TIR, arxiv şəkli

Qidalarımız gəlir, narahatlığa əsas yoxdur Şirkətlər əmin olun deyirlər

842
(Yenilənib 21:07 18.03.2020)
“Azmil” LTD şirkətinin rəsmisi: “Sərhədlərin bağlanmasının yük daşımaya heç bir aidiyyəti yoxdur. Yük maşını gömrükdə yoxlanılır, dərmanlanır, sonra buraxılır. Belə olan halda da sərhəddə gözləmələr və gecikmələr olur. Amma dayanmır, gəlir”

Nigar İsgəndərova, Sputnik Azərbaycan

BAKI, 19 mart — Sputnik. Azərbaycan dünyanı ağuşuna almış koronavirus səbəbindən təcrid olunmuş vəziyyətə düşüb. Martın əvvəlində ölkəmizin İran və Gürcüstanla sərhədləri bağlandı. Təxminən bir həftə öncə Türkiyə ilə sərhəd qapandı, 2 gün öncə isə Rusiya ilə gediş-gəliş dayandırıldı.

Faktiki olaraq bu gün Azərbaycan bütün ətraf dövlətlərlə əlaqəsini kəsib. Hökumət başçılarının qarşılıqlı razılığına əsasən, koronavirus infeksiyasının yayılmasının qarşısının alınması məqsədilə vətəndaşların bu ölkələrə qarşılıqlı səfərlərinin müvəqqəti olaraq dayandırılması barədə qərar qəbul edilib.

Belə bir şəraitdə bir çoxlarını narahat edən suallardan biri də, bu cür məhdudiyyətlərin yük daşıyan şirkətlərinin fəaliyyətinə necə təsir etməsidir.

Sputnik Azərbaycan bununla bağlı olaraq karqo şirkətləri arasında sorğu keçirib. Öncə geyim və bu kimi məhsulların sifarişini həyata keçirən məşhur karqo şirkətləri ilə əlaqə saxladıq.

Şirkətlərin nümayəndələri mövcud durumun onlara aid olmadığını bildirdilər. Onların sözünə görə, koronavirus pandemiyası ilə bağlı Azərbaycandan dünyanın bir çox ölkəsinə səfərlər qarşılıqlı olaraq dayandırılsa da, mövcud durum Azərbaycana karqo yüklərinin göndərilməsinə aid deyil.

Gürcüstan xarici vətəndaşlar üçün sərhədlərini bağlayır

Bununla yanaşı, şirkətlər işlərində çətinliklər ola biləcəyini də istisna etmirlər. Karqo şirkətlərinin birindən bildirilib ki, səfərlər üçün Türkiyə ilə quru sərhədi bağlandığına görə karqo təyyarələrində normadan artıq yüklənmə ola bilər. Bu səbəbdən də sifarişçilərdən anlayışlı olmaları tələb olunur.

Maraqlıdır, mövcud durum irihəcmli yük daşımalarına necə təsir edib?

Aylıq olaraq müxtəlif sahibkarların sifarişini dəmir yolu, gəmi və avtomobil yolu ilə həyata keçirən, daha böyük yük daşımaları icra edən “Azmil” LTD şirkətindən verilən məlumatda koronavirusun onların fəaliyyətinə hansısa təsiri olmadığı bildirilib: “Sərhədlərin bağlanmasının yük daşımaya heç bir aidiyyəti yoxdur. Sadəcə olaraq, bir məhsul əvvəl 2 günə gətirilirdisə, indi 3 günə və daha uzun müddətə gəlib çatır. Amma dayanmır, gəlir. Yük maşını gömrükdə yoxlanılır, dərmanlanır, sonra buraxılır. Təbii ki, belə olan halda da sərhəddə gözləmələr və gecikmələr olur”.

Daha çox Rusiya, Türkiyə, Çindən məhsulların gətirildiyini deyən şirkət rəsmisi gətirilmə xərcinin məhsullara görə dəyişdiyini deyir: “Bu qiymətlər təxminən 1000-100 min dollar civarında dəyişir”.

Ümumilikdə koronavirusla əlaqədar olaraq yaranan son vəziyyətin qiymətlərə təsir etmədiyi bildirilib. Yalnız müəyyən qədər gecikmələrin ola biləcəyi istisna deyil.

842
Neft buruğu, arxiv şəkli

Dünyada neft ucuzlaşır

8
(Yenilənib 11:00 22.10.2020)
Neftin qiyməti qlobal neft tələbatının bərpa prosesinin ləngidiyinə dair narahatlıqlar fonunda ucuzlaşır.

BAKI, 22 oktyabr — Sputnik. Azərbaycan neftinin qiyməti ucuzlaşır.

Sputnik Azərbaycan xəbər verir ki, "Azeri Light" markalı neftin bir barelinin qiyməti 0,52 dollar ucuzlaşaraq 41,49 dollar təşkil edib.

"Brent" markalı neftin qiyməti 0,16 dollar geriləyərək 41,57 dollar, "Light" markalı neftin qiyməti isə 0,19 dollar ucuzlaşaraq 39,84 dollar olub.

Qeyd edək ki, neftin qiyməti qlobal neft tələbatının bərpa prosesinin ləngidiyinə dair narahatlıqlar fonunda ucuzlaşır.

Xatırladaq ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

8
Fermer taxıl yığır, arxiv şəkli

Bu il özünüməşğulluq proqramına cəlb olunanların sayı 8 minə çatır

22
(Yenilənib 23:44 21.10.2020)
2020-ci il ərzində proqram çərçivəsində 12 min ailənin kiçik biznesə çıxışının təmin edilməsi nəzərdə tutulub

BAKI, 21 oktyabr — Sputnik. Özünüməşğulluq proqramına cəlb olunanlardan 3200-dən çox şəxsə aktivlər verilərək ailə təsərrüfatları yaradılıb. Sputnik Azərbaycan-ın məlumatına görə, bu barədə Əmək və Əhalinin Sosial Müdafiəsi Nazirliyinin yaydığı məlumatda qeyd olunub.

Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi tərəfindən əsasən həssas əhali qruplarından olan şəxslərin özünüməşğulluq proqramına cəlb olunması işləri davam etdirilir. Bu ilin ötən dövründə 8 minə yaxın işsiz və işaxtaran şəxs proqrama cəlb olunub. Onlardan artıq 3200-dən çox şəxsə biznes planlarına uyğun olaraq mal və materiallar formasında aktivlər verilməklə, kiçik ailə təsərrüfatları yaradılıb. 2020-ci il ərzində proqram çərçivəsində 12 min ailənin kiçik biznesə çıxışının təmin edilməsi nəzərdə tutulub. Proqramın icrası zamanı əlilliyi olan şəxslərə, şəhid ailələrinə, məcburi köçkünlərə, ünvanlı sosial yardım alan ailələrin üzvlərinə, qadınlara daha çox üstünlük verilir.

22
Bakıda üzərində Qarabağ Azərbaycandır! yazısı olan avtobus

BNA Azərbaycan əsgərinə dəstək şüarları hazırladı

0
Sərnişinlərimizin rəğbətinə səbəb olan digər bir maraqlı məqam isə "BakuBus"a məxsus iki avtobusun vətənpərvərlik mövzusuna aid tərtibatda xəttə çıxarılmasıdır.

BAKI, 22 oktyabr — Sputnik. Ali Baş Komandanın rəhbərliyi altında düşmənə sarsıdıcı zərbələr endirərək xalqımıza qələbə sevinci bəxş edən şanlı Ordumuza dəstək məqsədilə paytaxtın ictimai nəqliyyat vasitələri və infrastrukturu da vətənpərvərlik ruhunda bəzədilib. Bu barədə Sputnik Azərbaycan-a Bakı Nəqliyyat Agentliyinin Mətbuat katibi Mais Ağayev məlumat verib.

O bildirib ki, küçə və prospektlərdəki elektron lövhələrdə dövlət başçısının tarixə düşən ifadəsi "Qarabağ Azərbaycandır!" sözləri, həmçinin Bakıdan hazırda işğalda olan, eləcə də rəşadətli Ordumuzun azad etdiyi şəhər və rayonlara olan məsafəni bildirən məlumatlar əks olunub: "Heydər Əliyev prospekti-Hava limanı-Bilgəh və Zığ dairəsi-Hava limanı avtomagistrallarındakı elektron tablolarda da "Qarabağ Azərbaycandır!" və "Qələbə bizimlədir!" şüarları yazılıb. Vətənpərvərlik əhval ruhiyyəsi "Koroğlu" Nəqliyyat Mübadilə Mərkəzində daha aydın hiss olunmaqdadır. Bayraqlarla bəzədilən mərkəzin "Qarabağ" gözləmə zalının üzərində ölkəmizin xəritəsi və "Qarabağ Azərbaycandır!" sözləri qeyd olunub. Buradakı monitorlarda isə Müdafiə Nazirliyinin Ordumuzun düşmənə endirdiyi sarsıdıcı zərbələrlə bağlı təqdim etdiyi videoçarx nümayiş olunur".

Sərnişinlərimizin rəğbətinə səbəb olan digər bir maraqlı məqam isə "BakuBus"a məxsus iki avtobusun vətənpərvərlik mövzusuna aid tərtibatda xəttə çıxarılmasıdır.

0
Mövzu:
Azərbaycan və Ermənistan arasında müharibə