Valyutadəyişmə məntəqəsinin əməkdaşı Türkiyə lirələrini sayır, arxiv şəkli

Türkiyədəki vəziyyət Azərbaycanın xeyrinədir - Qazanan bizik

2644
(Yenilənib 23:38 17.08.2020)
Dünyada pandemiya və sərhədlərin bağlanmasına görə yaranmış vəziyyətə görə onlayn ticarət sürətlə artır və azərbaycanlılar getdikcə Türkiyədən daha çox məhsul sifariş edirlər.

BAKI, 17 avqust — Sputnik, Fuad Əlizadə. Türk lirəsinin ucuzlaşması Azərbaycana iqtisadi baxımdan çox, social aspektdə çox müsbət təsir edir. Sputnik Azərbaycanın məlumatına görə, iqtisadçı Samir Əliyev bu fikirdədir.

“Lirə ucuzlaşmaqda davam edir. 2020-ci ildə türk valyutasının məzənnəsi 1 dollara görə 5,95 lirədən 7,3-dək düşüb. Bunun səbəbini ölkənin tədiyyə balansına baxanda görmək olar: xarici ticarətdə idxal ixracı üstələyir, ölkəyə edilən sərmayələr dayandırılıb.

Türkiyədə cari hesabların balans defisiti 2020-ci ilin yanvar-may aylarında 3,8 milyard dollar təşkil edib. Bir il əvvəl analoji dövrdəki defisit 1 milyard dollar olmuşdu.

Eyni zamanda Türkiyə Azərbaycana aparıcı məhsul idxal edən ölkələrdən biridir. Müxtəlif illərdə bu siyahıda Rusiya ilə birinci-ikinci yerləri bölüşür. Lirənin ucuzlaşmasının sayəsində Türkiyədə istehsal olunan məhsullar dollarla hesablandıqda ucuz düşür.

Dünyada pandemiya və sərhədlərin bağlanmasına görə yaranmış vəziyyətə görə onlayn ticarət sürətlə artır və azərbaycanlılar getdikcə Türkiyədən daha çox məhsul sifariş edirlər. Bu təəccüblü deyil, çünki məzənnə amilinə görə bu ölkədən alış-veriş azərbaycanlılar üçün Avropadan nəsə almaqdan xeyli sərfəli olub.

"Avronun dollara qarşı möhkəmlənməsini nəzərə alsaq, bu o deməkdir ki, Aİ ölkələrinin valyutası manata qarşı da möhkəmlənir. İndi Avropadan nəsə almaq o qədər də əlverişli deyil", - Əliyev vurğulayıb.

Onun sözlərinə əsasən, türk lirəsinin məzənnəsinin düşməsi Azərbaycandakı türk brend dükanlarının biznesinə mənfi təsir göstərir, çünki analoji məhsulları Türkiyədən almaq daha ucuzdur və onların onlayn alınması bəzən ölkəmizdə onları almaqdan dəfələrlə ucuz başa gəlir.

Eyni zamanda Azərbaycanın Türkiyəyə ixracı əsasən karbohidrat xammaldan ibarətdir. Onun hesablaşması isə dollarla aparılır, yəni, bu kontekstdə türk lirəsinin zəifləməsi Azərbaycanın iqtisadiyyatına mənfi təsir göstərmir.

Azərbaycan Respublikası Dövlət Gömrük Komitəsinin məlumatına əsasən, bu ilin yanvar-iyul aylarında Azərbaycana 868,4 milyon dollar dəyərində Türkiyə məhsulu idxal edilib. Azərbaycana idxal olunan məhsullar arasında Türkiyə idxalının payı 14,7%-dir.

Azərbaycan Mərkəzi Bankının məlumarına görə, 2020-ci il avqustun 17-də məzənnə belədir: 1 dollar – 1,7 manat; 1 avro – 2,0156 manat; 1 türk lirəsi – 0,2307 manat.

2019-cu il dekabrın 30-da AMB-nin rəsmi kursu belə olub: 1 dollar – 1,7 manat; 1 avro – 1,9035 manat; 1 türk lirəsi – 0,2825 manat.

2644
Teqlər:
dollar, avro, Dövlət Gömrük Komitəsi, idxal, Rusiya, Azərbaycan Mərkəzi Bankı, AMB, Avropa, Məzənnə, Azərbaycan, Türkiyə, türk lirəsi, manat
Əlaqədar
Daha ehtiyacımız böyük deyil – Buğda idxalını 60 faiz azaltmışıq
Qulağımızın dibindən keçib: İdxal olunan südün qiyməti yüksəlib, hiss etməmişik
Bu il manat türk lirəsinə, avroya, gürcü larisinə qarşı bahalaşıb
Türk lirəsinin ucuzlaşması Azərbaycan iqtisadiyyatına necə təsir edir – ekspert danışır
Azərbaycan Qiymətləndiricilər Cəmiyyətinin sədr müavini, “Vecon Consulting” qiymətləndirmə şirkətinin direktoru Vüqar Oruc

Vüqar Oruc: “Əmlak bazarında durğunluğa əsas yoxdu”

5
(Yenilənib 16:05 03.12.2020)
Azərbaycan Qiymətləndiricilər Cəmiyyətinin sədr müavini Vüqar Oruc deyir ki, əhalinin əksəriyyəti məskunlaşdığı ərazilərdə əmlak sahibi olub, bu səbəbdən də onlar sistematik surətdə həm regionda, həm məskunlaşdığı ərazidə yaşayacaqlar
Vüqar Oruc: “Əmlak bazarında böyük canlanma yaranacaq”

“Torpaqların 28 il işğal altında olduğu dövrdə məcburi köçkünlərin nüfuz sayı da yüksəlib. Söhbət bu illər ərzində 600 mindən 900-950 min civarında artan əhalidən gedir”. Sputnik Azərbaycan xəbər verir ki, bunu Azərbaycan Qiymətləndiricilər Cəmiyyətinin sədr müavini, “Vecon Consulting” qiymətləndirmə şirkətinin direktoru Vüqar Oruc deyib.

“Həmin əhalinin bir qismi işğaldan azad edilən ərazilərə qayıdacaq, digər qismi elə əvvəlki kimi paytaxtda və məskunlaşdıqları digər şəhərlərdə yaşamağa davam edəcək. Artıq əhalinin əksəriyyəti məskunlaşdığı ərazilərdə əmlak sahibi olub, bu səbəbdən də onlar sistematik surətdə həm regionda, həm məskunlaşdığı ərazidə yaşayacaqlar. Məsələnin digər tərəfi ondan ibarətdir ki, iqtisadiyyatın inkişafı, investisiya qoyuluşu, yeni istehsal sahələrinin, eləcə də iş yerlərinin yaranması deməkdir. Bu proses paytaxtın, yaxud da digər şəhərlərin boşalması və ya iştirakçısı olduğumuz əmlak bazarında durğunluğun yaranmasına səbəb ola bilməz. Əksinə mən deyərdim ki, böyük canlanma yaranacaq”, – deyə o bildirib.

Vüqar Orucun fikirlərinə audiofaylda qulaq asa bilərsiniz

5
Müslüm İbrahimov

Professor: “Azərbaycanda Rusiya mənşəli emal sənaye komplekslərinin yaradılması vacibdir”

9
(Yenilənib 13:41 04.12.2020)
Almaniyanın Zigen Universitetinin qonaq professoru Müslüm İbrahimov deyir ki, Rusiya son on il ərzində kənd təsərrüfatının emal sənayesinin formalaşmasında yüksək texnoloji uğurlar əldə edə bilib
Müslüm İbrahimov: “Rusiya ilə əməkdaşlığın artırılması hər zaman aktualdır”

Azərbaycanla Rusiya arasında aqrosənaye kompleksi sahəsində əməkdaşlıq proqramı iki ölkə arasındakı kənd təsərrüfatı sahəsindəki münasibətləri yeni bir mərhələyə keçirmək üçün hazırlanıb. Bunu Trend-ə Rusiyanın Azərbaycandakı ticarət nümayəndəsi Ruslan Mirsayalov deyib.

Almaniyanın Zigen Universitetinin qonaq professoru Müslüm İbrahimov Sputnik Azərbaycan-a deyir ki, Azərbaycan-Rusiya arasında kənd təsərrüfatı sahəsində iqtisadi əməkdaşlığın artırılması hər zaman aktualdır:

“Bu gün Azərbaycan kənd təsərrüfatının xammal məhsulları ilə yanaşı, emal məhsullarının da ixracında maraqlıdır. Rusiya son on il ərzində kənd təsərrüfatının emal sənayesinin formalaşmasında yüksək texnoloji uğurlar əldə edə bilib. Ona görə də Azərbaycanda Rusiya mənşəli emal sənaye komplekslərinin yaradılması vacibdir”.

Müslüm İbrahimovun geniş şərhinə audiofaylda qulaq asa bilərsiniz

9
Məktəblərin birində, arxiv şəkli

Professor məktəblərdə dərslərlə bağlı təklif irəli sürüb: "Özüm hazırlayıb keçərəm"

0
(Yenilənib 13:08 05.12.2020)
"Düşünürəm ki, ali məktəb rəhbərləri və Təhsil Nazirliyinə müraciət etdikdən sonra məsələni kütləviləşdirmək və reallaşdırmaq olar" - Nəsiman Yaqublu

BAKI, 5 dekabr — Sputnik. Məktəblərdə "Zəfər-Vətən" dərslərinin keçirilməsi ilə bağlı təklif irəli sürülüb. Bakı Dövlət Universitetindən Sputnik Azərbaycan-a verilən məlumata görə, bu təkliflə universitetin professoru Nəsiman Yaqublu çıxış edib. O bildirib ki, "Zəfər-Vətən" dərsləri zamanı bütün müəllimlər tarixi qələbəmizdən, o cümlədən bu zəfərin əhəmiyyətindən, azad edilmiş ərazilərimizdən, şəhid və qazilərimizin fədakarlığındann birlik və həmrəyliyimizdən danışsınlar:

"Sərəncama uyğun olaraq hər il noyabrın 8-də ali və orta məktəblərdə xüsusi mövzunun - "Zəfər-Vətən" dərslərinin keçirilməsi müsbət addım olar. Biz bu günləri unuda bilmərik. Düşünürəm ki, müxtəlif görüntülər, slaydlar vasitəsilə zəfər tariximizlə bağlı dərslərin keçirilməsi məqsədəuyğun olar. Şəxsən mən həmin materialları hazırlamağa və dərsi tədris etməyə hazıram".

"Biz gənclərimizi şəhidlərimizin, qazilərimizin ruhunda tərbiyə etməliyik. Düşünürəm ki, ali məktəb rəhbərləri və Təhsil Nazirliyinə müraciət etdikdən sonra məsələni kütləviləşdirmək və reallaşdırmaq olar".

0
Teqlər:
Zəfər Günü, Vətən, BDU, professor, dərs, məktəb