Koronavirus testi, arxiv şəkli

Çöküşə sürükləyən qərar: hər həftə test verilsə, ölkədə hotel qalmayacaq

1447
(Yenilənib 13:28 28.08.2020)
"Ölkəmizə turist gəlmədiyindən hotellər hazırda korporativ müştəriləri üçün xidmət göstərir. Onlarla isə müqavilə bağlandığından qiyməti artıra bilmirlər. Nəticədə ziyan hotel biznesi ilə məşğul olan sahibkarlara dəyir”.

Zülfiyyə Quluyeva, Sputnik Azərbaycan

BAKI, 28 avqust — Sputnik. Azərbaycanda bir sıra hotellər bağlana bilər. Bu barədə Sputnik Azərbaycan-a Azərbaycan Hotellər Assosiasiyasının İcraçı direktoru Günay Sağlam məlumat verib. O bildirib ki, avqustun 8-də Nazirlər Kabineti “Koronavirus (COVID-19) pandemiyası dövründə Azərbaycan Respublikasında mehmanxanaların fəaliyyətinin təşkili Qaydaları”nı təsdiq edib. Qərarda  göstərilmiş müddəalardan biri də (4.14.2.) mehmanxanaların işçi heyətinin həftədə bir dəfə COVİD-19 testindən keçirilməsinin vacibliyi ilə bağlıdır. G.Sağlam bildirib ki, bu qərardan sonra hotellərin işçilərini hər həftə koronavirusa görə testdən keçirməsi onları çox çətin durumda qoyub:

“İşçilərin hər həftə testdən keçirilməsi böyük vəsait tələb edir. Bu məbləği hotelin sahibi ödəməlidir. Hotellərin isə hazırda gəliri çox aşağıdır. Ölkəmizə turist gəlmədiyindən hotellər hazırda korporativ müştəriləri üçün xidmət göstərir. Onlarla isə müqavilə bağlandığından qiyməti artıra bilmirlər. Nəticədə ziyan hotel biznesi ilə məşğul olan sahibkarlara dəyir”.

G.Sağlam bildirir ki, hotelləri açıb-bağlamaq çox çətin proses olduğundan, sahibkarlar hotelləri bağlaya da bilmirlər: “Hotelləri bağlayıb yenidən açmaq çox çətin prosesdir. Elə işçilər var ki, 24 saat hoteldə olmalıdırlar. Bu səbəbdən də əksər sahibkarlar hotellərini bağlaya bilmirlər. Amma xeyli sayda insan var ki, pandemiya dövründə hotelini bağlamağa məcbur olub. Çünki hotelin işçilərini hər həftə test etmək əlavə yükdür. Təsəvvür edin ki, sutkada 100 işçinin işlədiyi otellər var. Hotellər gecə-gündüz işlədiyindən bu işçilərin hamısını işə çıxartmaq məcburiyyətindədir. Qeyd etdiyim kimi, əlavə müştəri qəbul etməsələr də, sahibkarlar məcburdurlar ki, korporativ müqavilə bağladığı müştəriləri üçün hoteli işlətsinlər. Çünki şəhərin mərkəzində hoteldə qalmaq üçün müqavilə bağlayan müştəri kənar hoteldə qalmaq istəmir. Bu zaman işçi heyəti işə çıxmalı, hər həftə testdən keçməlidir. Bu isə bir aya 40 min manat məsrəf deməkdir”.

İcraçı direktorun sözlərinə görə, bu üzdən Azərbaycan Hotellər Assosiasiyası Dövlət Turizm Agentliyinə müraciət edib: “Biz təklif etmişik ki, bu test ya birdəfəlik, ya da ayda bir dəfə olsun. Həmçinin daha münasib qiymətlərlə həyata keçirilsin. Bununla yanaşı, biz xahiş etmişdik ki, həkimlər hotellərə gəlib testi həyata keçirsinlər. Çünki işçilərin xəstəxanalara getməsi əlavə riskdir”.

G.Sağlam hazırda klinikalarla testin qiymətində endirimli qiymət əldə etmək üçün danışıqlar aparıldığını söyləyir: “Hər həftə test tələbinin ancaq hotellərə şamil edilməsi anlaşılan deyil. Bu məntiqlə restorana gedən şəxslərdən də testin nəticəsi tələb edilməlidir. Biz bir neçə klinika ilə danışıq aparmışıq ki, testin qiymətində hotellərə güzəşt etsinlər. Hələ ki endirim əldə edə bilməmişik”.

Hotellər Assosiasiyasının rəsmisi həftəlik test tələbinin hotel biznesinə çox ciddi zərbə vurduğunu bildirir. O deyir ki, hazırda tələbə görə, turist hansısa hoteldə qalmaq istəyirsə, o da testdən keçməlidir: “Bir ailənin dörd üzvü dincəlmək üçün hansısa bölgədə hoteldə qalırsa, deməli, ən azı 400 manat test üçün ödəməlidir. Buna görə çox turist istirahət etməyə getmir. Bu da nəticədə hotellərə pandemiya dövründə zərbə vurur”.

Azərbaycan Turizm Assosiasiyası sədrinin müşaviri Müzəffər Ağakərimov isə pandemiya dövründə bu qərarın düşünülmədən verildiyini söyləyir:

“Hazırda hotellərin gəliri yoxdur. Bu, əlbəttə, hotel üçün çox böyük yükdür. Hotel sahibkarlarının kreditləri var. Üstəlik onlar pandemiya dövründə çox az müştəri qəbul edir. Dezinfeksiya və digər tədbirlərə xeyli pul xərcləyirlər. Bunlarla yanaşı, işçilərinə maaş verir, vergi ödəyirlər. Bu halda hotellərin üzərinə həftəlik koronavirus testini yükləmək bu sahəni çökdürməkdir. Təbii ki, hotel sahibləri buna davam gətirə bilməzlər. Bir müddət sonra onlar hoteli bağlayıb bu biznesdən kənarlaşmalı olacaqlar. Ona görə də bu düşünülmədən verilən qərar ləğv edilməlidir. Yaxud da test pulsuz təşkil edilməlidir”. 

Dövlət Turizm Agentliyindən isə məsələnin diqqətdə saxlanıldığı, aidiyyəti qurumlara bununla bağlı məktub göndərildiyini söyləyib.

Dövlət Turizm Agentliyinin mətbuat katibi Kənan Quluzadə Sputnik Azərbaycan-a açıqlamasında bildirib ki, bu həftədən etibarən Agentlik fəaliyyət göstərən hotellərdə monitorinqə başlayıb. Həftədə iki dəfə olmaqla keçirilən monitorinqin məqsədi ilk mərhələdə hotellərdə pandemiya dövründə tələb edilən qaydalarla bağlı maarifləndirmə işi aparmaqdır. Növbəti həftədən qaydaların tətbiqinə əməl edilib-edilməməsi ilə bağlı müvafiq qərarlar veriləcək: "Amma artıq keçirdiyimiz ilk monitorinqdən məlum olur ki, hotellər pandemiya dövründə iki problemdən narahatlıq keçirirlər. Bunlardan biri hotel işçilərinin, digəri isə hotelə gələn müştərilərin koronavirusa görə testdən keçirilməsidir. Buna görə də Agentlik monitorinqlərin ilk həftəsi başa çatdıqdan sonra bu problemlə bağlı aidiyyatı qurumlara müraciət etməyi nəzərdə tutur".

1447
Əlaqədar
Ekspert: “Yumşalma tədbirləri turizm mövsümünü uzada bilər”
Agentlik mehmanxanalarda monitorinqlərə başladı
Pandemiyanın ən çox ziyan vurduğu sahə - Burada çalışanların yoluxma riski daha böyükdür
Təklif çox, müştəri az, qiymətlər enib - turizm cənnətində kirayə bazarı dad deyir
Bundan sonra mehmanxanalar yeni QAYDAlarla işləyəcək
Müslüm İbrahimov

Professor: “İran Azərbaycan vasitəsilə Avropa bazarlarına çıxmaq istəyir”

19
(Yenilənib 01:22 23.09.2020)
Almaniyanın Zigen Universitetinin qonaq professoru Müslüm İbrahimov deyir ki, İran Bakı-Tbilisi-Qars dəmir yolunun fəaliyyətinə böyük maraq göstərir
Müslüm İbrahimov: “Azərbaycan-İran iqtisadi əlaqələri getdikcə güclənir”

Azərbaycan və İran arasında birgə sənaye parkının yaradılması bölgənin sənaye inkişafına səbəb olacaq. Bunu İranın Ərdəbil vilayətinin Sənaye Parkları Şirkətinin icraçı direktoru Məhəmməd Əhli jurnalistlərə açıqlamasında deyib.

Almaniyanın Zigen Universitetinin qonaq professoru Müslüm İbrahimov Sputnik Azərbaycan-a deyir ki, Azərbaycan və İran arasında iqtisadi sahədə maraq nöqtələri çoxdur:

“İki ölkə arasında iqtisadi əlaqələr getdikcə güclənir. Xüsusən də nəqliyyat sahəsindəki münasibətlər maraq doğurur. İran Bakı-Tbilisi-Qars dəmir yolunun fəaliyyətinə böyük maraq göstərir. İranın ən böyük problemi öz məhsullarını inkişaf etmiş, böyük bazarlara çıxara bilməməsidir. Bunu da indiki şəraitdə Azərbaycan vasitəsilə etmək olar. Hər iki ölkə iqtisadi siyasət sahəsində təcrübə mübadiləsi apara bilər”.

Müslüm İbrahimovun geniş şərhinə audiofaylda qulaq asa bilərsiniz

19
Teqlər:
sənaye parkları, Bakı-Tbilisi-Qars dəmir yolu, iqtisadi maraqlar, Azərbaycan, İran
Bakıda supermarketin fəaliyyəti, arxiv şəkli

Mağazalara yeni cərimə xəbərdarlığı

15
(Yenilənib 16:31 22.09.2020)
Mal dəyişdirilən vaxt satışda uyğun mal yoxdursa, istehlakçı dəyəri yenidən hesablamaqla istənilən başqa malı almaq, qaytarılan malın dəyəri məbləğində pulu geri götürmək və ya satışa uyğun mal gələn kimi onu dəyişdirmək hüququna malikdir

BAKI, 22 sentyabr — Sputnik. İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti "Alınan mallar geri qaytarılmır" kimi lövhələr asan mağaza sahiblərinə müraciət edib.

Dövlət Xidmətindən Sputnik Azərbaycan-a bildirilib ki, son zamanlar bir sıra ticarət obyektlərində "Alınan mallar geri qaytarılmır" kimi lövhələrin asılması halları müşahidə olunur. "İstehlakçıların hüquqlarının müdafiəsi haqqında" qanuna əsasən, istehlakçı aldığı malda zəmanət müddəti ərzində qüsur, saxtalaşdırma aşkar edərsə, satıcıdan aşağıdakılardan birini tələb edə bilər:

- lazımi keyfiyyətli mala dəyişdirməyi;

- satış qiymətini uyğun məbləğdə azaltmağı;

- malın qüsurlarının icraçının (satıcının, istehsalçının) hesabına aradan qaldırılmasını və ya qüsurların aradan qaldırılması üçün istehlakçının və ya üçüncü şəxslərin çəkdiyi xərclərin əvəzinin ödənilməsini;

- malın, həmin mala uyğun digər modelli (markalı, tipli və sair) mal ilə, dəyəri yenidən hesablanma şərtilə əvəz edilməsini;

- müqavilənin ləğv edilməsini və çəkdiyi zərərin ödənilməsini.

Satıcı istehlakçının sadalanan tələblərindən birini yerinə yetirməyə borcludur.

Satıcı (icraçı) istehlakçını maraqlandıran malın (xidmətin) qiyməti, istehlak xassələri (ərzaq malları barəsində isə, həm də tərkibi, yararlılıq müddəti, kaloriliyi, sağlamlıq üçün zərərli maddələrin normativ sənədlərin tələbləri ilə müqayisəli miqdarı), əldə edilməsi şərtləri, təminat öhdəlikləri və iddiaların irəli sürülməsi, malın işlədilməsi, saxlanılması və təhlükəsiz istifadəsi üsulları və qaydaları barədə istehlakçıya zəruri və düzgün məlumat verməlidir. Satılan mal barədə yanlış və ya kifayət qədər dolğun olmayan məlumatın verilməsi, istehlakçının lazımi xassələrə malik olmayan malı (işi, xidməti) almasına səbəb olubsa, bu zaman onun müqaviləni ləğv etmək və itkilərin ödənilməsini tələb etmək hüququ var.

Lazımi keyfiyyətli qeyri-ərzaq malı (qanunvericiliklə qaytarılması və dəyişdirilməsi qadağan olunan mallar - qızıl və qızıl məmulatları, şəxsi gigiyena əşyaları, uşaq oyuncaqları, parfümer-kosmetika malları, kişi, qadın və uşaq çimərlik paltarları, bağçayaşlı və yeni doğulan uşaqlar üçün alt paltarları və sair istisna olmaqla) öz formasına, ölçüsünə, rənginə görə istehlakçıya yaramırsa və ya digər səbəblərə görə təyinatı üzrə istifadə oluna bilməzsə, istehlakçı həmin malı alınma günü sayılmamaq şərtilə 14 gün ərzində digər lazımi keyfiyyətli uyğun mala dəyişdirmək hüququna malikdir. Bu zaman mal əmtəə görünüşü, istehlak xassələri, plombu, yarlığı alındığı kimi saxlanılmaqla, həmçinin kassa çeki və ya mal alınan zaman verilən digər sənədlərlə birlikdə təqdim olunmalıdır.

Mal dəyişdirilən vaxt satışda uyğun mal yoxdursa, istehlakçı dəyəri yenidən hesablamaqla istənilən başqa malı almaq, qaytarılan malın dəyəri məbləğində pulu geri götürmək və ya satışa uyğun mal gələn kimi onu dəyişdirmək hüququna malikdir.

Antiinhisar və İstehlak Bazarına Nəzarət Dövlət Xidməti mağaza sahiblərini qanunvericiliyin tələblərinə əməl etməyə, istehlakçıların qanunvericiliklə qorunan hüquqlarını pozmamağa çağırır, belə hallar müəyyən ediləcəyi təqdirdə onlara qarşı qanunvericiliyə uyğun olaraq ciddi məsuliyyət tədbirlərinin həyata keçiriləcəyini bildirir.

İnzibati Xətalar Məcəlləsinin 444.2-ci maddəsinə əsasən, satılmış malların dəyişdirilməsi və ya geri qaytarılması qaydalarının pozulmasına görə 600 manatdan 900 manatadək məbləğdə cərimə nəzərdə tutulur.

15
Teqlər:
cərimə, müştəri, sahibkar, sahib, satıcı, istehlak malları, aksizli mallar, ərzaq malları, idman malları, mağaza

Köhnə qəsəbənin yeni halı- Bibiheybəti tanımaq mümkün deyil- Fotolar

0
(Yenilənib 16:31 23.09.2020)
Qədim tarixə malik olan qəsəbə yeni rənglərə boyanıb – küçələr daşlarla döşənib, çəlləklərdə bitkilər və divarlarda maraqlı dekorasiyalar peyda olub. Bibiheybət yeniləşmədən sonra İtalyanın sahilyanı qəsəbələrinə daha çox oxşayır.

Bakı qəsəbələrinin yeniləşdirilməsi və yenidən qurulması proqramı çərçivəsində Balaxanıdan sonra sırada qədim Bibiheybət kəndi durur. Bu yer şübhəsiz gəzinti və fotosessiyalar üçün daha bir sevimli məkan olacaq.

Bakının qəsəbə və kəndlərinin bərpası tam ciddi şəkildə aparılır. Cəmi bir neçə həftə əvvəl müzakirələr mərkəzində Abşeronun ən qədim neft hasilatı mərkəzi – Balaxanı qəsəbəsi olub. İndi isə nəzərlər Bakının cənub girişində başqa bir yerə – Bibiheybət qəsəbəsinə yönəlib. Orada işlər hələ tam başa çatmasa da, şəhər sakinləri artıq oraya gedib və çəkdirdikləri yeni "selfi"ləri sosial şəbəkələrdə bölüşməyə macal tapıblar.

Qədim tarixə malik olan qəsəbə yeni rənglərə boyanıb – küçələr daşlarla döşənib, çəlləklərdə bitkilər və divarlarda maraqlı dekorasiyalar peyda olub. Balaxanı üslubuna görə Yunanıstanın Santorini şəhəri ilə müqayisə edilirdisə, Bibiheybət yeniləşmədən sonra İtalyanın sahilyanı qəsəbələrinə daha çox oxşayır.

Səbail Rayon İcra Hakimiyyətinin nümayəndələri bildiriblər ki, son mərhələdə qəsəbədə ağaclar əkiləcək, oturacaqlar qoyulacaq, ərazi tamamilə təmizlənəcək və həm yerli, həm də xarici turistlərin qəbulu üçün hazırlanacaq.

Xatırladaq ki, Bakının Əmircan və Ramana kimi bir sıra digər qəsəbələrində də analoji işlər aparılır.

0
  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonraBibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

  • © Sputnik / Murad Orujov

    Bibiheybət qəsəbəsi abadlıq işlərindən sonra

Əlaqədar
"Bibiheybət yolu"nun açılacağı tarix bir az da uzandı
Bibiheybət yolu da bağlandı
Bibiheybət yolu bərpa edilir