Əldə manat, arxiv şəkli

Əhalinin dollar ajiotajı ilə bağlıdır - İnsanlar niyə narahatdır

2957
(Yenilənib 22:04 31.08.2020)
Ekspert: "Mən insanlara həmişə tövsiyə edirəm ki, son pullarını dollara çevirməsinlər. Çünki sonra onlara gündəlik tələbatlarını ödəmək üçün pul lazım olur və bu zaman da pulları olmur, məcbur qalırlar ki, həmin dolları manata çevirsinlər"

Xalid Məmmədov, Sputnik Azərbaycan

BAKI, 31 avqust — Sputnik. Bu ilin 7 ayında banklar tərəfindən əhaliyə satılan nağd dollar 2 milyon 473 min 290,6 dollar təşkil edib. Bu da ötən ilin müvafiq dövrünə nisbətən 1 milyon 108 min 911,3 dollar və ya 81 faiz çoxdur. Sputnik Azərbaycan bu barədə Mərkəzi Bankın dərc etdiyi statistik bülleteninə istinadən xəbər verir.

Ötən dövrdə banklar tərəfindən əhalidən alınan nağd dollar isə 655 min 743,6 dollar təşkil edib. Bu, keçən ilin müvafiq dövrü ilə müqayisədə 40 faiz azdır.

Beləliklə, bu ilin 7 ayında banklar tərəfindən əhaliyə satılan nağd dollar artıb, əhalidən alınan nağd dolların həcmi isə azalıb. Bəs, banklar tərəfindən əhaliyə satılan nağd dolların artmasının səbəbi nədir və bu davam edə bilərmi?

Bank və maliyyə məsələləri üzrə ekspert Əkrəm Həsənov Sputnik Azərbaycan-a deyib ki, banklar tərəfindən əhaliyə satılan nağd dolların artmasının səbəbi insanlarda devalvasiya gözləntisi ilə bağlıdır: "İnsanlar fikirləşirlər ki, neftin qiymətinin aşağı düşməsi, koronavirus pandemiyası ilə bağlı devalvasiya ola bilər və ona görə də aktivlərini manatdan dollara keçirirlər. Bu, arta bilər. Hələlik insanların bağlanan 4 bankda yerləşdirilən əmanətləri tam qaytarılmayıb. Bunun tez qaytarılmamasının səbəblərindən biri odur ki, insanlar çıxardıqları əmanətləri dərhal dollara çevirməsinlər".

"Dünyada maliyyə sabitliyi bərpa olunmasa, neftin qiyməti sabitləşməsə, bizim əhalinin devalvasiyadan çəkinmə kontekstində dolların alışı arta bilər. Mən insanlara həmişə tövsiyə edirəm ki, son pullarını dollara çevirməsinlər. Çünki sonra onlara gündəlik tələbatlarını ödəmək üçün pul lazım olur və bu zaman da pulları olmur, məcbur qalırlar ki, həmin dolları manata çevirsinlər", - deyə o qeyd edib.

Ekspert bildirib ki, qanunvericiliyə görə, kim nə qədər dollar istəyir, ala bilər: "Amma indi belə söhbətlər gəzir ki, guya 20 minlik hansısa limit müəyyən edilib və o limiti aşan insanları banklar sorğu-suala tutmağa başlayır. Halbuki 1993-cü ildə qəbul edilmiş "Varidata təminat verilməsi haqqında" Konstitusiya Qanunu var və orada yazılıb ki, hər kəs əmlakını, o cümlədən valyutasını heç kəsə izahat vermədən istifadə edə bilər. Həmçinin deyilənə görə, şəxs bankdan dollar alan zaman pulun mənbəyini göstərə bilmirsə, onun vəsaiti vergiyə cəlb edilir. Əgər şəxs bu vəsaitin əvvəlki illərin, ayların gəliri olduğunu və buna görə artıq vergi verdiyini də göstərsə, bu zaman həmin vəsait vergiyə cəlb edilmir".

"İqtisadiyyat üçün dollarlaşma yaxşı hal deyil. İlk olaraq milli valyutamızın dövriyyəsinə, statusuna ziyandır. İnsanlar dolları alıb evdə saxlayırlarsa, istifadə etmirlərsə, bu da iqtisadiyyat üçün mənfi haldır", - deyə o əlavə edib.

2957
Neft, arxiv şəkli

Dünyada neftin qiymətləri ucuzlaşır

7
(Yenilənib 14:37 26.09.2020)
"Brent" markalı neftin qiyməti 0,02 dollar geriləyərək 41,92 dollar, "Light" markalı neftin qiyməti isə 0,06 dollar ucuzlaşaraq 40,25 dollar olub.

BAKI, 26 sentyabr — Sputnik. Azərbaycan neftinin qiyməti cüzi bahalaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 0,23 dollar artaraq 41,76 dollar təşkil edib.

"Brent" markalı neftin qiyməti 0,02 dollar geriləyərək 41,92 dollar, "Light" markalı neftin qiyməti isə 0,06 dollar ucuzlaşaraq 40,25 dollar olub.

Qeyd edək ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

7
Bakıda taksi dayanacağı, arxiv şəkli

Taksi qiymətləri həftəsonu ralli sürətilə qalxır, "günahkar" da bazarmış

690
(Yenilənib 00:33 26.09.2020)
Həftəarası 3 kilometr 1 manat 60 qəpikdən hesablanırsa, həftəsonları 1 manat 60 qəpik vurulur 1,5-ə. Beləcə həftəsonları 3 kilometrə qiymət 2 manat 40 qəpik olur

Zülfiyyə Quluyeva, Sputnik Azərbaycan

BAKI, 26 sentyabr — Sputnik. Həftəsonları ictimai nəqliyyatın fəaliyyətinin dayandırılması taksilərdə qiymət artımı ilə müşahidə olunur. Sərnişinlər həftənin şənbə və bazar günlərində taksilərin qiymətində əhəmiyyətli dərəcədə qiymət fərqi olduğunu söyləyirlər.

Sərnişin Fəxriyyə Kazımova Sputnik Azərbaycan-a bildirib ki, hər gün 20 Yanvar dairəsindən "Binə" Ticarət Mərkəzinə taksilər bir nəfəri iki manata apardıqları halda həftəsonu bir sərnişin üçün 4 manat tələb edirlər. Sərnişinlər deyirlər ki, həftəsonları "20 Yanvar" metrosu-Xırdalan istiqamətində sərnişin daşıyan 1 manatlıq taksilər isə qiyməti gündüz 2, axşam saatlarında 3 manata qaldırır: "Taksi şirkətlərinə həftəsonları, demək olar ki, düşmək olmur. Hansı istiqamətə taksi sifarişi versək, o istiqamətdə taksi olmadığını söyləyirlər. Bu zaman çarəsiz qalıb yol kənarlarında öz fərdi avtomobilləri ilə taksi xidməti göstərənlərə müraciət edirik. Onlar isə hər gün 5 manata getdikləri yola 15 manat qiymət deyirlər".

Sərnişinlər həftəsonu ictimai nəqliyyatın fəaliyyətinə qoyulan məhdudiyyətin taksilərdə iki-üç dəfə qiymət artımına səbəb olduğundan gileylənirlər.

Nəqliyyat məsələləri üzrə ekspert Tural Yusifov Sputnik Azərbaycan-a açıqlamasında bildirib ki, həftəsonu taksilərdə qiymət artımı təbii baş verir:

"Bu tam normal qiymət artımıdır. Bazarda qiymət tələb-təklif əsasında müəyyənləşir. Həftəsonları taksiyə daha çox tələb var. Tələb və təklif əsasında da qiymət bahalaşır. Hava soyuyanda taksiyə tələbat artdığı kimi ona adekvat olaraq qiymət artır. Həftəsonlarında da eyni proses baş verir. Bu, qiymət artımı deyil. Tələb və təklifin müəyyən etdiyi qiymətdir".

T.Yusifov deyir ki, adi günlərdə taksilər bir kilometri 30 qəpiyə sərnişin daşıyırsa, həftə sonu qiyməti 50 qəpiyə qaldırırlar: "Həmçinin qısa məsafələrə sərnişin aparmaqdan imtina edirlər. Onsuz da taksi sürücüləri çarəsizlikdən qısa məsafəyə sərnişin daşıyırlar. Həftəsonu heç bir ictimai nəqliyyat növü işləmədiyindən qısa məsafələrə çağırışlardan imtina edirlər. Bir sözlə, şənbə və bazar günlərində taksinin üzərinə yük düşdüyü üçün bahalaşır".

Ekspert bildirir ki, taksinin sayı tələbə uyğundur: "Həftəsonu taksilərdə qiymət artımını taksi çatışmazlığı ilə bağlamaq düzgün deyil. Düzdür, Azərbaycanda taksilərin çoxu tələblərə cavab vermir. Çünki avtomobillərin 70 faizi köhnədir. Yəni bu gün istismara yararsız avtomobillər olduğu üçün taksilər də köhnədir. Amma taksi sayı kifayət qədərdir".

T.Yusifov bildirir ki, həftəsonu operatorlarla işləyən taksilərdə qiymət artımının baş verməsi də mümkündür: "Bu gün Azərbaycanda özünün taksi parkı olan taksi şirkətləri azdır. Taksi sifarişləri qəbul edən operatorlar var. Onlar da faizlə işlədiklərindən öz mənfəətləri üçün həftəsonu tələbə uyğun olaraq qiymətlərdə dəyişiklik edirlər".

Taksi sürücüləri isə həftəsonu qiymət artımının operatorlar tərəfindən edildiyini söyləyirlər. Taksi sürücü Dilqəm Süleymanov Sputnik Azərbaycan-a açıqlamasında həftəsonları taksi xidmətində qiymət artımının olduğunu təsdiqlədi. O bildirdi ki, həftəarası 3 kilometr 1 manat 60 qəpikdən hesablanırsa, həftəsonları 1 manat 60 qəpik vurulur 1,5-ə. Beləcə həftəsonları 3 kilometrə qiymət 2 manat 40 qəpik olur.

Sürücü deyir ki, həftəsonu operatorlara qoşulan taksilərin sayı da az olur. Bu isə istər-istəməz qiymətə öz təsirini göstərir.

Qeyd edək ki, artıq iki aya yaxındır ki, şənbə və bazar günləri ictimai nəqliyyatın fəaliyyətinin dayandırılması piyadaların taksilərdən istifadəsini zəruri edib. Bu isə taksi xidməti göstərən şirkətlərə qiymətləri artırmaq üçün əlverişili fürsətə çevrilib. Ölkəmizdə taksilərin qiymətini bazar tənzimlədiyindən heç bir qurum taksilərdə qiymət artımına müdaxilə etmir. Azərbaycanda taksilərdə vahid qiymət tənzimlənməsi həyata keçirilmir.

690
Əlaqədar
Taksi sürücüləri üçün etik qaydalarda dəyişiklik edildi
Taksidə doğulan uşağın hekayəsi: "Üzümü çevirəndə o, artıq oturacağın üstündə idi"
"Taksi məsələsi"nə yenidən baxılacaq: Hikmət Babayev barəsində inzibati tədbir görülüb
Yeni konsepsiya bizi mənzil başına çatdırmayacaq...
Bakıya ağıllı taksi gətirildi - FOTO
Qadın yatır, arxiv şəkli

Yatmaq üçün necə yataq seçmək lazımdır?

0
(Yenilənib 20:13 26.09.2020)
Ancaq yatmaq üçün ən yumşaq yatağı da seçmək olmaz. Bu, onurğa əyriliyinə səbəb ola bilər. Bir neçə hissədən ibarət divanda yatmaq da sağlamlıq üçün təhlükəlidir.

BAKI, 26 sentyabr — Sputnik. Bəziləri sərt yerdə yatmağın faydalı olduğunu hesab edir. Sputnik Azərbaycan xarici mətbuata istinadla xəbər verir ki, sərt yerlərdə yalnız ciddi onurğa xəsarətlərindən sonra və həkimin tövsiyəsi ilə yatmaq məsləhət görülür.

Bu barədə danışan həkim Stanislav Unmut bildirib ki, sərt yataq osteoxondroz və spondiloz xəstələri üçün təhlükəlidir.

Ancaq yatmaq üçün ən yumşaq yatağı da seçmək olmaz. Bu, onurğa əyriliyinə səbəb ola bilər. Bir neçə hissədən ibarət divanda yatmaq da sağlamlıq üçün təhlükəlidir.

Mütəxəssisin fikrincə, onurğa xəstəlikləri olan insanlar və bu cür xəstəliklərdən əziyyət çəkməyənlər üçün ən yaxşı seçim yarı sərt ortopedik döşəkdir: "Almazdan əvvəl bir neçə dəqiqə üstündə uzanın. Hər zaman müstəqil yayları olan döşək seçin. Bu, döşəyin bədənin hər hərəkətinə uyğunlaşmasına kömək edəcək".

0