Pul qabı, arxiv şəkli

Sahibkarlığın inkişafı üçün inqilabi addım: Onlar asılılıqdan azad olacaqlar

4770
(Yenilənib 09:58 30.07.2020)
Deputat: EKP imkan verir ki, sahibkarlar hər hansı girov təqdim etmədən güzəştli kreditləri cəlb edərək avadanlıq və texnikanın alınmasını həyata keçirsinlər.

Xalid Məmmədov, Sputnik Azərbaycan

BAKI, 30 iyul — Sputnik. Dövlət başçısının 4 iyun 2020-ci il tarixli fərmanı ilə Sahibkarlığın İnkişafı Fondunun vəsaiti hesabına güzəştli kreditlərin verilməsi qaydası təsdiq olunub və Fondun nizamnaməsində dəyişikliklər edilib. Sputnik Azərbaycan xəbər verir ki, yeni qaydalara əsasən, Sahibkarlığın İnkişafı Fondunun sahibkarlığın güzəştli kreditləşdirilməsinin yeni mexanizmləri də tətbiq olunur. Bu mexanizmlərdən biri daşınmaz əmlak girovu olmayan sahibkarların güzəştli kreditlərə çıxış imkanlarının yaradılması məqsədilə avadanlıqların alınması üçün güzəştli kreditlərin verilməsidir. Mexanizmin mahiyyəti ondan ibarətdir ki, güzəştli kredit yeni avadanlıqların alınmasına yönəldilir və həmin avadanlıqlar da girov kimi qəbul edilir.

Girov məsələsi ilə bağlı Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov Sputnik Azərbaycan-a deyib ki, yeni yaradılan Elektron Kredit Platforması (www.e-edf.gov.az) yalnız sahibkarların güzəştli kreditlərə çıxış imkanlarının artırılmasını deyil, güzəştli kredit əldə etmək istəyən sahibkarlar üçün girov mexanizminin sadələşdirilməsini də nəzərdə tutur: "Platformanın əsas üstünlüklərindən biri də məhz girov mexanizminin təkmilləşdirilməsidir. Xüsusən regionlarda olan sahibkarların girov olaraq əmlak təqdim etmək imkanları məhduddur. Bu da nəticədə həmin sahibkarların kreditlərə çıxış imkanlarını məhdudlaşdırırdı və platforma bu çətinliyin aradan qaldırılmasını nəzərə alıb. Belə ki, güzəştli kreditlər pandemiyanın və eləcə də növbəti dövrdə post-pandemiyanın çağırışlarına uyğun olaraq həm də texnikanın və avadanlığın alınmasına yönəldiləcək".

Deputat bildirib ki, nəticədə əvvəlki illərdən fərqli olaraq artıq sahibkarın kreditlə aldığı avadanlıq və texnika həm də girov rolunu oynayacaq: "Yəni sahibkar bu zaman artıq daşınmaz və ya daşınar əmlakı girov olaraq təqdim etmək məcburiyyətində deyil. Sahibkarın aldığı məhsul bu halda girov rolunu oynayacaq. Bu, imkan verir ki, sahibkarlar hər hansı bir girov təqdim etmədən güzəştli kreditləri cəlb edərək avadanlıq və texnikanın alınmasını həyata keçirsinlər. Beləcə, öz fəaliyyətlərini genişləndirsinlər və xüsusən də post-pandemiyanın çağırışlarına uyğun olaraq öz bizneslərini qura bilsinlər".

"Elektron Kredit Platforması birmənalı şəkildə uzun müddət sahibkarlar üçün əsas müzakirə məsələlərindən biri olan girov məsələsinin həllinə gətirib çıxarır. Nəticədə sahibkarlar praktiki olaraq girov problemi ilə üzləşmədən güzəştli kreditlərdən faydalana bilirlər", - deyə millət vəkili diqqətə çatdırıb.

Qeyd edək ki, bu mexanizm üzrə bankların faiz dərəcəsi 7% təşkil edir. Tətbiq olunan yeni mexanizm biznes subyektlərinin maliyyə resurslarına çıxış imkanlarının daha da genişlənməsinə, investisiya fəallığının, iqtisadi artımın və məşğulluğun dəstəklənməsinə əhəmiyyətli töhfə verəcək.

Xatırladaq ki, kredit-zəmanət mexanizmi çərçivəsində yeni biznes kreditlərinin verilməsi məqsədilə müraciətlərin onlayn rejimdə qəbul edilməsi üçün İqtisadiyyat Nazirliyi tərəfindən Elektron Kredit Platforması (www.e-edf.gov.az) yaradılıb və 30 iyun tarixindən sahibkarların istifadəsinə verilib. Hazırda kredit sifarişlərinə qısa zaman ərzində baxılması, müraciətlərin qəbulu, Sahibkarlığın İnkişafı Fondu və kredit təşkilatları tərəfindən təhlillərin aparılması və qərarların sahibkarlara çatdırılması ilk dəfə tətbiq olunan bu platforma vasitəsilə həyata keçirilir.

4770
Azərbaycan Rieltorlar Assosiasiyasının icraçı direktoru Elnur Azadov

Ekspert: “Əmlak bazarında ciddi dəyişikliklərin olacağı gözlənilmir”

11
(Yenilənib 14:24 27.11.2020)
Azərbaycan Rieltorlar Assosiasiyasının icraçı direktoru Elnur Azadov deyir ki, rəqabət müşahidə edilən ərazilərdə endirimləri görmək olar
Elnur Azadov: “Kirayə bazarında 20% endirim müşahidə edilir”

“Pandemiya ilə əlaqədar olaraq iqtisadi proseslərin dayanması daşınmaz əmlak bazarındakı qiymətlərə ciddi təsir etməyib”. Bunu Sputnik Azərbaycan-a açıqlamasında Azərbaycan Rieltorlar Assosiasiyasının icraçı direktoru Elnur Azadov deyib.

O bildirib ki, bəzi tikinti şirkətləri inşaat prosesini davam etdirə bilmək üçün endirim aksiyalarına başlamışdılar:

“Bu ümumi bazara təsir göstərməsə də, rəqabət müşahidə edilən ərazilərdə endirimləri görmək olar. Kirayə bazarında isə 20% endirim müşahidə edilir. Bu baxımdan ilin sonuna qədər əmlak bazarında ciddi dəyişikliklərin olacağı gözlənilmir. Məcburi köçkünlərin qayıdışından sonra əmlak bazarında hansı vəziyyətin yaranması isə dövlət proqramından asılı olacaq”.

Elnur Azadovun geniş şərhinə audiofaylda qulaq asa bilərsiniz

11
Манаты и рубли разных номиналов, фото из архива

Rusiya rublu manat qarşısında geriləyib

11
Xatırladaq ki, 2020-ci ilin noyabrın 27-də ABŞ dollarının məzənnəsi 1,7000 manat təşkil edib, 1 avronun məzənnəsi 2,0271 manat, 1 Rusiya rublunun məzənnəsi 0,0225 manat, 1 türk lirəsi isə 0,2156 manat olub. 

BAKI, 30 noyabr - Sputnik. Azərbaycan Mərkəzi Bankı (AMB) bu günə olan rəsmi valyuta məzənnələrini açıqlayıb.

Sputnik Azərbaycan-ın məlumatına görə, 2020-ci ilin noyabrın 30-na ABŞ dollarının məzənnəsi dəyişməyərək 1,7000 manat təşkil edib, 1 avronun məzənnəsi 2,0344 manata yüksəlib, 1 Rusiya rublunun məzənnəsi 0,0224 manata enib, 1 türk lirəsi isə 0,2164 manata yüksəlib.

Xatırladaq ki, 2020-ci ilin noyabrın 27-də ABŞ dollarının məzənnəsi 1,7000 manat təşkil edib, 1 avronun məzənnəsi 2,0271 manat, 1 Rusiya rublunun məzənnəsi 0,0225 manat, 1 türk lirəsi isə 0,2156 manat olub. 

11
Teqlər:
Azərbaycan Mərkəzi Bankı, dollar, avro, valyuta, Rəsmi məzənnə, manat, rubl
Rusiya Prezidenti Vladimir Putin, arxiv şəkli

Putin Paşinyanla görüşməkdən imtina etdi

7
(Yenilənib 18:09 30.11.2020)
Məlumatda qeyd olunur ki, səfərin ləğv olunmasına səbəb baş nazirin Rusiya rəhbərliyi ilə yüksək səviyyədə görüşə dair razılığın əldə olunmaması olub.

BAKI, 30 noyabr — Sputnik. Ermənistan Baş naziri Nikol Paşinyanın Rusiyaya səfəri təxirə salınıb. Bu barədə Spuntik Azərbaycan "News.am"-a istinadən xəbər verir.

Məlumatda qeyd olunur ki, səfərin ləğv olunmasına səbəb baş nazirin Rusiya rəhbərliyi ilə yüksək səviyyədə görüşünə dair razılığın əldə olunmaması olub.

"Ermənistanın Paşinyan – Putin görüşünü təşkil etmək cəhdləri iflasa uğrayıb. Ermənistan baş nazirinin protokol rəhbəri geri – Yerevana çağırılıb", - deyə məlumatda bildirilir.

 

7
Teqlər:
imtina, görüş, Nikol Paşinyan, Vladimir Putin, Ermənistan, Rusiya