ki, Naxçıvanla əlaqələrin dəhlizlə vasitəsilə reallaşdırılması olduqca mühim məsələdir. Bu regional inkişafın daha dayanıqlı şəkildə formalaşmasına şərait yaradacaq. Artıq ölkədə və bölgədə yeni proseslərin şahidi olacağıq. Son razılaşma ötən yüz il ərzində ən strateji, sistemli və ən  əsası kompleks bir razışlaşma kimi dəyərləndirilməlidir”.

Qeyd edək ki, Rusiya, Azərbaycan və Ermənistanın Dağlıq Qarabağın inkişafına dair işçi qrupu yanvarın 30-dək ilk iclasını keçirəcək. Bu barədə üç ölkə liderinin Kremldə aparılan birgə danışıqlarının yekununa həsr olunmuş bəyanatında deyilir.

Elşad Məmmədovun geniş şərhinə audiofaylda qulaq asa bilərsiniz

18
Qulam Mustafa Xan, arxiv şəkli

"Hind kinosunun kadrarxası səsi" vəfat edib

0
(Yenilənib 18:00 18.01.2021)
Şimali Hindistanın məşhur mahnılarını səsləndirən Qulam Mustafa Xana "Ustad" titulu verilib. Klassik hind musiqiqinin ustad sənətkarı sayılan Qulam Mustafa Xan, yaradıcılığı boyu çox sayda ordenlə təltif edilib.

BAKI, 18 yanvar — Sputnik. Klassik hind musiqisinin görkəmli nümayəndəsi Qulam Mustafa Xan vəfat edib.

Sputnik Azərbaycan xarici mediaya istinadən xəbər verir ki, 89 yaşlı Qulam Mustafa Xan ötən gün Mumbayda dünyasını dəyişib.

Qulam Mustafa Xan sənətkarlar ailəsində dünyaya gəlib. Onun ailə üzvləri musiqiçilərdən ibarət olub. Şimali Hindistanın məşhur mahnılarını səsləndirən Qulam Mustafa Xana "Ustad" titulu verilib. Klassik hind musiqiqinin ustad sənətkarı sayılan Qulam Mustafa Xan, yaradıcılığı boyu çox sayda ordenlə təltif edilib.

Qulam Mustafa Xanı Hind kinosunun kadrarxası səsi adlandırıblar. Belə ki, sevərək tamaşa etdiyimiz hind filmlərinin əksəriyyətində onun məlahətli səsi eşidilir.

Qeyd edək ki, 2019-cu ildə insult keçirən sənətkarın bədəninin bir hissəsi iflic olub. Mərhum Qulam Mustafa Xanın martın 3-də 90 yaşı tamam olacaqdı.

0