Qoyun sürüsü, arxiv şəkli

Altı da, üstü qızıl olan nemət Hər şeyimiz var, qalır istifadə etmək

735
(Yenilənib 20:33 20.03.2020)
"Yunun 1 kq-nın qiyməti 50 qəpik - 1 manat arasında dəyişir. Bəzi bölgələrdə isə 2 manat həddindədir. 1 manat normal qiymətdir, çünki fermerin satdığı yun qabadır. Yunun uzunluğu 18-20 santimetr olmalıdır ki, baha qiymətə satılsın"

Xalid Məmmədov, Sputnik Azərbaycan

BAKI, 20 mart — Sputnik. Biləsuvarda qoyunçuluq təsərrüfatları yunun satışı ilə bağlı çətinlik olduğunu bildirirlər. AZƏRTAC xəbər verir ki, rayonun İsmətli kəndində fəaliyyət göstərən belə təsərrüfatlardan birinə Nizami Mirzəyev rəhbərlik edir. Əsasən yerli şəraitə uyğun cinslərə üstünlük verən fermer hər il 100 baş qoyundan 90 baş bala aldığını deyir: "Hazırda təsərrüfatımızda min başa yaxın qoyun var. 

Bu da hər 100 qoyuna 100 bala deməkdir. Gəlirimiz yaxşıdır. Sadəcə yunun satışı ilə bağlı çətinliyimiz olur. Mənim kimi başqa fermerlər də var ki, bu problemlə qarşılaşır. 1000 baş qoyundan alınan yun təxminən 2 tona çatır. Onun satışı üçün yer olsa, yaxşı olar. İstərdik ki, rayonumuzda yun emalı müəssisəsi olsun".

Yun satışı ilə bağlı Kənd Təsərrüfatı Nazirliyinin Aqrar Elm və İnnovasiya Mərkəzinin şöbə müdiri Nicat Nəsirli Sputnik Azərbaycan-a danışıb.

O bildirib ki, vaxtilə Sovet dövründə Azərbaycanda yun tədarük məntəqələri, yun emalı müəssisələri olub və yun sənayesi inkişaf edib: "1960-1970-ci illərdə Azərbaycanda xırdabuynuzlu heyvanlar arasında elmi-seleksiya işləri həyata keçirilib və bu işlər nəticəsində yundan istifadə etmək üçün yumşaq və yarımqaba yun verən qoyun cinsləri yayılmışdı. Amma sonrakı dövrlərdə elmi-seleksiya işləri dayandı, qoyunçuluqda cins tərkib itdi".

Onun sözlərinə görə, qaba yun emal sənayesi üçün yararlı deyil: "Bizim heyvanların yunu qaba olduğuna görə emal sənayesi üçün yararlı deyil. Fermerlər bunu nəzərə almalıdırlar. Qaba yundan yalnız müəyyən xüsusi geyimlərin hazırlanmasında istifadə olunur və buna da tələbat azdır. Problemin kökü bundadır. Çıxış yolu budur ki, Azərbaycanda yumşaq və ya yarımqaba yun verən heyvan cinsləri yenidən bərpa edilməli və təsərrüfatlarda yayılmalıdır. Bunlar olmalıdır ki, biznes üçün əsas yaransın və investisiya qoyan sahibkar bu yuna bazarda tələbatın olduğunu bilsin".

O bildirib ki, bizdə kənd təsərrüfatında ciddi problemlərdən biri resurs qoruyucu texnologiyaların olmamasıdır: "Məhz heyvan mənşəli məhsullar zibilxanaya atılır ki, bunlara yunu, heyvan qanını misal göstərmək olar. Bu gün dünyada heyvan qanından üzvi gübrə əldə edirlər. Resurs qoruyucu texnologiyalar inkişaf etməlidir. Bizdə qoyunçuluqda yunluq cinslər yoxdur. Qoyunçuluqda ətlik, yunluq və südlük cinslər olmalıdır. Bu istiqamətdə bizdə fermerlərin maarifçilik səviyyəsi aşağıdır. Məsələn, bizdə fermer damazlıq heyvanı gedib bazardan alır, amma bu, düzgün deyil. Damazlıq heyvan damazlıq təsərrüfatlardan alınmalı və onların pasportu olmalıdır".

"Yun emalı müəssisələrinin olması kifayət etmir, burada yumşaq yun olmalıdır ki, ondan geyimlər hazırlansın. Birincisi, bizim heyvanların verdiyi yunun çəkisi çox aşağıdır, orta hesabla 2 kiloqram və ondan bir az çox yun verir. İkincisi də yun qabadır. Qaba yundan da yalnız müəyyən xüsusi geyimlərin hazırlanmasında istifadə edilir. Emal sənayesi üçün yumşaq yun olmalıdır", – deyə o qeyd edib.

N.Nəsirli bildirib ki, yunun bir kiloqramının qiyməti 50 qəpik - 1 manat arasında dəyişir: "Bəzi bölgələrdə isə 2 manat həddindədir. 1 manat normal qiymətdir, çünki fermerin satdığı yun qabadır. Yunun uzunluğu 18-20 santimetr olmalıdır ki, baha qiymətə satılsın. Təsərrüfatlarda yun qırxımı düzgün aparılmalı, onun yuyulması, daranması prinsipləri qorunmalıdır".

"Bu gün ölkədə yunluq istiqamətin inkişaf etdirilməsi diqqət mərkəzindədir. Kənd Təsərrüfatı Nazirliyinin Heyvandarlıq Elmi-Tədqiqat İnstitutunda bu məsələ ilə əlaqədar ilkin işlərə başlanılıb. Xarici ölkələrin ən məhsuldar qoyun və keçi cinsləri Azərbaycana gətiriləcək. Yaxın 5 ildə xaricdən gətirilən tanınmış cinslərin yerli cinslər ilə çarpazlaşdırılması nəticəsində cinslərin bərpa olunması prosesi aparılacaq. Artıq məhsuldar keçi cinsləri ölkəyə gətirilib", – deyə o əlavə edib.

Qeyd edək ki, 2019-cu ildə ölkədə yun istehsalı 1,6 faiz artaraq 16,1 min ton olub. İlkin məlumatlara görə, 2020-ci il yanvarın 1-i vəziyyətinə ölkə üzrə 8 milyon 296,3 min baş qoyun və keçi mövcud olub. 2019-cu il yanvarın 1-nə nisbətən qoyun və keçilərin sayı 7,8 min baş (0,1 faiz) azalıb.

735
Neft buruqları, arxiv şəkli

Azərbaycan nefti kəskin bahalaşdı

31
(Yenilənib 11:00 28.10.2020)
"Brent" markalı neftin qiyməti isə 0,61 dollar geriləyərək 40,59 dollar, "Light" markalı neftin qiyməti 0,77 dollar ucuzlaşaraq 38,80 dollar olub

BAKI, 28 oktyabr — Sputnik. Azərbaycan neftinin qiyməti kəskin bahalaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 1,05 dollar artaraq 41,52 dollar təşkil edib.

"Brent" markalı neftin qiyməti 0,61 dollar geriləyərək 40,59 dollar, "Light" markalı neftin qiyməti isə 0,77 dollar ucuzlaşaraq 38,80 dollar olub.

Qeyd edək ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

31
Kompüter arxasında iş, arxiv şəkli

Sən "fəhlə" ol, səni tapacaq: Müharibə hansı sahələrdə kadrlara tələbat yaradıb?

186
(Yenilənib 00:17 28.10.2020)
"Ölkəmizdə hərbi vəziyyətlə bağlı nə Təhsil Nazirliyinə, nə də ki Peşə Təhsili üzrə Dövlət Agentliyinə kadr hazırlığı ilə bağlı istək daxil olub"

Zülfiyyə Quluyeva, Sputnik Azərbaycan

BAKI, 28 oktyabr — Sputnik. Ölkəmizdə müharibə vəziyyəti bəzi sahələr üzrə ixtisaslı kadrların hazırlanması məsələsini gündəmə gətirib. "Facebook" sosial şəbəkəsində son günlər orduda müəyyən ixtisaslar üzrə hazırlıqlı kadrların işə qəbulu ilə bağlı məlumatlar paylaşılır. Sputnik Azərbaycan hərbi vəziyyətdə hansı peşələr üzrə ixtisaslı kadrlara daha çox tələbat olduğunu araşdırıb.

Azərbaycan İnternet Forumunun prezidenti Osman Gündüz bildirib ki, Azərbaycanda "İnsansız Hava Vasitələri (IHV) mühəndisi" ixtisası üzrə kadrların hazırlanması vacibdir: "Hərbi dronların, yəni pilotsuz uçan aparatların müxtəlif növləri var. Kəşfiyyat-müşahidə dronu, silahdaşıyan dron, kamikadze dron və s. Dronların hamısı ya yerdən, ya da təyyarədən, dronla əlaqəli idarəetmə mərkəzindən idarə olunur.

Son zamanlar kommersiya dronları da ciddi olaraq gündəmə gəlib. Yəni müxtəlif yükləri hansısa ünvana çatdıran, xidmət göstərən dronlara böyük investisiyalar yatırılır. Dronları idarə etmək üçün peyk və kosmik texnologiyalara, İKT-yə əsaslanan mərkəz qurulur. Monitor arxasında oturan operatorlar idarəetmə mərkəzindən 150-300 km məsafədə uçan dronu idarə edərək qarşıya qoyulan vəzifəni yerinə yetirməlidirlər. Əgər kamikadze dron deyilsə, onu geri, bazaya da qaytarmalıdır.

Artıq dron əleyhinə texnologiyalar yaranmağa başladığından dronu qorumaq da ciddi bir problemə çevrilib. Həm də hərbi dronlardan sürü halında istifadə etdikdə daha böyük effekt verir. Türkiyə tərəfindən sürü halında istifadə olunan dronlar Suriya və Liviya müharibəsində hədsiz böyük uğur qazanıb. Xarici ekspertlər artıq indidən yazırlar ki, Azərbaycanın apardığı Vətən Müharibəsi də mahiyyətcə "dron müharibəsidir". Azərbaycan tərəfindən istifadə olunan dronların düşmənin yüzlərlə hərbi texnikasını, tanklarını və zenit qurğularını, hətta ballistik raketlərini məhv etməsi xarici mətbuatın diqqət mərkəzində olan mövzudur. Düşünürəm ki, ən yaxın zamanlarda bizdə dronlarla əlaqəli çox sayda mütəxəssislərə ciddi ehtiyac yaranacaq".

O.Gündüz bildirir ki, hazırda ölkəmizdə, Müdafiə Sənayesi sistemində və AMEA Yüksək Texnologiyalar parkında hərbi və ya kommersiya yönümlü müxtəlif dronlar istehsal olunur: "Dronların hazırlanması və idarə olunması üzrə mütəxəssisləri necə hazırlaya bilərik? Bu sahədə həm elektron mühəndislərə və həm də dronları idarə edən "Dron operatoru" və ya "Dron pilotu"na ehtiyac yaranacaq. Beynəlxalq təcrübəyə nəzər salanda görmək olar ki, dünyanın bir çox universitetləri artıq bu istiqamətdə kadrlar hazırlayır. Fikrimcə, Azərbaycan Texniki Universiteti və Milli Aviasiya Akademiyası bu sahənin inkişafına ciddi töhfələr verə bilər. Bildiyim qədər, artıq AzTU-da bu istiqamətdə ciddi işlər aparılır. AzTU-da bir neçə ildir ki, müxtəlif hərbi ixtisaslar üzrə ayrıca bölmə var. Müdafiə Sənayesi üzrə dövlət qurumu ilə birgə fəaliyyət göstərirlər və hərbi sahə üzrə mütəxəssislər hazırlayırlar. AzTU nəzdində iki kollec də var. Rabitə və Texniki yönümlü bu kolleclərdə növbəti ildən dron sahəsi üzrə operatorların hazırlanması istiqamətində işlərə başlandığı bildirilir. Düşünürəm ki, ciddi resurslara malik Milli Aviasiya Akademiyası da bu sahədə mütəxəssislərin yetişdirilməsinə və ümumiyyətlə bu sahənin inkişafına böyük töhfələr verə bilər".

Peşə Təhsili üzrə Dövlət Agentliyinin Hüquq, insan resursları və informasiya şöbəsinin müdiri vəzifəsini icra edən Ceyran Məmmədli Sputnik Azərbaycan-a açıqlamasında bildirib ki, yeni ixtisaslara tələbin qarşılanması müvafiq müraciət əsasında həyata keçirilir:

"Peşə Təhsili üzrə Dövlət Agentliyi yeni ixtisası öz-özünə açmır. Bunun üçün işəgötürənlər tərəfindən müvafiq məlumat təqdim edilməlidir. Çünki növbəti mərhələdə o kadrların işlə təmin olunması məsələsi gəlir. Digər yeni ixtisaslara gəlincə, bu, həm özəl, həmçinin də dövlətin marağı və təklifi əsasında formalaşan ixtisaslar ola bilər. Amma ölkəmizdə hərbi vəziyyətlə bağlı nə Təhsil Nazirliyinə, nə də Peşə Təhsili üzrə Dövlət Agentliyinə kadr hazırlığı ilə bağlı istək daxil olub".

Qeyd edək ki, müharibə dövründə ordumuz Ermənistan Silahlı Qüvvələrinin xeyli sayda hərbi texnikasını qənimət kimi əldə edib. İstər həmin texnikaların, istər də ordmuzun istifadə etdiyi hərbi texnikaların saz vəziyyətdə saxlanılması bu sahə üzrə ixtisaslı ustalara tələbatı artırır.

C.Məmmədli bildirir ki, hazırda aşpaz peşəsindən sonra avtomobil təmiri və çilingər sahəsi üzrə kadr hazırlığı ən çox maraq olan ixtisaslardır. O, hazırda bu ixtisaslar üzrə kadr hazırlığı aparıldığını söyləyir.

Vətəndaşların Əmək Hüquqlarının Müdafiəsi Liqasının sədri Sahib Məmmədov isə Sputnik Azərbaycan-a bildirib ki, Azərbaycanın Ali Baş Komandanının zəkası və peşəkarlığı sayəsində bu gün hərbi sahədə arxa cəbhədə belə mütəxəssis qıtlığı müşahidə olunmur: "Azərbaycan 27 ildir ki, müharibə vəziyyətində olan ölkədir. Bizim ölkəmizdə uzun illərdir ki, arxa cəbhədə texnikaların təmiri, eləcə də müvafiq hərbi texnikaların idarəolunması üzrə kadrlar hazırlanıb. Odur ki, hazırda bu sahələrdə kadr problemi yaşanmır. Əgər hansısa yeni ixtisasların hazırlanmasına ehtiyac olarsa, Azərbaycanda müxtəlif profilli ali və peşə təhsili müəssisələri var. Həmin müəssisələr ehtiyac olan sahələr üzrə kadr hazırlamaq gücündədir".

186
Teqlər:
Ermənistan-Azərbaycan, Dağlıq Qarabağ münaqişəsi, hərbi, operator, dron, peşə, müharibə
Əlaqədar
Ermənistanın "vurduğu" Azərbaycan PUA-sı "kukuruznik" çıxdı
Müdafiə Sənayesi Nazirliyi "İti qovan" PUA-larının istehsalını davam etdirir
Ekspert: ““Ali təhsil haqqında” qanun keyfiyyətin artmasına xidmət edəcək”
Azərbaycanın endirdiyi PUA-nı Ermənistan ordusuna PKK verib?
Casus sizə düşündüyünüzdən daha yaxın, ondan qurtulmağın yolu isə çox asandır
 Distant təhsil, arxiv şəkli

"Virtual məktəb" platforması yenilik: Azərbaycan dilində fəaliyyət göstərəcək

0
(Yenilənib 17:40 28.10.2020)
"Noyabr ayının 2-dən etibarən "Virtual məktəb" platforması tam Azərbaycan dilində bir portal olacaq. Şagird və müəllimlər ana dilində bu platformadan daha rahat istifadə edə biləcəklər"

Zülfiyyə Quluyeva, Sputnik Azərbaycan

BAKI, 28 oktyabr — Sputnik. Noyabrın 2-dən etibarən "Virtual məktəb" platforması Azərbaycan dilində fəaliyyət göstərəcək. Bu məlumatı Sputnik Azərbaycan-a açıqlamasında Təhsil Nazirliyi yanında Təhsilin İnformasiyalaşdırılması İdarəsinin şöbə müdiri Fidan Nəcəfova verib. O bildirib ki, bu həftə həmin məsələ ictimaiyyətə elan ediləcək:

"Biz bununla bağlı hələ yayda açıqlama vermişdik ki, oktyabr ayında "Virtual məktəb" platformasının ana dilində istifadəsi mümkün olacaq. Qeyd edim ki, "Virtual məktəb" platformasından türk dilində istifadə mümkün idi. Amma rus dilində təhsil alan şagirdlər türk dili ilə bağlı müəyyən problem yaşayırdılar. Artıq noyabr ayının 2-dən etibarən "Virtual məktəb" platforması tam Azərbaycan dilində bir portal olacaq. Şagird və müəllimlər ana dilində bu platformadan daha rahat istifadə edə biləcəklər".

Xatırladaq ki, Təhsil Nazirliyinin Təhsil Sisteminin İnformasiyalaşdırılması İdarəsinin rəisi Vüsal Xanlarov brifinqlərin birində "Microsoft Teams" platformasının Azərbaycan dilinə tərcümə olunmasını diqqətə çatdırmışdı. O bildirmişdi ki, bununla bağlı "Microsoft Teams" şirkətinə müraciət edilib və artıq tərcümə prosesi gedir. Yay aylarında isə şirkət tərəfindən 30 min istifadəçiyə proqramdan istifadə qaydaları ilə bağlı təlim keçilib.

0
Əlaqədar
Nazirin açıqlaması ilə məhv olan ümidlər: onda bəs Virtual Məktəb nəyə gərək idi?
Birinci sinif üzrə də "Virtual Məktəb"də qeydiyyata başlanılıb
Uşaqlar virtual və real məktəb arasında seçim edirlər – SORĞU
Təki oxumağa istək olsun: "Virtual məktəb"ə direktorlar da nəzarət edəcək