Bank işçiləri, arxiv şəkli

Bu necə bir qanundur: alana cəza var, verənə - yox?

217
(Yenilənib 01:35 31.08.2020)
"Cinayət Məcəlləsində bank rəhbərləri, bank sahibləri üçün, hətta qanunsuz kreditlərin verilməsinə görə də cəzalar nəzərdə tutulmalıdır. Məsələn, bu gün Cinayət Məcəlləsində qanunsuz kredit almağa görə cəza var, amma qanunsuz kredit verməyə görə cəza yoxdur".

Xalid Məmmədov, Sputnik Azərbaycan

BAKI, 31 avqust — Sputnik. Bu yaxınlarda Mərkəzi Bankın sədri Elman Rüstəmov Cinayət Məcəlləsinə maliyyə xidmətləri istehlakçılarını aldatmaq hallarına qarşı daha konkret cəzaların və müddəaların daxil edilməsini təklif edib.

Sputnik Azərbaycan xəbər verir ki, Mərkəzi Bankın sədri deyib: "Cinayət Məcəlləsində dələduzluq, aldatma, vəzifə səlahiyyətlərindən sui-istifadə etmə və saxtakarlıq üzrə kifayət qədər maddələr var. Bu maddələri bir daha konkretləşdirmək lazımdır. O cümlədən də maliyyə xidmətləri istehlakçılarına yalan məlumat vermək, onları aldatmaq hallarına qarşı daha konkret cəzalar və müddəalar daxil edilməlidir. Biz həm bank ictimaiyyəti, həm də aidiyyəti qurumlarla məsləhətləşmələr aparacağıq. Məsləhətləşmələrdən sonra belə bir təşəbbüslə çıxış etmək fikrimiz var. Əhalinin, biznesin mənafeləri, istənilən maliyyə xidməti istehlakçılarının maliyyə hüquqları tam qanunvericilik və requlyativ nəzarət çərçivəsində qorunmalıdır".

Qeyd edək ki, 4 bankın lisenziyalarının geri alındığı və ləğvetmə prosesi dövründə Mərkəzi Bank və Əmanətlərin Sığortalanması Fondu banklar tərəfindən əmanətlərin qəbulu zamanı pozuntulara və nöqsanlara yol verdiklərini aşkar etmişlər. Nəticədə bağlanan banklarda əmanət qoyan bir sıra şəxslərin əmanətlərini geri almasında problem yaşanıb. Çünki araşdırma aparılana qədər o vaxt götürülən qanunsuz əmanətlər müvəqqəti bloklanıb. Konstitusiya Məhkəməsinin qərarına əsasən, bağlanan 4 bankda təshih tədbirlərinin tətbiqindən sonra qəbul edilmiş, həcmi artırılmış və şərtləri dəyişdirilmiş əmanətlər qorunan əmanət hesab edilib. Və avqustun 14-dən etibarən bu əmanətlərin qaytarılmasına başlanılıb.

Bank və maliyyə məsələləri üzrə ekspert Əkrəm Həsənov Sputnik Azərbaycan-a açıqlamasında E.Rüstəmovun təklifini müsbət qiymətləndirib: "Bu təklifə görə, əgər Mərkəzi Bank hansısa banka müəyyən qadağa qoyursa və həmin bank qadağanı bilərəkdən pozursa, o bankın rəhbərliyi cəzalanmalıdır. Yəni bu gün o qadağanı bilərəkdən pozan bank rəhbərləri yalnız inzibati xəta törətmiş sayılırlar. İnzibati Xətalar Məcəlləsinə görə də həmin bankın rəhbərliyi cəmi 3 min manat cərimələnir. İndi Mərkəzi Bankın sədri deyir ki, bununla bağlı Cinayət Məcəlləsində də maddə öz əksini tapsın və belə bankirlərə qarşı daha ağır cəza verilsin. Düşünürəm ki, müsbət təklifdir və lazımlıdır".

Bir iş, iki əməl: Bank bağlanıb, vəsait ayrılıb, amma nə o tərəf razıdır, nə bu tərəf>>

Ekspert bildirib ki, ümumiyyətlə, Cinayət Məcəlləsində bank rəhbərləri, bank sahibləri üçün, hətta qanunsuz kreditlərin verilməsinə görə də cəzalar nəzərdə tutulmalıdır: "Məsələn, bu gün Cinayət Məcəlləsində qanunsuz kredit almağa görə cəza var, amma qanunsuz kredit verməyə görə cəza yoxdur. Əgər şəxs bankı aldadıb kredit götürürsə, həmin şəxs cəzalanır. Lakin bank şəxsə bilərəkdən qanunsuz kredit verirsə, buna görə bankirlərə cəza yoxdur".

"Bu baxımdan mən də hesab edirəm ki, Cinayət Məcəlləsində cəzalar olmalıdır. Amma eyni zamanda bu cəzalar Mərkəzi Bankın da vəzifəli şəxslərini əhatə etməlidir. Konstitusiya Məhkəməsinin son qərarında da öz əksini tapıb ki, Mərkəzi Bank banklara qadağa qoymaqla yanaşı, həm də buna nəzarət etməlidir", - deyə ekspert əlavə edib.

Qeyd edək ki, Mərkəzi Bankın sədri Elman Rüstəmov onu da bildirib ki, banklarda audit məsələlərinin gücləndirilməsinə diqqət ediləcək: "Bankların daxili nəzarət sistemlərini, daxili və xarici audit məsələlərini gücləndirmək istəyirik, çoxtərəfli yaxşı koordinasiya olunmuş nəzarət sistemi qoyulacaq. Mərkəzi Bankın bu məsələlərə diqqəti artıb. Bundan sonra da bu məsələləri operativ izləyəcəyik. Maliyyə vəziyyətində problem olan banklarda bu, tez-tez baş verə bilər, xüsusi olaraq, risk qruplarını müəyyənləşdirəcəyik ki, bunlar kimlərdir?"

217
Əlaqədar
Ölkələrə biznesini aparmalarında yardımçı olan hesabatı dayandırdılar: pozuntular varmış
"Ağlınız başqa kreditlərə getməsin" - Yeni qərar olmasa, bəziləri evsiz qala bilərlər
Bir manatın da ardınca qaçacaqsan - fırıldaqçılar qara əməllərinə dövləti bulaşdırırlar
Türkiyədəki vəziyyət Azərbaycanın xeyrinədir - Qazanan bizik
Avronun "bəyliyi" nə vaxta qədərdir? - "Onlar prosesi tam idarə edə bilmirlər"
Neft, arxiv şəkli

Dünyada neftin qiymətləri ucuzlaşır

5
(Yenilənib 14:37 26.09.2020)
"Brent" markalı neftin qiyməti 0,02 dollar geriləyərək 41,92 dollar, "Light" markalı neftin qiyməti isə 0,06 dollar ucuzlaşaraq 40,25 dollar olub.

BAKI, 26 sentyabr — Sputnik. Azərbaycan neftinin qiyməti cüzi bahalaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 0,23 dollar artaraq 41,76 dollar təşkil edib.

"Brent" markalı neftin qiyməti 0,02 dollar geriləyərək 41,92 dollar, "Light" markalı neftin qiyməti isə 0,06 dollar ucuzlaşaraq 40,25 dollar olub.

Qeyd edək ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

5
Bakıda taksi dayanacağı, arxiv şəkli

Taksi qiymətləri həftəsonu ralli sürətilə qalxır, "günahkar" da bazarmış

682
(Yenilənib 00:33 26.09.2020)
Həftəarası 3 kilometr 1 manat 60 qəpikdən hesablanırsa, həftəsonları 1 manat 60 qəpik vurulur 1,5-ə. Beləcə həftəsonları 3 kilometrə qiymət 2 manat 40 qəpik olur

Zülfiyyə Quluyeva, Sputnik Azərbaycan

BAKI, 26 sentyabr — Sputnik. Həftəsonları ictimai nəqliyyatın fəaliyyətinin dayandırılması taksilərdə qiymət artımı ilə müşahidə olunur. Sərnişinlər həftənin şənbə və bazar günlərində taksilərin qiymətində əhəmiyyətli dərəcədə qiymət fərqi olduğunu söyləyirlər.

Sərnişin Fəxriyyə Kazımova Sputnik Azərbaycan-a bildirib ki, hər gün 20 Yanvar dairəsindən "Binə" Ticarət Mərkəzinə taksilər bir nəfəri iki manata apardıqları halda həftəsonu bir sərnişin üçün 4 manat tələb edirlər. Sərnişinlər deyirlər ki, həftəsonları "20 Yanvar" metrosu-Xırdalan istiqamətində sərnişin daşıyan 1 manatlıq taksilər isə qiyməti gündüz 2, axşam saatlarında 3 manata qaldırır: "Taksi şirkətlərinə həftəsonları, demək olar ki, düşmək olmur. Hansı istiqamətə taksi sifarişi versək, o istiqamətdə taksi olmadığını söyləyirlər. Bu zaman çarəsiz qalıb yol kənarlarında öz fərdi avtomobilləri ilə taksi xidməti göstərənlərə müraciət edirik. Onlar isə hər gün 5 manata getdikləri yola 15 manat qiymət deyirlər".

Sərnişinlər həftəsonu ictimai nəqliyyatın fəaliyyətinə qoyulan məhdudiyyətin taksilərdə iki-üç dəfə qiymət artımına səbəb olduğundan gileylənirlər.

Nəqliyyat məsələləri üzrə ekspert Tural Yusifov Sputnik Azərbaycan-a açıqlamasında bildirib ki, həftəsonu taksilərdə qiymət artımı təbii baş verir:

"Bu tam normal qiymət artımıdır. Bazarda qiymət tələb-təklif əsasında müəyyənləşir. Həftəsonları taksiyə daha çox tələb var. Tələb və təklif əsasında da qiymət bahalaşır. Hava soyuyanda taksiyə tələbat artdığı kimi ona adekvat olaraq qiymət artır. Həftəsonlarında da eyni proses baş verir. Bu, qiymət artımı deyil. Tələb və təklifin müəyyən etdiyi qiymətdir".

T.Yusifov deyir ki, adi günlərdə taksilər bir kilometri 30 qəpiyə sərnişin daşıyırsa, həftə sonu qiyməti 50 qəpiyə qaldırırlar: "Həmçinin qısa məsafələrə sərnişin aparmaqdan imtina edirlər. Onsuz da taksi sürücüləri çarəsizlikdən qısa məsafəyə sərnişin daşıyırlar. Həftəsonu heç bir ictimai nəqliyyat növü işləmədiyindən qısa məsafələrə çağırışlardan imtina edirlər. Bir sözlə, şənbə və bazar günlərində taksinin üzərinə yük düşdüyü üçün bahalaşır".

Ekspert bildirir ki, taksinin sayı tələbə uyğundur: "Həftəsonu taksilərdə qiymət artımını taksi çatışmazlığı ilə bağlamaq düzgün deyil. Düzdür, Azərbaycanda taksilərin çoxu tələblərə cavab vermir. Çünki avtomobillərin 70 faizi köhnədir. Yəni bu gün istismara yararsız avtomobillər olduğu üçün taksilər də köhnədir. Amma taksi sayı kifayət qədərdir".

T.Yusifov bildirir ki, həftəsonu operatorlarla işləyən taksilərdə qiymət artımının baş verməsi də mümkündür: "Bu gün Azərbaycanda özünün taksi parkı olan taksi şirkətləri azdır. Taksi sifarişləri qəbul edən operatorlar var. Onlar da faizlə işlədiklərindən öz mənfəətləri üçün həftəsonu tələbə uyğun olaraq qiymətlərdə dəyişiklik edirlər".

Taksi sürücüləri isə həftəsonu qiymət artımının operatorlar tərəfindən edildiyini söyləyirlər. Taksi sürücü Dilqəm Süleymanov Sputnik Azərbaycan-a açıqlamasında həftəsonları taksi xidmətində qiymət artımının olduğunu təsdiqlədi. O bildirdi ki, həftəarası 3 kilometr 1 manat 60 qəpikdən hesablanırsa, həftəsonları 1 manat 60 qəpik vurulur 1,5-ə. Beləcə həftəsonları 3 kilometrə qiymət 2 manat 40 qəpik olur.

Sürücü deyir ki, həftəsonu operatorlara qoşulan taksilərin sayı da az olur. Bu isə istər-istəməz qiymətə öz təsirini göstərir.

Qeyd edək ki, artıq iki aya yaxındır ki, şənbə və bazar günləri ictimai nəqliyyatın fəaliyyətinin dayandırılması piyadaların taksilərdən istifadəsini zəruri edib. Bu isə taksi xidməti göstərən şirkətlərə qiymətləri artırmaq üçün əlverişili fürsətə çevrilib. Ölkəmizdə taksilərin qiymətini bazar tənzimlədiyindən heç bir qurum taksilərdə qiymət artımına müdaxilə etmir. Azərbaycanda taksilərdə vahid qiymət tənzimlənməsi həyata keçirilmir.

682
Əlaqədar
Taksi sürücüləri üçün etik qaydalarda dəyişiklik edildi
Taksidə doğulan uşağın hekayəsi: "Üzümü çevirəndə o, artıq oturacağın üstündə idi"
"Taksi məsələsi"nə yenidən baxılacaq: Hikmət Babayev barəsində inzibati tədbir görülüb
Yeni konsepsiya bizi mənzil başına çatdırmayacaq...
Bakıya ağıllı taksi gətirildi - FOTO
Ankarada  epdimioloji vəziyyət

Maska taxmayan "koronavirus xəstəsi" az qala döyüləcəkdi

0
(Yenilənib 15:06 26.09.2020)
Döyülməkdən canını qurtara bilən aktyor bunun bir sosial sınaq olduğunu deyərək, maskasız satıcılara maska paylayıb.

BAKI, 26 sentyabr — Sputnik. Türkiyədə Nevşehir bələdiyyəsi maska taxmağa diqqəti çəkmək üçün maraqlı sosial eksperiment keçirib.

Sputnik Azərbaycan Türkiyə mətbuatına istinadla xəbər verir ki, eksperiment az qala faciə ilə nəticələnəcəkmiş. Belə ki, korona olduğunu deyərək, satıcılardan aptek ünvanı soruşan maskasız kişi az az qala satıcılar tərəfindən döyüləcəkmiş.

Bələdiyyənin maska taxmağın təbliğ edilməsinə istiqamətlənmiş sosial sınağında Ridvan Göğüs adlı aktyor maska taxmadan satıcılara yaxınlaşır, onlara virusa yolxuduğunu və aptek axtardğını bildirir.

Şəxsə satıcılar müxtəlif reaksiya göstərir. Bir nəfər isə əlinə dəyənək alaraq onu döyməyə cəhd edir.

Döyülməkdən canını qurtara bilən aktyor bunun bir sosial eksperiment olduğunu deyərək, maskasız satıcılara maska paylayıb.

0