İş adamı, arxiv şəkli

Bağlana-bağlana gedirlər - Bəs hansına etibar edək?

347
(Yenilənib 14:19 19.05.2020)
Ekspert: "Əgər bankın maliyyə hesabatına da etibar yoxdursa, onda daha çox sistem əhəmiyyətli banklar etibarlıdır. Hətta sahibkar Mərkəzi Banka da müraciət edə bilər ki, sistem əhəmiyyətli banklar hansıdır"

Xalid Məmmədov, Sputnik Azərbaycan

BAKI, 19 may — Sputnik. Son günlər Azərbaycanda 4 bankın müflis elan edilərək lisenziyalarının ləğv edilməsi və bağlanması digər banklarda vəsaitləri olan şəxslərdə narahatlıq yaradıb. Onlar pulunu bankda yoxsa evdə saxlamaq seçimi qarşısında qalıblar. Bəs, bankda vəsait yerləşdirmək istəyən şəxs etibarlı bankı necə müəyyən edə bilər?

Qeyd edək ki, Mərkəzi Bankın 28 aprel 2020-ci il tarixli qərarı ilə "Atabank" ASC-nin və "Amrahbank" ASC-nin lisenziyaları həmin tarixdən etibarən ləğv edilib. Mərkəzi Bank tərəfindən 12 may 2020-ci il tarixindən etibarən "AGBank" ASC-nin və "NBCBank" ASC-nin lisenziyaları ləğv edilib.

Bank və maliyyə məsələləri üzrə ekspert Əkrəm Həsənov Sputnik Azərbaycan-a deyib ki, vətəndaşların əmanət yerləşdirməyə görə hansı bankı seçməsinin elə də böyük əhəmiyyəti yoxdur: "Çünki ölkəmizdə 4 dekabra qədər əmanətlərin tam sığortalanması sistemi var. Vətəndaşlar üçün 26 bankın hansına əmanət qoymasında fərq yoxdur. Hətta bank bağlansa da Əmanətlərin Sığortalanması Fondu vətəndaşlara əmanətləri tam qaytaracaq. 4 dekabrdan sonra isə əmanətlərin sığortalanması 30 min manat həddində olacaq. Tövsiyə edirəm ki, əgər vətəndaş banka etibar etmirsə, onda hər bir bankda bir nəfərin adına 30 min manatdan çox əmanət qoymasın, yəni əmanəti bölüşdürsün. Vətəndaşlar hansı bankın etibarlı olduğunu bilmədiyi üçün elə əmanətlərin sığortalanması sistemi var".

Sahibkarların etibarlı bankı seçmək məsələsinə gəlincə, ekspert bildirib ki, sahibkarların pulu bankda bata bilər və ona görə də onlar etibarlı bankı müəyyən etməlidirlər: "Buna görə sahibkara maliyyə və hüquqi məsələlər üzrə ekspertlər lazımdır ki, onlar ilk növbədə bankın maliyyə hesabatlarına baxsın, bank haqqında informasiya toplansınlar. Və ondan sonra sahibkarın bank ilə işləyib-işləməmək barədə qərar verilə bilər. Amma bankların maliyyə hesabatlarını təhrif etməsi də istisna deyil. Əgər bankın maliyyə hesabatına da etibar yoxdursa, onda daha çox sistem əhəmiyyətli banklar etibarlıdır. Sistem əhəmiyyətli banklar deyəndə ən böyük banklar, iri banklar nəzərdə tutulur və dövlət onların bağlanmasına imkan vermir. Çünki onların bağlanması bütün bank sistemi üçün problemdir. Yəni sahibkarlar aktivlərinə, kapitallarına görə ən iri banklara üstünlük verə bilərlər. Mərkəzi Bank hər ilin 1 mart tarixinədək sistem əhəmiyyətli bankları müəyyən etməlidir. Hətta sahibkar Mərkəzi Banka da müraciət edə bilər ki, sistem əhəmiyyətli banklar hansıdır".

"Banklar ildə bir dəfə audit rəyindən keçmiş maliyyə hesabatlarını, o cümlədən rüblük hesabatlarını dərc etməlidir"-deyə ekspert əlavə edib.

Azərbaycan Dövlət İqtisad Universitetinin dosenti Emin Qəribli isə Sputnik Azərbaycan-a deyib ki, dünyada reytinq şirkətləri bankların maliyyə dayanıqlığını ölçür və reytinq müəyyən edir: "Üstünlük beynəlxalq reytinq şirkətləri tərəfindən qiymətləndirilən banklara verilməlidir. Ən iri banklar məsələn, "Kapital Bank", "PAŞA Bank" çox dayanıqlıdır. Digər tərəfdən, bizdə müstəqil reytinq təşkilatı olmalıdır ki, bankları təhlil etsin, qiymətləndirsin və sahibkarlar buna istinad edə bilsinlər. Məsələn, Rusiyada yerli reytinq təşkilatları geniş vüsət alıb. Artıq bizdə də bu olmalıdır".

"Amma bu gün daha yaxşı olar ki, sahibkarlar səhm bazarına müraciət etsinlər, səhm alsınlar"-deyə o əlavə edib.

Qeyd edək ki, Mərkəzi Bankın sədri Elman Rüstəmov keçirdiyi mətbuat konfransında bildirib ki, Mərkəzi Bank hələ ki, bank sektorunda tam yoxlama aparmayıb: "Sektorda yalnız ilkin yoxlama aparılıb. İlkin nəticələr göstərdi ki, yalnız məlum 4 bankda problemlər var. Əgər digər banklarda problemlər olsa idi, onlar ilk yoxlama zamanı üzə çıxardı. Onu da deyim ki, hazırda bankların saytlarında olan hesabatlara müəyyən qədər inanmaq olar".

O bildirib ki, banklarla yanaşı kənar audit şirkətləri də bankların maliyyə vəziyyətlərini təhrif ediblər. Baş bankir qeyd edib ki, bununla kəskin mübarizə aparacaqlar: "Təşkilatın maliyyə vəziyyəti olduğundan yaxşı göstərilməməlidir. Biznes və əhali düzgün maliyyə göstəricilərinə baxıb bankı seçməlidir".

Onu da bildirək ki, lisenziyası geri alınmış 4 bankda əhalinin qorunan əmanətlərinin ümumi məbləği 686 milyon manat təşkil etməklə, ümumilikdə 215 min əmanətçini əhatə edir. Bu banklarda ümumi əmanət portfelinin 99%-dən çoxu qorunan əmanətlərdir və onlar tam kompensasiya edilir. Ləğvedici tərəfindən bankların öhdəliklərinin icrası ilk növbədə əmanətlərin qaytarılmasından başlayacaq.

347
Taxıl yığımı, arxiv şəkli

İndiyədək fermerlərə qədər güzəştli mikrokredit verilib?

5
(Yenilənib 13:57 03.06.2020)
Aqrar mikrokreditlər 15 min manatadək məbləğdə, illik 12% olmaq şərtilə, təminatsız və 3 ilədək müddətdə verilir.

BAKI, 3 iyun — Sputnik. İyunun 1-dək 512 fermerə 5.2 milyon manat kənd təsərrüfatı təyinatlı güzəştli mikrokredit verilib. Bu vəsaitin 4.5 milyon manatı hevvandarlıq, 335 min manatı əkinçilik, 208 min manatı bağçılıq, 102 min manatı isə arıçılıq və digər ailə kəndli-fermer təsərrüfatlarının qurulmasına və inkişafına ayrılıb.

Bu barədə Kənd Təsərrüfatı Nazirliyinin mətbuat xidmətindən Sputnik Azərbaycan-a məlumat verilib.

Mikrokreditlərin verilməsinə bu il may ayının 23-dən başlanıb. Azərbaycan Prezidenti İlham Əliyevin 8 aprel 2020-ci il tarixli fərmanları ilə Azərbaycan Respublikası Kənd Təsərrüfatı Nazirliyi yanında Aqrar Kredit və İnkişaf Agentliyinin (AKİA) Əsasnaməsində və "Azərbaycan Respublikasının Kənd Təsərrüfatı Nazirliyi yanında Aqrar Kredit və İnkişaf Agentliyinin vəsaitindən istifadə Qaydası"nda dəyişikliklərin edilməsi, daha sonra isə ölkə başçısının "Koronavirus pandemiyası şəraitində və sonrakı dövrdə kənd təsərrüfatı məhsulları istehsalçılarının mikrokreditlərlə təminatının yaxşılaşdırılması üçün vəsait ayrılması haqqında" imzaladığı Sərəncamla AKİA-ya 30 milyon manat vəsaitin ayrılması aqrar mikrokreditlərin verilməsi üçün hüquqi baza yaradıb və portfel formalaşdırıb. Bu portfelə ölkənin ən böyük holdinqlərindən olan "Paşa Holding" MMC 5 milyon manat vəsait əlavə edib.

"Ötən ay yarım ərzində 512 fermerə 5.2 milyon manat mikrokreditin verilməsi, orta çekin 10 min manat ətrafında olması bizə bir ildən də az zaman ərzində mövcud portfelimizdən 3500-dən çox fermerin faydalanacağını söyləməyə əsas verir. Mikrokreditləri çıxmaq şərtilə 2018-ci ildən bu il iyunun 1-dək cəmi 885 kənd təsərrüfatı məhsulu istehsalçısına güzəştli nağd pul krediti verilib. Bu göstərici mikrokredit mexanizminin daha geniş istehsalçı kütləsini əhatə etməklə kənd təsərrüfatının inkişafında xidmət edəcəyini və daha çox kəndli fermer ailəsinin bu dövlət dəstəyindən faydalanacağını təsdiqləyir", - deyə Aqrar Kredit və İnkişaf Agentliyinin sədri Mirzə Əliyev vurğulayıb.

Qeyd edək ki, aqrar mikrokreditlər 15 min manatadək məbləğdə, illik 12% olmaq şərtilə, təminatsız və 3 ilədək müddətdə verilir.

5
Azərbaycan manatı, arxiv şəkli

Kim hökumətdən qədər alıb?

22
(Yenilənib 00:01 03.06.2020)
İndiyədək təsdiq edilmiş müraciətlər üzrə maliyyə dəstəyinin həcmi 94,73 milyon manat, o cümlədən 2-ci mərhələ üzrə ödənilməsi nəzərdə tutulan vəsaitin həcmi (50 faiz) 47,36 milyon manat təşkil edir.

BAKI, 2 iyun — Sputnik. Koronavirus (COVID-19) pandemiyasından zərərçəkmiş sahibkarlara dövlət maliyyə dəstəyinin göstərilməsi davam edir.

İqtisadiyyat Nazirliyinin mətbuat xidmətindən Sputnik Azərbaycan-a bildirilib ki, Azərbaycan Prezidentinin 2020-ci il 19 mart tarixli Sərəncamının 10.2-ci bəndinin icrası ilə bağlı Nazirlər Kabineti tərəfindən təsdiq edilmiş Tədbirlər Planına əsasən, mayın 31-nə nazirliyə muzdlu işçilərin əməkhaqqının müəyyən hissəsinin ödənilməsi üçün koronavirus pandemiyasından zərərçəkmiş 28 min 56 vergiödəyicisi və maliyyə dəstəyi almaq üçün 112 min 565 fərdi (mikro) sahibkar, cəmi 140 min 621 vergiödəyicisi müraciət edib.

Muzdlu işçilərin əməkhaqqının müəyyən hissəsinin ödənilməsi çərçivəsində 257 min 522 işçini əhatə edən 28 min 56 vergiödəyicisi müraciət edib. İndiyədək təsdiq edilmiş müraciətlər üzrə maliyyə dəstəyinin həcmi 94,73 milyon manat, o cümlədən 2-ci mərhələ üzrə ödənilməsi nəzərdə tutulan vəsaitin həcmi (50 faiz) 47,36 milyon manat təşkil edir. Mayın 31-nə Maliyyə Nazirliyinin Dövlət Xəzinədarlıq Agentliyi tərəfindən 23 min 131 vergiödəyicisinə 201 min 250 nəfər muzdlu işçinin əməkhaqqı üzrə 77,54 milyon manat vəsaitin köçürülməsi təmin olunub.

Fərdi (mikro) sahibkarlara maliyyə dəstəyinin göstərilməsi proqramı çərçivəsində 112 min 565 vergiödəyicisindən müraciət daxil olub, 105 min 173 müraciət araşdırılaraq təsdiqlənib və maliyyə dəstəyinin bank hesablarına köçürülməsi üçün Maliyyə Nazirliyinə təqdim edilib. Təsdiq edilmiş müraciətlər üzrə maliyyə dəstəyinin həcmi 60,2 milyon manat təşkil edir. Mayın 31-nə Maliyyə Nazirliyinin Dövlət Xəzinədarlıq Agentliyi tərəfindən 57,71 milyon manat vəsaitin 99 min 603 fərdi (mikro) sahibkarın bank hesabına köçürülməsi təmin edilib.

Qeyd edək ki, maliyyə dəstəyi proqramı çərçivəsində müraciətlərin nəticəsi və vəsaitin bank hesabına köçürülməsi barədə bildiriş vergiödəyicilərinin İnternet Vergi İdarəsindəki (www.e-taxes.gov.az) elektron kabinetlərinə və SMS şəklində mobil telefonlarına göndərilir. Yaranan suallarla bağlı vergiödəyiciləri Dövlət Vergi Xidmətinin "195" Çağrı mərkəzinə və uçotda olduqları yerli vergi orqanlarına müraciət edə bilərlər.

22
Əlaqədar
“Sədərək” və “Binə” ticarət mərkəzlərinin rəhbərləri ilə müzakirələr aparıldı
Ünvanlı sosial yardımın verilmə müddəti endirildi
Nazirlik utanc damarına basmağa qərar verdi - FOTO
Bu ödənişi alanların 600 minə qədərini uşaqlar təşkil edir
Azərbaycanda müvəqqəti vergi rejimi tətbiq olunacaq
Xəstəxana, arxiv şəkli

Bəzi xəstəxanalar viruslu xəstələri qəbul etmək üçün tam boşaldılıb

0
Hər bir ağır xəstənin müalicəsi üçün 10-15 tibb işçisinə ehtiyac olur. 7 000 - 8 000 tibb işçisi ümumilikdə bu işlə məşğul olur.

BAKI, 3 iyun - Sputnik. "Tibb müəssisələrinin üzərinə böyük yük düşür. Xüsusilə Bakıya yük düşür. Bəzi xəstəxanalar tam boşaldılmamışdı. Artıq həmin xəstəxanalar boşaldıldı".

Bunu TƏBİB-in İdarə Heyətinin sədri Ramin Bayramlı Nazirlər Kabineti yanında Operativ Qərargahın brifinqində çıxışı zamanı deyib.

O bildirib ki, bu da digər sahə üzrə xidmətlərin göstərilməsinə təsir edə bilər:

"Bu gün üçün heç bir tibbi xidmətin axsamasına yol verilməyib. Hər bir ağır xəstənin müalicəsi üçün 10-15 tibb işçisinə ehtiyac olur. 7 000 - 8 000 tibb işçisi ümumilikdə bu işlə məşğul olur".

0