Çay yığımı, arxiv şəkli

Pandemiya onların da təsərrüfatını vurub - Heç zərərçəkmiş kimi nəzərə alınmayınblar

1944
(Yenilənib 19:28 21.08.2020)
"Bu gün çayçılığın inkişafında ekoloji durum da həssas amillərdə biridir. Yəni, su qıtlığı, quraqlıq, yağıntının olmaması problemlərə yol açır. Yağış yağmadığından ətraf mühitdə nisbi rütubətlilik aşağı düşür və bu amil də çay bitkisinin inkişafına mənfi təsir edir".

Nigar İsgəndərova, Sputnik Azərbaycan

BAKI, 21 avqust — Sputnik. Bu ilin yanvar-iyul ayları ərzində Azərbaycan ümumi dəyəri 5 524,86 min ABŞ dolları dəyərində 808,03 ton çay ixrac edib. Ötən ilin analoji dövrü ilə müqayisədə cari ilin yeddi ayında Azərbaycandan ixrac edilən çayın dəyəri 4,2% artıb, həcmi isə 1,9% azalıb. Hesabat dövründə çayın ümumi ixracdakı payı cəmi 0,06%, qeyri-neft məhsullarının ixracında olan çəkisi isə 0,53%-ə bərabər olub. Bununla yanaşı, hesabat dövründə Azərbaycana ümumi dəyəri 34 059,28 min dollar dəyərində 8 402,88 ton çay idxal olunub. Ötən ilin eyni dövrü ilə müqayisədə çay idxalının dəyəri 18,5%, həcmi isə 14%-dək artıb.

Hesabat dövründə çayın ümumi idxaldakı payı isə 0,58% təşkil edib. Bu isə o deməkdir ki, cari ilin yeddi ayında Azərbaycanda çay idxalı ixracı 10 dəfədən çox üstələyib.

Bəs, çayçılıq təsərrüfatının əsas problemləri nələrdir?

Ölkədə çayçılıq üzrə fəaliyyət göstərən MMC-lərdən birinin rəhbəri Araz Yaqubov Sputnik Azərbaycan-a açıqlamasında bu haqda danışıb: "Pandemiya dövrünün ən böyük problemlərindən biri bu oldu ki, biz çayçı olaraq zərərçəkmişlər siyahısına daxil edilmədik. Əslində, pandemiyadan biz də zərər çəkdik. Çünki pandemiya olduğundan məhsulu sata bilmədik. Çayın daha çox istehlak olunduğu bəzi bazarlar, restoran-kafelər bağlı olduğundan, ölkəyə turist gəlmədiyindən və ölkədaxili turist də olmadığından biz də zərərçəkmiş sayılırıq. Amma biz zərərçəkmiş kimi nəzərə alınmadıq. Bu səbəbdən də ayrılan vəsaitdən biz yararlana bilmədik".

"Çayçılığın inkişafı üçün dövlət tərəfindən yetərincə işlər görülüb. Bununla bağlı olaraq dövlət tərəfindən proqram işlənilib hazırlanıb və melorativ tədbirlərin görülür. Gübrələr də subsidiya olaraq 70 faiz güzəştlə verilir. Əsas olaraq bazarın araşdırılmasına ehtiyac var. Çünki istehsal olunan məhsulun satış problemi var. Dövlət Aqrar Tədarük Müəssiəsi bu gün istehsal etdiyimiz çayı bizdən alsa, çayçılıq inkişaf edəcək. Çünki çay elə bir məhsuldur ki, o emal olunur və 7 il müddətinə ona investisiya yatırılır və bundna sonra o artıq özü investisiyaya çevrilir və gəlir gətirir. Əldə olunan gəlirlə digər sahələrin salınmasına pul yatırmaq olur. Lakin əfsuslar ki, biz məhsulumuzu sata bilmirik", - deyə MMC rəhbəri əlavə edib.

Məhsul satılmasa, çayçılığın inkişafından söhbət gedə bilməz, deyən həmsöhbətimiz digər tərəfdən ekoloji problemlərin də müəyyən çətinliklərindən danışıb: "Bu gün çayçılığın inkişafında ekoloji durum da həssas amillərdə biridir. Yəni, su qıtlığı, quraqlıq, yağıntının olmaması problemlərə yol açır. Yağış yağmadığından ətraf mühitdə nisbi rütubətlilik aşağı düşür və bu amil də çay bitkisinin inkişafına mənfi təsir edir. Bitki yanır. Çünki havada 60 dərəcə nisbi rütubət olmasa, çay həmin ərazidə məhv olacaq. Bu səbəbdən bu gün çay yetişdirmək çox çətindir. Su tutarlarının vaxtında su ilə doldurulması və onun mütəmadi olaraq izlənilməsinə nəzarət edilməlidir ki, bataqlıqlar ləğv olunmasın, ətrafdakı su tutarları su ilə dolu olsun. Belə olan halda çay bitkisi öncəki kimi inkişaf edəcək".

Pandemiya dövründə qiymətlərə heç bir müdaxilə etmədiklərini və ümumiyyətlə, qiymətləri qaldırmaq haqda düşünmədiklərini deyən həmsöhbətimiz bunun da səbəbini kommunal xərclər, yanacağın qiymətinin qalxmaması ilə izah edir: "Bu gün dizel yanacağının qiyməti qalxmayıbsa, çay niyə bahalaşmalıdır?! Hansısa şirkət qiyməti qaldırıbsa, bu onun öz problemidir".

Ən dəyərli qonaqlara yüzillik samovardan çay
© Sputnik / Şahpəri Abbasova / Leyla Orucova

"Düşünürəm ki, çay daxili məhsuldursa, onun qiyməti qalxa bilməz. Bazardakı qiymətlər normaldır. Orta keyfiyyətli çaylar ki, onun qiymətini qaldırmaq artıq istehlakçının cibinə girməkdir", - deyə o əlavə edib.

Həmsöhbətimiz ixracla bağlı düşünmədiyini deyir: "Çay ixrac etmək fikrimiz yoxdur. Bu gün kimsə gəlib çay alacaqsa, biz ona satacağıq. Lakin özümüz ixrac bazarı axtarmırıq, çünki bu bizim üçün maraqlı deyil. Bizim üçün əsas olan yerli bazardır, bizim gələcəyimiz və körpələrimizdir. İstəyirik ki, körpələrimiz təmiz çaydan dadsınlar".  

Havaların quraqlıq keçdiyi üçün məsuldarlığın aşağı olduğunu deyən A.Yaqubov bu səbəbdən kifayət qədər məhsul yığa bilmədiklərini söyləyir. Onların ümidləri isə ancaq payıza qalıb, bəlkə olanda yağış yağar və məhsuldarlıq olar.

1944
Azərbaycan Respublikasının Baş Naziri Əli Əsədov, arxiv şəkli

Baş nazir izafi xərcləri tənqid etdi: Lüzumsuz ezamiyyə xərcləri, ştatlar azaldılmalıdır"

472
(Yenilənib 00:34 24.09.2020)
Baş Nazir: "Bir çox hallarda büdcə təşkilatlarında izafi xərclərə yol verilir, ştat vahidlərinin sayı artırılır, lazım olmayan alışlar həyata keçirilir, satınalmalarda qiymətlər olduğundan çox yüksək göstərilir".

 

BAKI, 23 sentyabr — Sputnik. Büdcə təşkilatları tərəfindən cari xərclərdən səmərəli, düzgün istiqamətdə və qənaətcil istifadə olunmalıdır.

Sputnik Azərbaycan-ın məlumatına görə, bunu Baş Nazir Əli Əsədov Azərbaycan Respublikasının 2021-ci il üzrə dövlət büdcəsinin və icmal büdcənin layihələri və sonrakı üç il üçün icmal büdcənin göstəriciləri, Azərbaycan Respublikasının 2021-ci il və gələn üç il üzrə iqtisadi və sosial inkişaf konsepsiyası və proqnoz göstəricilərinin müzakirəsinə həsr olunmuş iclasında deyib.

Baş Nazir xərclərin səmərəliliyi və qənaətin vacibliyini vurğulayaraq deyib ki, bir çox hallarda büdcə təşkilatlarında izafi xərclərə yol verilir, ştat vahidlərinin sayı artırılır, lazım olmayan alışlar həyata keçirilir, satınalmalarda qiymətlər olduğundan çox yüksək göstərilir.

Baş nazirin sözlərinə görə, büdcə alışlarında bir qayda olaraq idxala üstünlük verilir. Aidiyyəti orqanlar tərəfindən büdcə təşkilatlarında cari xərclərin effektiv istifadəsinə nəzarət daha da gücləndirilməlidir.

Qeyd edk ki, bu gün Nazirlər Kabinetində Baş Nazir Əli Əsədovun sədrliyi ilə Azərbaycan Respublikasının 2021-ci il üzrə dövlət büdcəsinin və icmal büdcənin layihələri və sonrakı üç il üçün icmal büdcənin göstəriciləri, Azərbaycan Respublikasının 2021-ci il və gələn üç il üzrə iqtisadi və sosial inkişaf konsepsiyası və proqnoz göstəricilərinin müzakirəsinə həsr olunmuş iclas keçirilib.

Nazirlər Kabinetinin mətbuat xidmətinin məlumatına görə, iclasda Baş Nazir Əli Əsədov bildirib ki, pandemiya nəticəsində "qlobal məcmu tələbin azalması, dünya bazarlarında neftin qiymət volatilliyinin yüksəlməsi, həmçinin məhdudlaşdırıcı tədbirlərin tətbiqi bütün dünya ölkələrində olduğu kimi, Azərbaycan iqtisadiyyatına da təsirsiz ötüşməmişdir və nəticədə ölkəmizdə də iqtisadi fəallığın azalması müşahidə olunmuşdur".

Əli Əsədov həmçinin qeyd edib ki, prioritet olmayan tədbirlərin keçirilməsinə üstünlük verilməməli, bu istiqamətdə xərclər optimallaşdırılmalı, o cümlədən lüzumsuz ezamiyyətlər və əlaqəli xərclər azaldılmalıdır.

Növbəti ilin dövlət büdcəsində əsaslı xərclər çox önəmli əhəmiyyət kəsb edir. Təbii ki, investisiya xərcləri iqtisadi artıma, məşğulluğa müsbət təsir edir. Lakin, investisiya proqramlarının şəffaflığının, iqtisadi səmərəsinin və gəlirliliyinin yüksəldilməsi olduqca vacibdir. Qeyri-prioritet təşkil edən investisiya layihələri ixtisar olunmalı və ayrılmış vəsaitlər qənaətlə istifadə edilməlidır".

Baş Nazir daha sonra diqqəti Prezident İlham Əliyevin dövlət şirkətlərinin fəaliyyətinin səmərəliliyini artırılması haqda tapşırığına cəlb edib: "Cənab Prezident avqustun 6-da keçirdiyi videomüşavirədə dövlət şirkətlərində idarəetmənin təkmilləşdirilməsini, dövlət tərəfindən maliyyə dəstəyinin göstərilməsinə baxmayaraq onların fəaliyyətinin səmərəli olmadığını, əksər dövlət şirkətlərinin maliyyə vəziyyətinin ağır olduğunu, borclanma yükünün artdığını və bu sahədə nəzarət funksiyasının kifayət qədər effektiv olmadığını bildirib.

Qeyd olunan problemlərin həlli məqsədilə cənab Prezidentin 7 avqust tarixli Fərmanı ilə Azərbaycan İnvestisiya Holdinqi yaradılmışdır və bu qurumun qarşısında çox vacib və ciddi tapşırıqlar qoyulub".

Qeyd olunub ki, ölkənin hərbi potensialının və ordu quruculuğunun daha da gücləndirilməsi istiqamətində növbəti ilin büdcəsində də ciddi artım nəzərə alınmışdır və ölkənin müdafiə qabiliyyətinin və təhlükəsizliyinin təmin edilməsi, xüsusi müdafiə xarakterli layihələr və tədbirlər üçün maliyyə təminatının yaradılması növbəti büdcə ilində də öz prioritetliyini saxlayacaq.

Baş Nazir qeyd edib ki, cənab Prezidentin rəhbərliyi altında ortamüddətli perspektivdə, o cümlədən 2021-ci ildə də Hökumət qarşısında qoyulan bütün tapşırıqlar vaxtında və bütövlükdə icra olunacaq.

İclasda iqtisadiyyat naziri Mikayıl Cabbarov, maliyyə nazirinin müavini Azər Bayramov, əmək və əhalinin sosial müdafiəsi naziri Sahil Babayev, Naxçıvan Muxtar Respublikasının Baş naziri Səbuhi Məmmədov, Dövlət Gömrük Komitəsinin sədri Səfər Mehdiyev, Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev çıxış edərək büdcə layihəsi haqda fikirlərini bildiriblər.

Sonda Nazirlər Kabineti xüsusi Qərarla "Azərbaycan Respublikasının 2021-ci il üzrə dövlət büdcəsinin və icmal büdcənin layihələri və sonrakı üç il üçün icmal büdcənin göstəriciləri" və "Azərbaycan Respublikasının 2021-ci il və gələn üç il üzrə iqtisadi və sosial inkişaf konsepsiyası və proqnoz göstəriciləri"nin bəyənilməsi və layihələrin və "Büdcə sistemi haqqında" Azərbaycan Respublikası Qanununun 12-ci maddəsində nəzərdə tutulan digər sənədlərlə birlikdə Azərbaycan Respublikasının Prezidentinə təqdim edilməsi haqda Qərar qəbul edilib.

472
Teqlər:
Prezident İlham Əliyev, büdcə, baş nazir, Əli Əsədov
Müslüm İbrahimov

Professor: “İran Azərbaycan vasitəsilə Avropa bazarlarına çıxmaq istəyir”

27
(Yenilənib 01:22 23.09.2020)
Almaniyanın Zigen Universitetinin qonaq professoru Müslüm İbrahimov deyir ki, İran Bakı-Tbilisi-Qars dəmir yolunun fəaliyyətinə böyük maraq göstərir
Müslüm İbrahimov: “Azərbaycan-İran iqtisadi əlaqələri getdikcə güclənir”

Azərbaycan və İran arasında birgə sənaye parkının yaradılması bölgənin sənaye inkişafına səbəb olacaq. Bunu İranın Ərdəbil vilayətinin Sənaye Parkları Şirkətinin icraçı direktoru Məhəmməd Əhli jurnalistlərə açıqlamasında deyib.

Almaniyanın Zigen Universitetinin qonaq professoru Müslüm İbrahimov Sputnik Azərbaycan-a deyir ki, Azərbaycan və İran arasında iqtisadi sahədə maraq nöqtələri çoxdur:

“İki ölkə arasında iqtisadi əlaqələr getdikcə güclənir. Xüsusən də nəqliyyat sahəsindəki münasibətlər maraq doğurur. İran Bakı-Tbilisi-Qars dəmir yolunun fəaliyyətinə böyük maraq göstərir. İranın ən böyük problemi öz məhsullarını inkişaf etmiş, böyük bazarlara çıxara bilməməsidir. Bunu da indiki şəraitdə Azərbaycan vasitəsilə etmək olar. Hər iki ölkə iqtisadi siyasət sahəsində təcrübə mübadiləsi apara bilər”.

Müslüm İbrahimovun geniş şərhinə audiofaylda qulaq asa bilərsiniz

27
Teqlər:
sənaye parkları, Bakı-Tbilisi-Qars dəmir yolu, iqtisadi maraqlar, Azərbaycan, İran
Nisə Qasımova, arxiv şəkli

Xərçəngə tutulan azərbaycanlı müğənni əməliyyat olundu

0
(Yenilənib 12:49 24.09.2020)
"Mən öz problemlərimlə insanları yükləmək istəmirəm, ona görə də xəstə vaxtlarımda sosial şəbəkələrdən, TV-lərdən uzaq dayandım".

Şahpəri Abbasova, Sputnik Azərbaycan

BAKI, 24 sentyabr — Sputnik. Xərçəng xəstəliyindən əziyyət çəkən Xalq artisti Nisə Qasımova əməliyyat olunub. Sputnik Azərbaycan xəbər verir ki, müğənni bu barədə özünün "Instagram" hesabında paylaşıb: "Özümü çox yaxşı hiss edirəm. Hər kəsə təşəkkür edirəm, məni unutmadınız. Mən öz problemlərimlə insanları yükləmək istəmirəm, ona görə də xəstə vaxtlarımda sosial şəbəkələrdən, TV-lərdən uzaq dayandım. İndi yaxşıyam və yeni mahnılar üzərində işləyəcəm". O qeyd edib ki, artıq sosial şəbəkədə də aktiv olacaq.






Посмотреть эту публикацию в Instagram

Публикация от Nisa Qasimova (@niseqasimova_official)

Xatırladaq ki, Xalq artistinin xərçəng xəstəliyinə tutulması ilə bağlı məlumatlar yayılmışdı.

0
Teqlər:
Instagram, əməliyyat, xərçəng xəstəliyi, Nisə Qasımova, müğənni
Əlaqədar
Elza Seyidcahan "Taclı eybəcər"lə gündəmi alt-üst etdi
Şortikin əleyhinə daha bir sərt tənqid səsləndi
Emin Ağalarov: "Yeganə yol Azərbaycanın ərazi bütövlüyüdür"
Samanlıq, atlar və bir gözəl qadın: karantini belə dəyərləndirdi - FOTO
Xalq artistinin yazdığı şərh izləyiciləri özündən çıxardı