Pulun sayılması, arxiv şəkli

Sosial müavinətlə bağlı dəyişiklik gəlir: Pis ya yaxşı olmasına özünüz qərar verin

1317
(Yenilənib 16:14 12.12.2019)
Ekspert: "İndiki halda sosial müavinət minimum pensiyanın 65 faizidir. Sosial müavinətin minimum pensiyanın 85-90 faizinə çatdırılmasına ehtiyac var"

Xalid Məmmədov, Sputnik Azərbaycan

BAKI, 12 dekabr — Sputnik. Pensiya hüququ əldə edə bilməyən şəxslərin yaşa görə sosial müavinət almaq hüququ var. Hazırda kişilərdə əmək pensiyası üzrə yaş həddi 64,5, qadınlarda isə 61,5 olduğu halda, sosial müavinətlərin təyin edilməsi zamanı kişilərin 67, qadınların isə 62 yaşını tamamlaması tələb olunur. Əmək və Əhalinin Sosial Müdafiəsi Nazirliyinin məlumatına görə, bu yaş həddinin azaldılması və pensiya yaşı ilə bərabərləşdirilərək sosial müavinət təyin edilməsi barədə qanunvericiliyə dəyişiklik büdcə paketi ilə birlikdə Milli Məclisə təqdim olunub və təsdiq edilib.

İqtisadçı-ekspert Vüqar Bayramov sosial müavinət ilə bağlı yaş həddinin azaldılması və pensiya yaşı ilə bərabərləşdirilməsi məsələsini Sputnik Azərbaycan-a şərh edib.

İqtisadçı bildirib ki, yaşa görə sosial müavinət əmək pensiyası almaq hüququ olmayan vətəndaşlara təklif edilən sosial yardımdır: "Sosial müavinət ilə bağlı yaşın pensiya yaşına uyğunlaşdırılmasına ehtiyac var idi. Azərbaycan qanunvericiliyinə əsasən, hazırda kişilər üçün pensiyaya çıxma yaşı 64 il 6 aydır, qadınlar üçün isə 61 il 6 aydır. Bundan əvvəl kişilər üçün pensiyaya çıxma yaşı 64 il, qadınlar üçün isə 61 il idi. Hər il pensiya yaşı 6 ay artırılır. Amma sosial müavinətin təyin edilməsinə görə, kişilərin 67, qadınların isə 62 yaşını tamamlaması tələb olunur".

"Bundan öncə biz pensiya yaşı ilə sosial müavinət yaşının eyniləşdirilməsini təklif etmişdik. Hazırda pensiyaya çıxmaq üçün ya 25 il sığorta stajı, ya da 28 min 800 manat minimum pensiya kapitalı olmalıdır. Yəni ikisindən biri imkan verir ki, vətəndaş əmək pensiyası alsın. Əgər vətəndaş 25 il işləməyibsə və 28 min 800 manat kapital yığa bilməyibsə, o zaman pensiya hüququ əldə edə bilmir və 67 yaşında sosial müavinət alır", – deyə o qeyd edib.

Ekspert bildirib ki, amma indi sosial müavinət yaşı pensiya yaşı ilə bərabərləşdirilir: "Yəni bu o deməkdir ki, vətəndaşın 65 yaşında pensiya yaşı tamam olandan sonra onun əmək pensiyası ala bilmə məsələsinə baxılır. Əgər əmək pensiyası ala bilirsə, ona əmək pensiyası təyin edilir. Pensiya ala bilməsə, bu zaman sosial müavinət təyin ediləcək. Yaşa görə sosial müavinət bu ilin aprelin 1-dən etibarən 130 manatdır. Bu məbləğin də artırılmasını təklif edirik. Çünki xüsusən pensiya yaşına çatmış vətəndaşlar üçün 130 manat kiçik rəqəmdir. Bunun mərhələli şəkildə artırılıb minimum pensiya (hazırda 200 manatdır) həddinə çatdırılmasını təklif edirik".

"İndiki halda sosial müavinət minimum pensiyanın 65 faizidir. Sosial müavinətin minimum pensiyanın 85-90 faizinə çatdırılmasına ehtiyac var. Gələcəkdə minimum pensiya məbləği artdıqca sosial müavinətin də artırılmasına ehtiyac var ki, xüsusən pensiya yaşına çatmış vətəndaşların xərclərini ödəmək mümkün olsun", – deyə ekspert əlavə edib.

Şad xəbər gəldi – Artıq pensiya üçün yığdığınız pul “öz-özünə” artacaq

Qeyd edək ki, "Sosial müavinətlər haqqında" qanuna görə, sosial müavinətlər bu qanunla müəyyən edilmiş qaydada ayrı-ayrı kateqoriya şəxslərə sosial yardım göstərilməsi məqsədilə aylıq və ya birdəfəlik ödənilən pul vəsaitidir. Müavinətlər şəxsin yaşayış yeri üzrə müvafiq icra hakimiyyəti orqanları tərəfindən təyin edilir və ödənilir. Bu qanun Azərbaycanda sosial müavinətlərin təyin olunması və verilməsinin hüquqi əsaslarını müəyyən edir və bu sahədə yaranan digər münasibətləri tənzimləyir.

1317

Vüqar Hüseynov azad edilmiş ərazilərin kənd təsərrüfatının inkişafına təsirini açıqlayır

6
(Yenilənib 09:17 31.10.2020)
Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsinin müdiri Vüqar Hüseynov deyir ki, kənd təsərrüfatının inkişafı mərhələli şəkildə həyata keçiriləcək
Vüqar Hüseynov: “Kənd təsərrüfatının gələcək inkişafının planlaşdırılması nəzərdə tutulur”

“İşğaldan azad edilmiş ərazilərimizdə kənd təsərrüfatının gələcək inkişafının planlaşdırılması nəzərdə tutulur”. Sputnik Azərbaycan xəbər verir ki, bu sözləri AZƏRTAC-a məxsusi açıqlamasında Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsinin müdiri Vüqar Hüseynov deyib.

“Planlaşdırma, ilk növbədə, azad edilmiş rayonlarda işğaldan əvvəlki dövrdə populyar olan kənd təsərrüfatı sahələrinin inkişafına hesablanıb. Dağlıq Qarabağ və ətrafdakı rayonlarda hələ sovetlər dövründə üzümçülük, taxılçılıq, pambıqçılıq, tütünçülük, heyvandarlıq çox inkişaf edib. Təkcə dağlıq ərazilərdə yerləşən Kəlbəcər, Laçın, Qubadlı rayonlarında heyvandarlığın yenidən inkişaf etdirilməsi üçün kifayət qədər böyük potensial var. Eyni qaydada üzümçülük ənənələri geniş olan digər rayonlarımızda aqrar sahənin bu istiqamətinin inkişaf etdirilməsi mümkündür. Azad edilmiş ərazilərdə kənd təsərrüfatının inkişafı təbii ki, mərhələli şəkildə həyata keçiriləcək. Əsas odur ki, bunun üçün ciddi potensial və dövlət dəstəyi var” – deyə o bildirib.

Vüqar Hüseynovun fikirlərinə audiofaylda qulaq asa bilərsiniz

6
Pul kisəsi, arxiv şəkli

Saxla samanı... Kartda olan pulları necə artırmalı?

82
(Yenilənib 09:16 31.10.2020)
Deputat: "Faizlərin tətbiqi təşviq edəcək ki, vətəndaş vəsaiti kartda saxlasın, qısa zamanda vəsaiti nağdlaşdırmasın. Bu, bir tərəfdən vətəndaşın gəlir əldə etməsinə, digər tərəfdən isə nağdsız ödənişlərin stimullaşdırılmasına imkan yaradacaq"

Xalid Məmmədov, Sputnik Azərbaycan

BAKI, 31 sentyabr — Sputnik. Kartlarda saxlanılan maaş və pensiyaların üzərinə faiz gələ bilər. Vəsaitin kart hesabında saxlanılması vətəndaşın gəlir əldə etməsinə imkan yaradacaq.

Banklar tərəfindən cari hesab qalıqlarına faiz dərəcələrinin tətbiqi təcrübəsindən istifadənin genişləndirilməsi, bunun əməkhaqqı və pensiya kart hesablarına da şamil edilməsi ödəniş kartı sahiblərində bank hesablarında vəsait saxlamağa stimul yaradacaq. Sputnik Azərbaycan-ın məlumatına görə, bu məsələ "2018–2020-ci illərdə Azərbaycan Respublikasında rəqəmsal ödənişlərin genişləndirilməsi üzrə Dövlət Proqramı"nda öz əksini tapıb.

Məsələ ilə bağlı Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov Sputnik Azərbaycan-a deyib ki, burada əsas məqsəd nağdsız hesablaşmaları stimullaşdırmaqdır:

"Aparılan monitorinqlər göstərir ki, əməkhaqqı və digər ödənişlər plastik kartlara köçürüldükdən sonra qısa zamanda vətəndaşların bir qismi həmin vəsaiti nağdlaşdırırlar. Nəticədə nağd şəkildə ödəniş edirlər. Bu da nağdsız hesablaşmaların dairəsinin genişləndirilməsinə imkan vermir. Nağdlaşdırma ilə bağlı limitlər var. Sadələşdirilmiş vergi subyektləri ay ərzində 15 min manat, ƏDV ödəyiciləri ay ərzində 30 manatı nağdlaşdıra bilərlər. Amma bununla belə vətəndaşlarımızın da plastik kartlardan istifadə etməsi məqbuldur, tövsiyə olunandır. Nəticədə bu addım kart hesabında vəsait saxlamaqla vətəndaşın gəlir əldə etməsinə imkan yarada bilər".

Deputat bildirib ki, bununla bağlı qaydaların müəyyən edilərək tətbiq olunmasına ehtiyac var: "Bu qaydalar tətbiq edilərsə, həm plastik kartlarda, həm də digər təqaüd kartlarında olan vəsaitlərdə faizin hesablanması mümkündür. Çünki burada praktiki olaraq hesabda olan vəsaitə faizin hesablanmasından söhbət gedəcək. Faizlərin tətbiqi təşviq edəcək ki, vətəndaş vəsaiti kartda saxlasın, qısa zamanda vəsaiti nağdlaşdırmasın. Bu, bir tərəfdən vətəndaşın gəlir əldə etməsinə, digər tərəfdən isə nağdsız ödənişlərin stimullaşdırılmasına imkan yaradacaq".

Azərbaycan Dövlət İqtisad Universitetinin professoru Elşad Məmmədov da Sputnik Azərbaycan-a deyib ki, kart sahiblərinə stimullaşdırıcı təkliflərin edilməsi işgüzar fəallığın stimullaşdırılmasına və bank kreditlərinin canlandırılmasına şərait yarada bilər: "Ölkədə bu təcrübənin tətbiqi işgüzar mühitə müsbət təsir göstərə bilər. Burada ən mühüm məqam bu vəsaitlərin xərclənməsinin hansı istiqamətlərə yönəlməsidir. Söhbət biznes kreditləşməsinin artımından gedirsə, bu, işgüzar fəallığın artması baxımından müsbət nəticələr verə bilər. Yenə də burada çox şey kredit vəsaitlərinin təyinatından asılı olacaq. Hüquqi-normativ aktların milli iqtisadiyyatımızın inkişafına yönəlik formalaşdırılmasına nail olmalıyıq. Maliyyə möhtəkirliyinə yol verilməməlidir. Hüquqi-normativ aktlarda banklar tərəfindən resursların təyinatı barədə də müddəalar öz əksini tapmalıdır".

Azərbaycan Dövlət İqtisad Universitetinin dosenti Emin Qəribli isə Sputnik Azərbaycan-a deyib ki, kartlarda saxlanılan maaş və pensiyaların üzərinə faizlərin tətbiqi üçün müəyyən vaxt lazımdır: "Məsələn, ƏDV-nin geri qaytarılmasının tətbiqi 1 il gecikdi, çünki burada texniki məsələlər var idi. Bu gün maliyyə sistemində islahatlar aparılır. Maliyyə vəsaitlərinin birbaşa iqtisadiyyata yönəlməsində problemlər var. İndi uçot dərəcəsini yavaş-yavaş aşağı salırlar. Yaxın illərdə institusional dəyişikliklər edilməklə kartlarda saxlanılan maaş və pensiyaların üzərinə faiz dərəcələri tətbiq ediləcək. Lakin bununla bağlı müəyyən normativ-hüquqi aktlar olmalıdır. Və banklar üçün stimullaşdırıcı addımlar atılmalıdır ki, banklar bu məsələdə maraqlı olsunlar".

"Məqsəd odur ki, vətəndaşlar bank hesablarında pulu saxlasınlar və nə qədər çox saxlasalar, onun üzərinə faiz gələcək. Bu addım nağdsız ödənişlərin genişlənməsinə stimul verəcək, şəffaflığa, ağ mühasibatlığa gətirib çıxardacaq. İlk dövrdə faiz dərəcələri elə də yüksək olmaya bilər, amma sonra faizlər arta bilər. Banklara görə faizlər dəyişə bilər. Dövlət də maraqlıdır ki, nağdsız ödənişlər daha da artsın", - deyə o əlavə edib.

Qeyd edək ki, sözügedən Dövlət Proqramının strateji məqsədi vətəndaş, biznes subyektləri və dövlət strukturları arasında nağdsız ödəniş mühitinin xeyli genişlənməsi, nağd dövriyyənin həcminin minimuma endirilməsi və nəticədə bank sektorunun maliyyə resursları bazasının gücləndirilməsidir.

82
Fövqəladə hallar naziri, general-polkovnik Kəmaləddin Heydərov Gəncə şəhərində qəza baş vermiş əraziyə gəlib

Ermənistanın mülki əhalimizə qarşı terror aktları barədə hər kəs məlumatlandırılıb - FHN

0
Fövqəladə Hallar naziri, general-polkovnik Kəmaləddin Heydərov Ermənistan silahlı qüvvələrinin Azərbaycanın dinc əhalisinə qarşı törətdiyi terror xarakterli təxribatları barədə tərəfdaş ölkələrin uyğun qurumları və beynəlxalq təşkilatları məlumatlandırıb.

BAKI, 31 oktyabr - Sputnik. Azərbaycan Respublikasının Fövqəladə Hallar naziri, general-polkovnik Kəmaləddin Heydərov Ermənistan silahlı qüvvələrinin Azərbaycanın dinc əhalisinə qarşı törətdiyi terror xarakterli təxribatları barədə tərəfdaş ölkələrin uyğun qurumları və beynəlxalq təşkilatları məlumatlandırıb.

Bu barədə Sputnik Azərbaycan-a Fövqəladə Hallar Nazirliyindən məlumat verilib.

Məlumatda qeyd olunur ki, 30-a yaxın ölkənin fövqəladə hallarla mübarizə üzrə məsul dövlət qurumları və 20-yə yaxın nüfuzlu beynəlxalq təşkilata, o cümlədən Birləşmiş Millətlər Təşkilatının uyğun qurumları (UN OCHA, UN DRR), Beynəlxalq Mülki Müdafiə Təşkilatı, NATO EADRCC (Avro Atlantik Fəlakətə Cavabın Əlaqələndirilməsi Mərkəzi), Avropa İttifaqının Avropa Mülki Müdafiəsi və Humanitar Yardım Əməliyyatları Baş İdarəsi, Avropa Şurasının Avropa və Aralıq Dənizi üzrə Böyük Risklər Sazişi, Atom Enerjisi üzrə Beynəlxalq Agentlik, GUAM, Qara Dəniz İqtisadi Əməkdaşlıq Təşkilatı, İqtisadi Əməkdaşlıq Təşkilatı və digər aidiyyəti beynəlxalq strukturlara ünvanlanmış məktublarda Ermənistan-Azərbaycan, Dağlıq Qarabağ münaqişəsi barədə həqiqətlər diqqətə çatdırılıb.

Məktublarda Ermənistan silahlı qüvvələri tərəfindən tarixi Azərbaycan torpaqlarının 20 faizinin 30 ilə yaxın işğal altında saxlanılması, işğal olunmuş bölgədən bir milyondan çox soydaşımızın qaçqın və məcburi köçkün vəziyyətinə düşməsi, BMT Təhlükəsizlik Şurasının torpaqlarımızın işğaldan dərhal və qeyd-şərtsiz azad edilməsi tələbi barədə 4 qətnaməsinin hələ də kağız üzərində qalması qeyd olunub.

Ermənistanın terrorçu xislətli hərbi-siyasi rəhbərliyinin qərarı ilə Ermənistan silahlı qüvvələrinin bu ilin 27 sentyabr tarixində Azərbaycanın mülki əhalisini və hərbi obyektləri hədəf alaraq hərbi təxribata əl atması və buna cavab olaraq Azərbaycan Silahlı Qüvvələri tərəfindən əks-həmlə əməliyyatına başlanılması, bu əməliyyatın yalnız Azərbaycan Respublikasının beynəlxalq birlik tərəfindən birmənalı tanınmış torpaqlarında aparılması diqqətə çatdırılıb.

Bildirilib ki, Ermənistan dövlətinin ənənəvi terrorçu davranışlarına uyğun olaraq, Ermənistan silahlı qüvvələri beynəlxalq humanitar hüququn norma və prinsiplərini kobud şəkildə pozaraq Azərbaycan əhalisinin sıx yaşadığı yaşayış məntəqələrini, mülki obyektləri, o cümlədən fərdi və çoxmənzilli yaşayış binalarını, təsərrüfatları ağır artilleriya qurğularından və raketlərdən atəşə tutaraq mülki obyektlərdə dağıntı və yanğınlar törədir, çoxsaylı sakinlərin həlak olmasına səbəb olur. Bu çərçivədə, xüsusilə razılaşdırılmış humanitar atəşkəs rejiminin tələblərini kobudcasına pozaraq döyüş bölgəsindən kənarda yerləşən Azərbaycanın Gəncə, Bərdə, Ağcabədi və digər şəhər və kəndlərinin mütəmadi olaraq ağır artilleriya və raket atəşlərinə məruz qalması, nəticədə çoxsaylı mülki şəxslərin ölümü və ciddi dağıntıların baş verməsi qəti şəkildə pislənilir, bu terrorçu addımlara dərhal son verilməsi üçün dünya birliyinin Ermənistanın hərbi-siyasi rəhbərliyinə ciddi təzyiqlər göstərməsinin vacibliyi vurğulanır.

Qeyd edək ki, məktublara Ermənistan dövlətinin terrorçu xislətini sübut edən foto və videomateriallar, habelə ingilis dilində broşür əlavə olunub.

0