Standard Insurance maşını, arxiv şəkli

Azaldıqca müştəriyə ziyan vururlar: "Göstəriciyə deyil, ödənişə baxın"

389
(Yenilənib 20:38 22.05.2020)
Maliyyə Bazarlarına Nəzarət Palatası ləğv edildikdən və qanunvericiliklə müəyyən edilmiş aidiyyəti səlahiyyətlər təhvil alındıqdan sonra Mərkəzi Bank sığorta sektorunun maliyyə vəziyyətinin qiymətləndirilməsinə başlayıb

Xalid Məmmədov, Sputnik Azərbaycan

BAKI, 22 may — Sputnik. Mərkəzi Bankın 19 may 2020-ci il tarixli qərarı ilə "Standard Insurance" ASC sığorta şirkətinin kapitalını tam itirdiyinə, cari fəaliyyətini etibarlı qaydada həyata keçirmədiyinə və istehlakçılarının hüquqlarının pozulmasına yol verdiyinə görə lisenziyası ləğv edilib, şirkətə müvəqqəti inzibatçı təyin edilib, habelə şirkət barəsində iflas proseduruna başlanılmasına dair ərizə ilə məhkəməyə müraciət edilib. Sputnik Azərbaycan xəbər verir ki, həmin sığorta şirkətinin idarəetmə orqanlarının səlahiyyətləri dayandırılıb və həmin səlahiyyətlər müvəqqəti inzibatçıya verilib.

Qeyd edək ki, həmin sığorta şirkətinin maliyyə vəziyyəti uzun müddətdir ki, pisləşmişdi. Bəs sığorta şirkətinin bağlanması vətəndaş üçün problem yaradacaqmı və sığorta ödənişləri necə olacaq? Vətəndaş etibarlı sığorta şirkətini necə seçməlidir?

Sığorta üzrə ekspert İlkin İbrahimov Sputnik Azərbaycan-a deyib ki, icbari sığorta üzrə müqavilə 1 il müddətinə bağlanır: "Bu da o deməkdir ki, 1 il ərzində sığorta hadisəsi baş verirsə, vətəndaş sığorta ödənişini ala bilir. Könüllü sığorta üzrə isə müqavilə 1 ildən 3 ilədək müddətə bağlana bilər. Həmin müqavilələrin müddəti başa çatanadək vətəndaşlar sığorta hadisələri ilə bağlı sığorta şirkətinə müraciət edə bilərlər. Sığorta hadisəsi baş verərsə, vətəndaş əvvəlki qaydada sığorta şirkətinə müraciət edəcək və bununla bağlı hazırda həmin şirkətə müvəqqəti inzibatçı təyin edilib. Yəni sığorta hadisəsi baş verərsə, adi qaydada vətəndaş müraciət edəcək və bu məsələlər tənzimlənəcək. Əgər sığorta şirkətinin büdcəsində pul varsa, vətəndaşa sığorta ödənişi edilir. Əgər vəsait yoxdursa, onda sığorta şirkətinin əmlakı və s. satılandan sonra vətəndaşa sığorta ödənişi edilir. Ola bilər bu, vaxt aparsın. Burada növbəlilik məsələsi var. İlk növbədə sığorta şirkətinin öhdəlikləri yerinə yetirilməlidir".

"İflas proseduru ən azı 1 il çəkəcək. 1 ildən sonra isə sığorta hadisələrinə nəzarəti digər sığorta şirkətlərinə ötürə bilərlər. Yəni vətəndaşlar sığorta haqlarını digər sığorta şirkətlərinə köçürəcəklər və sığorta hadisəsi baş verərsə, sığorta ödənişini həmin sığorta şirkətləri edəcək. Hesab edirəm ki, vətəndaşlar üçün elə bir ciddi problem olmayacaq", - deyə ekspert qeyd edib.

Onun sözlərinə görə, "Standard Insurance" sığorta şirkətinin problemləri Standart Bankın ləğv olunmasından sonra yaranıb:

"Sığorta şirkətlərinin yığılan pulları ya banklarda əmanət şəklində saxlanır, ya da investisiyaya yönəldilir. Standart Bank ləğv ediləndən sonra "Standard Insurance" sığorta şirkətinin çox böyük məbləğdə əmanətləri orada batdı. Beləliklə, vətəndaşlara sığorta ödənişləri ilə bağlı çətinliklər yarandı. Çətinliklər yarandıqca vətəndaşlar həmin şirkətdə öz əmlaklarını sığorta etməməyə başladılar. Son nəticədə sığorta yığımları azaldı və belə problemlər yarandı".

Onun fikrincə, sığorta şirkətinin bağlanması düzgün addım deyil: "Bazarda 23 sığorta şirkəti var idi, indi 22 oldu. 22 sığorta şirkətinin də 5-i həyat sığorta şirkətidir, digərləri isə qeyri-həyatdır. Sığorta şirkətlərinin az olması vətəndaşın ziyanınadır, çünki vətəndaşın seçim imkanları zəifləyir".

Vətəndaş etibarlı sığorta şirkətini necə müəyyən etməlidir sualına ekspert belə cavab verib: "Sığorta şirkətlərinin maliyyə göstəriciləri də burada mühüm rol oynayır. Amma vətəndaşlar sığorta şirkətlərinin maliyyə göstəricilərinə deyil, əsasən onların sığorta ödənişlərinə baxmalıdırlar".

Qeyd edək ki, Mərkəzi Bankın məlumatına görə, Maliyyə Bazarlarına Nəzarət Palatası ləğv edildikdən və qanunvericiliklə müəyyən edilmiş aidiyyəti səlahiyyətlər təhvil alındıqdan sonra Mərkəzi Bank sığorta sektorunun maliyyə vəziyyətinin qiymətləndirilməsinə başlayıb. Qiymətləndirmə çərçivəsində şirkətin məcmu kapitalı tələb olunan səviyyədən xeyli aşağı olduğu müəyyən edilib və kapitalın tam bərpası üçün şirkətin rəhbərliyi ilə müzakirələr aparılıb. Lakin səhmdarlar tərəfindən şirkətin kapitalının tam bərpası üçün konkret plan təqdim edilməyib. "Standard Insurance" Sığorta Şirkətinin səmərəlilik göstəriciləri də xeyli aşağıdır və şirkət son iki ili zərərlə başa vurub.

Şirkətin bazar davranışları, xüsusilə isteklakçıların hüquqlarının müdafiəsi sahəsində olan problemləri barədə onun rəhbərliyi qarşısında dəfələrlə məsələ qaldırılıb. Şirkətin üzləşdiyi xroniki likvidlik problemi sığorta hadisələrinin tənzimlənməsində ciddi yubanmalara, nəticədə sığorta xidmətləri üzrə istehlakçıların narazılığının artmasına gətirib çıxarıb.

Mərkəzi Bank sığorta sektorunun maliyyə dayanıqlığını və sığorta şirkətlərinin bazar davranışlarının qanunvericiliyə uyğunluğunu sistemli olaraq nəzarət altında saxlayır. Görülən bütün tədbirlər sığorta sektorunun inkişafına, sığorta xidmətləri istehlakçılarının hüquqlarının müdafiəsinə yönəlib.

389
Əlaqədar
Bu gün otuz bir azərbaycanlı sevinir
Tibb işçiləri Dövlət Agentliyinə etiraz etdilər - "Bura yazdıqlarımızı silə bilərsiniz..."
Rusiyanın ən varlı varisi azərbaycanlıdır! Forbes belə deyir
Manat mövqeyini əldən vermir – Milli valyutada əmanətlər artıb
Elşad Məmmədov

Azərbaycan iqtisadiyyatı maliyyə amnistiyasından qazanclı çıxa bilərmi professor danışır

26
(Yenilənib 11:36 05.06.2020)
Azərbaycan Dövlət İqtisad Universitetinin (UNEC) professoru Elşad Məmmədov deyir ki, amnistiyaya düşən kapital ölkə iqtisadiyyatının inkişafına yönəldilməlidir
Elşad Məmmədov: “Amnistiya xatirinə amnistiya verilməməlidir”

“Maliyyə amnistiyasının verilməsinin effektiv olması üçün konkret şərtlər müəyyənləşdirilməlidir”. Bunu Sputnik Azərbaycan-a açıqlamasında Azərbaycan Dövlət İqtisad Universitetinin (UNEC) professoru Elşad Məmmədov deyib.

Professor bildirib ki, amnistiyaya düşən kapital ölkə iqtisadiyyatının inkişafına yönəldilməlidir: “Bunun üçün müvafiq normativ hüquqi aktlarda bu barədə konkret müddəaların əks olunması zəruridir. Çünki kapital sahiblərinin buna maraq göstərməməsinin şahidi ola bilərik. Yəni amnistiya xatirinə amnistiya verilməməlidir”.

Qeyd edək ki, deputat Əli Məsimli Milli Məclisin İqtisadi siyasət, sənaye və sahibkarlıq komitəsinin iclasında “Azərbaycan Respublikasının 2019-cu il dövlət büdcəsinin icrası haqqında” qanun layihəsinin müzakirəsi zamanı maliyyə və əmlak amnistiyası ilə bağlı görülən işlərin sürətləndirilməsinin vacib olduğunu bildirib.

Elşad Məmmədovun geniş şərhinə audiofaylda qulaq asa bilərsiniz

26
Avtomobillərin utilizasiyası, arxiv şəkli

Bir kupon, üç (min) manat pul, Azərbaycan maşını: o olmasın, bu olsun

317
(Yenilənib 01:15 05.06.2020)
Əslində bəzi avtomobillər hərəkətdə olsa belə, texniki baxışdan keçirilməməlidir. Amma vətəndaş hansısa yolla istismar müddəti keçmiş avtomobili texniki baxışdan keçirə bilir

İradə Cəlilova, Sputnik Azərbaycan

BAKI, 5 iyun — Sputnik. Bu gün şəhərin küçələrində istismar müddətini keçmiş avtomobillərə rast gəlinir.

Hələ Azərbaycan Prezidentinin 2018-ci il 27 dekabr tarixli Sərəncamı ilə təsdiq edilmiş "Azərbaycan Respublikasında yol hərəkətinin təhlükəsizliyinə dair 2019-2023-cü illər üçün Dövlət Proqramı"nda 2019-2020-ci illər üçün nəqliyyat vasitələrinin utilizasiya proqramının hazırlanması nəzərdə tutulsa da, görünən odur ki, bu istiqamətdə iş görülməyib.

Ötən il "Təmiz Şəhər" ASC avtombillərin utilizasiyası ilə bağlı layihənin hazırlanması üçün tender elan edib. Tenderin qalibi "Eko Enerji" MMC olub.

Ancaq hələ ki, məsələdən heç bir xəbər yoxdur. Nəqliyyat məsələləri üzrə ekspert Elməddin Muradlı Sputnik Azərbaycan-a açıqlamasında bildirib ki, Azərbaycanda 2018-ci il dekabr ayında yol hərəkətinin təhlükəsizliyinə dair dövlət proqramı imzalanıb və bu dövlət proqramında istismar müddətini başa vuran, daha doğrusu, istismara yararsız nəqliyyat vasitələrinin utilizasiya prosesi öz əksini tapıb. Və bu prosesin incəlikləri də orada qeyd olunub: "Lakin təxminən il yarım vaxt keçsə də, hələ ki, bu proqram qəbul olunmayıb. Utilizasiya prosesi necə və hansı formada, nə vaxt həyata keçiriləcək - hələlik məlum deyil. Və bununla bağlı bir şirkət də müəyyənləşdirilib. İndi həmin şirkət əslində bu proqramı hazırlamalıdır. Şirkətə vəsait də köçürülüb ki, proqram qəbul olunsun və təhvil verilsin, onun forması müəyyənləşdirilsin. Hələlik bu istiqamətdə hər-hansı bir addım atılmayıb. Sadəcə olaraq, bu məsələ barədə müəyyən fikirlər dolaşır".

Ekspertin fikrincə, köhnə avtomobillər çıxdaş olunmalı, istismardan yığışdırılmalıdır. Çünki onlar təhlükə mənbəyidir:

"Bu təhlükə isə yol nəqliyyat hadisələrində özünü daha qabarıq şəkildə göstərir. Yəni hər-hansı bir qəza baş verəndə istismar müddətini başa vurmuş, nasaz avtomobil daha ağır nəticələr verir. Eyni zamanda bu nəqliyyat vasitələri digərləri üçün də təhlükə mənbəyidir. Ekoloji normaların pozulmasına səbəb olur. Bu, avtomobillərin çıxdaş edilməsi, utilizasiya prosesi ilə bağlı bir məsələdir".

Ekspertin fikrincə, prosesin möhkəmləndirilməsi, ciddi şəkildə əməl edilməsi, onun tezliklə icra edilməsi vacib bir məsələdir.

"Dövlət proqramında əksini tapan məsələlər tezliklə icra olunmalıdır və bunların həlli mexanizmi tapılmalıdır. Həm də elə etmək olar ki, insanlar narazı qalmasınlar. Məsələn: avtomobillərini utilizasiyaya verən şəxslərə öz ölkəmizin istehsalı olan maşınları sərfəli qiymətə satmaq olar və yaxud xarici ölkədən daha sərfəli qiymətə bir maşın gətirməsinə şərait yaratmaq olar".

Nəqliyyat məsələləri üzrə ekspert Eldəniz Cəfər bildirib ki, utilizasiya ilə bağlı qərar hələ ötən il verilib. Bundan sonra avtomobillərin utilizasiyası üçün layihə hazırlanması bir şirkətə həvalə olundu. Və sonra həmin məsələ barədə heç bir məlumat verilmədi: "Əlbəttə ki, köhnə avtomobillər atmosferə zərər vurur. Eyni zamanda ətraf mühitə də zərərlidir. İstismar müddəti bitmiş avtomobillərdən xaric edilən zərərli maddələr torpağa, hətta suya da çata bilir.

Avtomobillərin utilizasiya proqramını bu qədər yubandırmağın yeri yoxdur. Bu, imkan daxilində tez bir zamanda həllini tapmalıdır. Avtomobillərin utilizasiya proqramı olduqca tez hazır olmalıdır.

Yeri gəlmişkən, bu proqram ictimai müzakirəyə çıxarılmalıdır. Media təmsilçiləri, avtomobil üzrə ekspertlər bu proqramın hazırlanmasında iştirak etməlidirlər. Ancaq təəssüf ki, bu proqram haqqında, proqramın layihəsinin hazırlanması haqqında heç bir xəbər yoxdur. Sadəcə bir xəbər yayılıb ki, utilizasiya proqramı bir şirkətə tapşırılıb. Və o şirkət layihəni hazırlayır. Başqa heç bir şey elan olunmayıb".

Ekspert əlavə edib ki, avtomobillərin utlizasiyası ilə bağlı məsələlər kənarda qalıb, problem isə zərər vurmaqda davam edir.

E.Cəfərin fikrincə, yalnız köhnə avtomobillərin yığılması ilə işi bitmiş hesab etmək olmaz. Elə bir proqram hazırlanmalıdır ki, onun çərçivəsində vətəndaşlar avtomobillərini özləri könüllü şəkildə təhvil versinlər.

Bu səbəbdən də vətəndaşlara müəyyən güzəştlər tətbiq edilməlidir: "Eyni zamanda ekoloji təmiz avtomobillərin Azərbaycana gətirilməsi və alınması stimullaşdırılmalıdır. Bu məsələ dövlət proqramına salınsa da, hələ ki, bu istiqamətdə tutarlı iş görülməyib. Ekoloji təmiz avtomobillərin gömrük rüsumları, bank faizləri çox yüksəkdir. Bu məsələlər həllini tapmalıdır ki, utilizasiya proqramı həyata keçirilsin".

"Eko Enerji" MMC-nin direktoru Çingiz Orucov Sputnik Azərbaycan-a açıqlamasında bildirib ki, artıq onlara həvalə edilmiş plan və məsləhətləşmələr hazırlanaraq "Təmiz Şəhər" ASC-yə təqdim edilib.

"Biz Avtomobilçilər Assosiasiyası ilə müzakirələr apardıq, bazar qiymətlərini araşdırdıq. Əvvəlcə bəzi ölkələrin praktikasında olduğu kimi avtomobillərin utilizasiyası üçün nəğd pulun verilməsi nəzərdə tutulurdu. Sonra qərar verildi ki, nəğd pul verilməsin. Bunun əvəzində avtomobili utilizasiya ediləcək vətəndaşa avtomobilin həcminə görə 1500-3000 manat dəyərində kupon verilsin. Vətəndaş bu kuponla Azərbaycanda istehsal edilən avtomobilləri ala biləcək".

Ç.Orucov qeyd edib ki, təklifə görə, kuponlar bir dəfə əl dəyişdirə bilər.

Ölkə avtomobil bazarında Azərbaycan istehsalı olan yeni avtomobilin minimum qiyməti 8500 manatdan başlayır. Ancaq bəzi vətəndaşlar var ki, onlar avtomobillərini utilizasiyaya verib 1500 manatlıq kuponu əldə etdikdən sonra imkanı yoxdur ki, yeni avtomobil alsın. Bu səbəbdən vətəndaşa imkan veriləcək ki, əldə etdiyi kuponu bir dəfəyə sata bilsin.

Digər problem isə utilizasiya ediləcək avtomobillərin texniki baxışdan keçirilməsidir. Əslində bəzi avtomobillər hərəkətdə olsa belə, texniki baxışdan keçirilməməlidir. Amma vətəndaş hansısa yolla istismar müddəti keçmiş avtomobili texniki baxışdan keçirə bilir.

Ümumiyyətlə, ölkə avtomobil fondunun yenilənməsi, istismar müddəti bitmiş avtomobillərin utilizasiya edilməsi üçün texniki baxış məsələsinə yenidən göz gəzdirilməlidir.

317
Əlaqədar
Nə “halva, halva” deyəndə ağız şirin olmur, nə də “neft, neft” deyəndə benzin ucuzlaşmır
Avtomobil almaq istəyənlər indidən düşünsünlər – Sonra gec ola bilər
Müddəti bitmiş sürücülük vəsiqələri ilə bağlı qərar dəyişdi
Xarici qeydiyyatlı avtomobillərin gətirilmə qaydası dəyişdi
Pis oğul dayısına çəkər: bölüb satanda tutuldu

“Maska rejimi? Xəbərimiz yoxdur”: Bakıda karantinə necə riayət edirlər

4
(Yenilənib 14:06 05.06.2020)
Karantinin zəifləməsi Bakıda daha çox obyektlərin və əyləncə mərkəzlərinin açılmasına şərait yaradıb. Sputnik Azərbaycan maska rejiminin tətbiq edilməsindən sonra vəziyyətə göz gəzdirmək qərarına gəlib.

Azərbaycan Respublikası Nazirlər Kabinətinin qərarına əsasən iyunun 1-dən ictimai nəqliyyat, bazar, ticarət obyektləri, dövlət idarələri və şəxsi müəssisələrdə maskaların taxılması məcburidir. Bu tələbin pozulmasına görə fiziki şəxslər 50 manat, vəzifəli şəxslər 100 manat, hüquqi şəxslər isə 200 manat məbləğində cərimə ödəməli olacaq.

“Tətillərin” şok effekti: “Sədərək” TM karantindən sonra yenidən canlanır – video>>

Bundan başqa açıq havada, sosial məsafənin saxlana bilməyəcəyi yerlərdə, maska və analoji vasitələrin taxılması mütləqdir. Amma Sputnik Azərbaycan-ın müşahidələrinə görə bir çox vətəndaşımız bu qaydaya məhəl qoymur. Bununla da onlar epidemiya təhlükəsinə qarşı etinasızlıqlarını nümayiş etdirmiş olurlar.

4