BAKI, 18 may — Sputnik. "Brent" markalı neftin qiymətində artım müşahidə edilir.
Sputnik Azərbaycan xəbər verir ki, buna səbəb OPEC və müttəfiqlərinin, eləcə də karteldən kənar bəzi neft hasilatçılarının istehsala məhdudiyyətlər tətbiq etməsi, həmçinin müxtəlif ölkələrdə koronavirusla bağlı karantin rejiminin yumşaldılmasının tələbata yuxarı istiqamətli təsir göstərməsidir.
Hazırda "Brent" nefti 34,23 dollara, "Light" markalı neftin bir bareli isə 31,51 dollara alıcı axtarır.
Qeyd edək ki, ötən həftə ərzində (11-15 may) dünya bazarında "Azeri Light" markalı neft 7,3%-a yaxın bahalaşıb. Azərbaycan neftinin qiyməti həftə ərzində 2,12 dollar artaraq orta hesabla 29,16 dollara bərabər olub.
