Bal, arxiv şəkli

Ölkəmizə milyonlar gətirəcək məhsulun xaricə ixracını əngəlləyən qurumun adı açıqlandı

1477
(Yenilənib 14:31 26.08.2020)
Azərbaycan Qida Təhlükəsizliyi Agentliyi niyə özünü Gürcüstan Qida Təhlükəsizliyi Agentliyi kimi aparsın axı...

Zülfiyyə Quluyeva, Sputnik Azərbaycan

BAKI, 26 avqust — Sputnik. Azərbaycanda istehsal olunan balın xaricə ixracına mane olan amil açıqlanıb. Bu barədə Sputnik Azərbaycan-a Azərbaycan Arıçılar Assosiasiyasının sədri Bədrəddin Həsrətov məlumat verib. O bildirib ki, Azərbaycan Qida Təhlükəsizliyi Agentliyi balın tərkibini xarici ölkələrin tələblərinə cavab verəcək səviyyədə analiz edə bilmir:

“Bizim öz balımızı xaricə ixrac etməyimiz üçün müəyyən analizlər tələb olunur. Xarici ölkələr bizdən bir sıra göstəricilər üzrə analizlər tələb edirlər. O analizləri isə Azərbaycan Qida Təhlükəsizliyi Agentliyinin laboratoriyası apara bilmir. Məsələn, balda elektrik keçiriciliyinin səviyyəsini və ya vahid həcmdə olan kütlə payının laborator nəticəsi tələb olunur. Birləşmiş Ərəb Əmirlikləri bunu bizdən tələb edib. Eləcə də xarici ölkələr şəkərin tərkibindəki qlükoza ilə früktozanın ayrı-ayrılıqda miqdarını tələb edir. AQTA isə qlükoza və fruktozaları ayrı-ayrılılqda verə bilmir. Bu çətinliklərə görə biz balı analiz üçün xarici ölkələrə göndəririk. Məcburuq bu analizləri gedib Gürcüstanda verək. Bu isə çox baha başa gəlir. Bu da bizə balın ixracında problem yaradır”.

B.Həsrətov deyir ki, xarici ölkələrdən bizim balı bəyənənlər var: “Bəzən deyirlər dağ balı ən yaxşı baldı. Azərbaycana Yaponiyadan mütəxəssislər gəlmişdi. Onlar hər yeri gəzib axırda gedib Kürdəmirdən bal aldılar. Səbəb də o idi ki, orada arılar biyandan qidalanmışdılar. Əvvəllər Yaponiyaya ildə 6-8 ton bal ixrac edirdik. Qeyd etdiyim analizləri apara bilmədiyimizə görə artıq Yaponiyaya bal ixrac edə bilmədik".

1477

Vüqar Hüseynov azad edilmiş ərazilərin kənd təsərrüfatının inkişafına təsirini açıqlayır

6
(Yenilənib 09:17 31.10.2020)
Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsinin müdiri Vüqar Hüseynov deyir ki, kənd təsərrüfatının inkişafı mərhələli şəkildə həyata keçiriləcək
Vüqar Hüseynov: “Kənd təsərrüfatının gələcək inkişafının planlaşdırılması nəzərdə tutulur”

“İşğaldan azad edilmiş ərazilərimizdə kənd təsərrüfatının gələcək inkişafının planlaşdırılması nəzərdə tutulur”. Sputnik Azərbaycan xəbər verir ki, bu sözləri AZƏRTAC-a məxsusi açıqlamasında Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsinin müdiri Vüqar Hüseynov deyib.

“Planlaşdırma, ilk növbədə, azad edilmiş rayonlarda işğaldan əvvəlki dövrdə populyar olan kənd təsərrüfatı sahələrinin inkişafına hesablanıb. Dağlıq Qarabağ və ətrafdakı rayonlarda hələ sovetlər dövründə üzümçülük, taxılçılıq, pambıqçılıq, tütünçülük, heyvandarlıq çox inkişaf edib. Təkcə dağlıq ərazilərdə yerləşən Kəlbəcər, Laçın, Qubadlı rayonlarında heyvandarlığın yenidən inkişaf etdirilməsi üçün kifayət qədər böyük potensial var. Eyni qaydada üzümçülük ənənələri geniş olan digər rayonlarımızda aqrar sahənin bu istiqamətinin inkişaf etdirilməsi mümkündür. Azad edilmiş ərazilərdə kənd təsərrüfatının inkişafı təbii ki, mərhələli şəkildə həyata keçiriləcək. Əsas odur ki, bunun üçün ciddi potensial və dövlət dəstəyi var” – deyə o bildirib.

Vüqar Hüseynovun fikirlərinə audiofaylda qulaq asa bilərsiniz

6
Pul kisəsi, arxiv şəkli

Saxla samanı... Kartda olan pulları necə artırmalı?

82
(Yenilənib 09:16 31.10.2020)
Deputat: "Faizlərin tətbiqi təşviq edəcək ki, vətəndaş vəsaiti kartda saxlasın, qısa zamanda vəsaiti nağdlaşdırmasın. Bu, bir tərəfdən vətəndaşın gəlir əldə etməsinə, digər tərəfdən isə nağdsız ödənişlərin stimullaşdırılmasına imkan yaradacaq"

Xalid Məmmədov, Sputnik Azərbaycan

BAKI, 31 sentyabr — Sputnik. Kartlarda saxlanılan maaş və pensiyaların üzərinə faiz gələ bilər. Vəsaitin kart hesabında saxlanılması vətəndaşın gəlir əldə etməsinə imkan yaradacaq.

Banklar tərəfindən cari hesab qalıqlarına faiz dərəcələrinin tətbiqi təcrübəsindən istifadənin genişləndirilməsi, bunun əməkhaqqı və pensiya kart hesablarına da şamil edilməsi ödəniş kartı sahiblərində bank hesablarında vəsait saxlamağa stimul yaradacaq. Sputnik Azərbaycan-ın məlumatına görə, bu məsələ "2018–2020-ci illərdə Azərbaycan Respublikasında rəqəmsal ödənişlərin genişləndirilməsi üzrə Dövlət Proqramı"nda öz əksini tapıb.

Məsələ ilə bağlı Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov Sputnik Azərbaycan-a deyib ki, burada əsas məqsəd nağdsız hesablaşmaları stimullaşdırmaqdır:

"Aparılan monitorinqlər göstərir ki, əməkhaqqı və digər ödənişlər plastik kartlara köçürüldükdən sonra qısa zamanda vətəndaşların bir qismi həmin vəsaiti nağdlaşdırırlar. Nəticədə nağd şəkildə ödəniş edirlər. Bu da nağdsız hesablaşmaların dairəsinin genişləndirilməsinə imkan vermir. Nağdlaşdırma ilə bağlı limitlər var. Sadələşdirilmiş vergi subyektləri ay ərzində 15 min manat, ƏDV ödəyiciləri ay ərzində 30 manatı nağdlaşdıra bilərlər. Amma bununla belə vətəndaşlarımızın da plastik kartlardan istifadə etməsi məqbuldur, tövsiyə olunandır. Nəticədə bu addım kart hesabında vəsait saxlamaqla vətəndaşın gəlir əldə etməsinə imkan yarada bilər".

Deputat bildirib ki, bununla bağlı qaydaların müəyyən edilərək tətbiq olunmasına ehtiyac var: "Bu qaydalar tətbiq edilərsə, həm plastik kartlarda, həm də digər təqaüd kartlarında olan vəsaitlərdə faizin hesablanması mümkündür. Çünki burada praktiki olaraq hesabda olan vəsaitə faizin hesablanmasından söhbət gedəcək. Faizlərin tətbiqi təşviq edəcək ki, vətəndaş vəsaiti kartda saxlasın, qısa zamanda vəsaiti nağdlaşdırmasın. Bu, bir tərəfdən vətəndaşın gəlir əldə etməsinə, digər tərəfdən isə nağdsız ödənişlərin stimullaşdırılmasına imkan yaradacaq".

Azərbaycan Dövlət İqtisad Universitetinin professoru Elşad Məmmədov da Sputnik Azərbaycan-a deyib ki, kart sahiblərinə stimullaşdırıcı təkliflərin edilməsi işgüzar fəallığın stimullaşdırılmasına və bank kreditlərinin canlandırılmasına şərait yarada bilər: "Ölkədə bu təcrübənin tətbiqi işgüzar mühitə müsbət təsir göstərə bilər. Burada ən mühüm məqam bu vəsaitlərin xərclənməsinin hansı istiqamətlərə yönəlməsidir. Söhbət biznes kreditləşməsinin artımından gedirsə, bu, işgüzar fəallığın artması baxımından müsbət nəticələr verə bilər. Yenə də burada çox şey kredit vəsaitlərinin təyinatından asılı olacaq. Hüquqi-normativ aktların milli iqtisadiyyatımızın inkişafına yönəlik formalaşdırılmasına nail olmalıyıq. Maliyyə möhtəkirliyinə yol verilməməlidir. Hüquqi-normativ aktlarda banklar tərəfindən resursların təyinatı barədə də müddəalar öz əksini tapmalıdır".

Azərbaycan Dövlət İqtisad Universitetinin dosenti Emin Qəribli isə Sputnik Azərbaycan-a deyib ki, kartlarda saxlanılan maaş və pensiyaların üzərinə faizlərin tətbiqi üçün müəyyən vaxt lazımdır: "Məsələn, ƏDV-nin geri qaytarılmasının tətbiqi 1 il gecikdi, çünki burada texniki məsələlər var idi. Bu gün maliyyə sistemində islahatlar aparılır. Maliyyə vəsaitlərinin birbaşa iqtisadiyyata yönəlməsində problemlər var. İndi uçot dərəcəsini yavaş-yavaş aşağı salırlar. Yaxın illərdə institusional dəyişikliklər edilməklə kartlarda saxlanılan maaş və pensiyaların üzərinə faiz dərəcələri tətbiq ediləcək. Lakin bununla bağlı müəyyən normativ-hüquqi aktlar olmalıdır. Və banklar üçün stimullaşdırıcı addımlar atılmalıdır ki, banklar bu məsələdə maraqlı olsunlar".

"Məqsəd odur ki, vətəndaşlar bank hesablarında pulu saxlasınlar və nə qədər çox saxlasalar, onun üzərinə faiz gələcək. Bu addım nağdsız ödənişlərin genişlənməsinə stimul verəcək, şəffaflığa, ağ mühasibatlığa gətirib çıxardacaq. İlk dövrdə faiz dərəcələri elə də yüksək olmaya bilər, amma sonra faizlər arta bilər. Banklara görə faizlər dəyişə bilər. Dövlət də maraqlıdır ki, nağdsız ödənişlər daha da artsın", - deyə o əlavə edib.

Qeyd edək ki, sözügedən Dövlət Proqramının strateji məqsədi vətəndaş, biznes subyektləri və dövlət strukturları arasında nağdsız ödəniş mühitinin xeyli genişlənməsi, nağd dövriyyənin həcminin minimuma endirilməsi və nəticədə bank sektorunun maliyyə resursları bazasının gücləndirilməsidir.

82
(0:49 / 5.85Mb / просмотров видео: 3)

Dağıdılmış qəbir daşları Ağcabədi məzarlığının atəşə tutulandan sonrakı videosu

0
Bu gün səhər saatlarından Ermənistan Silahlı Qüvvələri humanitar atəşkəs rejimini pozmaqda davam edib. Atılan mərmilərdən biri İmamqulubəyli kənd qəbiristanlığına düşüb.

Ağcabədinin Hacılar, Qiyaməddinli, Boyat, Arazbar və İmamqulubəyli kəndləri ağır artilleriyadan intensiv atəşə tutulub. Səhər saat 07:00 radələrində atılan mərmilərdən biri İmamqulubəyli kənd qəbiristanlığına düşüb. 7 qəbir daşı dağılıb, xeyli qəbirdə qəlpə izləri əmələ gəlib.

Ağcəbədi atəş altında: Evlər dağınıq, şüşələr paramparça, təsərrüfatlar viran – video >>

Sakinlər Ermənistan Silahlı Qüvvələrinin kəndləri mütəmadi atəşə tutduğunu, lakin heç nədən qorxmadıqlarını bildiriblər.

0
Mövzu:
Azərbaycan və Ermənistan arasında müharibə