Bank əməliyyatı, arxiv şəkli

Kreditlər dondurulacaqmı?

367
"Prezidentin siyasi iradəsidir ki, insanların üzərinə düşmüş bu çətinlikdən olan ağırlığa dövlət şərik olacaq, onu yüngülləşdirməyə çalışacaq"

BAKI, 23 mart — Sputnik. Sosial izolyasiya tədbirləri çərçivəsində işləyə bilməyən vətəndaşların banklara olan kredit borclarını ödəməsi ilə bağlı çətinlikləri yarana bilər.

Sputnik Azərbaycan-ın məlumatına görə, bununla bağlı sualı ölkədə tətbiq olunacaq xüsusi rejimlə bağlı keçirilən brifinqdə cavablandıran Nazirlər Kabinetinin mətbuat xidmətinin rəhbəri İbrahim Məmmədov bildirib ki, bu istiqamətdə yaradılmış xüsusi işçi qrup təkliflər hazırlayır: "Prezident İlham Əliyevin iqtisadi artımı saxlamaq və insanların müdafiəsini təmin etmək barədə Sərəncamı var. Hazırda kritik dövrdür, iqtisadi itkilərin vurduğu ziyanı minimallaşdırmaq üçün hökumətə tapşırıq verilib, işçi qrupları yaradılıb. Onlara 15 gün vaxt verilib. Aprelin 3-4-nə qədər təkliflər hazırlanıb Nazirlər Kabinetinə təqdim olunacaq.

Bu gün İqtisadiyyat naziri Mikayıl Cabbarov da müsahibəsində bildirdi ki, kredit şərtlərinin yumşaldılması və vergilərlə bağlı hansısa təkliflər olacaq. Prinsip aydındır: Prezidentin siyasi iradəsidir ki, insanların üzərinə düşmüş bu çətinlikdən olan ağırlığa dövlət şərik olacaq, onu yüngülləşdirməyə çalışacaq".

367
İqtisadçı-ekspert Rəşad Həsənov

Ələt Azad İqtisadi Zonasından hansı gözləntilər var iqtisadçı danışır

15
(Yenilənib 17:27 07.05.2021)
İqtisadçı ekspert Rəşad Həsənov deyir ki, hədəf xarici investisiyanın cəlb edilməsi və Ələt dəniz limanın potensialından tam istifadə etməkdir
Rəşad Həsənov: “Ələt Azərbaycana qoyulacaq investisiyaların əsas mənbəyi olacaq”

“Ələt Azad İqtisadi Zonasının 2022-ci ilin iyul ayından fəaliyyətə başlayacağı gözlənilir”. Bunu Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili parlamentin plenar iclasında “Ələt azad iqtisadi zonası haqqında” qanuna dəyişiklikləri I oxunuşda təqdim edərkən deyib.

İqtisadçı ekspert Rəşad Həsənov Sputnik Azərbaycan-a deyir ki, Ələt Azad İqtisadi Zonası xarici investorlara hədəflənmiş bir layihədir: “Bu iqtisadi zona xüsusi qanunlar çərçivəsində idarə olunacaqdır. Bu zonadakı iqtisadi fəaliyyət əlahiddə hüquqlara malik olacaq. Əvvəl də qeyd etdiyim ki, hədəf xarici investisiyanın cəlb edilməsi və Ələt dəniz limanın potensialından tam istifadə etməkdir. Hər hansı neqativ hal yaşanmasa bu iqtisadi zona 2022-ci ildən sonra Azərbaycana qoyulacaq investisiyaların əsas mənbəyi olacaq. Burada istehsal olunan məhsullar öz üzərinə lokomotiv rolunu götürə bilər”.

Rəşad Həsənovun geniş şərhinə audiofaylda qulaq asa bilərsiniz

15

Ekspert: “Regionlardakı hava limanlarının potensialından istifadə edə bilməmişik”

20
(Yenilənib 17:26 07.05.2021)
DAİR Otellər və Restoranlar Assosiasiyası İdarə Heyətinin sədri Samir Dübəndi deyir ki, xarici ölkələrdən turistlərin birbaşa bu ərazilərə gəlməsini təmin etmək üçün hava limnalrının potensialından istifadə edə bilərik
Samir Dübəndi: “Hava limanlarından regional turizmin inkişafı üçün istifadə edə bilərik”

Füzuli Beynəlxalq Hava Limanı regionun inkişafı üçün vacib infrastruktur layihələrindən biridir. Bunu  Milli Məclisin deputatı Vüqar Bayramov deyib.

DAİR Otellər və Restoranlar Assosiasiyası İdarə Heyətinin sədri Samir Dübəndi Sputnik Azərbaycan-a deyir ki, işğaldan azad edilmiş ərazilərin geniş turizm potensialı var: “Bu baxımdan həmin ərazilərdə hava limanlarlnln qurulması önəmlidir. Gələcəkdə xarici ölkələrdən turistlərin birbaşa bu ərazilərə gəlməsini təmin etmək üçün həmin hava limnalrının potensialından istifadə edə bilərik. Biz həmin hava limnaları vasitəsilə Qarabağa turistlərin üz tutmasını görə biləcəyik. Azərbaycanın regionlarında indiyə qədər də bir neçə hava limanının tikintisi həyata keçirilib. Lakin əfsuslar olsun ki, biz onların potensialından turizm üçün yetərincə istifadə edə bilməmişik. Düşünürəm ki, həmin hava limanlarından da regional turizmin inkişafı üçün istifadə edə bilərik”.  

Samir Dübəndinin geniş şərhinə audiofaylda qulaq asa bilərsiniz

20

İlham Əliyev xanımı Tatarıstan Prezidentinə başsağlığı veriblər

0
(Yenilənib 19:54 11.05.2021)
"Kazan şəhərindəki 175 nömrəli məktəbdə atışma nəticəsində uşaqların və yaşlıların həlak olması haqqında xəbəri dərin hüznlə qəbul etdik".

BAKI, 11 may - Sputnik. Azərbaycan Respublikasının Prezidenti İlham Əliyev və Birinci vitse-prezident Mehriban Əliyeva Tatarıstan Prezidenti Rüstəm Nurqaliyeviçə Kazanda baş vermiş atışmada həlak olanlarla əlaqədar başsağlığı veriblər.

Başsağlığı mətnində deyilir: 

"Hörmətli Rüstəm Nurqaliyeviç.

"Kazan şəhərindəki 175 nömrəli məktəbdə atışma nəticəsində uşaqların və yaşlıların həlak olması haqqında xəbəri dərin hüznlə qəbul etdik.

Bu əvəz edilməz itkiyə görə dərdinizə şərik olaraq Sizə, həlak olanların doğmalarına və yaxınlarına səmimi qəlbdən baş sağlığı verir, zərər çəkənlərin hamısının tezliklə sağalmasını arzu edirik".

 

0