BAKI, 18 iyul — Sputnik. Azərbaycanın dünya bazarına çıxararaq satdığı "Azeri LT CIF" markalı xam neftin qiyməti 0,55 ABŞ dolları, yaxud 1,22% azalıb.
Sputnik Azərbaycan xəbər verir ki, “Azeri Light” markalı neftin bir barelinin qiyməti 44,51 ABŞ dolları təşkil edib.
Qeyd edək ki, London bijasında “Brent” markalı neft 0,23 dollar azalaraq həftəni 43,14 dollarla başa vurub. Nyu-York birjasında isə “Light” markalı neft 0,16 dollar itirərək 40,59 dollar təşkil edib.
Xatırladaq ki, "Azeri LT CIF" neftinin ən aşağı qiyməti 2020-ci ilin aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb.
