Zərgərlik məmulatı, arxiv şəkli

Azərbaycanda lombardların fəaliyyətinə yeni qadağalar qoyulacaq

235
(Yenilənib 11:30 15.05.2020)
"Lombardların saxlancla bağlı öz standartları olmalıdır. İkinci məsələ lombardların hesabatlılığı, şəffaflıq məsələsidir. İnsanlar əmin olmalıdırlar ki, onlar lombarda müraciət etdikdə qoyduqları girov hər hansı məqsəddə istifadə edilməyəcək"

Zülfiyyə Quluyeva, Sputnik Azərbaycan

BAKI, 15 may — Sputnik. Banklar tərəfindən son illər kreditlərin verilməsi ilə bağlı tələblərin sərtləşməsi lombard kreditlərinə olan tələbatı artırıb. Bu isə lombard kreditlərində yenidən faizlərin artımına səbəb olub. Banklardan kredit ala bilməyən vətəndaşlar “əlimyandıda” qaldıqda lombardlara üz tutduğundan əksər lombardlar müştərilərlə girov sövdələşməsində amansız davranır. Lombardların yol verdiyi qanunsuzluqlara isə sözsüz ki, bu sahədə mövcud qanunvericilik bazasının olmaması səbəb olur.

Elə bu günlərdə Azərbaycan Mərkəzi Bankının İdarə Heyətinin sədri Elman Rüstəmov keçirdiyi mətbuat konfransında bu məsələyə də toxunub. O bildirib ki, “Lombardlar haqqında” qanun layihəsi Milli Məclisdə müzakirə edilib”. E.Rüstəmovun sözlərinə görə, bu sferanın tənzimlənməsi, hüquqi çərçivəsi istiqamətində önəmli təkliflər Milli Məclisə təqdim olunacaq: “Qanun layihəsinin qəbul olunması xaotiklik müşahidə olunan lombard sistemi üzərində effektiv sistem qurmağa imkan verəcək. Burada əsas məqsəd əhalinin maraqlarının qorunmasıdır. Qanunun qəbul edilməsindən sonra lombard kreditləri ilə bağlı hesabat olacaq. Həmin hesabatda faiz dərəcələri, insanlarla münasibət, faizlərin əhaliyə nə dərəcədə şəffaf açıqlandığı bilinəcək”, - deyə baş bankir əlavə edib.

Bəs görəsən, “Lombardlar haqqında” qanun layihəsi bu sahədə nəyi dəyişəcək?

Ekspertlər lombardların fəaliyyətini tənzimləyən qanunvericilik bazasına ehtiyac olduğunu söyləyirlər.

İqtisadçı Samir Əliyev Sputnik Azərbaycan-a açıqlamasında bildirib ki, bu sahənin lisenziyalaşdırılmasına ciddi ehtiyac var: “Banklarda olduğu kimi, lombard fəaliyyəti də lisenziyalaşdırılmalıdır. Lombardlar fəaliyyət göstərmək üçün banklar kimi lisenziya almalıdır. Amma banklara nisbətdə lombardlara qarşı tələblər bir qədər yumşaq olmaldır. Lisenziya varsa, təbii ki, lombardların fəaliyyətinə nəzarət edən qurum da olmalıdır. Lisenziyanı verən qurum isə təbii ki, Mərkəzi Bank olacaqdır”.

S.Əliyev deyir ki, lombardlarda  faiz dərəcələrinə hər hansı məhdudiyyətin tətbiq edilməsinin əleyhinədir: “Burada əsas standartlar saxlanc yerləri ilə bağlı olmalıdır. Bəzən insanların lombardlara qoyduğu qızıl itir, yaxud da zədələnir. Ona görə də lombardlarla bağlı standartlarda saxlanc yerləri ilə bağlı tələblər öz əksini tapmalıdır. Lombardların saxlancla bağlı öz standartları olmalıdır. İkinci məsələ lombardların hesabatlılığı, şəffaflıq məsələsidir. İnsanlar əmin olmalıdırlar ki, onlar lombarda müraciət etdikdə qoyduqları girov hər hansı məqsəddə istifadə edilməyəcək. Üçüncü məsələ lombardların müqavilə standartlarının olmasıdır. Faizlərin hesablanma metodologiyası olmalı, lombardın hansı halda girovu satışa çıxartması bu metodologiyada öz əksini tapmalıdır. Bütün sadaladığım bu məsələlər lombardların fəaliyyətində nəzərə alınmalıdır.

Lombardda çalışanlarla bağlı peşə standartları olmalıdır. Oğurluğa, dələduzluğa görə məhkum olunan şəxslərin lombard fəaliyyətinə icazə verilə bilməz. Bütün bunlar lisenziya şərtlərində öz əksini tapmalıdır. Qoyulan girovların mərkəzləşdirilmiş qaydada dəqiq uçotu mexanizmi qurulmalıdır”.

Bank məsələləri üzrə hüquqşünas Əkrəm Həsənov isə Sputnik Azərbaycan-a açıqlamasında bildirib ki, lombardlarla bağlı qanunun qəbuluna ciddi ehtiyac var: “Burada əsas problem ondadır ki, bu gün lombardların fəaliyyəti qanunsuzdur. 

Lombard borcu öz pulu ilə verməlidir. Azərbaycanda fəaliyyət göstərən əksər lombardlar isə bankdan kredit götürüb müştərilərə girov müqabilində pul verirlər. Burada isə müəyyən risklər var. Həmin pul müştəri tərəfindən qaytarılmaya bilər və sairə... Faktiki bu gün lombardlar bankın vəsaitini cəlb edib girov müqabilində verirlər”.

Ə.Həsənov bildirir ki, lombardlar da bank olmayan kredit təşkilatlarına çevriləcəklər. Onların da üzərində Mərkəzi Bankın nəzarəti olacaq: “Lombardlar vətəndaş pulu ödəmədikdə girovu öz adlarına keçirirlər. Halbuki banklar müştəri borcu ödəməyəndə onu məhkəməyə verirlər. Lombardlar isə özlərini əziyyətə vermirlər. Məhkəmə olmadan girovu adlarına keçirdirlər. Bu gün girov müqabilində pulun qaytarılmamasına görə lombardların məhkəmələrə müraciət etməsinə dair heç bir fakt yoxdur.

Çox təəssüf ki, lombardlar üzərində nəzarət olmadığından kim istəsə lombard aça bilir. Vətəndaşlar lombarddan min manat götürüb əvəzində iki min manat qızıl qoyurlar. Lombard da bir müddətdən sonra qızılı götürüb aradan çıxır. Bütün bunlara səbəb lombardlar üzərində nəzarətin olmaması, onların fəaliyyətini tənzimləyən ayrıca qanunvericilik bazasının yoxluğundan irəli gəlir”.

Hüquqşünas bildirir ki, “Lombardlar haqqında” qanun layihəsi qəbul olunarsa, Azərbaycanda lombardların sayı azalacaq: “Bu isə əhalinin xeyrinədir. Lombardların faiz dərəcələri çox yüksəkdir”.

Ə.Həsənov deyir ki, tək lombardlarla bağlı qanunun qəbulu çıxış yolu deyil. Çünki bu zaman başqa təhlükə ortaya çıxacaq: “Bu halda fərdi sələmçilərin sayı artacaq. Ona görə də “Lombardlar haqqında” qanunda fərdi sələmçilərin də fəaliyyəti tənzimlənməlidir. Onların da fəaliyyətinə qadağa qoyulmalıdır”.

Məlumat üçün qeyd edək ki, Rusiyada və Qazaxıstanda lombardların fəaliyyəti ilə bağlı ayrıca qanun qəbul edilib. Həmin qanunda lombardlara münasibətdə qaydalar öz əksini tapıb. Bizdə isə istənilən şəxs MMC şəklində lombard açaraq fəaliyyət göstərə bilər.

235
Əlaqədar
Bu xəmir hələ çox su aparacaq - Baş bankir sərt danışdı
Yağışdan çıxıb, yağmura düşməyək: Bağlanan banklardakı əmanətlər tam ödəniləcəkmi?
Lombard kreditləri ilə bağlı inqilabi təklif var
Vacib qərar: Mərkəzi Bank yeni kredit qaydalarını açıqlayıb
Ticarət Mərkəzi, arxiv şəkli

O olmasın, bu olsun: fransız mallarına da əvəz tapılar

24
(Yenilənib 18:57 27.10.2020)
"Anbarımıza baxaraq, yəqin ki, 3 gün ərzində bütün fransız ətirlərini satışdan yığışdıracağıq" - Azərbaycanda fransız ətirləri dövrü başa çata bilər

Nigar İsgəndərova, Sputnik Azərbaycan

BAKI, 27 oktyabr — Sputnik. Bir neçə gün öncə Türkiyə Prezidenti Rəcəb Tayyip Ərdoğan Fransa Prezidenti Emmanuel Makronun türk mallarının boykot edilməsi çağırışına cavab olaraq fransız mallarının boykot edilməsi ilə bağlı çağırış edib. "O, necə ki, Fransada türk markalı mal almayın deyirsə, mən də buradan millətimə səslənirəm: aman, fransız markalı malları almayın," -  deyə Prezident Ərdoğan çağırışında bildirib.

Artıq Türkiyədə olduğu kimi, Azərbaycanda da fransız mallarının boykot edilməsi ilə bağlı çağırışlar səsləndirilir. Müştərilər, o cümlədən də bir çox millət vəkilləri də öz hesablarından bu çağırışlara qoşularaq fransız mallarının boykot edilməsini tələb edirlər. Millət vəkili Qənirə Paşayeva da son rəsmi paylaşımı ilə bu aksiyaya dəstəyini nümayiş etdirib.

Bəs mağazalar, sahibkarlar necə?

Son vəziyyəti öyrənmək üçün öncə iri mağazalar şəbəkəsi ilə əlaqə saxladıq. Əlaqə saxladığımız nömrələrdən hələ ki, bununla bağlı onlara rəhbərlik səviyyəsində hansısa göstərişin verilmədiyi, bu səbəbdən fransız mallarının satışda olduğu və müştərilər tərəfindən alındığı deyildi. Digər belə mağazalar isə sualdan yayınaraq, bununla bağlı məlumatlı olmadıqlarını bildirdilər.

Kiçik mağaza sahibləri isə Türkiyə Prezidenti Rəcəb Tayyip Ərdoğanın bu çıxışına dəstək olduqlarını bildiriblər. "Parfume Home"un təmsilçisi deyir ki, Ərdoğan belə deyibsə, onlar fransız ətirlərini satışdan yığacaqlar:

"Bizdə əsasən Dubaydan gətirilən orijinal ətirlər satılır, amma bununla yanaşı, orijinal fransız ətirləri də satılıb. Amma yaranmış bu vəziyyətə görə ikiəlli olaraq fransız malları, ətirlərindən imtina etməyə razıyıq. Məsləhət belədirsə, belə də olmalıdır. Dövlətin bununla bağlı hansısa qadağasına ehtiyac yoxdur. Sadəcə olaraq bu ətirləri yığaraq bir qırağa atacağıq, satışa qoymayacağıq".

"Anbarımıza baxaraq, yəqin ki, 3 gün ərzində bütün fransız ətirlərini satışdan yığışdıracağıq", - deyə mağaza təmsilçisi əlavə edib.   

Mağaza rəsmisi bildirir ki, bunadək orijinal fransız mallarının 30 ml-i 60, 100 ml-i isə 250 manatadək satışda olub.

Dövlət Statistika Komitəsinə istinadən isə qeyd edək ki, ötən il Fransadan 23.3 min ABŞ dolları həcmində iribuynuzlu heyvan, 2.349.1 min ABŞ dolları həcmində kərə yağı və digər süd yağları, 11.8 min ABŞ dolları həcmində 11.2 ton buğda unu, 1 093.8 min ABŞ dolları həcmində təbii üzüm şərabları, üzüm suslosu, 23 095.8 min ABŞ dolları həcmində 379 ton dərman vasitələri, 1 803.7 min ABŞ dolları həcmində 449.6 ton sürtkü yağları, 202.3 min ABŞ dolları həcmində mebellər və digər mallar idxal olunub.

2020-ci ilin yanvar-avqust aylarında ölkəyə idxal olunan məhsulların ümumi dəyərinin 18,7 faizi Rusiya, 14,7 faizi Türkiyə, 13,3 faizi Çin, 7,4 faizi ABŞ, 5,3 faizi Almaniya, 4,2 faizi Ukrayna, 4,1 faizi İtaliya, 3,0 faizi Birləşmiş Krallıq, 2,7 faizi İran, 2,0 faizi Yaponiya, 1,8 faizi Koreya, 1,7 faizi Fransa, 21,1 faizi isə digər ölkələr ilə aparılmış idxal əməliyyatlarının payına düşüb.

Dövlət Statistika Komitəsinin digər məlumatına görə, 2019-cu ildə Fransadan idxal olunan malların dəyəri 250.727.3 min ABŞ dolları olub ki, bu da 2013-cü ildən bu yana qeydə alınan ən yüksək rəqəm olub. Belə ki, 2013-cü ildə bu rəqəm 425.437.3 min ABŞ dolları olub.

24
Əlaqədar
Ərdoğanın boykot çağırışına Fransadan ilk reaksiya
Pol Poqbadan Makrona etiraz - millidə oynamayacaq
Dünya müsəlmanları Fransa mallarını boykot etməyə çağırırlar
Ərdoğan millətimizə səsləndi: "Aman, fransız markalı malları almayın!"
Ərdoğan: "Azərbaycandakı faciələrin arxasında Fransa dayanır
Məmur, arxiv şəkli

Uçot məlumatlarının dəyişdirilməsi ilə bağlı sahibkarlar üçün təlimlər keçirilib

45
(Yenilənib 15:43 27.10.2020)
Sumqayıt, Gəncə, Lənkəran, Xaçmaz, Mingəçevir, Şirvan və Yevlaxdan olan mikro və kiçik sahibkarlar üçün onlayn təlimlər təşkil edilib

BAKI, 27 oktyabr — Sputnik. Sumqayıt, Gəncə, Lənkəran, Xaçmaz, Mingəçevir, Şirvan və Yevlaxdan olan mikro və kiçik sahibkarlar üçün "Elektron kabinetdə uçot məlumatlarının dəyişdirilməsi" mövzusunda onlayn treyninq keçirilib.

Sputnik Azərbaycan xəbər verir ki, təlimlər Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə İqtisadi Resursların Öyrənilməsi İctimai Birliyinin (SER) "Sahibkarlar arasında Könüllü və İntizamlı Vergi Ödəyicisi olmağın təbliği" layihəsi çərçivəsində reallaşdırılıb.

Tədbirləri giriş sözü ilə Dövlət Vergi Xidmətinin baş dövlət vergi müfəttişi Bəxtiyar Abdurəhmanov açaraq sahibkarlığın inkişafında vergi inzibatçılığının və xidmətinin rolundan bəhs edib.

İqtisadi Resursların Öyrənilməsi İctimai Birliyinin sədri, layihənin rəhbəri Ruslan Atakişiyev COVID-19 üzrə sahibkarın məsuliyyəti, könüllü vergi ödəmə, Dövlət Vergi Xidmətinin təqdim etdiyi elektron xidmətlər, uçota alınmanın və uçot məlumatlarının dəyişdirilməsinin qanunvericilik əsasları, yayınmalar və biznesin vergi riskləri, Vergi Məcəlləsində nəzərdə tutulan vergi güzəştləri, fərdi sahibkarların elektron kabinetlərində şəxsi məlumatlarının dəyişdirilməsi istiqamətlərində mühazirə oxuyub.

Sonra İqtisadi Resursların Öyrənilməsi İctimai Birliyinin icraçı direktoru Qafqaz Qəhrəmanlı isə elektron məlumat bazasında sahibkarlıq subyektlərinə mənsub məlumatların yenilənməsi və dolğunluğunun təmin olunması, elektron kabinet və kargüzarlıqdan istifadə, məktubların nəzərdən keçirilməsi qaydaları mövzularında çıxış edərək sahibkarların elektron kabinetlərində uçot məlumatlarının dəyişdirilməsini praktiki yöndən izah edib.

Təlimlər 15 sentyabr – 24 oktyabr tarixləri arasında baş tutub.

45

MN: Ermənistan dərk etməlidir ki, bərpa edilən sərhədlər münaqişə zonası deyil

0
(Yenilənib 20:14 27.10.2020)
"Azərbaycan öz ərazilərini təhdid edən istənilən legitim hədəfləri yerləşdiyi ərazidən asılı olmayaraq məhv etmək hüququna malikdir"

BAKI, 27 oktyabr - Sputnik. “Ötən sutka ərzində düşmən humanitar atəşkəs rejimini dəfələrlə pozub”.

Sputnik Azərbaycan APA-ya istinadən bildirir ki, bunu bu gün Azərbaycan Respublikasında akkreditə olunmuş xarici hərbi attaşelərə və beynəlxalq təşkilatların (BMT, Aİ, BQXK) ölkəmizdəki nümayəndələri üçün keçirilən brifinqdə Müdafiə Nazirliyi Mətbuat Xidmətinin mətbuat katibi, polkovnik-leytenant Anar Eyvazov bildirib.

A.Eyvazov deyib ki, Azərbaycan yeni humanitar atəşkəs rejiminə riayət edir: “Ordumuz düşmənin təxribatları ilə əlaqədar yalnız adekvat tədbirlər görür. Ermənistan vəziyyəti gərginləşdirməyə hesablanmış təxribatçı hərəkətlərə son qoymalıdır. Ermənistan dərk etməlidir ki, bərpa edilən sərhədlər münaqişə zonası deyil, dövlət sərhədinin toxunulmazlığı təmin edilməlidir. Azərbaycan öz ərazilərini təhdid edən istənilən legitim hədəfləri yerləşdiyi ərazidən asılı olmayaraq məhv etmək hüququna malikdir”.

0
Teqlər:
adekvat cavab, Azərbaycan Müdafiə Nazirliyi, Azərbaycan Ordusu, Atəşkəsin pozulması, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Beynəlxalq təşkilatların ciddi ölçü götürməməsi Ermənistanı azğınlaşdırır - Ombudsman
İlham Əliyev: "İşğalçı siyasətdən imtina etsələr, barışıq mümkündür"
XİN: Ermənistan münaqişənin siyasi həllində maraqlı deyil
Hikmət Hacıyev: "Bərdəyə "Smerç"dən kasetli bomba atılıb"
Şeyxdən II Qareginə irad: "Uşaqları hərbi savaşa çağırması..."