Bal, arxiv şəkli

Balını ye, arısını soruşma: bazarda vaxtadək əcnəbilər at oynadacaqlar?

556
(Yenilənib 17:49 20.02.2020)
Ekspert: "Bu gün 1 kiloqram balın 20 manat olması alıcının cibinə uyğun deyil. Ona görə də bizdə bal istehlakı aşağı səviyyədədir, çünki əlçatan qida deyil. Ucuz olmalıdır ki, hamı ondan istifadə edə bilsin və istehlak artsın"

Xalid Məmmədov, Sputnik Azərbaycan

BAKI, 20 fevral — Sputnik. Nazirlər Kabinetinin 2020-ci il 7 fevral tarixli 37 nömrəli qərarında "Arıçılıq haqqında" qanuna edilmiş dəyişiklik arıçılıq məhsullarının istehsalı zamanı istifadə olunan avadanlıq və vasitələrin ekoloji təmiz standartlara uyğunluğu üçün sertifikat və baytarlıq şəhadətnaməsi alınmasını nəzərdə tutur. Yəni qərar arıçılıq sahəsində baytarlıq nəzarətini də tənzimləyəcək. Həmçinin o, arıçılıq məhsullarının gigiyenik standartlara uyğunluğuna dair normativləri də müəyyənləşdirir.

Qeyd edək ki, "Arıçılıq haqqında" qanunda arıçılıq məhsulları ilə, arıçılıqda istifadə olunan avadanlıq və vasitələrlə bağlı qida təhlükəsizliyi sahəsində texniki normativ hüquqi aktları təsdiq etmək, baytarlıq nəzarətini həyata keçirmək (baytarlıq şəhadətnaməsini vermək), arıçılıq subyektlərini qida təhlükəsizliyi qeydiyyatına almaq, arıçılıqla məşğul olan təsərrüfatlarda istehsal olunan məhsullara dair gigiyena normativlərini təsdiq etmək arıçılıq sahəsində dövlət tənzimlənməsinin əsas istiqamətlərindən biridir. Ötən il həmin qanunun 5-ci maddəsinə (Arıçılıq sahəsində dövlət tənzimlənməsinin əsas istiqamətləri) bu istiqamətdə dəyişiklik edilib.

Kənd Təsərrüfatı Nazirliyinin Aqrar Elm və İnnovasiya Mərkəzinin şöbə müdiri Nicat Nəsirli Sputnik Azərbaycan-a deyib ki, burada avadanlıq və vasitələrin texniki şərtlərindən söhbət gedir: "Baytarlıq şəhadətnaməsi ildə bir dəfə alınır. Ölkədə təxminən 300 mindən çox insan arıçılıqla məşğul olur və illik bal istehsalı təqribən 5 min ton civarındadır. Bu sahədə artım var və bunu stimullaşdıran əsas faktor arıçılığın subsidiyalaşmaya cəlb olunmasıdır. 2018-ci ildən arıçılara saxladıqları hər arı ailəsinə (pətəyə) görə ildə 10 manat məbləğində subsidiya verilir. Bu gün arıçılar istənilən avadanlığı 40 faiz güzəştlə lizinq qaydasında dövlətdən ala bilərlər. Getdikcə sağlam qida həyat tərzi təbliğ olunur və insanlarda maraq artır. İldə bir dəfə bal yarmarkası keçirilir. Bütün bu mexanizmlər, alətlər arıçılığın inkişafına ciddi təsir göstərir".

Onun sözlərinə görə, amma arıçılıqda inkişaf ilə bərabər, problemlər də var:

"Birincisi, bizdə arıçılıq peşəkarlıq səviyyəsində deyil, ikincisi, arıçılıq məhsulları emal edilməlidir. Bizdə arıçılığın sənayeləşməsi çox aşağı səviyyədədir. Hələ də yeşiklərdən balı əl ilə süzürlər. Bal plastik qabda saxlanmamalı, rütubət təmin olunmalıdır və s. Burada hökmən texniki avadanlıqlar olmalıdır və bunlar ekoloji baxımdan tələblərə, şərtlərə cavab verməlidir. Arıçılıqda istifadə olunan avadanlıq və vasitələr ekoloji baxımdan tələblərə cavab verməlidir".

"Arıçılıqda əsas problemlərdən biri yerli məhsulun maya dəyərinin baha başa gəlməsidir. Bizdə istehsal olunan balın maya dəyəri Gürcüstan, İran və digər ölkələr ilə müqayisədə baha başa gəlir. Balın maya dəyərinin baha başa gəlməsinə təsir edən amillərdən biri arıçılıqda sənayeləşmənin olmamasıdır, yəni əl əməyindən istifadə olunur. Sənayeləşmə olmalıdır ki, istehsalda artım olsun və balın maya dəyəri aşağı düşsün. Ölkəmizin bal ixracı da aşağıdır", - deyə o qeyd edib.

Ekspert bildirib ki, dərman preparatları, texniki vasitələr balın maya dəyərinə təsir edir: "Arıçılığın bütün dərmanları, işlədilən avadanlıq və vasitələr, arıçının papağı, əlcəyi belə xaricdən gətirilir, yerli istehsal yoxdur. Məsələn, bizdə ixtisaslaşmış arı yeşikləri, qutuları düzəldən müəssisə yoxdur, bunlar da xaricdən gəlir. Bütün bunlar xaricdən gəldiyi üçün avtomatik olaraq balın qiymətinə təsir edir. Hər il keçirilən bal yarmarkasında qiymət 20-30 manat müəyyən edilir. Amma etiraf etməliyik ki, bu gün 1 kiloqram balın 20 manat olması alıcının cibinə uyğun deyil. Ona görə də bizdə bal istehlakı aşağı səviyyədədir, çünki əlçatan qida deyil. Ucuz olmalıdır ki, hamı ondan istifadə edə bilsin və istehlak artsın".

Onun fikrincə, maya dəyəri bizim xarici bazardakı mövqeyə də təsir edir: "Biz hələ xarici bazardakı rəqabəti demirik. Əsasən Gürcüstan və İrandan gətirilən bal bizim bazarda yerli bala ciddi rəqabət yaradır. Bu gün Azərbaycan bazarında İran və Gürcüstandan gətirilən ballara daha çox meyl var, çünki qiymətdə fərq var. Və ya bazarda fırıldaqçılar var ki, şirədən bal bişirib satırlar və bu gün küçələr, mağazalar doludur. Bu da sağlam bal üçün ciddi rəqabət yaradır".

N.Nəsirli diqqətə çatdırıb ki, balın qiymətinin ucuz olması üçün kompleks tədbirlər həyata keçirilməlidir:

"İlk növbədə damazlıq arıçılıq olmalıdır. Damazlıq xaricdən gətirilir. Damazlıq məsələsi həll olunmalıdır. Arıçılıqda istifadə olunan avadanlıq və vasitələr ölkədə istehsal edilməlidir və bunun üçün potensial da var. Arıçıların peşəkarlıq səviyyəsi yüksəldilməlidir, yəni arı xəstəlikləri ilə mübarizə apara bilməli, qulluq işlərini düzgün aparmalıdırlar. Digər tərəfdən, arıçılıq məhsullarının qablaşdırılması çox aşağı səviyyədədir, arıçılıq təsərrüfatlarında markalanma, brendləşmə yoxdur".

Onu da qeyd edək ki, 2020-ci ildə respublika üzrə arı ailələrinin sayının 310 minə çatdırılması proqnozlaşdırılır. Cənubi Qafqazda nektar verən bitki örtüyünün 61 faizinin Azərbaycanın payına düşdüyünü nəzərə alsaq, respublikamızda bu sahədə böyük potensial imkanların və perspektivlərin olduğunu aydın görürük.

"Arıçılıq haqqında" qanunun qəbul edildiyi dövrdən sonrakı 10 ildə həm arı ailələrinin sayı, həm bal istehsalı 3,5 dəfə, arıçılıqla məşğul olan təsərrüfatların hər birinə orta hesabla düşən arı ailələrinin sayı isə 11,1-dən 16,4-dək artıb.

"Azərbaycan Respublikasında arıçılığın inkişafının stimullaşdırılması haqqında" Azərbaycan Prezidentinin 2018-ci il 5 mart tarixli sərəncamına əsasən, arıçılıqla məşğul olan fiziki və hüquqi şəxslərə saxladıqları hər arı ailəsinə (pətəyə) görə 10 manat subsidiya müəyyən edilib ki, bu da ölkədə arıçılığın inkişafına öz müsbət təsirini göstərib.

556
Əlaqədar
"Ginnesin Rekordlar Kitab"ına düşməyə iddialı olan Balakən sakini
Öldükdən sonra belə, dərdlərə dərman olan canlı
Ölkəyə bal gətirilməsi qadağan edilə bilər
Mədə dərmanı, üz üçün maska və daha nələr... Bakıda “ən şirin yarmarka” keçirilir
Qışa necə hazırlaşmalı - Arıçılar sirri açırlar
Taxıl yığımı, arxiv şəkli

İndiyədək fermerlərə qədər güzəştli mikrokredit verilib?

5
(Yenilənib 13:57 03.06.2020)
Aqrar mikrokreditlər 15 min manatadək məbləğdə, illik 12% olmaq şərtilə, təminatsız və 3 ilədək müddətdə verilir.

BAKI, 3 iyun — Sputnik. İyunun 1-dək 512 fermerə 5.2 milyon manat kənd təsərrüfatı təyinatlı güzəştli mikrokredit verilib. Bu vəsaitin 4.5 milyon manatı hevvandarlıq, 335 min manatı əkinçilik, 208 min manatı bağçılıq, 102 min manatı isə arıçılıq və digər ailə kəndli-fermer təsərrüfatlarının qurulmasına və inkişafına ayrılıb.

Bu barədə Kənd Təsərrüfatı Nazirliyinin mətbuat xidmətindən Sputnik Azərbaycan-a məlumat verilib.

Mikrokreditlərin verilməsinə bu il may ayının 23-dən başlanıb. Azərbaycan Prezidenti İlham Əliyevin 8 aprel 2020-ci il tarixli fərmanları ilə Azərbaycan Respublikası Kənd Təsərrüfatı Nazirliyi yanında Aqrar Kredit və İnkişaf Agentliyinin (AKİA) Əsasnaməsində və "Azərbaycan Respublikasının Kənd Təsərrüfatı Nazirliyi yanında Aqrar Kredit və İnkişaf Agentliyinin vəsaitindən istifadə Qaydası"nda dəyişikliklərin edilməsi, daha sonra isə ölkə başçısının "Koronavirus pandemiyası şəraitində və sonrakı dövrdə kənd təsərrüfatı məhsulları istehsalçılarının mikrokreditlərlə təminatının yaxşılaşdırılması üçün vəsait ayrılması haqqında" imzaladığı Sərəncamla AKİA-ya 30 milyon manat vəsaitin ayrılması aqrar mikrokreditlərin verilməsi üçün hüquqi baza yaradıb və portfel formalaşdırıb. Bu portfelə ölkənin ən böyük holdinqlərindən olan "Paşa Holding" MMC 5 milyon manat vəsait əlavə edib.

"Ötən ay yarım ərzində 512 fermerə 5.2 milyon manat mikrokreditin verilməsi, orta çekin 10 min manat ətrafında olması bizə bir ildən də az zaman ərzində mövcud portfelimizdən 3500-dən çox fermerin faydalanacağını söyləməyə əsas verir. Mikrokreditləri çıxmaq şərtilə 2018-ci ildən bu il iyunun 1-dək cəmi 885 kənd təsərrüfatı məhsulu istehsalçısına güzəştli nağd pul krediti verilib. Bu göstərici mikrokredit mexanizminin daha geniş istehsalçı kütləsini əhatə etməklə kənd təsərrüfatının inkişafında xidmət edəcəyini və daha çox kəndli fermer ailəsinin bu dövlət dəstəyindən faydalanacağını təsdiqləyir", - deyə Aqrar Kredit və İnkişaf Agentliyinin sədri Mirzə Əliyev vurğulayıb.

Qeyd edək ki, aqrar mikrokreditlər 15 min manatadək məbləğdə, illik 12% olmaq şərtilə, təminatsız və 3 ilədək müddətdə verilir.

5
Neft buruğu, arxiv şəkli

Neftin qiyməti 40 dolları aşdı

4
(Yenilənib 21:25 03.06.2020)
Martın 6-da OPEC+ ölkələri hasilatın azaldılması haqqında razılığa gələ bilməyiblər. Bundan sonra neft qiymətləri düşməyə başlayıb.

BAKI, 3 iyun — Sputnik. Martın 6-dan etibarən ilk dəfə olaraq "Brent" markalı neftin qiyməti 40 dollardan yuxarı qalxıb.

Sputnik Azərbaycan "Bloomberg" agentliyinə istinadən xəbər verir ki, Bakı vaxtı ilə saat 10:58-də "Brent" neftinin avqust fyuçerslərinin qiyməti bir barelə görə 40,36 dollara yüksəlib.

Saat 10:58-də "WTI" neftinin iyul fyuçerslərinin bir barelə görə qiyməti 37,83 dollar təşkil edib.

İnvestorlar qarşıdakı OPEC+ iclasını dəyərləndirməyə davam edirlər. Medianın məlumatına görə, təşkilat hasilatın ixtisarını bir-üç ay müddətinə uzadılması imkanını nəzərdən keçirir.

Martın 6-da OPEC+ ölkələri nə hasilatın azaldılması haqqında Sazişin parametrlərinin dəyişdirilməsi, nə də onun uzadılması barədə razılığa gələ biliblər. Bundan sonra neft kotirovkaları düşməyə başlayıb. Nəticədə aprelin 1-dən etibarən alyans ölkələrində neft hasilatına qoyulan məhdudiyyətlər aradan qaldırılıb. Mart ayı ərzində neft iki dəfədən çox ucuzlaşıb.

Apreldə təşkilat istehsal həcminin may-iyun aylarında 9,7 milyon barel, ikinci yarımillikdə 7,7 milyon barel və 2022-ci il aprelin sonuna qədər 5,8 milyon barel azaldılmasına dair razılığa gəlib.

4

Cəbhədə son durum: müxtəlif istiqamətlərdən atırlar

0
Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 22 dəfə pozub

BAKI, 4 iyun — Sputnik. Ermənistan Respublikası Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən mövqelərimiz atəşə tutulub.

Sputnik Azərbaycan Müdafiə Nazirliyinin mətbuat xidmətinə istinadən bildirir ki, Tərtər rayonunun işğal altında olan Göyarx, Çiləbürt, Ağdam rayonunun Yusifcanlı, Xocavənd rayonunun Kuropatkino, Füzuli rayonunun Aşağı Veysəlli, Horadiz kəndləri yaxınlığında yerləşən mövqelərdən ordumuzun mövqeləri atəşə tutulub.

 

 

0
Əlaqədar
MN: "Bu hərəkətin qarşısı güc tətbiq edilməklə dərhal alınacaq"
Ermənistan ordusu yenə dinclik vermir
Ermənistanın bu addımı azərbaycanlı məcburi köçkünlərə qarşı həqarətdir - Tural Gəncəliyev
Qarabağın azərbaycanlı icması: Erməni icmasını dialoqa dəvət edirik