Azərbaycan manatı, arxiv şəkli

Dollardan kəsirimiz var: borc əl verir, devalvasiya

293
(Yenilənib 10:13 23.06.2020)
Millət vəkili: "Xüsusən də 4 ayın yekunlarında ticarət balansında müsbət saldonun yarandığını nəzərə alsaq, praktik olaraq bu kəsir Azərbaycan iqtisadiyyatında xüsusi mənfi təsirlərə malik olmayacaq"

Xalid Məmmədov, Sputnik Azərbaycan

BAKI, 23 iyun — Sputnik. 2020-ci ilin 1-ci rübündə Azərbaycanın tədiyə balansında 1 milyard 343 milyon 500 min dollar kəsir yaranıb. Halbuki 2019-ci ilin 1-ci rübündə tədiyə balansında 2 milyard 19 milyon dollar profisit formalaşmışdı.

Sputnik Azərbaycan Mərkəzi Banka istinadla xəbər verir ki, kəsir ölkənin cari əməliyyatlar balansındakı 646,3 milyon dollarlıq qalıq, maliyyə hesabındakı 1 milyard 394,1 milyon dollarlıq kəsir, balanslaşdırıcı maddələr üzrə 595,7 milyon dollarlıq kəsir hesabına formalaşıb.

Bəs bu yaranmış kəsiri bağlamaq mümkün olacaqmı və bunun iqtisadiyyata hansı təsirləri müşahidə edilə bilər?

Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov Sputnik Azərbaycan-a deyib ki, Mərkəzi Bank tərəfindən tədiyə balansı ilə bağlı birinci rübün yekunları elan olunub: "Birinci rübün yekunlarına əsasən, tədiyə balansında kəsirin olması daha çox maliyyə hesabında kəsirin müşahidə edilməsi ilə bağlıdır. Belə ki, maliyyə hesabında 1 milyard 394 milyon dollarlıq kəsir yaranıb. Bu da tədiyə balansında kəsirin yaranmasına səbəb olub. Amma biz 4 ayın yekunlarına və xüsusən də xarici ticarət dövriyyəsindəki yekunlara diqqət yetirsək, 2020-ci ilin yanvar-aprel aylarının yekunlarına əsasən, Azərbaycanın ticarət dövriyyəsində 1 milyard 416 milyon dollarlıq müsbət saldo yaranıb. 2020-ci ilin yanvar-aprel aylarında Azərbaycan ixracatının daha çox olmasını müşahidə edirik. Bu da ticarət balansı vasitəsilə ölkəyə daxil olan valyutanın həcminin çox olması anlamına gəlir".

Millət vəkili bildirib ki, xüsusən də 4 ayın yekunlarında ticarət balansında müsbət saldonun yarandığını nəzərə alsaq, praktik olaraq bu kəsir Azərbaycan iqtisadiyyatında xüsusi mənfi təsirlərə malik olmayacaq:

"Ticarət balansındakı saldonun ölkəyə daxil olan valyutanın həcmi baxımından əhəmiyyətini nəzərə alsaq, bu baxımdan birinci rübdəki kəsir praktiki olaraq iqtisadiyyata xüsusi təsirlərə malik deyil. Burada kəsir xarici ticarət dövriyyəsinə görə deyil, maliyyə hesabına görə baş verib. Ona görə bunun təsirlərini minimumlaşdırmaq mümkündür. O baxımdan mövcud islahatlar çərçivəsində birinci rübdə müşahidə edilən kəsirin iqtisadiyyata təsirlərini minimumlaşdırmaq mümkündür".

Azərbaycan Dövlət İqtisad Universitetinin dosenti Elşən Bağırzadə Sputnik Azərbaycan-a deyib ki, Azərbaycanın tədiyə balansında kəsirin yaranması ilk növbədə neftin dünya bazar qiymətlərinin aşağı düşməsi ilə bağlıdır: "Eyni zamanda kəsirin yaranmasına qeyri-neft məhsullarının ixracında baş verən problemlər də dəstək verib. Dünya bazarlarında koronavirus pandemiyası ilə bağlı problemlər yaşanır. Hazırda Azərbaycanın tədiyə balansında kəsirin bağlanması üçün problem yoxdur. Azərbaycanın valyuta ehtiyatları imkan verir ki, bu kəsir aradan qaldırıla bilsin.

Azərbaycan Dövlət İqtisad Universitetinin (UNEC) dosenti Elşən Bağırzadə
© Photo : UNEC-in mətbuat xidməti
Azərbaycan Dövlət İqtisad Universitetinin (UNEC) dosenti Elşən Bağırzadə

Neftin qiyməti ifrat dərəcədə qalxacaq – ABŞ proqnoz verdi>>

Kəsirin bağlanması üçün digər variant isə devalvasiya variantıdır. Düşünürəm ki, indiki mürəkkəb şəraitdə devalvasiya qərarının verilməsi kifayət qədər çətindir, amma ehtiyatlardan istifadə oluna bilər. Lakin devalvasiya variantı da istisna deyil".

"Əgər kəsir ciddi həddə gəlib çıxarsa, yəni kəsirin artması davam edərsə, Azərbaycanın valyuta ehtiyatları hesabına bunun bağlanması məntiqli addım olmayacaq. Çünki ehtiyatları bu şəkildə xərcləmək düzgün deyil və bu da devalvasiyanı qaçılmaz edəcək. Əgər sərt devalvasiya olacaqsa, bu, Azərbaycan iqtisadiyyatı üçün yenə də ciddi problemlər yaradacaq", - deyə ekspert qeyd edib.

O bildirib ki, əgər neftin qiyməti aşağı qalmaqda davam edərsə, bu kəsir genişlənə bilər: "Amma buna baxmayaraq düşünürəm ki, bu il və gələn il üçün təhlükə yoxdur, çünki Mərkəzi Bankın kifayət qədər ehtiyatları var. Kəsirin bağlanması üçün digər variant xarici investisiyalardır. Amma təəssüf ki, indiki şəraitdə xarici investisiya yolu o qədər də əlverişli deyil. Kəsirin bağlanması üçün digər bir yol borclanmadır, amma fikrimcə, ölkəmiz borclanma yoluna getməz, çünki kifayət qədər ehtiyatlarımız var".

"Lakin yumşaq şəkildə devalvasiyaya gedilməsinin daha əlverişli və məntiqli olacağını düşünürəm. Amma fikrimcə, indiki mürəkkəb şəraitdə Mərkəzi Bank devalvasiyaya getməz", - deyə ekspert əlavə edib.

293
Əlaqədar
Pullarımızla bağlı çox bədbin xəbər: iyunda daha pis olacaq
Problemli kreditlər ümumi kredit portfelinin neçə faizini təşkil edib?
Köhnə qaydanı yaddan çıxartmaq vaxtıdır: Əmanətə xəyanət olmaması üçün yeni model gəlir
Supergüclərin “yaşıl” energetika oyunu: nefti satan uduzur, alansa qazanır
Azərbaycan nefti "fontan vurur" - Qiymət 43 dollara çatır
Kənd Təsərrüfatı naziri İnam Kərimov

İnam Kərimov: “Kənd Təsərrüfatı Nazirliyi qarşısında konkret ciddi vəzifələr qoyulub”

61
(Yenilənib 23:47 12.08.2020)
Kənd Təsərrüfatı naziri İnam Kərimov deyir ki, qarşıda duran əsas vəzifələrdən biri müasir, mütərəqqi suvarma texnologiyalarından istifadə edilməsidir
İnam Kərimov: “Ayrılan vəsait suvarma sistemlərinin subsidiyalaşdırılmasına xərclənəcək”

“Bu il hava şəraitinin quraq keçməsi su çatışmazlığı problemini daha da aktuallaşdırıb. Ona görə də su resurslarından səmərəli istifadə edilməsi əsas vəzifələrdəndir”. Sputnik Azərbaycan xəbər verir ki, bu barədə Kənd Təsərrüfatı naziri İnam Kərimov Bərdədə jurnalistlərə müsahibəsində deyib.

“Bu məqsədlə ötən ay Prezident yanında su təsərrüfatının vəziyyətinə həsr olunmuş müşavirə keçirildi. Müşavirədən sonra "Su ehtiyatlarından səmərəli istifadənin təmin edilməsi ilə bağlı əlavə tədbirlər haqqında" Sərəncam imzalandı. Həm müşavirədə, həm də Sərəncamda Kənd Təsərrüfatı Nazirliyi və aidiyyəti qurumlar qarşısında konkret və ciddi vəzifələr qoyulub. Qarşıda duran əsas vəzifələrdən biri müasir, mütərəqqi suvarma texnologiyalarından istifadə edilməsidir. Bu texnologiyalar həm su resurslarından səmərəli istifadəyə, həm də fermerlərin daha çox məhsul istehsal etməsinə imkan verir. Bu məqsədlə Prezident müasir suvarma texnologiyalarının və digər kənd təsərrüfatı texnologiyalarının subsidiyalaşdırılması üçün əlavə vəsait ayırıb. Bu vəsait Prezidentin tapşırığına uyğun olaraq Kənd Təsərrüfatı Nazirliyi tərəfindən əsasən müasir suvarma sistemlərinin subsidiyalaşdırılmasına xərclənəcək”, – deyə nazir İnam Kərimov bildirib.

İnam Kərimovun fikirlərinə audiofaylda qulaq asa bilərsiniz

61
Kişi yeni evinin qapısından baxır, arxiv şəkli

Əcnəbilərdən başqa hər kəs bir pillə aşağı - Kirayə bazarı hərəkətə gəldi

671
(Yenilənib 00:10 13.08.2020)
Kirayə ev axtaran vətəndaşların sayı çox olsa da, hamı ucuz ev istəyir. Pandemiyadan öncə 400-450 manata kirayə verilən evlər də hazırda 300-350 manata həm axtarılır, həm də kirayə verilir

İradə Cəlilova, Sputnik Azərbaycan

BAKI, 13 avqust — Sputnik. Hər il yeni tədris ilinin başlanması ilə bağlı avqust ayında kirayə bazarında canlanma müşahidə edilirdi. Bu il pandemiya ilə əlaqədar bazarın bu seqmentində durğunluq yaransa da, mütəxəssislər hesab edirlər ki, son həftədə az da olsa, hərəkətlilik sezilir.

Amma bu dəfə vətəndaşlar kirayə tutmaq üçün daha ucuz ev axtarırlar.

Hazırda kirayə bazarında vəziyyət necədir? Sputnik Azərbaycan bu məsələni araşdırıb.

Əmlak məsələləri üzrə ekspert Elnur Fərzəliyev Sputnik Azərbaycan-a verdiyi açıqlamada bildirib ki, son bir həftədə paytaxtda kirayə bazarında bir hərəkətlənmə müşahidə edilib. Belə ki, ucuz kirayə evlərə tələbat artıb.

"Hazırda hamı 250 manata ev axtarır. 250 manata verilən evlər isə pandemiyadan əvvəl 350 manata kirayə verilən evlərdir. Pandemiyadan öncə 400-450 manata kirayə verilən evlər də hazırda 300-350 manata həm axtarılır, həm də kirayə verilir", - deyən ekspert bildirib ki, kirayə ev axtaran vətəndaşların sayı çox olsa da, hamı ucuz ev istəyir.

Mütəxəssis hesab edir ki, kirayə ev axtaranların əksəriyyəti tələbələr və iş üçün bölgələrdən paytaxta gələn vətəndaşlardır. E.Fərzəliyevin fikrincə, obyektlərin kirayə verilməsində isə vəziyyət fərqlidir.

Belə ki, müəyyən müddət işləməyə icazə olmadığı üçün obyektlərin çoxu boşaldıldı.

Onun sözlərinə görə, obyektlərin kirayə qiymətlərində ucuzlaşma müşahidə edilmir:

"Məsələn, aylıq icarə haqqı 1000 manat olan obyektlər 500 manata icarəyə verilsə, sahibkarlar fəaliyyətini davam etdirə bilərlər. Amma obyekt sahibləri bu ucuzlaşmaya getmirlər. Obyektlərini bağlı, boş saxlayırlar, amma ucuz icarəyə vermirlər. Çünki obyektlərin satış dəyəri onun icarə qiymətindən asılıdır. Belə ki, obyektlər satış dəyərinin 0,5 faizi dəyərində icarəyə verilir. Məsələn, 100 min-150 minlik satış dəyəri olan bir obyektin 500 manat icarə dəyəri olmalıdır. Belə obyektlər 200-300 manata icarəyə veriləndə onun satış qiyməti 70-80 min manata düşür. Obyekt almağı düşünən şəxslər icarə dəyərini nəzərə alırlar".

Ekspert qeyd edir ki, sərt karantin dönəmində bağ evlərinə ciddi tələbat olduğu üçün bağ evlərinin qiymətləri kəskin artdı: "Yay mövsümü artıq bitdiyi üçün bağ evləri də bir müddət sonra boşalacaq və qiymətlər düşəcək".

Əmlak məsələləri üzrə ekspert Elnur Azadov Sputnik Azərbaycan-a açıqlamasında bildirib ki, may ayından etibarən tələbələrin regionlara geri qayıtması ilə bağlı kirayə bazarında müəyyən dəyişikliklər müşahidə edilməyə başlanılıb.

"Bu daha çox Bakı, Sumqayıt və Gəncə şəhərlərində müşahidə edilir. Çünki ölkədə kirayə bazarının 30-35 faizini tələbələr təşkil edirlər. Bunların getməsi ilə bağlı bu üç şəhərdə gün ərzində 200-250 mənzil boşaldı", - deyə ekspert bildirib.

Onun sözlərinə görə, iyun-iyul aylarında kirayə evlərinin boşaldılması halları daha intensiv olub. Və təkcə tələbələr deyil, regionlardan paytaxta işləməyə gələn şəxslər də evləri boşaldıblar: "Bu özünü daha çox iyulun sonlarında göstərdi. Eyni zamanda həmin mənzillərin təkrar kirayə verilməsi müşahidə edildi. Yəni 500 manatlıq kirayə evdə qalanlar 400 manatlıq kirayə evlərə, 400 manatlıq kirayə evlərdə qalanlar 300 manatlıq kirayə evlərə köçdülər".

Ekspert deyir ki, bu dövr ərzində kirayə qiymətləri 20-30 faiz ucuzlaşıb. Onun sözlərinə görə, daha çox 600-700 manatlıq evlərə tələbat olduğu üçün bahalı evlər boşaldıldı.

Kirayə bazarında olan kasadlıq günlük kirayə mənzil bazarına da təsirsiz ötüşməyib. Belə ki, xarici vətəndaşların Azərbaycana səfərləri olmadığı üçün hazırda günlük kirayə bazarı tamamilə boşdur.

E.Azadovun fikrincə, xarici vətəndaşlar tərəfindən icarə götürülən 1000-1500 manatlıq kirayə evlərin bazarında heç bir dəyişiklik müşahidə edilməyib:

"Bu evlər Azərbaycanda çalışan xarici vətəndaşlar tərəfindən götürülür. Burada qalıb işləyən xarici vətəndaşlar işlərinə davam etdikləri üçün həmin bazarda dəyişiklik hiss edilməyib".

Ekspert bildirib ki, daha çox istirahət üçün nəzərdə tutulan villa və bağ evlərinin kirayə qiymətlərində bahalaşma müşahidə edilib.

Belə ki, bu bazarda qiymətlərin 2 dəfə bahalaşması heç bir zaman görülməmişdi: "Amma pandemiya dövründə 5000 manata kirayə verilən villaların icarə qiymətinin 10 min manata qalxması halları da müşahidə edildi".

E.Azadov bildirir ki, kirayə bazarında hərəkətlilik davam edir və bu tendensiya karantin rejiminin yumşaldılması ilə bağlı dəyişəcək.

671
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Əmlak bazarında son vəziyyət - qiyməti saxlamaq naminə söküntü başlayacaq
On milyonlarla dolları Azərbaycandan Türkiyəyə yönəldən - SƏBƏB
Kirayə bazarında böhran: İcarədar işsizlikdən dad edir, sahibkar “verməlisən” deyir
Müxtəlif ölkələrdə mənzil kirayələmək neçəyə başa gəlir
Bakı sakinləri "mina"ların üstündə yaşayırlar: Hökumətin qərarları icrasız qalıb
Əldə bıçaq, arxiv şəkli

Binəqədidə 68 yaşlı kişini naməlum şəxslər öldürdülər

0
Hazırda prokurorluq və polis əməkdaşları tərəfindən cinayəti törətmiş şəxs və ya şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.

BAKI, 14 avqust — Sputnik. Avqustun 12-də 1952-ci il təvəllüdlü Hüseyn Məmmədova Binəqədi rayonu ərazisində naməlum şəxs (şəxslər) tərəfindən bıçaqla xəsarət yetirilməsi və aldığı xəsarətdən 13 avqust 2020-ci il tarixdə xəstəxanada ölməsi barədə rayon prokurorluğuna məlumat daxil olub. Sputnik Azərbaycan Baş Prokurorluğun məlumatına istinadla xəbər verir ki, dərhal prokurorluq əməkdaşları tərəfindən hadisə yerinə baxış keçirilib və digər zəruri prosessual hərəkətlər yerinə yetirilib.

Faktla bağlı Binəqədi rayon Prokurorluğunda Cinayət Məcəlləsinin 126.3-cü qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanılıb.

İş üzrə hadisənin şahidləri müəyyənləşdirilərək dindirilib, müvafiq ekspertizalar təyin edilib. Hazırda prokurorluq və polis əməkdaşları tərəfindən cinayəti törətmiş şəxs və ya şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.

0
Əlaqədar
Şəmkirdə qohumlar arasında dava - ölən var
Abşeronda kütləvi davada iki nəfər öldürülüb
Quliyevlər arasında bıçaqlanma - Mixayil Sənanı qanına qəltan elədi
Səbaildə boğazı kəsilən azyaşlı haqqında məlumat var
İmişlidə qətl - iki qohum bıçaqlandı, biri öldü