Qadın qəpikləri sayır

Dövlət xərcləri azaldır

56
(Yenilənib 11:49 03.09.2020)
Gəlirlərin 57,3 faizi və ya 13 950,0 milyon manatı neft sektorunun, 42,7 faizi və ya 10 377,0 milyon manatı qeyri-neft sektorunun payına düşür

BAKI, 3 sentyabr — Sputnik. 2021-ci ildə dövlət büdcəsinin gəlirləri 24327,0 mln. manat məbləğində proqnozlaşdırılır. Sputnik Azərbaycan bu barədə Maliyyə Nazirliyinə istinadən xəbər verir.

Sənədlərə əsasən, bu, 2020-ci ilin proqnozu ilə müqayisədə 0,8% çoxdur.

Gəlirlərin 57,3 faizi və ya 13 950,0 milyon manatı neft sektorunun, 42,7 faizi və ya 10 377,0 milyon manatı qeyri-neft sektorunun payına düşür.

Neft sektoru üzrə büdcə gəlirlərinin 87,5 faizini və ya 12 200 milyon manatını Azərbaycan Respublikasının Dövlət Neft Fondundan transfert, 12,5 faizini və ya 1750,0 milyon manatını vergi orqanlarının xətti ilə neft sektorundan daxilolmalar təşkil edir.

2021-ci il üçün icmal və dövlət büdcəsinin gəlirləri hesablanarkən neftin bir barelinin qiyməti daha mühafizəkar yanaşma əsasında 35 ABŞ dollarına bərabər götürülüb.

2021-ci ildə dövlət büdcəsinin xərcləri 25 847,5 mln. manat məbləğində proqnozlaşdırılır. Bu isə bu ilin proqnozuna nisbətən 6% azdır. Xərclərin 18106,6 milyon manat və ya 70,1 faizini cari xərclər, 5 389,1 milyon manat və ya 20,8 faizini əsaslı xərclər, 2 351,8 milyon manat və ya 9,1 faizini dövlət borcuna və öhdəliklərinə xidmətlə bağlı xərclər təşkil edir.

56
Əlaqədar
Gələn il manatın məzənnəsinin necə olacağı açıqlanıb
Dövlət Neft Fondunun 2020-ci il büdcəsinin gəlirləri azaldılıb
Büdcəmizin gəlirləri, xərcləri və kəsri Rəqəmlərdə
Gömrük Komitəsi "aliexpress"dən alış-veriş edənlərin suallarına aydınlıq gətirdi
Kommunal xidmətlərin qiymətində endirim olacaqmı?
Maskada qadın, arxiv şəkli

"İşıqlar sönənə qədər işləyirik" - iri ticarət mərkəzində karantin oyunu

12
(Yenilənib 15:28 18.09.2020)
"İri ticarət mərkəzlərinin fəaliyyətinə elə bu səbəbdən icazə verilmir ki, yoluxma artmasın. Əgər bu gün hansısa iri ticarət mərkəzi bu tələbə əməl etməyib işə başlayıbsa, təbii ki, bu düzgün deyil"

Zülfiyyə Quluyeva, Sputnik Azərbaycan

BAKI, 18 sentyabr — Sputnik. Ölkəmizdə koronavirus pandemiyası dövründə iri ticarət mərkəzlərinin fəaliyyəti qadağan olunsa da, son günlər mediada "Binə" və "Sədərək" ticarət mərkəzlərinin gizli fəaliyyətinə dair görüntülər yayılıb. Həmin görüntülərdən bəlli olur ki, bu ticarət mərkəzləri qanunsuz olsa da, fəaliyyət göstərirlər. Hətta sözügedən ticarət mərkəzlərində sərbəst alış-veriş gedir.

Sputnik Azərbaycan koronavirus pandemiyası dövründə iri ticarət mərkəzlərinin fəaliyyətinin yoluxma sayına təsirini araşdırıb.

Səhiyyə Nazirliyinin baş infeksionisti Cəlal İsayev Sputnik Azərbaycan-a açıqlamasında bildirib ki, iri ticarət mərkəzlərinin fəaliyyətinin qadağan olunduğu dövrdə gizli fəaliyyət göstərməsi yolverilməzdir: "Bu qərar boş-boşuna verilməyib. İri ticarət mərkəzləri yoluxma riskinin ən çox olduğu yerlərdir. Bəzən deyirlər ki, restoranlara icazə verilibsə, iri ticarət mərkəzləri də işləməlidir. Bu yanaşma düzgün deyil. Restoranda 20 nəfər olur, iri ticarət mərkəzində isə yüzlərlə adam.

Kimin boş vaxtı varsa, ehtiyac oldu-olmadı üz tutur ticarət mərkəzinə. Bizim xalqımızın belə xüsusiyyəti var ki, iri ticarət mərkəzinə gedir ki, bəlkə, nəsə xoşuna gələn bir şey oldu, aldı. Bu isə koronavirusa yoluxmaya çox ciddi təsir edir. İri ticarət mərkəzlərinin fəaliyyətinə elə bu səbəbdən icazə verilmir ki, yoluxma artmasın.

Əgər bu gün hansısa iri ticarət mərkəzi bu tələbə əməl etməyib işə başlayıbsa, təbii ki, bu, düzgün deyil. Çünki orada insanların gigiyenik tələblərə əməl edib-etmədiklərini bilmirik. Əgər belə hal varsa, mütləq maska taxmalıdırlar. Sosial məsafə qorunmalıdır".

"Binə" Ticarət Mərkəzindən isə Sputnik Azərbaycan-a bildirdilər ki, burada mağazalar onlayn işləyir:" "Binə" Ticarət Mərkəzində mağazalar onlayn fəaliyyət göstərir. Hər mağazada bir nəfər onlayn satış sifarişlərini göndərmək üçün işə gəlir. "Binə" Ticarət Mərkəzi alıcılar üçün açıq deyil".

Amma "Binə" Ticarət Mərkəzində fəaliyyət göstərən mağazalardan bunun əksini bildirdilər.

"Binə" TM, sıra 7 a, korpus 4-də fəaliyyət göstərən "Lome-kids" mağaza 70-dən bizə bildirdilər ki, Ticarət Mərkəzi günorta saat 15:00-a kimi fəaliyyət göstərir: "Saat 15:00-dan sonra "Binə"də işıqlar söndürülür. Ona görə də həmin vaxta qədər fəaliyyət göstəririk".

Bu ticarət mərkəzindəki daha bir mağazadan - "Baqqozza" mağazasından da fəaliyyət göstərdiklərini söylədilər: "Əgər gəlmək istəyirsinizsə, saat 15:00-a qədər gəlin. Bizdən olsa, mağazanı axşama qədər açıq saxlayarıq. Amma saat 15:00-dan sonra işıqları söndürürlər. Qapıda soruşsalar, deyin, topdan mal almaq üçün gəlirsiniz. Amma maska taxın".

"Binə" Ticarət Mərkəzi sıra 5.3.11 ünvanında fəaliyyət göstərən "Azura butik"dən də mağazanın müştərilərin üzünə açıq olduğunu söylədilər. Bildirdilər ki, mağaza saat 15:00-a qədər açıqdır.

"Sədərək" Ticarət Mərkəzindən isə heç bir mağazanın işləmədiyi, ümumiyyətlə müştərilərin qəbul edilmədiyini söylədilər. Bu ticarət mərkəzində mebel satışı mağazasından da bildirdilər ki, ticarət mərkəzinə müştərilər buraxılmırlar: ""Sədərək" Ticarət Mərkəzinə müştərilər buraxılmırlar. ""Binə" işləsə də, bizə müştəri qəbul etməyə icazə vermirlər. Çünki "Sədərək" Ticarət Mərkəzinin sahibi başqa adamdır, "Binə" Ticarət Mərkəzininki başqa.

Amma məişət malları mağazasından Sputnik Azərbaycan-a bildirdilər ki, mağaza fəaliyyət göstərir:

"Buyurub gəlin, ticarət mərkəzinə yalnız avtomobillər buraxılmır. Maşınsız gələ bilərsiniz. Aldığınız malı bizim avtomobillə çıxardıb ünvana çatdıracağıq. Yaxşı, məsləhətli paltaryuyan maşınlarımız var. Münasib qiymətə də verərik".

Qeyd edək ki, Nazirlər Kabinetinin ölkədə tətbiq edilən karantin rejiminin qaydalarına dair Qərarına əlavə olaraq sərtləşdirilmiş xüsusi karantin rejimində Bakı, Sumqayıt şəhərlərinin və Abşeron rayonunun ərazisində iri ticarət mərkəzlərinin fəaliyyətinin dayandırılması qüvvədə saxlanılıb.

Bu gün isə məlum olub ki, "Sədərək" Ticarət Mərkəzi bazar ərazisində qanunsuz fəaliyyət göstərən sahibkarlarla bağlı xüsusi komissiya yaradılıb, üstəlik TM-in işıqları söndürülüb.

Dörd rayonun alış-veriş etdiyi bazar üç günlük bağlandı>>

Bu barədə Trend-ə açıqlamasında "Sədərək" TM İdarə Heyətinin müşaviri Mikayıl Qədimov deyib. Müşavir bildirib ki, hazırda ticarət mərkəzinin bütün giriş-çıxışları nəzarətə götürülüb: "Bu barədə ticarət mərkəzinin rəhbərliyi xüsusi qərar qəbul edib. Bazar ərazisində olan bütün mağaza və digər obyektlərə nəzarət gücləndirilib. Komissiya üzvləri mütəmadi olaraq bazarın ticarət aparılan ərazilərinə cəlb ediliblər. Bazardakı bütün alış-veriş mağazaları yoxlanılır. Ticarət üçün açıq olan obyektlər dərhal qapadılacaq və sahibkar barədə ciddi ölçü götürüləcək. Hazırda ticarət mərkəzində yalnız ofislərin fəaliyyətinə icazə verilib".

M.Qədimov bildirib ki, həmçinin bazarın alış-veriş mağazalarına elektrik enerjisinin verilişi də dayandırılıb:

"Bütün mağazalara elektrik enerjisinin verilişini dayandırmışıq. Hazırda heç bir alış-veriş mağazasında elektrik enerjisi yoxdur. Sahibkarlar yalnız onlayn alış-verişə görə obyektə daxil ola bilərlər. Həmin şəxslərə də müvafiq vaxt təyin edilir ki, onlayın sifarişlərini götürmək üçün mağazalarına daxil olub mallarını götürüb ərazini tərk etsinlər. Sahibkarlardan başqa nə satıcılar, nə də müştərilər girişdən buraxılmırlar. Giriş-çıxışlara müşahidə kameraları ilə nəzarət edilir. Əgər hər hansısa fakt aşkarlanarsa, cavabdeh şəxslər dərhal cəzalandırılacaqlar".

Ticarət mərkəzində yoxlamaların aparılması ilə bağlı yayılan məlumatlara gəlincə isə M. Qədimov bildirib ki, bu barədə məlumatlar həqiqəti əks etdirmir: "Ticarət Mərkəzində heç bir yoxlamalar aparılmır. Mərkəz və onun rəhbərliyi barədə yayılan məlumatlar həqiqəti əks etdirmir. Hazırda ticarət mərkəzində Nazirlər Kabineti yanında Operativ Qərargahın qəbul etdiyi qərar və tövsiyələrə uyğun olaraq dezinfeksiya işləri davam etdirilir, mərkəz fəaliyyətini bərpa etməsi üçün hazır vəziyyətə gətirilir".

12
Teqlər:
komissiya, elektrik enerjisi, , mağaza, qadağa, Sədərək Ticarət Mərkəzi, Binə Ticarət Mərkəzi, ticarət mərkəzi
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Azərbaycanda ən çox koronavirus aşkarlanan ərazi açıqlandı
Absurd qərarın söndürdüyü "yaşıl işıq" yandı, bəs adamları hotellərdən niyə çəkindirirlər?
Endirimlərlə bağlı reklamlar alıcıları çaşdırır
Pandemiyanın gətirdiyi daha bir bəla: Ərzaq bahalaşır
Saxta nişanlama: Onu edənlər də, belə malları alıb-satanlar da həbs ediləcək
Qoz və fındıq

Vacib ixracat məhsulu üzrə milli standartların yaradılması təklif edilir

4
(Yenilənib 14:46 18.09.2020)
Ölkədə fındıqçılığın daha da inkişafı üçün təkliflərin qısa müddət ərzində sistemləşdirilərək nazirliyə təqdim olunması qərara alınıb

BAKI, 18 sentyabr — Sputnik. Fındıq məhsulları üzrə milli standartların yaradılması, subsidiyaların emal müəssisələri tərəfindən alış aktları əsasında verilməsi, emal müəssisələri ilə fermerlər arasında "müqavilə əsaslı istehsal" razılaşmalarının imzalanması təklif edilir.

Sputnik Azərbaycan xəbər verir ki, bu təkliflər Kənd Təsərrüfatı Nazirliyində fındıq istehsalı və ixracı ilə məşğul olan fiziki və hüquqi şəxslərlə keçirilən onlayn videokonfransda səsləndirilib.

Kənd Təsərrüfatı naziri İnam Kərimov bildirib ki, dövlət başçısı ölkədə ərzaq təhlükəsizliyinin təmin olunması ilə bağlı tədbirlər müəyyənləşdirib: "Kənd Təsərrüfatı Nazirliyi qarşıya qoyulmuş vəzifələrin icrası məqsədilə aqrar sahənin müxtəlif istiqamətləri üzrə çalışan assosiasiyalar, emal müəssisələri və fermerlərlə mütəmadi görüşlər keçirir. Görüşlərin məqsədi bu sahələrdə mövcud durumu dəyərləndirmək, fermerlərin üzləşdikləri çətinlikləri müzakirə edərək həllinə nail olmaqdır". Fındıqçılığın aqrar sektorda xüsusi yeri olduğunu deyən nazir fındıq məhsullarının ixracatda mühüm rol oynadığını xatırladıb, dövlətin subsidiya mexanizmi vasitəsilə bu sahənin inkişafına dəstək verdiyini bildirib.

İştirakçılar fındığın yaş formada erkən yığımının məhsuldarlığa mənfi təsir etdiyini bildirib, bununla bağlı fermerlər arasında maarifləndirmə işlərinin aparılmasının vacibliyini vurğulayıblar.

Yekunda ölkədə fındıqçılığın daha da inkişafı üçün təkliflərin qısa müddət ərzində sistemləşdirilərək nazirliyə təqdim olunması qərara alınıb. Fındıq istehsalı və ixracatı işə məşğul olan fermer və sahibkarlar belə görüşlərin mövcud çətinliklərin aradan qaldırılması istiqamətində mühüm əhəmiyyət kəsb etdiyini vurğulayıblar.

Qeyd edək ki, ölkədə fındıq istehsalı dövlət tərəfindən dəstəklənir. Aqrar Subsidiya Şurasının qərarına əsasən, intensiv fındıq bağlarının hər hektarına görə 400 manat, köhnə bağların hər hektarına görə isə 240 manat subsidiya ödənilir.

Hazırda Azərbaycanda fındıq bağlarının ümumi əkin sahəsi 79,5 min hektardır. Fındıq bağlarının 43,4 min hektarı və ya 54,6%-i bar verən yaşdadır.

Ötən il Azərbaycanda 53,8 min ton fındıq istehsal olunub. 2019-cu ildə Azərbaycandan qabıqlı fındıq ixracı əvvəlki ilə nəzərən 2.2 dəfə, fındıq ləpəsi ixracı isə 20.9% artıb. 2019-cu ildə cəmi fındıq ixracının 97.3%-i fındıq ləpəsinin, 2.7%-i isə qabıqlı fındığın payına düşüb.

4
Teqlər:
standart, milli, aqrar sektor, İnam Kərimov, ixrac, fındıq
Əlaqədar
Fındıq bazarında müəmma - şəkərburanın dadını unutmağa hazırsınız?
Həyəcan təbili - Gələn il iqtisadi göstəricilərimiz ürəkaçan olmayacaq, əgər...
Gündə 25 qramı sizi xoşbəxt edə bilər
Həm bahalı, həm də faydalı məhsul - Onu istehsal etməyə nəyimiz çatmır?
Qara gözlü badam: Adına mahnılar qoşulan nemətimiz niyə unudulur?

Püşk atıldı, Qarabağın rəqibi müəyənləşdi

0
Azərbaycan təmsilçisi "Legiya" (Polşa) / "Drita" (Kosovo) cütünün qalibi ilə üz-üzə gələcək. Pley-off oyunu oktyabrın 1-I baş tutacaq.

Eldar Tanrıverdiyev, Sputnik Azərbaycan

BAKI, 18 sentyabr — Sputnik. Azərbaycan çempionu "Qarabağ"ın UEFA Avropa Liqasının pley-off mərhələsindəki potensial rəqibləri müyyənləşib. Sputnik Azərbaycan xəbər verir ki, Azərbaycan təmsilçisi "Legiya" (Polşa) / "Drita" (Kosovo) cütünün qalibi ilə üz-üzə gələcək. Pley-off oyunu oktyabrın 1-də baş tutacaq. "Qarabağ" oyunu səfərdə keçirəcək.

Xatırladaq ki, Çempionlar Liqasının III təsnifat mərhələsində Azərbaycan təmsilçisi Norveçin "Mölde" klubuna məğlub olub. Qarabağ əsas və əlavə vaxtı heç-heçə bitən oyunda penalty seriyasında 5-6 hesabı ilə uduzub.

Qeyd edək ki, daha əvvəl "Qarabağ" klubu Çempionlar Liqasının daha əvvəl baş tutan mərhələlərində "Sileks" (Şimali Makedoniya) və "Şerif" (Moldova) klublarını mübarizədən kənarlaşdırıb.

0
Əlaqədar
"Qarabağ" adlı milli geyim kolleksiyası dünya brendləri ilə birlikdə
Məşhur Qarabağ kəhrizlərinin suyu yenidən qaynamağa başladı
"Qarabağ"ın Çempionlar Liqasındakı qalmaqallı görüşünün məkanı bəlli oldu
Dağlıq Qarabağ bölgəsinin azərbaycanlı icması bəyanat yaydı: bircə şərtimiz var
"Qarabağ" Avropa Liqasının pley-offuna düşdü