Azərbaycan manatı, arxiv şəkli

"Gözü çıxmış qardaş"ın dərsləri - iqtisadiyyat buna görə pulsuz qalır

1008
(Yenilənib 19:13 27.07.2020)
Milli valyutada olan əmanətlər ötən ilin müvafiq dövrünə nisbətən 3,9 faiz, xarici valyutada əmanətlər isə 16,5 faiz azalıb

Xalid Məmmədov, Sputnik Azərbaycan

BAKI, 27 iyul — Sputnik. Mərkəzi Bankın məlumatına görə, 2020-ci il iyun ayının 1-nə əhalinin banklardakı əmanətlərinin milli valyuta ekvivalentində məbləği 7 milyard 661,3 milyon manat təşkil edib, əmanətlərin 53,9 faizi xarici, 46,1 faizi isə milli valyutada qoyulub.

Sputnik Azərbaycan-ın məlumatına görə, milli valyutada olan əmanətlər ötən ilin müvafiq dövrünə nisbətən 3,9 faiz, xarici valyutada əmanətlər isə 16,5 faiz azalıb.

Bəs əmanətlərin azalmasının səbəbləri nədir və bu azalma davam edəcəkmi?

Bank və maliyyə məsələləri üzrə ekspert Əkrəm Həsənov Sputnik Azərbaycan-a deyib ki, əmanətlərin azalmasının bir neçə səbəbi var: "Birinci səbəb koronavirus pandemiyasına görə tətbiq edilən məhdudlaşdırıcı tədbirlərdir, yəni insanların gəlirlərinin azalmasıdır. İnsanlar banklardan əmanətlərini ona görə çıxarırlar ki, cari xərclərini qarşılasınlar. Əmanətlərin azalmasının bir hissəsi insanların gəlirlərinin azalması ilə bağlıdır ki, öz xərcləri üçün əmanətləri bankdan çıxarırlar. İkinci səbəb bank sisteminə etimad məsələsidir. Aprel-may aylarında 4 bank bağlandı və bu, digər bank müştərilərini də çəkindirir. Əmanətlərin sığortalanması sistemi hələ də normal işləmir".

"Üçüncüsü, məsələn, "AtaBank" 1 ilə yaxın idi ki, əmanətləri qaytarmırdı və bu, digər bankların da əmanətçilərini çəkindirirdi. Əmanətlərin azalmasının, nəhayət, sonuncu səbəbi milli valyutaya olan inamın azalmasıdır. Dünyada neftin qiymətinin düşməsi ilə bağlı bəzi insanlarda devalvasiya qorxusu var və ona görə də əmanətlərini bankdan çıxarırlar. Baxmayaraq ki, milli valyutada əmanət faizləri yüksəkdir", - deyə o qeyd edib.

Ekspert bildirib ki, banklarda əmanətlərin azalması davam edəcək: "Çünki yuxarıda sadaladığım səbəblər, ən azı, yaxın aylarda aradan qalxmayacaq. Əmanətlər azalanda banklar kredit verə bilmir. Beləcə kreditləşmə azalır və iqtisadiyyat pulsuz qalır. Banklar əmanətçidən pulu aşağı faizlə alır, kredit alana isə daha yuxarı faizlə kredit verir. Və bank arada yaranmış fərqdən gəlir götürmüş olur. Əmanət azalanda banklar kredit verə bilmir, bu da iqtisadiyyat üçün çox pis haldır".

"Əmanətlərin artması üçün ilk növbədə əmanətlərin sığortalanması sisteminə yenidən baxmaq lazımdır. Ləğv olunan bankların ləğv prosesini daha şəffaf etmək lazımdır. Ən əsası - banklara etimadı, inamı bərpa etmək vacibdir. Bundan başqa, Mərkəzi Bank ilə Əmanətlərin Sığortalanması Fondu üzərində ictimai nəzarət olmalıdır", - deyə ekspert əlavə edib.

Xatırladaq ki, 2020-ci il may ayının 1-nə əhalinin banklardakı əmanətlərinin milli valyuta ekvivalentində məbləği aprel ayı ərzində 493,7 milyon manat azalaraq 7 milyard 758 milyon manat təşkil etmişdi. Əmanətlərin 55,1 faizi xarici, 44,9 faizi isə milli valyutada qoyulmuş, milli valyutada olan əmanətlər ötən ilin müvafiq dövrünə nisbətən 3,9 faiz, xarici valyutada əmanətlər isə 16 faiz azalmışdı.

1008
Əlaqədar
Valyuta bazarında tələb artmaqdadır: Qızıl alışına keçməsək, payızda zərər görə bilərik
Virtual "pul qabı"ndakı vəsaitləri kart hesabına köçürmək olacaq
Elman Rüstəmov: "Banklarda situasiya bir qədər pisləşib"
Pul, pul gətirər! Xərclədiyinizi nağd şəkildə cibinizə qoyub bir də xərcləyə biləcəksiniz
Kreditlərlə bağlı təklif hələ də aktualdır - Nə bank zərər görəcək, nə müştəri
Laçın şəhərinə mənzərə, arxiv şəkli

İtaliya şirkətləri işğaldan azad edilmiş ərazilərimizi bərpa etməkdə maraqlıdırlar

10
(Yenilənib 21:48 25.11.2020)
İtaliya şirkətlərinin müxtəlif sahələrdəki layihələrdə, eləcə də ənənəvi və bərpaolunan enerji mənbələrinin inkişafı sahəsində iştirakı məsələsinə toxunulub, şirkətlərin Azərbaycanda investor kimi fəaliyyətlərinin genişləndirməsi imkanları müzakirə edilib.

 

BAKI, 25 noyabr — Sputnik. Energetika naziri Pərviz Şahbazov İtaliyanın Azərbaycandakı səfiri Augusto Massari ilə görüşüb.

Nazirlikdən Sputnik Azərbaycan-a bildirilib ki, görüşdə bu ilin fevral ayında Prezident İlham Əliyevin İtaliyaya dövlət səfəri zamanı imzalanmış sənədlərin və Azərbaycan Respublikası ilə İtaliya Respublikası arasında iqtisadi əməkdaşlıq üzrə Hökumətlərarası Komissiyanın 5-ci iclasının protokolunun icrasının gedişi müzakirə edilib.

Energetika naziri Pərviz Şahbazov

Səfir dinc əhalinin həlak olması ilə bağlı Azərbaycan xalqına, həlak olanların ailələrinə və yaxınlarına dərin hüznlə başsağlığını çatdırıb, üçtərəfli bəyanatı alqışladığını vurğulayıb.

İtaliyanın infrastruktur sahəsində fəaliyyət göstərən şirkətlərinin Azərbaycanın işğaldan azad edilmiş ərazilərində bərpa-yenidənqurma işlərinin aparılmasına marağını ifadə edib.

Energetika naziri başsağlığına və İtaliyanın imzalanmış bəyanata dəstəyinə görə təşəkkür edib.

Görüşdə Azərbaycan və İtaliya arasında münasibətlərin iqtisadiyyatın bir çox sahələrində uğurla inkişaf etdiyi, uzunmüddətli əməkdaşlıq əlaqələrində enerji sektorunda əməkdaşlığın mühüm rol oynadığı qeyd edilib. Bu əməkdaşlığın mühüm elementi sayılan "Trans-Adriatik" boru kəməri (TAP) layihəsinin İtaliya və digər Avropa istehlakçıları üçün əhəmiyyətindən bəhs edilib, layihənin kommersiya fəaliyyəti üçün hazır olduğu, cari ilin sonunda Azərbaycan qazının Avropaya kommersiya məqsədli nəqlinə başlanmasının nəzərdə tutulduğu vurğulanıb.

İtaliyanın Azərbaycandakı səfiri Augusto Massari

Görüşdə iki ölkə arasında müxtəlif sahələrdə əməkdaşlıq məsələləri, enerji sektorunda investisiya imkanları ətrafında fikir mübadiləsi aparılıb, İtaliya şirkətlərinin müxtəlif sahələrdəki layihələrdə, eləcə də ənənəvi və bərpaolunan enerji mənbələrinin inkişafı sahəsində iştirakı məsələsinə toxunulub, şirkətlərin Azərbaycanda investor kimi fəaliyyətlərinin genişləndirməsi imkanları müzakirə edilib. Həmçinin Azərbaycan Respublikası və İtaliya Respublikası arasında iqtisadi əməkdaşlıq üzrə Hökumətlərarası Komissiyanın növbəti iclasına hazırlıq məsələləri, iki ölkənin müxtəlif qurumları arasında imzalanmış əməkdaşlıq sənədlərindən irəli gələn məsələlər nəzərdən keçirilib.

10
Neft konteynerləri, arxiv şəkli

Azərbaycan neftinin qiyməti qalxdı

18
(Yenilənib 14:00 25.11.2020)
Azərbaycan neftinin 1 barelinin qiyməti 1,79 ABŞ dolları və ya 3,87% artaraq 48,07 dollar təşkil edib.

BAKI, 25 noyabr - Sputnik. Dünya bazarında "Azeri Light" (CIF) markalı neftin qiyməti artıb.

Sputnik Azərbaycan-ın məlumatına görə, Azərbaycan neftinin 1 barelinin qiyməti 1,79 ABŞ dolları və ya 3,87% artaraq 48,07 dollar təşkil edib.

Qeyd edək ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

18
Teqlər:
barel, neft

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

0
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

0