Tikinti, arxiv şəkli

Pul pul gətirər: Dövlətin gözü üstündə olsa, mənzil üçün fəryad edən qalmaz

2011
(Yenilənib 19:53 25.08.2020)
Hazırkı pandemiya dövründə bu təklif nəzərə alınarsa, ölkə iqtisadiyyatı üçün çox uğurlu bir addım atılar

İradə Cəlilova, Sputnik Azərbaycan

BAKI, 26 avqust — Sputnik. Dünyanın bəzi ölkələrində dövlət tikinti şirkətlərinə xüsusi imtiyazlar ayırır, güzəşt paketləri və kreditlər təklif edir. Bu təkliflər ölkədə tikinti fondunun inkişaf etməsinə xidmət etməklə yanaşı, ölkələrin iqtisadiyyatına fayda verir. Və eyni zamanda tikinti dövlət nəzarəti altında həyata keçirilir. Bu zaman istehlakçıların aldadılması faktları da çox nadir hallarda qeydə alınır.

Azərbaycanda isə kifayət qədər tikintisi yarımçıq qalan yeni tikilməkdə olan bina var. Bunların bəziləri vəsait bitdiyi üçün, bəziləri alıcı olmadığı üçün yarım qalır.

Mütəxəssislərin fikrincə, dövlət tikinti şirkətlərinə kreditlər ayırmaqla onları həm bu ağır vəziyyətdən çıxarmış olar, həm də iqtisadiyyata fayda gətirər.

Sputnik Azərbaycan bildirir ki, əmlak məsələləri üzrə ekspert Elnur Fərzəliyev də tikinti sahəsinin inkişafı üçün maraqlı bir təklif irəli sürüb.

Onun sözlərinə görə, hər zaman tikinti sektorunun ölkə iqtisadiyyatının ən aparıcı sahələrindən biri olduğu qeyd edilir.

"Bu sahənin inkişafı tikinti sahəsi ilə əlaqədar olan bütün istehsal müəssiələrini və satış mərkəzlərini işlək vəziyyətə gətirir. Tikinti sektorunu inkişaf etdirməklə və bu sahədəki müəyyən problemləri aradan qaldırmaqla iqtisadiyyatımızın çox böyük bir hissəsinin inkişaf etdirə bilərik", - deyə ekspert bildirir.

Onun fikrincə, 20 ildən artıqdır ki, sürətlə inkişaf edən bu sahə, demək olar ki, özəl sektorlardakı iş adamlarının sayəsində ayaqda qala bilir. Yalnız şəxsi vəsait ilə maliyyələşən bu sahə kicik krizislərlə üzləşən zaman iflasa uğrama təhlükəsi ilə üz-üzə qalır: "Dəfələrlə bir çox yeni tikili binanın tikintisinin yarımçıq qaldığının və oradan mənzil alan vətəndaşların fəryad etdiklərinin şahidi olmuşuq. Bu cür hallara əsas səbəb isə tikintini aparan şirkətin maliyyə vəsaitinin tükənməsi olur. Digər tərəfdən isə istər tikintilərə icazələrdə, istərsə də böyük tikintilər bitdikdən sonra onların sənədləşdirilərək özəlləşdirilməsi məsələsində hələ də ciddi maneələr mövcuddur".

Ev tikmək daha rahat olacaq! İlin sonunadək bütün tikintilərə icazə alınması asanlaşacaq>>

Ekspert bildirir ki, özəl sektoru, xüsusən də tikinti və daşınmaz əmlak sektorunu inkişaf etdirməyin ən başlıca yollarından biri də bu sahəyə az faizli kreditlərin ayrılmasıdır. Belə ki, tikinti sahəsinə qoyulan pullar çox böyük həcmlə geri dönüş edərək, iqtisadiyyatı saat mexanizmi kimi işlək vəziyyətdə saxlayır.

"Əksər tikinti şirkətləri ilkin mərhələdə öz maddi resursları ilə tikintiyə başlayır. Daha sonra bütün planlar və inşaatın davamı mənzil alıcılarının ümidinə qalır. İki ilə təhvil verilməli çoxmənzilli binaların tikintisi bəzən 3-4 il yubanır. Səbəb isə alıcı qıtlığı olur. Belə halların qarşısının alınması ücün dövlət tikinti şirkətlərinə az faizli kreditlər ayırmaqla həm bu sahəyə ciddi maliyyə dəstəyi göstərmiş olar, həm də tikinti şirkətləri öz öhdəliklərini zamanında yerinə yetirməyə imkan qazanar", - deyə E.Fərzəliyev vurğulayıb.

Ekspert hesab edir ki, bu sahəyə ayrıla bilən kreditləri ən zəmanətli kredit kimi dəyərləndirmək olar.

Çünki inkişaf etmiş ölkələrin bu sahədəki praktikalarında var ki, həmin ölkələrdə əksər hallarda banklar və tikinti şirkətləri bu işləri müştərək görərək, ortaqlıq edirlər. Bu zaman maliyyəçi bank, inşaat işlərini aparan isə tikinti şirkətləri olur: "Əlavə olaraq banklar həmin binalardakı mənzilləri kreditlə satmaqla belə faizlərdən cox böyük vəsaitlər əldə edirlər".

E.Fərzəliyev bildirir ki, hazırkı pandemiya dövründə bu təklif nəzərə alınarsa, ölkə iqtisadiyyatı üçün çox uğurlu bir addım atılar.

2011
Əlaqədar
Yağışdan sonra yaranan vəziyyətə görə günahkar həm də Hacıbala Abutalıbov imiş
Bakıda qanunsuz tikilən obyekt sökülüb - VİDEO
"Ölmüş" biri ilə birlikdə yaşayarsınız? - Xəbəriniz yoxdur, amma yaşayırsınız
Postpandemiya dövründə daşınmaz əmlakın qiyməti kəskin dəyişəcək - SƏBƏB
Sənədsiz evlər dövlət təhlükəsizliyinə problemdir - Günahkarlar nə vaxt cavab verəcəklər
Baş nazir Əli Əsədov

İşğaldan azad olunmuş ərazilərlə bağlı konsepsiya Nazirlər Kabinetində müzakirə edilib

10
Videomüşavirədə Azərbaycan Respublikası Prezidentinin göstərişinə əsasən İqtisadi Şura işğaldan azad olunmuş ərazilərin bərpası və inkişafı konsepsiyasının əsas parametrlərini müzakirə edib.

 

BAKI, 28 noyabr — Sputnik. Noyabrın 27-də Baş nazir Əli Əsədovun sədrliyi ilə İqtisadi Şuranın videomüşavirə formatında növbəti iclası keçirilib.

Nazirlər Kabinetinin mətbuat xidmətindən Sputnik Azərbaycan-a verilən xəbərə görə, Azərbaycan Respublikası Prezidentinin göstərişinə əsasən İqtisadi Şura işğaldan azad olunmuş ərazilərin bərpası və inkişafı konsepsiyasının əsas parametrlərini müzakirə edib.

Azərbaycan Respublikasının sosial-iqtisadi inkişafına dair digər məsələlər müzakirə olunub, müvafiq qərarlar qəbul edilib.

10
Teqlər:
işğaldan azad edilmiş ərazilər, baş nazir, Əli Əsədov, Nazirlər Kabineti
Azərbaycan manatı, arxiv şəkli

Qonşularımız pullarını "öldürürlər", biz - vergini. Malı kimə satmalı?

356
(Yenilənib 22:02 27.11.2020)
Ekspert: "Dünyada gedən valyuta müharibələrini də nəzərə alsaq, görürük ki, bütün ölkələr, əsasən də ixracatçı ölkələr, milli valyutalarını bir qədər ucuzlaşdırmağa çalışır. Yəni bunun hesabına ixracatı artıra bilsinlər deyə"

Xalid Məmmədov, Sputnik Azərbaycan

BAKI, 27 noyabr — Sputnik. Nazirlər Kabineti "Malların ixrac qeydi ilə satışı Qaydası"nı təsdiq edib. Sputnik Azərbaycan xəbər verir ki, bu Qayda Azərbaycanda istehsal olunmuş və ixrac üçün nəzərdə tutulan məhsulların istehsalçısı ilə qeyri-neft məhsullarının ixracatı sahəsində təcrübəsi olan ixracatçılar arasında əməkdaşlığın şərtlərini müəyyən edir və işgüzar münasibətlərini tənzimləyir.

İstehsalçı ixrac üçün nəzərdə tutulan məhsulu ixracatçıya təqdim edərkən ƏDV-yə sıfır dərəcə ilə cəlb olunur.

Bəs bu addım Azərbaycanda ixracın və yerli istehsalın artmasına, sahibkarlara dəstək verəcəkmi?

İqtisadçı, "Respublikaçı Alternativ" Partiyasının icra katibi Natiq Cəfərli Sputnik Azərbaycan-a deyib ki, bu addım ixracın stimullaşdırılması üçün atılıb: "Amma bununla yanaşı, bir sıra paralel addımlar da atılmalıdır ki, ixracın stimullaşdırılması üçün qarşıya qoyulan hədəflərə çatmaq mümkün olsun. Burada bir neçə problem mövcuddur.

Problemlərdən biri odur ki, son bir il ərzində qonşu ölkələrin milli valyutalarında kifayət qədər ciddi ucuzlaşma prosesi baş verib. Əsasən də bizim əsas ticarət tərəfdaşımız olan Türkiyə ilə Rusiyada lirə və rubl kifayət qədər ciddi şəkildə dəyərdən düşüb. Gürcüstanda da lari il ərzində 15-18 faiz ucuzlaşıb. Bu da idxalı stimullaşdırır, yerli istehsal və ixracat ilə bağlı müəyyən əngəllər yaradır".

"Dünyada gedən valyuta müharibələrini də nəzərə alsaq, görürük ki, bütün ölkələr, əsasən də ixracatçı ölkələr, milli valyutalarını bir qədər ucuzlaşdırmağa çalışır. Yəni bunun hesabına ixracatı artıra bilsinlər deyə. Digər bir institusional problem odur ki, bizim qeyri-neft ixracımız hələlik çoxşaxəli modelə keçməyib. Son dövrlərdə qeyri-neft məhsulları ixrac etdiyimiz ölkələrin sırasında Rusiya öndədir. Burada çoxşaxəli modelə keçməliyik, yəni yeni bazarlara çıxış imkanları kifayət qədər məhduddur", - deyə ekspert qeyd edib.

O bildirib ki, həmişə ixracda hədəf kimi biz qonşu ölkələri götürmüşük: "Amma yeni bazarlara çıxış əldə etsək, Azərbaycanın əsasən də aqrar sektorda olan məhsullarını daha baha qiymətə sata bilərik. Bununla bağlı da işlər görülməlidir. Düzdür, müəyyən işlər aparılıb, Azərbaycanın xaricdə ticarət nümayəndəlikləri açılıb, amma yetərli deyil. Nazirlər Kabinetinin bu addımı təqdirəlayiqdir, stimullaşdırıcı addımdır. Lakin paralel olaraq bir çox problemlər də aradan qaldırılmalıdır ki, ixracın stimullaşdırılması ilə bağlı addımlar effekt verə bilsin".

"Bəzi ixracatçılar var idi ki, daxili bazardan topladıqları məhsulları xarici bazara çıxardırdı və daxili bazar amilinə görə şəxs ƏDV ödəməyə məhkum idi. İndi daxili sənədləşmədə 18 faizlik ƏDV ödənilməyəndə bunun ixracat ilə bağlı müəyyən stimullaşdırıcı təsiri olacaq", - deyə ekspert əlavə edib.

Dövlət Vergi Xidmətinin şöbə rəisi Elnur Yusifov bu qərar ilə bağlı şərhində deyib ki, "Malların ixrac qeydi ilə satışı Qaydası"nda ixrac qeydi ilə satış həyata keçirən şəxsə (istehsalçıya) və ixrac qeydi ilə alınan malların ixracını həyata keçirən şəxsə (ixracatçıya) dair tələblər, malların ixrac qeydi ilə satışına aid edilməyən şəxslər və əməliyyatlara nəzarət, ixrac qeydi ilə malların ixracının həyata keçirilməsi prosesinə nəzarət tədbirləri öz əksini tapır:

"Bu imkandan yararlanmaq üçün istehsalçı və ixrac qeydi ilə alınan malların ixracını həyata keçirən şəxs (ixracatçı) Qaydada onlar üçün müəyyən edilmiş tələblərə cavab verməlidirlər. Qaydanın 3-cü hissəsində müəyyən edilmiş şəxslər və əməliyyatlar istisna olmaqla, Qayda ölkə ərazisində qeyri-neft məhsulları istehsal edən bütün istehsalçılara və ixracatçılara şamil olunur. İstehsalçı ixrac üçün nəzərdə tutulan məhsulu ixracatçıya təqdim edərkən Vergi Məcəlləsinin 165.1.9-cu maddəsinə müvafiq olaraq ƏDV-yə 0 dərəcə ilə cəlb olunur".

Şöbə rəisi qeyd edib ki, bu mexanizm ixracatçının ixrac edəcəyi malların alışına görə ödəməli olduğu ƏDV-nin məbləği qədər dövriyyə vəsaitinə qənaət etməsinə şərait yaradır və inzibatçılıq yükünü azaldır.

Qeyd edək ki, bu Qayda Nazirlər Kabinetinin 2020-ci il 14 noyabr tarixli qərarı ilə təsdiq edilib. İxrac qeydi ilə satılan mallara Azərbaycan ərazisində istehsal olunan qeyri-neft məhsulları aid edilir.

"Malların ixrac qeydi ilə satış qaiməsi"ndə satışı həyata keçirilən malların kodu, adı, ölçü vahidi və miqdarı əks olunur. "Malların ixrac qeydi ilə satış qaiməsi"ndə istehsalçı tərəfindən satılmış malların 3 ay müddətində ixrac edilməsi şərti qeyd edilir.

Bu Qaydanın tələblərinə əməl olunmasına nəzarət Dövlət Vergi Xidməti tərəfindən həyata keçirilir.

356
Teqlər:
ekspertlər, Elnur Yusifov, Natiq Cəfərli, stimul, sıfır dərəcə, ƏDV, ixracatçı, ixracat, ixrac
Микрофон

Uşaq "Avroviziya"sının qalibi bəlli oldu - VİDEO

0
(Yenilənib 23:14 29.11.2020)
Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər

BAKI, 29 noyabr - Sputnik. Fransanı təmsil edən Valentina Trünel J'imagine mahnısı ilə beynəlxalq "Uşaq Avroviziyası-2020" müsabiqəsinin qalibi olub.

Sputnik Azərbaycan bildirir ki, müsabiqənin finalı Polşada telekörpü formatında keçirilib. Valentina peşəkar münsiflər heyəti və tamaşaçıların səsi ilə 200 xal toplayıb.

İkinci yerə Qazaxıstan təmsilçisi Karakat Başanova, üçüncü yerə isə İspaniyadan Solea layiq görülüblər.

Rusiya təmsilçisi Sofya Feskova 88 xalla 10-cu yeri tutub. Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər.

İştirakçıların nəticələri peşəkar münsiflər heyəti və tamaşaçıların müsabiqənin saytındakı səsverməsi ilə təyin olunub. Böyüklərin "Avroviziya"sından fərqli olaraq, burada tamaşaçılar öz ölkələrinə səs verə bilirdilər. Ancaq bu zaman tamaşaçılar minimum üç bəyəndikləri iştirakçıya səs verməli idilər.

0
Teqlər:
Fransa, final, müsabiqə, Polşa, Uşaq Avroviziyası, uşaqlar